22.5 C
Tirana
E hënë, 25 Gusht, 2025
type here...

Komploti i ish-drejtuesve të FBI për rrëzimin e Trump, reagon Presidenti i SHBA

Presidenti amerikan Donald Trump sugjeroi të hënën se zyrtarë kryesorë të zbatimit të ligjit kanë kryer “tradhëti” kur në vitin 2017 kanë shqyrtuar mundësinë e përdorimit të një amendamenti kushtetues për ta larguar atë nga detyra, ndërsa do të hapnin një hetim kundër tij për pengim të drejtësisë.
Nga vendpushimi i tij në Florida, Presidenti Trump kritikoi ish-drejtorin në detyrë të Byrosë Federale të Hetimeve Andrew McCabe. Ky i fundit të dielën gjatë emisionit televiziv “60 minuta” që transmetohet në CBS tha se ai dhe zëvendës Prokurori i Përgjithshëm Rod Rosenstein kishin diskutuar rreth përdorimit të amendamentin të 25-të Kushtetutës që i jep mundësinë nënpresidentit dhe një shumice prej 15 anëtarësh të kabinetit, të shpallin një president të paaftë për të trajtuar detyrat presidenciale, duke bërë që nënpresidenti të marrë për pasojë pozitën e presidentit në detyrë.
Zoti McCabe tha se me shkarkimin nga detyra të ish-drejtorit të FBI-së James Comey në maj 2017 nga Presidenti Trump “mund të jetë kryer një shkelje e ligjit”. Gjatë kësaj periudhe zoti Comey drejtonte hetimin që po kryente agjencia rreth lidhjeve të zotit Trump me Rusinë gjatë zgjedhjeve presidenciale të vitit 2016. Disa ditë më vonë presidenti Trump tha se po mendonte lidhur “me Rusisë” kur vendosi të shkarkojë zotin Comey.
Vetë zoti McCabe i cili u shkarkua më vonë pas një veprimtarie 21 vjeçare në FBI, tha se: “nëse një president ka penguar drejtësinë, ka shkarkuar drejtorin e FBI-së për të ndikuar negativisht apo për të mbyllur hetimet mbi aktivitetin keqdashës të Rusisë dhe ndoshta në mbështetje të fushatës së tij, si një agjent i kundër-zbulimit, duhet të pyesësh veten, pse do ta bënte këtë një president i Shteteve të Bashkuara?’
“Të gjitha këto fakte na bënë të pyesim nëse ka një marrëdhënie të papërshtatshme, një lidhje mes këtij presidenti dhe armikut tonë më të frikshëm, qeverisë së Rusisë?”, shtoi zoti McCabe.

Ish-drejtori në detyrë i Byrosë Federale të Hetimeve tha se zoti Rosenstein, i cili do të largohet së shpejti nga Departamenti i Drejtësisë, ishte “absolutisht” dakort lidhur me çështjen e pengimit të drejtësisë si dhe hetimin ndaj zotit Trump.
Disa ditë pas shkarkimit të ish-drejtorit të FBI-së James Comey, zoti Rosenstein caktoi Robert Mueller-in si Prokuror të Posaçëm për të marrë përsipër hetimin ndaj Rusisë. Zoti Rosenstein u ngarkua me mbikëqyrjen e hetimit, pasi Prokurori i Përgjithshëm i atëhershëm Jeff Sessions hoqi dorë për shkak të bisedave të tij me ish-ambasadorin rus Sergej Kislyak gjatë fushatës zgjedhore. Një vendim që çoi zotin Trump në shkarkimin e zotit Sessions vitin e kaluar.
“Wow, kaq shumë gënjeshtra deri tani nga drejtori i turpëruar i FBI-së, Andrew McCabe”, tha Presidenti Trump në një postim në Twitter. “Ai dhe Rod Rosenstein, i cili ishte punësuar nga Jeff Sessions (një tjetër bukuri), duket sikur po planifikonin një akt shumë të paligjshëm dhe u kapën”.
Presidenti Trump shtoi se: “Duhen shumë shpjegime për miliona njerëzit që sapo e kishin zgjedhur një president që me të vërtetë e dëshironin dhe që ka bërë një punë të madhe për ta me ushtrinë, veteranët, ekonominë dhe shumë më tepër. Ky ishte një veprim i paligjshëm dhe prej tradhëtari”.
Zoti McCabe tha se kërkesa e Presidentit Trump në fillim të punës së administratës së tij ndaj ish drejtorit të FBI-së James Comey për të ndalur hetimin e FBI-së ndaj ish-këshilltarit të sigurimit kombëtare, Michael Flynn dhe diskutimet e tij me ish ambasadorin rus në Uashington, Kislyak gjithashtu kontribuan në dyshimet e FBI-së ndaj veprimeve të Presidentit Trump.
“Së bashku, këto rrethana ishin fakte që tregonin se mund të ishte kryer një krim “,tha McCabe. “Presidenti mund të thuhet se ka qenë angazhuar në pengimin e drejtësisë me shkarkimin e (drejtorit të FBI-së) James Comey-it.”
Zoti McCabe tha se Zëvendës Prokurori i Përgjithshëm, Rosenstein në një moment ofroi të pajisej me përgjues për një takim në Shtëpinë e Bardhë me Presidentin Trump për të dokumentuar bisedat e tyre. McCabe tha se komenti i zotit Rosenstein u bë në një bisedë rreth shkarkimit të zotit Comey, por Departamenti i Drejtësisë tha vitin e kaluar se komentet e tij ishin me shaka e jo të një natyre serioze.

