Partia Popullore Europiane në Asamblenë Parlamentare të OSBE-së njoftoi se situata në Shqipëri ishte në qendër të diskutimeve me Kryetarin e Partisë Demokratike, Lulzim Basha.
Duke e cilësuar si shqetësuese situatën e krijuar në Shqipëri, grupi i PPE në OSBE bën të ditur se raportimi i kryetarit Basha ka patur në fokus protestat kundër qeverisë socialiste, korrupsionin, trafikun e drogës dhe zhvillimet jodemokratike në vend.
Në këtë seancë të posaçme dëgjimore morën pjesë edhe anëtarë të Kongresit dhe Senatit amerikan.
Mësohet se gjatë qëndrimit disaorësh në Vjenë, Kreu i opozitës ka zhvilluar takime edhe me drejtues të tjerë të institucioneve ndërkombëtare.
Qëllimi i këtyre takimeve është shpjegimi i situatës politike në Shqipëri, e cila ka në bazë blerjen e zgjedhjeve nga Edi Rama nëpërmjet krimit të organizuar, siç e provojnë përgjimet e dosjes 339.
Basha takohet me kongresmenë, senatorë dhe Popullorët Europianë në OSBE
Shkrimtari i njohur: Edi Ramës duhet t’i ndalohet me ligj të merret me politikë!
Kim MEHMETI
“Shqiptarinë e kanë ngulfatur politikanët si Kryeministri aktual i Shqipërisë, të cilët posa bëhen burrështetas, e humbin pushtetin mbi vetveten! Dhe si të tillë, çdokund rreth vetes, ata shohin individ me të meta fizike e mendore, e me të cilët mund të tallen sa të duan, e kur të duan! Pra si të tillë ata çdokund shohin kazanë ku kalben kundërshtarët e tyre politik, si dhe tepsi me bakllava, që u takon vetëm atyre. Politikanët e tillë bëjnë çmos që paturpësinë dhe krimin ta ngrenë në vlerë politike, me çka debatin politik e zbresin në nivel të zënkave nëpër plazhet nudistike dhe nëpër bordele! Dhe ndodh që politikanët e tillë të jenë zbavitës dhe ekzotik për perëndimorët, por fatkeqësi e madhe e popullit dhe vendin që drejtojnë, ngaqë kanë tipare të kundërta nga ato të qenit besnik: u lëpihen të huajve dhe e lehin dhe e kafshojnë të vetin!
Shqiptarisë nuk i mungojnë as burrështetas të llojit të Presidentit të sotëm të Kosovës, i cili shtetin e sheh si pronë të veten private! Dhe duke e konsideruar vendin si pasuri të veten, ata besojnë se edhe kufijtë e tij ndërrohen si ato të livadheve që i ke trashëguar nga të parët e tu! Dhe ndërtojnë shtet të pabanueshëm për popullin, por parajsë për të afërmit e tyre!
Nëpër ‘Shqipëritë’ tona ka shumë politikanë, të ngjashëm me drejtuesit e BDI-së, të cilët besojnë se posa e vë kravatën e politikanit, nga injorant bëhesh më i mençuri i botës! Dhe politikanët e tillë jo vetëm që e marrin në qaf popullin, por duan ta arrijnë të pamundurën: tu takojë edhe lavdia edhe hajnia!
Thënë shkurt e shqip: ‘Shqipëritë‘ tona kanë përplot politikanë që janë fati i fqinjëve tanë dhe i të huajve, por fatkeqësia jonë! Andaj duhet që një ditë e më parë atyre me ligj t’u ndalohet të merren me politikë! Dhe këtë duhet bërë edhe kur kjo nuk u pëlqen miqve tanë perëndimorë, të cilët kanë filluar të besojnë se shqiptaria është një kopsht i mbrojtur nga mjeranë të paaftë ta njohin dhe ta murojnë mirëqenien e vet!” (Kim Mehmeti)
Rama masakrohet në faqen e tij: Po bëheni miliardera duke rrjepur popullin e varfër, mjekësia është 0000…
Kryeministri Rama në vijim të ritualit të tij të përditshëm, mëngjesin e sotëm ka përshëndetur ndjekësit e tij në rrjetet sociale, duke publikuar një video, e cila tregon rastin e një doktoreshe të kthyer nga Franca për të shërbyer në Shqipëri.
“MIRËMËNGJES dhe me Dr.Valmirën, kirurgen e kthyer nga Franca për të kontribuar në sistemin tonë shëndetësor, falë politikës mbështetëse për mjekët specialistë që kthehen nga jashtë vendit apo shkojnë të punojnë jashtë Tiranës, ju uroj një ditë të mbarë”-shkruan Rama në postimin e tij.
