Dhimbjet e kokës që shfaqen në mëngjes mund të kenë shkaktarë të ndryshëm. Këto dhimbje mund t’i përjetoni pas një nate me gjumë të dobët, kur keni pasur stres ose mund t’i përjetoni edhe rregullisht.
Ato mund të jenë rezultat i ndryshimit në fiziologjinë e trupit. Në orët e hershme të mëngjesit, niveli i dhimbjes së brendshme të trupit mund të jetë i vogël. Gjatë kësaj kohe, trupi mund të prodhojë më shumë adrenalinë e kjo rezulton në dhimbje të kokës.
Mungesa e gjumit kualitativ ose çrregullimet e gjumit mund të jenë po ashtu shkaktarë të dhimbjeve të kokës në mëngjes. Njerëzit me çrregullime të gjumit janë 2 deri në 8 fish më të prirë të kenë dhimbje të tilla.
Migrena dhe dhimbjet e kokës në mëngjes
Migrena mund të jetë shkaktari i dhimbjeve të hershme të kokës. Më shumë se 29 milionë amerikanë vuajnë nga migrena – ndërkaq ky lloj i dhimbjes së kokës ndikon në aftësinë tuaj për të funksionuar. Gjysma e këtyre dhimbjeve fillojnë mes orës 4 dhe 9 të mëngjesit, ndërkaq deri në 50% të personave me migrenë kanë probleme me gjumë.
Pagjumësia
Pagjumësia është shpeshherë shkaktar i dhimbjeve të kokës në mëngjes. Pagjumësia mund të trajtohet në shumë mënyra, por paraprakisht duhet të konsultoheni me doktorin tuaj.
Depresioni dhe ankthi
Në një studim të publikuar në revistën ‘Journal of the american Medical Association’, faktorët më të rëndësishëm të dhimbjeve kronike të kokës në mëngjes kishin qenë ankthi dhe depresioni. Këto probleme të shëndetit mendor mund të shpijnë edhe në pagjumësi, e që pastaj vetëm rritet rreziku i dhimbjeve të kokës në mëngjes.
Përdorimi i medikamenteve apo konsumimi i alkoolit
Edhe alkooli dhe ilaçet mund të jenë shkaktarë të dhimbjeve të kokës. Medikamentet mund t’jua pengojnë gjumin, ndërkaq konsumimi i alkoolit ndikon që të mos bëni mjaftueshëm gjumë dhe të keni dhimbje të kokës.

U deshën 50 vjet për të kuptuar se stilet e jetesës, në radhë të parë ajo që keni në pjatë, janë origjina e gjysmës së tumoreve
Për të kujtuar rëndësinë e ndjekjes së një diete korrekte është Shoqata Italiane për Hulumtime të Kancerit (Airc), e cila është kthyer në 2,500 sheshe italiane me iniciativën ‘Portokalli i Shëndetit’.
Të paktën 3 nga 10 raste të kancerit, për shkak të ushqimit
Ideja që ushqimi mund të ndikojë në shfaqjen e sëmundjeve nuk është e re: ajo është e pranishme në shumë mjekësi tradicionale, të tilla si kineze ose indiane dhe në Perëndimin mesjetar – theksojnë ekspertët.
– Hulumtimi i parë shkencor u pranua fillimisht me skepticizëm, por tashmë në fund të viteve ‘60 filluan studimet epidemiologjike që përfshinin një numër të madh njerëzish. U deshën vite për të marrë rezultate përfundimtare, arritën vetëm në kohët e fundit. Por sot e dimë se çfarë është më e mira për të ngrënë dhe çfarë duhet të shmanget”.
1960: Kancerogjene kimike të zbuluara në ushqim
Në gjysmë shekulli shkencëtarët në mbarë botën kanë përdorur në thelb dy instrumente: nga njëra anë, hulumtimet epidemiologjike, të cilat vlerësojnë mënyrën e jetesës dhe sëmundjet e mundshme të njerëzve, për të përcaktuar nëse ka marrëdhënie të rëndësishme mes zakoneve të caktuara (siç janë dieta dhe gjimnastika) dhe zhvillimit të tumorit; nga ana tjetër, hulumtimi molekular, i cili heton mekanizmat e ndërveprimit midis ushqimit dhe gjeneve, proteinave dhe komponentëve të tjerë të qelizave, për të kuptuar nëse disa substanca të pranishme në ushqim mund të promovojnë ose mbrojnë kundër fillimit të kancerit.
Në vitin 1960, studimi i shkaqeve specifike të kancerit të lidhur me ushqimin filloi të prodhonte rezultate të rëndësishme. Identifikohen disa kancerogjene kimike, të përdorura në ushqime industriale, të cilat më pas ndalohen dhe eliminohen.