Andrew McCabe u shkarkua vitin e kaluar nga Prokurori i Përgjithshëm Jeff Sessions, një ditë para se të kualifikohej për të marrë pension të plotë nëse dilte nga puna. Departamenti i Drejtësisë tha se ai u shkarkua për shkak se ai kishte mashtruar hetuesit gjatë një hetimi të brendshëm mbi rrjedhjen e informacioneve për gazetën Wall Street Journal. McCabe ka hedhur poshtë këtë pretendim.
“Unë besoj se u shkarkova për shkak se hapa hetimet për një çështje kundër Presidentit të Shteteve të Bashkuara,” tha ai.
Senatori Lindsey Graham, ligjvënës republikan nga Karolina e Jugut, i cili është një nga mbështetësit më të fortë të Presidentit Trump, tha të dielën se ai ka në plan të hap një hetim për pretendimet e zotit McCabe, se kishte diskutime mbi një përpjekje për të rrëzuar Presidentin Trump në bazë të një amendamenti kushtetues.
“Prokurori i Përgjithshëm e mohon këtë,” tha Graham. “Do të kemi një seancë dëgjimore për të mësuar se kush thotë të vërtetën, se çfarë ndodhi në të vërtetë”.
Graham shtoi: “Ne jemi një demokraci, njerëzit zbatojnë ligjin, nuk mund ta marrin atë në duart e tyre. Pra, a ishte kjo një përpjekje burokratike për grusht shtet? Nuk e di”.
Robert Mueller 21 muaj më parë filloi hetimet mbi ndërhyrjen ruse në zgjedhjet e vitit 2016, lidhjet e mundshme të fushatës së zotit Trump me Rusinë dhe nëse zoti Trump, në rolin e Presidentit, pengoi drejtësinë duke u përpjekur të pengonte hetimin.
Hetimet e tij kanë rezultuar në dënime për vepra të ndryshme të pesë zyrtarëve kryesorë të Presidentit Trump, përfshirë gjeneralin Flynn, ish-menaxherin e fushatës Paul Manafort dhe zëvendësin e tij, Rick Gates, ish këshilltarin për punët e jashtme George Papadopoulos dhe ish-avokatin Michael Cohen, ndërsa ndaj ish këshilltarit të zotit Trump, Roger Stone janë ngritur akuza kriminale.
Presidenti Trump ka mohuar në mënyrë të përsëritur akuzat për bashkëpunim me Rusinë gjatë fushatës zgjedhore, si dhe akuzat se ka penguar drejtësinë.

Arrestohet nënkryetarja e Bashkisë Lezhë për protestën kundër Ramës!

Policia e Lezhës ka arrestuar nënkryetaren e Bashkisë, Alfrida Marku dhe 10 persona të tjerë pse protestuan kundër Ramës paraditëen e sotme. Bëhet e ditur se, policia ka proceduar dhe shoqërouar në policinë e Lezhës rreth 11 persona, “për tubim të paligjshëm dhe bllokim rruge”.
Pas protestës së zhvilluar sot në Lezhë ku qindra qytetarë i prenë rrugën kryeministrit Edi Rama që do shkonte në Pukë, policia ka shoqëruar 11 protestues, ndaj të cilëve ka nisur dhe procedimi penal.
Ndër të shoqëruarit në komisariatin e policisë së Lezhës është edhe Nënkryetarja e Bashkisë Lezhë, Alfrida Marku.

Eliot Engel kritikon BE për Kosovën: Pse nuk ja hiqni vizat, Serbia të heqë bllokadën