Por, pas këtij postimi qytetarët kanë shpërthyer në komente, duke e cilësuar këtë thjeshtë një demagogji komunistësh.
“Kjo eshte tamam demagogji tipit komuniste, iku na qyteti e vajti ne fshat me deshire!”-shkruan një qytetar.
Më tej, një tjetër shkruan “Ikin 30 mjekë e kthehet 1…. Hajde ta nxjerrim ne fb. Na e hapet barkun me kte shoë cdo dite”.
Gjithashtu një tjetër qytetar shkruan “Mjer populli i shkrete, infermieret e doktoret po ikin per dite ne Gjermani….”.
Po ashtu një tjetër qytetar shkruan “Keta po behen mildera duke rrjep popllin e varfer mjeksia eshte 000000000”.
Shëndeti mendor lidhet ngushtë me mirëfunksionimin e zorrëve
Kush do të thoshte, mirëpo zorrët janë ato të cilat “pas perdeve” tërheqin penjtë dhe dirigjojnë humorin tonë, por edhe jetën në përgjithësi
Studimi i publikuar në revistën shkencore Natyre Microbiology ka treguar që gjendja e zorrëve përcakton shëndetin tonë mendor, përkatësisht lidhjet me depresionin.
Shkencëtarët kanë analizuar mikrobiomin e 1.000 personave të cilëve u është diagnostikuar depresioni. Ata kanë zbuluar që në zorrët e tyre ka më pak baktere të mira, se sa ka në zorrët e personave të cilët nuk kanë depresion.
“Kjo është hera e parë që kemi zbuluar lidhjen e qartë midis depresionit dhe mikrobiomeve dhe do të na ndihmojë në shërimin e depresionit. Opsioni i parë janë probiotikët e gjeneratës së re. Vërtet mendoj që e ardhmja është në koktejet e baktereve nga zorrët njerëzore”, sqaron Jeroen Raes, autor i studimit.
Kjo është vetëm edhe një arsye më shumë që t’i kontrollojmë zorrët. Deri para pak kohësh nuk kemi qenë të vetëdijshëm sa kanë ndikim në imunitet dhe në shëndetin e gjithmbarshëm, ndërkaq sot i quajmë truri i dytë.
Mikrobiomi në zorrë është kyç për shumë funksione trupore, ndërkaq sipas studimit më të ri edhe për shëndetin mendor. Prandaj, zgjidhni me kujdes se çfarë hani.
Shmangni ushqimin e procesuar dhe sheqernat, zieni thelbin nga eshtrat të cilat janë melhem për zorrë, hani artikuj të pasur me fibra, pini shumë ujë dhe lëvizni në mënyrë që tretja të jetë sa më e rregullt.
Rënia e flokëve, shenjë e mungesës së vitaminës D që nuk duhet ta injoroni
Vitamina D është shumë e rëndësishme për shëndetin e përgjithshëm të trupit, pasi që i mban të shëndetshëm eshtrat, dhëmbët dhe muskujt.
Ajo nevojitet për ta rregulluar sasinë e kalciumit në fosfat në trup.
Pa sasi të mjaftueshme të kësaj vitamine, juve mund t’ju shfaqin komplikime serioze të ndryshme.
Por, si ta dini nëse keni mungesë të vitaminës D?
Ekspertët thonë se një prej shenjave është edhe rënia e flokëve.
Kjo sepse vitamina D nevojitet në mënyrë që gjëndrat e flokëve të jenët ë shëndetshme, pasi që i furnizon ato me nutrientë kyç.
Pa vitaminë D, flokët vazhdimisht dobësohen dhe fillojnë të bien.
Vitamina D ka një funksion kyç në modulimin qelizor dhe në sistemin e imunitetit, andaj edhe ndërlidhet me ciklin e rritjes së flokëve.
Përndryshe, vitamina D, bashkë me vitaminet dhe mineralet e shumta, si hekuri, vitamina C dhe biotini, janë të domosdoshme për ciklin e rritjes së flokëve.
Shpikja e holandezëve: Biçikleta që pastron ajrin
Holandezi Daan Roosegaarde, i njohur për shpikjet e tij për përmirësimin e cilësisë së ajrit, si Kulla për Pastrimin e Ajrit në Kinë, po punon për një tjetër projekt që synon uljen e niveleve të ndotjes së ajrit.
Bëhet fjalë për krijimin e një biçiklete që jo vetëm nuk do të shkaktojë ndotje të ajrit, por edhe do ta pastrojë këtë të fundit. Biçikleta është në fazat e para të krijimit, megjithatë deri tani duket shumë premtuese.
Si funksionon?