1967: Jo vetëm ushqimi, por ndikon edhe stili i jetës
Në këtë vit, një studim tregon se emigrantët japonezë të transferuar në Shtetet e Bashkuara sëmuren, pas disa vitesh, me tumore të ngjashme me ato të amerikanëve: një konfirmim i rolit të stilit të jetesës në zhvillimin e tumoreve.
Pastaj, në vitin 1969, onkologu Burkitt hipotizon që mungesa e fibrave në dietën perëndimore mund të kontribuojë në zhvillimin e kancerit të zorrës së trashë, një nga më të drejtpërdrejtët të lidhur me dietën e varfër.
1973: Atlas gjeografik i rasteve të kancerit të zorrës së trashë
Agjencia Ndërkombëtare për Kërkimin e Kancerit (IARC) në Lyon shpërndan të dhënat e incidencës së kancerit sipas vendeve.
Numrat dhe llojet ndryshojnë shumë: një tregues se shkaqet mund të lidhen me mjedisin dhe jetesën, si dhe me karakteristikat gjenetike të çdo popullate. Tani dihet se zgjedhja e ushqimit të shëndetshëm nuk është vetëm për yndyrë dhe kalori: duhet të shmangni majat e insulinës dhe gjendjet kronike inflamatore, të përgatitni një mburojë kundër radikalëve të lirë, të shkatërroni shpejt substancat toksike, për të forcuar sistemin imunitar, për të zvogëluar kaloritë, për të kontrolluar nivelet e hormoneve seksuale që qarkullojnë në trup dhe nuk e ushqejnë tumorin.
1975: Zbulohet roli i ruajtjes së ushqimit dhe metodave të gatimit
Disa studime janë botuar mbi marrëdhëniet midis ruajtjes së ushqimeve të kripës, niveleve të ulëta të vitaminës C dhe kancerit të stomakut: sot ne e dimë se disa metoda gatimi dhe ruajtja e ushqimit mund të jenë të dëmshme.

1981: Rezultatet e para mbi lidhjen mes ushqimit dhe kancerit
Dy epidemiologë britanikë, Richard Doll dhe Richard Peto, vlerësojnë se rreth 35 për qind e kancerit mund të parandalohet me një dietë të karakterizuar nga më pak yndyrë dhe mish dhe më shumë pemë dhe perime.
Në vitin 1982 Akademia Kombëtare e Shkencave publikon në SHBA të parin raport mbi ushqimin dhe kancerin, i cili gjithashtu përfshin udhëzimet e para për ushqimin e duhur.
1990: Disa ushqime dhe alkooli i tepërt janë të dëmshme
Janë botuar shumë studime që konfirmojnë marrëdhëniet midis disa ushqimeve dhe kancerit dhe gjithashtu nxjerrin në pah lidhjet e tjera ndërmjet stilit të jetesës dhe tumorit.
Lidhja midis konsumit të alkoolit dhe zhvillimit më të madh të tumoreve të zorrës së trashë dhe gjirit është gjithashtu e dukshme.
1994: Dieta të ndryshme, veçanërisht të pasura me fruta dhe perime
Epidemiologu italian, Silvia Franceschi, vëren se për parandalimin e kancerit, një dietë e ndryshme është më e mirë se një dietë e shëndetshme, por shumë e kufizuar. Dhe në vitin 1996 epidemiologët Steinmetz dhe Potter tregojnë se dietat e pasura me perime dhe fruta (duke përfshirë fibrat, antioksidantët dhe mikroorganizmat e tjerë) zvogëlojnë rrezikun për t’u sëmurur.
Sot nuk ka më asnjë dyshim: të paktën 3 raste të kancerit në 10 janë për shkak të asaj që hamë. Është po aq e sigurt se dieta mesdhetare luan një rol mbrojtës: shumë studime tregojnë se një dietë me kalori, e pasur me yndyra shtazore, mish të kuq, salsiçe dhe fibra të ulët shoqërohet me një rritje të tumoreve. Nga ana tjetër, dietat e pasura me fibra (që karakterizohen nga një konsum i lartë i frutave dhe perimeve) duket se kanë një rol mbrojtës.
2004-2014: Të dhënat epike të studimit: Dieta mesdhetare dhe kile shtesë
Studimi epidemiologjik mbi zakonet e jetës së evropianëve, bashkëfinancuar nga AIRC. Rezultatet tregojnë se dieta mesdhetare është modeli më efektiv i ushqimit në parandalimin e kancerit. Në 2012-2013, analiza e mëtejshme e të dhënave EPIC tregon se konsumi i flavonoideve (antioksidantë që përmbahen në shumë ushqime me origjinë bimore) zvogëlon rrezikun e kancerit të stomakut. Konfirmohet gjithashtu rreziku i lidhur me konsumimin e mishit të përpunuar.
Në vitin 2014, EPIC arrin informacione të tjera, që tregon se obeziteti përbën një faktor rreziku për shumë lloje të tumoreve, veçanërisht nëse rritet periferia e barkut.