Ligjvënësi amerikan Eliot Engel, tha të martën në Bruksel se është frustruese që Kosova nuk fitoi liberalizimin e vizave, ndërsa i bëri thirrje Bashkimit Evropian që të reagojë pozitivisht kur Kosova përmbush detyrimet e saj.
“Një nga çështjet ishte shënimi i vijës kufitare ndërmjet Kosovës dhe Malit të Zi dhe Kosova duhej të përfshihej në regjimin e udhëtimit pa viza, por kjo ende nuk ka ndodhur. Kjo është frustruese. Kur Kosova të shohë përgjigje pozitive në kërkesat ndaj saj, atëherë nuk do të ketë probleme”, tha ligjvënësi Engel i cili ishte pjesë e një delegacioni dypartiak të Kongresit amerikan që mori pjesë të martën në Asamblenë Parlamentare të NATO-s.
Ligjvënësi Engel tha se njohja e ndërsjellë duhet të jetë në thelb të marrëveshjes për normalizimin e marrëdhënieve ndërmjet Kosovës dhe Serbisë, duke i bërë thirrje qeverisë serbe të ndryshojë qasjen ndaj Kosovës.
“Nuk mundet Serbia të mbajë Kosovën jashtë INTERPOL-it, jashtë UNESCO-s dhe të përpiqet të nxisë vendet tjera të tërheqin njohjen e pavarësisë së Kosovës. Kjo nuk është e drejtë. Duhet vullnet i mire tek të dyja palët. Do të dëshiroja të shihja edhe Serbinë edhe Kosovën si anëtare të Bashkimit Evropian”, tha ai.
Shtetet e Bashkuara po u bëjnë thirrje të dyja palëve që të ulen ne tryezën e bisedimeve për të arritur një marrëveshje normalizimi që “në thelb do të ketë njohjen e ndërsjellë”. Ky qëndrim u ritheksua edhe në letrat e fundit që presidenti Donald Trump u ka dërguar presidentit të Kosovës, Hashim Thaçi dhe atij të Serbisë, Aleksandër Vuçiç.
Por, tash për tash bisedimet janë pezulluar, meqë Beogradi e kushtëzon vazhdimin e tyre me heqjen e tarifave të vendosura nga qeveria e Kosovës ndaj mallrave serbe.
Shtetet e Bashkuara i kërkojnë Kosovës pezullimin e tyre, por kryeministri i Kosovës Ramush Haradinaj refuzon një gjë të tillë deri në, siç thekson, njohjen e Kosovës nga Serbia.

Skandali në Gjykatë me Prokurorinë, Kaso: Asnjë provë për 19 të arrestuarit, paditet Veliu

Juristi Ivi Kaso, Sekretari për Zgjedhjet në PD, ka përfaqësuar në gjykatë sot protestuesit e arrestuar nga Policia për revoltën e 16 shkurtit.
Kaso ka zbuluar për mediat një falsifikim të rëndë që prokuroria ka bërë për të nxjerrë me çdo kusht, fajtor për dhunë, njerin prej protestuesve, Florens Hoxhën. Kaso tha se prokuroria ka falsifikuar procesverbalin e arrestimit të Hoxhës fare haptazi, pasi në orën 21:00 kur shkruan se ka ndodhur arrestimi, në shtëpinë e Hoxhës ka qënë i pranishëm vetë kryetari i PD, Lulzim Basha dhe deputetët e djathtë. Ata janë larguar prej aty në orën 22:00, orë pas të cilit me ligj nuk mund të kryhej arrestimi.
Për këtë arsye, Kaso deklaroi se për këtë dokument të falsifikuar ka bërë kallëzim ndaj krerëve më të lartë të Policisë. Ndërsa, për protestuesit e tjerë të arrestuar, Kaso tha se nuk ka prova që të dëshmohet dhunë nga ana e tyre.
Deklarata e plotë e avokatit Ivi Kaso nga Gjykata
Ata pretendojnë dhe vërtetohet edhe nga të ashtuquajturat prova që organi i prokurorisë solli, pra nga pamjet filmike, që të gjithë ata, me përjashtim të një personi që është marrë gabimisht, kanë qënë protestues. Që të gjithë e pranuan me krenari dhe u pretendua nga ana e tyre se nuk është ushtruar dhunë , pra nuk janë kryer akte të dhunshme, qofshin këto ndaj efektivëve të Policisë së Shtetit, qofshin ndaj pronës publike. Nuk ka asnjë pamje të vetme që t’i lidhë këta përsona me veprime aktive dhune. Përkundrazi, janë persona që kanë qënë në shkallët e Kryeministrisë, njeri për një arsye, njeri për një tjetër. Dikush prej tyre ka ngritur flamurin kombëtar në shkallët e Kryeministrisë ose në atë skelën e improvizuar; një prej tyre ka asistuar një person që i kishte rënë të fikët. Dikush prej tyre madje ka asistuar një polic që ishte në gjendje pothuajse të fikti prej gazit lotsjellës që është hedhur. Pra, gjithsekush për arsyet e tyre, vetëm dhunë nuk ka pasur. Organi i Prokurorisë dështoi të sillte një provë të vetme, një imazh të vetëm që t’i lidhte këta persona me akte të dhunshme siç u pretendua me fjalë.