Biçikleta “thithëse e smogut” synon pastrimin e ajrit duke thithur smogun, pastruar me jonizues pozitivë dhe çliruar ajër të pastër në atmosferë. Qëllimi është që të inkurajohen njerëzit të përdorin sa më pak makinat dhe më shumë biçikletat.
“Biçikletat kanë qenë gjithmonë simbol i një ambienti miqësor dhe të patër, por kjo biçikletë funksionon dyfish sepse pastron edhe ajrin ndërkohë që pedaloni”, tregon Roosegaarde.
“Kreativitet nuk do të thotë vetëm të krijosh një dizejno të re për biçikletën, por edhe ta përdorësh atë për të përmirësuar mënyrën e jetesës”.
Biçikleta nuk do të jetë një zgjidhje për të gjitha problemet me ndotjen e ajrit, megjithatë mund të jetë një hap në drejtimin e duhur.
Berisha: Çdo javë e Edi Ramës në pushtet përbën një rrezik kombëtar!
Ish-Kryeministri Sali Berisha u bëri thirrje socialistëve që të largojnë me urgjencë Edi Ramën dhe klikën e tij nga pushteti, pasi urrejtja ndaj Edi Ramës bëhet çdo ditë dhe më e pakufishme.
“Çdo gjë e ka një fund dhe fundi është i afërt. Me këtë rast unë iu bëj thirrje socialistëve që të largojnë me urgjencë Edi Ramën dhe klikën e tij nga pushteti, pasi urrejtja ndaj Edi Ramës bëhet çdo ditë dhe më e pakufishme.
Unë kam konstatuar në masat e gjëra protestuese atë urrejtje që e kam takuar në vitin 1990-1991 kundër diktaturës. Iu bëj thirrje diktatorit që të mos nënvlerësojë situatën, pasi ndëshkimi popullor për Edi Ramën po afron.
Çdo javë e Edi Ramës në pushtet përbën një rrezik kombëtar. Asnjë përfaqësues i vendeve demokratike nuk mbështet një vendim të tillë, po unë dua të siguroj të gjithë miqtë tanë se ky veprim ka një qëllim të vetëm: nuk duam që të jemi më fasadë, dhe duam që të mbrojmë vlerat e një shoqërie të lirë. U bëj thirrje që të vijnë dhe të shohin realitetin në Tiranë”, u shpreh Berisha.
Ish-Kryeministri Berisha u shpreh më tej se ai nuk kërkon të marrë asnjë pushtet pasi ka dhënë dorëheqjen nga çdo funksion që mbante.
“Unë nuk kërkoj më pushtet, Edi Rama është një kufomë politike, pasi do ta përzënë në një mënyrë të paimagjinueshme”, u shpreh më tej Berisha.
“Jemi në kushtet e grushtit të shtetit, Edi Rama pasi asgjësoi Gjykatën Kushtetuese, që aty mori atributet e saj”, tha më tej ish-Kryeministri.
Përsa i përket zgjedhjeve të ardhshme, Berisha theksoi se opozita po përgatitet fuqishëm për to, por theksoi se nuk do të ketë më zgjehdje me Edi Ramën.
‘Opozita po bën përgatitje të ethshme për zgjehdje, por zgjedhje me Edi Ramën nuk do ketë më. Këtë ju garantoj. 16 shkurti, 21 Shkurti dëshmoi se është një cunam që Shqipëria ju garantoj në disa aspekte edhe më i fuqishëm se në vitin 1991 sepse në vitin1991 vëretët kishte një n% të madhe tëpop të pakënaqur dhe me urrjetje me komunizmin, por një % e madhe ishte ndokrtrinuar. Tani u them që janë me qindra, mijëra që kanë votuar Edi Ramën dhe ishin në shesh dhe do dalin në shesh për t’i dhënë atë që meriton. Dilni socialistë përzini Edi Ramën’, tha ish-kreu i qeverisë.
Përsa i përket qëndrimit të vendeve ndërkombëtare ndaj dorëzimit të mandateve të opozitës, Berisha i ftoi që të vijnë në Shqipëri dhe të shikojnë realitetin.
“Ndonjë përfaqësues i vendeve demokratike nuk mbështet një veprim të tillë, por dua të siguroj të gjithë miqtë tanë kudo që janë se ky është një veprim që ka një qëllim të vetëm, mos pranimin për të qenë fasadë e së keqes dhe daljen në fushëbetejë për të mbrojtur vlerat. Sikundër kam një ftesë, bëj thirrje të vijnë të shohin, realitetin këtu në Shqipëri, në Tiranë, dhe i siguroj që do gjejnë një realitet krejtësisht më të ndryshëm nga ai që do kenë në dosje në tavolinë”, u shpreh Berisha.