Sëmundjet kardiovaskulare janë përgjegjëse për më shumë se 30% të numrit total të vdekjeve anë e mbanë botës, dhe çdo vit më shumë e më shumë njerëz po diagnostikohen me sëmundje të tilla. Në vitin 2015, më shumë se 85% milionë njerëz në Evropë kanë qenë duke jetuar me sëmundje kardiovaskulare.
Ndonëse numri total i njerëzve që vuajnë nga sëmundjet kardiovaskulare është në rritje, numri i atyre që vdesin nga zemra është në zvogëlim. Kjo për shkak se opsionet e trajtimeve, kujdesi kualitativ dhe qasja në kujdes shëndetësor është përmirësuar dukshëm qysh prej mesit të shekullit të kaluar.
Megjithëse kjo padyshim se është shenjë e mirë, prapëseprapë shumë njerëz janë duke jetuar me sëmundje kardiovaskulare – gjë e cila ndikon në kualitetin e jetës dhe i rrezikon pacientët nga vdekja e papritur.
Parandalimi i këtyre sëmundjeve përfshin inkurajimin e njerëzve për të ngrënë një dietë më të shëndetshme, për tu marrë me ushtrime fizike dhe për ta ndaluar duhanin. Që të tri këto ofrojnë shumë përfitime shëndetësore – duke filluar nga zvogëlimi i rrezikut të shumë sëmundjeve e deri te përmirësimi i kualitetit të jetës.
Dietat për një zemër të shëndetshme
Për shumë njerëz që ballafaqohen me sëmundje kardiovaskulare, dieta është një prej gjërave të para që ata kujdesen. Ka një numër të madh të dietave të shëndetshme në dispozicion – shumica prej tyre ndërlidhen me regjione apo shtete, siç është Nordiku i Ri – që promovon konsumimin e rrënjëve të perimeve, lakrës, mollëve, peshkut, etj. – dieta Japoneze – që këshillon konsumimin e orizit, perimeve, peshkut, mishit – dhe pastaj e kemi dietën Mesdhetare.

Dieta Mesdhetare është dietë e balancuar mirë, e cila promovon konsumimin e pemëve dhe perimeve, gjithashtu peshkun, vajin e ullirit, verën e kuqe, mishrat pa dhjamë, produktet arrore dhe produktet e bulmetit me pak yndyrë.
Kjo dietë është njohur qysh prej viteve të fundit të 1950’ta dhe ofron efekte mbrojtëse për zemrën.
Në mesin e shumë dietave në dispozicion, cila është më e mira për shëndetin e zemrës?
Ekspertët shëndetësorë kanë analizuar efektet e shumë dietave që janë në dispozicion për momentin dhe në efektet kardiovaskulare që ato i ofrojnë – qoftë në periudhë afatshkurtër apo afatgjatë.
Në studimin e fundit, zbulimet e tyre kanë sugjeruar se, të paktën në periudhë afatshkurtër, dieta Mesdhetare e përmirëson dukshëm disponueshmërinë e oksidit nitrik në venat dhe arteret tona – i cili është shumë i rëndësishëm për ta mirëmbajtur shëndetin e mirë të sistemit vaskular. Oksidi nitrik ndikohet shumë nga procesi i plakjes dhe ndërlidhet fuqishëm me zhvillimin e sëmundjeve kardiometabolike. Andaj, rritja e disponueshmërisë së këtij oksidi padyshim se është lajm i mirë.
Sa i përket niveleve të kolesterolit, studimet sugjerojnë se dieta vegane i ofron efektet më të mira – por, në anën tjetër, pjesëmarrësit që ndjekin dietë vegane fatkeqësisht kanë reduktim të numrit të mikronutrientëve të rëndësishëm, siç është vitamina B12 dhe jodi.
Ky është zbulim paksa serioz, pasi që mikronutrientët janë vitamine dhe minerale të cilat u nevojiten trupit në sasi të vogla për të funksionuar mirë, ndërkaq mungesa e jodit dhe vitaminës B12 paraqet rrezik serioz të shëndetit.