Prova nuk ka në asnjë nga fashikujt që Prokuroria solli sot, për asnjë nga personat që mbahen të arrestuar padrejtësisht.
Unë e thashë edhe përpara gjykatës. Sot në gjykatë ndodhi diçka shumë e rëndë, në këndvështrimin tim si avokat. U paraqit një provë e fallsifikuar, procesverbali i dytë i kontrollit të banesës së shtetasit Florens Hoxha është qartësisht i falsifikuar. Është falsifikuar ora e mbajtjes së këtij procesverbali për arsye që t’i jepet gjykatës pasqyrimi i rremë i realitetit, kur në fakt ky kontroll është realizuar jashtë çdo procedure ligjore dhe jashtë orarit ligjor, që parashikon orën 22:00 si orar maksimal për ushtrimin e kontrollit të banesës në çfarëdo rrethane dhe procesverbalin që nuk e di kush e mori guximin, kush e ka firmosur do të mbajë përgjegjësi, mban orën 21:00!!!
E theksoj se në orën 21:00, në ambientet e shtetasit Florens Hoxha kanë qënë disa deputetë të PD, të kryesuar nga kryetari i opozitës, i PD, që nuk kanë lëvizur nga kjo banesë deri në orën 22:00.
Kamerat tuaja kanë qënë jashtë, është një fakt lehtësisht i provueshëm dhe personat që marrin guximin të paraqesin para gjykatës, dokumenta të falsifikuara, do të mbajnë përgjegjësi.
Një hall i madh mund ta shtyjë cilindo përfaqësues të organeve të rendit të falsifikojë dokumenta. E thashë dhe para gjykatës: hall më të madh se presioni politik që i bëhet për t’i gjetur fajtorë me çdo kusht këta burra dhe dy gra që kanë marrë pjesë në protestë, unë nuk shoh!
Dje, si përfaqësues i personit të arrestuar në flagrancë, Florens Hoxha, kam paraqitur kallëzim penal për Drejtorin e përgjithshëm të Policisë së shtetit, për Drejtorin e qarkut Tiranë, për drejtuesin dhe efektivët e trupave speciale që kanë bërë dhunimin e banesës dhe dhunimin e tij gjatë shoqërimit në Polici dhe sigurisht do të bëjmë edhe kallëzim penal për këdo që ka marrë guximin të fallsifikojë dokumentin zyrtar.

Salla e gjyqit shpërthen në të qeshura, i arrestuari nga policia: Nuk kam qenë fare në protestë!

Qytetari: Kam qenë atë natë me gjithë babën te shpia.
Gjyqtarja: Ku ke qenë ti?
Qytetari: Kam qenë në punë dhe te shpia. Kam punën time. As kam qenë në protestë fare.
Gjyqtarja: S’ke qenë në protestë?
Nga policia është konfirmu se ke qenë në protestë…
Salla e gjyqit shpërtheu në të qeshura.
Gjykata ka vendosur masën ‘Arrest në burg’ për 14 nga të arrestuarit, ndërsa ka liruar 5 prej tyre. Organi i akuzës ka vendosur masën ‘Arrest shtëpie’ për 4 nga të arrestuarit dhe ‘Detyrim paraqitje’ për një tjetër.
Mësohet se disa nga të arrestuarit janë Florenc Hoxha, Naim Haxhiu, Emnauel Nallbani, Andon Gjini, Resul Daci, Suzana Dimushi, David Linati, Hasan Jakupi, Ilir Hamedini, Festim Taku, Sajmir Rexhepi, Mitat Fieraku, Lefter Jakupi, Ndue Tuci, Pëllumb Sheluka, Veljan Dine.
Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.
Ndërkohë të arrestuarit e kësaj proteste e kanë pritur me thirrje e ovacione ndërsa drejtonin 2 gishtat lart.
Pas përfundimit të seancës foli për mediat dhe Ivi Kaso, përfaqësuesi ligjor që PD ka angazhuar për 19 protestuesit e arrestuar nga policia. Ai tha se s’ka asnjë provë për 19 të ndaluarit dhe se janë paditur penalisht drejtori i përgjithshëm i policisë Ardi Veliu, ai i qarkut të Tiranës dhe ai i forcave speciale.

Protestuesit shpërthejnë në Gjykatë: Rama ik!

Protestuesit e arrestuar nga policia pas protestës së shtunën në datën 16 shkurt kanë dalë sot para gjykatës për tu njohur me masat e sigurisë. Por edhe pse me pranga në duar, protestuesit nuk janë tërhequr. Ata i kanë dërguar një mesazh Edi Ramës duke ngritur dygishtat lart. “Rama ik”!, kanë thirrur protestuesit me dy gishtat lart!
Gjykata ka vendosur masën ‘Arrest në burg’ për 14 nga të arrestuarit, ndërsa ka liruar 5 prej tyre. Organi i akuzës ka vendosur masën ‘Arrest shtëpie’ për 4 nga të arrestuarit dhe ‘Detyrim paraqitje’ për një tjetër.
Mësohet se disa nga të arrestuarit janë Florenc Hoxha, Naim Haxhiu, Emnauel Nallbani, Andon Gjini, Resul Daci, Suzana Dimushi, David Linati, Hasan Jakupi, Ilir Hamedini, Festim Taku, Sajmir Rexhepi, Mitat Fieraku, Lefter Jakupi, Ndue Tuci, Pëllumb Sheluka, Veljan Dine.
Të arrestuarit akuzohen për veprat penale “Kundërshtimi i punonjësit të policisë së rendit publik”, “Goditje për shkak të detyrës”, “Shkatërrimi i pronës” dhe “Prishja e qetësisë publike”.
Ndërkohë të arrestuarit e kësaj proteste e kanë pritur me thirrje e ovacione ndërsa drejtonin 2 gishtat lart.
Pas përfundimit të seancës foli për mediat dhe Ivi Kaso, përfaqësuesi ligjor që PD ka angazhuar për 19 protestuesit e arrestuar nga policia. Ai tha se s’ka asnjë provë për 19 të ndaluarit dhe se janë paditur penalisht drejtori i përgjithshëm i policisë Ardi Veliu, ai i qarkut të Tiranës dhe ai i forcave speciale.