Berisha: Rama kufomë politike, shumë shpejt do të largohet
Ish-Kryeministri Sali Berisha teksa ka vizituar ekspozitën e Avni Delvinës në Muzeun Historik Kombëtar, ka komentuar dhe situatën politike në vend. Berisha u bëri thirrje socialistëve për rrëzimin e Edi Ramës, pasi fundi i tij mund të sjellë revolta, për shkak të mllefit të madh të qytetarëve.
“Unë dënoj gjendjen e mjeruar të pikturës shqiptare, siç e shihni nuk ka më ekspozita. Ekziston një galeri, po nuk guxon të happen ekspozita të piktorëve, pasi zhgarravitësi nuk kërkon që të konkurohet.
Çdo gjë e ka një fund dhe fundi është i afërt. Me këtë rast unë iu bëj thirrje socialistëve që të largojnë me urgjencë Edi Ramën dhe klikën e tij nga pushteti, pasi urrejtja ndaj Edi Ramës bëhet çdo ditë dhe më e pakufishme. Unë kam konstatuar në masat e gjëra protestuese atë urrejtje që e kam takuar në vitin 1990-1991 lkundër diktaturës. Iu bëj thirrje diktaturëve që të mos nënvlerësojnë situatën, pasi ndëshkimi popullor për Edi Ramën po afron.
Çdo javë e Edi Ramës në pushtet përbën një rrezik kombëtar. Asnjë përfaqësues i vendeve demokratike nuk mbështet një vendim të tillë, po unë dua të siguroj të gjithë miqtë tanë se ky veprim ka një qëllim të vetëm: nuk duam që të jemi më fasadë, dhe duam që të mbrojmë vlerat e një shoqërie të lirë. U bëj thirrje që të vijnë dhe të shohin realitetin në Tiranë”, u shpreh Berisha.
Protestuesit i bllokojnë rrugën Ramës në Gjirokastër
Rama është pritur me protesta edhe në Gjirokastër. Ditën e sotme kryeministri Edi Rama ka pasur një takim dy ditorë me qytetarët e Gjirokastrës.
Ndërkohë që një grup qytetarësh me në krye deputetin Tritan Shehu kanë bllokuar rrugën nacionale Tepelenë-Gjirokastër, ndërsa për të mbarvajtur protestën dhe për të shmangur incidentët ka forca të shumta policie.
Shehu u shpreh se, kjo është një protestë kundër varfërisë, ndërsa tha më tej: Kjo është një protestë kundër varfërisë, ne jemi këtu për të thënë Rama ik. I gjithë qarku i Gjirokastrës është i blinduar pasi ky njeri ka frikë nga qytetarët, përpiqet që të fshihet pas uniformave blu.
Si i mashtroi Rama studentët, tarifa e masterit rritet në 1 milionë e 300 mijë lekë, reagon Berisha
Studentët kanë shprehur zemërimin e tyre në rrjetet sociale për rritjen e tarifave të studimit, në vend të përgjysmimit, siç ua premtoi i detyruar publikisht nga protestat, kreu i Qeverisë muajin e fundit.
Ish-Kryeministri Berisha, pasi ka publikuar mesazhin e një studenti që denoncon rritjen e tarifës së masterit nga 920 000, në 1 300 000 lekë! shkruan në një postim në Facebook se ‘studentët ia nxjerrin fytyrën siç e ka Edvinit!”.
Postimi i ish-Kryeministrit Berisha
Studentet i nxjerrin fytyren siç e ka Edvinit!
Studenti dixhital denoncon rritjen e tarfies se masterit nga 920000 ne 1 300000 leke!
Miq, ky eshte pergjysmimi i tarifave te studimit qe premtoi Edvin Kristaq Rrena.
Kesaj i thone t’ua japesh me nje dore dhe t’ua marresh me tjetren. Turp!! sb
Pershendetje zoti Berisha jam student ne master ne gjirokaster. Dua te denoncoj keto partupesira qe ndodhin ne kete shtet. Fillimisht kur jemi rregjistruar ne master na eshte thene se ai ish 920 mij lek tani na eshte bere 1 milion e 300 pas protestave. Cfare jane keto mashtrime qe i ben Rama popullit. Ngelen duke na zhvatur!
P.s: Dhe te gjithe ju servilat e rames qe do futeni te komentoni ketu qe te na beni demoralizime ne studenteve te thjesht e dim shum mire si ju korruptojne qe te beni komente negative njesoj sic ju detyruan t shkoni ne vlore se ju hiqnin nga puna keshtuq kursejini!
Ju lutem postojeni!
Kryesore
Continue to the category