Heronjte e 16 shkurtit para gjykates se Edvin Kristaq Krimit! Frymezues qendrimi i tyre! sb

Gepostet von Sali Berisha am Dienstag, 19. Februar 2019

Si u pasurua kompania “Solomon” e Spiropalit me 550 milionë lekë fonde publike

• Me një skemë korrupsioni dhe konflikti interesi, familja e Elisa Spiropalit ka marrë nga fondet publike 550 milionë lekë.
• Në skemën korruptive është përfshirë direkt vëllai, bashkëshorti i dhe vetë Elisa Spiropali.
• Bashkëshorti i Elisa Spiropalit i ka dhënë kompanisë së familjes të paktën 350 milionë lekë nga Ujësjellësi i Fierit.
• Kompania Solomon ka marrë tendera nga doganat në kohën e drejtimit nga Elisa Spiropali.
• Kompanisë së Spiropalit i është dhënë pyll me koncesion 40 ha me koncesion dhe rreth 130 milionë lekë nga fondet e fermerëve.
• Inspektoriati i Pasurive duhet të nisë menjëherë hetim pasuror për pasurinë e paligjshme të Elisa Spiropalit dhe ta çojë para drejtësisë.
Deputetja e PD, Jorida Tabaku ka zbuluar detaje të reja sot për skemën e rrëmbimit të parave publike nga familja e Elisa Spiropalit, zëdhënëses së qeverisë Rama dhe mjeshtërinë për ta fshehur pasurinë.
Kompania “Solomon” e Spiropalit ka ditëlindjen, ditën e krjimit të qeverisë së Edi Ramës, një datë që zor se mund të harrohet dhe prej aty, me vetëm 100 mijë lekë të reja në arkë, nisi rrugëtimin e saj për të pasuruar Elisa Spiropalin me të paktën 550 milionë lekë.
Tabaku deklaroi para medias se aksioma “ndiq paranë” çoi në zbulimin e kësaj afere.
“Korrupsioni mund të ndiqet dhe zbulohet në qindra rrugë dhe mënyra por asnjëra nuk është aq efikase sa aksioma “ndiq paranë”, deklaroi Jorida Tabaku. – Duke ndjekur paranë është zbuluar një skemë skandaloze korrupsioni, konflikti interesi dhe fshehje pasurie ku përfshihet drejtpërdrejt Elisa Spiropali, zëdhënëse e qeverisë “Rama”, bashkëshorti i saj Salarion Tota, ish-drejtori i Ujësjellësit Fier, vëllai i saj Eltion Spiropali dhe kushuriri i bashkëshortit të saj, Marius Memushaj.

Duke ndjekur paratë e kompanisë “Solomon”, u zbulua skema e përfitimit nga familja e Elisa Spiropalit e të paktën e 550 milionë lekëve, para publike, shumica e të cilave janë dhënë nëpërmjet tenderave që bashkëshorti i saj ka dhënë tek kompania e vëllait të saj.
Historia e kompanisë Solomon, që i përket familjes Spiropali, është simbol sesi qeveria vjedh paranë publike dhe taksat e shqiptarëve në çdo formë dhe mënyrë. Kjo kompani është krijuar në 9 shtator në të njëjtën ditë që u krijua edhe qeveria “Rama”.
Dokumenta zyrtarë të verifikuar nga Departamenti Antikorrupsion në PD konfirmojnë se Enklis Spiropali, vëllai i zëdhënëses së qeverisë, që në atë kohë po merrte emërimin si Drejtoreshë e Doganave, krijoi një kompani që e quajti Solomon me qëndër në Fier dhe me kapital 1 milion lekë të vjetra. Brenda pak mujave, kompania e sapokrijuar fitoi tenderin e parë në 27 mars 2014. Bamirësi ishte as më shumë as më pak, por kunati i tij, bashkëshorti i Elisa Spiropalit.
Për të fshehur gjurmët e konfliktit të interesit dhe ndonjë vepre tjetër penale, vëllai i saj e shiti kompaninë me letra pak ditë më vonë, më 8 prill 2014. Kompania u shit po brenda familjes, tek kushuriri i bashkëshortit. Vlera e shitjes ishte 1 milionë lekë megjithëse kompania sapo kishte marrë një tender prej 6 milionë lekësh”.

JORIDA TABAKU, NËNKRYETARE E KOMISIONIT TË EKONOMISË
Korrupsoni mund të ndiqet dhe të zbulohet në qindra rrugë dhe mënyra, por asnjëra nuk është aq efikase sa aksioma “ndiq paranë”.
Duke ndjekur paratë, është zbuluar një skemë skandaloze korrupsioni, konflikti interesi dhe fshehje pasurie, ku përfshihet drejtpërsëdrejti Elisa Spiropali, zëdhënëse e qeverisë, bashkëshorti i saj, Salarjon Totaj, ish drejtor i Ujësjellësit Fier, vëllai i Elisa Spiropalit, Enkli Spiropali dhe kushëriri i bashkëshortit të saj, Marjus Memushaj.
Duke ndjekur paratë e kompanisë Solomon, portali Boldneës ka zbuluar skemën e përfitimit nga familja e Elisa Spiropalit e të paktën 550 milionë lekë para publike, shumica e të cilave janë dhënë nëpërmjet tenderave nga bashkëshorti i saj tek vëllai i Elisës dhe pastaj tek kushëriri i familjes.
Historia e kompanisë Solomon, që i përket familjes së Elisa Spiropalit është simbol i babëzisë së kësaj qeverie për të vjedhur paranë publike dhe taksat e shqiptarëve në ço formë.
Ajo u krijua ditën në të cilën u krijua edhe qeveria Rama, më 9 shtator 2013.
Dokumentat zyrtarë të publikuar nga Boldneës dhe të verifikuar nga Departamenti Antikorrupsion i Partisë Demokratike, konfirmojnë se Enkli Spiropali, vëllai i zëdhënëses së qeverisë, Elisa Spiropali që, në atë kohë po merrte emërimin si Drejtoreshë e Doganave, krijoi në shtator 2013 kompaninë Solomon, me qendër në Fier me kapital prej 1 milionë lekësh të vjetra.

Brenda pak muajve, kompania e sapokrijuar e vëllait të Elisa Spiropalit fiton tenderin e parë në 27 mars 2014. Bamirësi ishte as më pak e as më shumë, por kunati i tij, bashkëshorti i Elisa Spiropalit, në atë kohë drejtor i Ujësjellësit të Fierit.
Për të fshehur gjurmët e konfliktit të interesit dhe të ndonjë vepre tjetër penale, vëllai i Elisa Spiropalit e shiti kompaninë me letra, pak ditë më vonë, më 8 prill 2014. Siç ka zbuluar Boldneës, kompania u shit brenda familjes, tek kushëriri i bashkëshortit të Spiropalit. Vlera e shitjes ishte 1 milionë lekë, megjithëse kompania tani kishte marrë tender mbi 6 milionë lekë.
Me këtë skemë, duke u fshehur pas kushëririt të familjes, bashkëshorti i Elisa Spiropalit i ka dhënë kompanisë së familjes së vet 350 milionë lekë.
Drejtuesja e Departamentit Antikorrupsion, do të shpjegojë me detaje përfitimet në konflikt interesi të mbi 550 milionë lekëve fonde publike, të kaluara nga thesari i shtetit.
Këto janë afera të pastra korruptive, që meritojnë ndjekje penale dhe përballje me drejtësinë. Më e pakta që duhet të ndodhë sot, është angazhimi i menjëhershëm i Inspektoriatit të pasurive për të hapur një hetim pasurir për Elisa Spiropalin.
Nëse do të ndjekin paratë, do të zbulojnë ndoshta edhe skema të tjera korrupsioni dhe konflikti interesi të zëdhënës së Edi Ramës.
Historia e pasurimit të paligjshëm të famijes së Elisa Spiropalit është një provë tjetër se shqiptarët nuk meritojnë më të helmohen as nga propaganda e shëmtuar, as nga gazi lotsjellës i një qeverie, që prioritet të vetëm ka vjedhjen e shqiptareve!
Është koha që së bashku ta shembim këtë sistem për t’i hapur rrugë një vendi normal, ku ministrat nuk emërohen për të vjedhur, por për të shërbyer.

LEALBA PELINKU, DEPARTAMENTI ANTIKORRUPSION I PARTISË DEMOKRATIKE
Lër të përfituar 550 milionë lekë pa rënë në sy, familja e Elisa Spiropalit ndoqi një skemë djallëzore. Pronar u regjistrua vëllai, tenderin e parë e mori vëllai i drejtoreshës së doganave nga kunati drejtori i Ujësjellësit Fier, pastaj kompania u shit tek kushëriri i bashkëshortit të Elisës.
550 milionë lekët janë marrë me tendera të vegjël, që nuk tërheqin vëmendjen. Me tendera 6-7 milionësh, bahskëshorti i Elisa Spiropali i ka dhënë kompanisë së krijuar nga kunati i tij, vëllai i Elisës rreth 350 milionë lekë.
Është e faktuar si nga transaksionet e thesarit, ashtu edhe nga të dhënat e Tenderave Publikë se ish drejtoresha e doganave ka blerë përmes tenderave deri edhe traun e doganës në kompaninë e vëllait të saj.
Sipas të dhënave të siguruara nga Thesari i Shtetit, kompania Solomon, në kundërshti me ligjet e vendit, ka përfituar fonde dhe tendera edhe nga drejtoria e Doganave Fier, në të njëjtën kohë kur Elisa Spiropali ishte drejtoreshë doganash. Më pas, edhe dogana Vlorë është në listën e atyre që kanë dhënë miliona. Më saktë rreth 67 milionë lekë.
Shoqëria pa asnjë përvojë ka marrë tendera, në të cilat eksperienca ishte vendosur si kriteri kryesor. Por për këtë qeveri kriter janë vetëm vjedhja.
Të dhënat e ankandeve tregojnë se po e njëjta kompani ka përfituar me ankand dhe hapësira pyjore për të ndërtuar magazina bujqësore.

Të dhënat që ju tregojmë sot këtu tregojnë se sipërfaqja prej 40 ha është vendosur në dispozicion, ndërkohë që fermerët e kanë të pamundur të magazinojnë produktet e tyre. Po ashtu, janë gati 130 milionë lekë që në vend që të shkojnë për fermerët, i merr kompania e familjes së Elisa Spiropalit, e cila u bën moral shqiptarëve nga mëngjesi në darkë për luftë kundër korrupsionit.
Kjo është një histori e përsëritur brenda rilindjes, ndonëse me shifra shumë herë më modeste në tenderat që ish drejtoresha e Doganave Spiropali i ka dhënë vëllait të saj dhe kushëririt të bashkëshortit. Por, morali mbetet i njëjtë me atë të ministrave të tjerë të qeverisë së Edi Ramës, që kanë shpërndarë tenderat dhe koncesionet tek kompanitë e tyre.
Shqiptarët vendosën në 16 shkurt se ky model duhet të marë fund dhe Partia Demokratike ka gati alternativën e saj për të çliruar ekonominë nga kthetrat e grabitqarëve në qeveri.

*Bashkëlidhur dokumenti i regjistrimit te kompanise “Solomon” në 2014.
* Bashkelidhur foto transaksionet e perfituara nga Dogana ne kohen kur Elisa ishte Drejtoreshe, database nga Ministria e Financave (te highlight transaksionin) si dhe link: https://ëëë.financa.gov.al/pagesat-e-kryera-2014/
* Bashkelidhur transaksionet e thesarit te perfituara nga “Solomon” ne lidhje me subvencionin e perfituar nga Ministria e Bujqesise. Databaza nga Ministria e Financave si edhe link. https://ëëë.financa.gov.al/pagesat-e-kryera-2017/
* Bashkelidhur ankandi i perfituar nga shoqeria “Solomon” ne vitin 2014 si edhe link perkates: C:/Users/user/Doënloads/Buletini_Nr_36_date_08.09.14%20.pdf
* Bashkelidhur 10 tenderat e perfituara nga shoqeria “Solomon” nga Ujesjelles Kanalizimi Fier ne kohen qe drejtohej nga bashkeshorti i Elisa Spiropalit, Salarjon Totaj.

Rekordi i “RD.al” dje, 141 mijë lexues tek lajmet tona online

Të lumtur të konstatojmë një rekord të arritur ditën e djeshme në rrjetet sociale dhe median online të RD.al Sipas shifrave të facebook, shtrirja e lajmeve të gazetës RD gjatë ditës së djeshme ka kapur një rekord surprizues duke arritur tek 141 mijë përdorues të këtyre rrjeteve, ndërkohë që lexueshmëria e lajmeve në versionin online të gazetës vetëm gjatë ditës së djeshme ka kaluar shifrën e 23 mijë përdoruesve ditorë.
Duket të theksojmë se kjo shifër është “bio” dhe e pa stimuluar për asnjë moment përmes sponsorizimeve që bëhen në këto rrjete, kjo edhe për shkak të pamundësisë tonë për të bërë promocione të tilla, ndonëse besojmë se do të kishin një efekt shumë herë më të madh tek lexuesit.
Revolucioni dixhital i mediave ka bërë që opinioni të adresohet përgjatë pjesës më të madhe të kohës tek lajmet online. Kjo është evidente në pjesën më të madhe të mediave, por ajo që konstatohet me lexuesit e RD është edhe një fakt tjetër dhe mjaft i rëndësishëm politik. Sot, shumica e qytetarëve janë të prirur dhe kanë një uri të madhe për lajmet opozitare ndaj një regjimi kriminal. Kjo është edhe specifika e RD, një media e lindur si opozitare sot ka një shtrirje të lakmueshme të lexuesit.
E rëndësishme në mediat online është emri dhe vërtetësia e lajmit. Duke pasur prova dhe fakte të pakundërshtueshme si përmes fotove ashtu edhe përmes videove të skandaleve të regjimit në pushtet, por edhe të zgjimit të madh popullor, RD nuk e ka pasur të vështirë të rigjejë vetveten në tregun online. Për këtë, ka mjaftuar vetëm që të jemi sa më të shpejtë në sjelljen e lajmit tek lexuesit dhe vërtetësi tek lajmet.
Mirënjohje të gjithë lexuesve tanë online që tani më shumë se kurrë konstatojmë se janë të prirur drejt opozicionit të regjimit duke u rikthyer edhe një herë tek emri i RD.

“RD”

Rama në panik, më shumë roje që e rrethojnë se njerëz që takohet, ndjen fundin

Deputeti Bardh Spahia ka publikuar një foto të takimit të fundit të Ramës në Vaun e Dejës. Sikurse shikohet nga foto, ka më shumë roje se njerëz që e takojnë. Rama ka prekur fundin dhe tani është në panik nga revolta e qytetarëve në çdo cep të vendit. Ai po ndjen se I ka arhur fundi dhe nuk ndjehet I sigurtë. Kudo ku shkon, merr me vete dhjetra forca sigurie, pasi është në panik.
Postimi plotë i Spahisë
I BRAKTISUR TOTALISHT
Me shume forca sigurie se qytetare ne takimin e Edi Rames ne Vaun e Dejes. Qytetaret refuzojne kryeministrin e korruptuar e te mbeshtetur nga krimi. I nxire, i frikesuar e pa telekamera, takimi i zgjati vetem 7 minuta!
Kryeministri i braktisur nga qytetarët, mendon se me një xhiro nëpër bashki e duke bërë bufonin, do i mashtrojë prapë qytetarët, se nuk është i njëjti që po ua bën këtë vend të pajetueshëm! Këto janë pamjet e rrugës në Lezhë, ku të rinj e qytetarë nga Shkodra iu bashkuan masivisht atyre të Lezhës, duke e detyruar kryeministrin që të ndërronte rrugën e nisur për shfaqjen e radhës në Pukë.
Ky kryeministër ka rënë! Punonjësit e shtetit që i kërcënon me vendin e punës për t’iu shfaqur si “popull“ në pseudoshfaqjet që inskenon janë vetëm shenjë e degradimit pa kthim! Me protestën e 16 Shkurtit qytetarët treguan se ku duan të jenë: në shesh kundër këtij kryeministri! Si një diktator tipik, refuzon ta lexojë zërin e qytetarëve. Atëherë do marrë përgjigje, e kjo e sotmja në Lezhë ishte një prej tyre: nuk do ketë më paqe për këtë.

“Llaxore nga vulgu, dil se të erdhi burgu”!

Deputetja e LSI-së, Silva Caka ka akuzuar ministren Elisa Spiropali për vjedhje. Nëpërmjet një postimi në Facebook, duke ju referuar një shkrimi, ku thuhet se Bashkëshorti i Spiropalit ia dha tenderat vëllait të ministres, deputetja e LSI-së shkruan se: ‘Me bekimin politik të saj, 3 këmbët e perustisë Spiropali-Totaj-Memushaj (vëllai, burri dhe kushëriri i burrit të Ministres), vjedhin 350 mijë $’.
Ajo ka akuzuar më tej edhe qevirinë duke e cilësuar si një qeveri që punon vetëm për Kryeministrin, ministrat, familjarët e tyre dhe klientët e pushtetit.
Reagimi i plotë i deputetes, Silva Caka
‘Llaxore te dera, dil se të erdhi vera…
Nga karrigia e pushtetit, është shumë e thjeshtë të bësh arroganten dhe të vjedhësh paratë e shqiptarëve, me mënyra të paskrupullta dhe skema të trasha.
Në këtë link, faktohet kristal e qartë vjedhja familjare e 350 mijë $, nga bashkëshorti, vëllai dhe krushku i Ministres së Shtetit për Marrëdhëniet me Parlamentin.
Me bekimin politik të saj, 3 këmbët e perustisë Spiropali-Totaj-Memushaj (vëllai, burri dhe kushëriri i burrit të Ministres), vjedhin 350 mijë $, duke treguar edhe një herë se kjo qeveri punon vetëm për Kryeministrin, ministrat, familjarët e tyre dhe klientët e pushtetit.
Ndërkohë, dosjet e korrupsionit në Dogana, faktuar nga raportet e Kontrollit të Lartë të Shtetit, flenë në Prokurori. Llaxore nga vulgu, dil se të erdhi burgu’, shkruan Caka.

1...4 9374 9384 939...8 382Faqja 4 938 nga 8 382

Kryesore

Continue to the category
Më shumë
© 2024 Rilindja Demokratike Euroatlantike