22.5 C
Tirana
E enjte, 19 Qershor, 2025
type here...

Përgjimi i plotë i Alizotit: Ardi Veliu më mori në darkë, tek dera e Prokurorisë më priste ai robq…

Fredi – Tani do më dëgjosh ti mua?
Tjetri – Po?
Fredi – Nga 200 ulu 100
Tjetri – Pse do të takonte Taulanti ty te prokuroria psh?
Fredi – Ti e di kush ka ardhur të më marrë me makinë mua? Drejtori i Përgjithshëm i gjithë Shqipërisë, ça e ka ai, nga Delvina, nga është ai.
Tjetri – Si të ka marrë?
Fredi – Erdhi më mori në shpi vlla. Ku je m’tha se e kishin numrin e telefonit në prokurori. I thashë unë jam te lagjja. Ka ardh MB, makinë e zezë, m’ka marrë, m’ka çuar n’prokurori. …
Fredi – Ky ropqiri tani ishte me dy veta, Taulanti, ishte ballë përballë me prokurorinë, ç’është një lokal aty.
Tjetri – Po, ka shpinë aty
Fredi – Po, biles kam pirë dhe një kafe aty dhe filloi të më blinte mendjen, kupton.
Fredi – E kupton ti, muhabete, s’kam gisht fare unë me këtë muhabet, di që e kam shok
Tjetri – Dhe nje herë, Drejtori i Përgjithshëm nuk ka pse vjen me të marrë ty me makinë.
Fredi – Ky është muhabeti, në daç besoje, në daç mos e beso. Këto qe të thashë tani janë të vërteta.
Tjetri – Të vërteta që ka ardh Taulanti, ka bë muhabet me ty e t’ka thënë e…
Fredi – Po, po, të gjitha të gjitha, biles më ka dhënë dhe kafe.
Tjetri – Ky drejtori i ri që është vënë?
Fredi – po, ore më vdekshin dy pleqtë po të betohem që është e vërtetë
Tjetri – Kush drejtor, drejtori i Tiranës?
Fredi – Ky Ard Veliu o vlla.

Tjetri- Si, të erdhi të mori ty nga atje?
Fredi – Po ore, po vlla. Ore unë po të them kshu tani. Po ju betohem dhe njëherë më vdekshin ça kam në shpi, në ju gënjej.
Tjetri – S’ke faj që je i lodhur e je friksum o burrë, s’ke faj o burrë. Me gjithë mend të ka marrë ty Ard Veliu me të bë presion, se formë presioni është me të marrë me makinë
Fredi – Po kot e ka me mua, se unë kam bërë 14 vjet burg o vëlla.
Tjetri – Po mirë pra mirë, presion është
Fredi – Unë kam berë ç’nuk ka bërë njeri, do më bëjnë mua këta ropqira. Unë qetë, me qetësi, kupton ti.
Tjetri – E ça thotë rrugës
Fredi – Po kot ore, provokime, gjëra, kupton ti. Me kë je, me ne apo me këta. S’kam votu ndonjëhere në jetën time i thashë, kam ndenjt tërë jetën në Spanjë i thashë. Thashë me vete, kur kam bërë unë biruca, ti ke qenë…
Tjetri – Po Taulanti me kë ishte, njifshe ndonjë nga ata që ishte Taulanti?
Fredi – Ishin dy çuna, një ezmer me flokë gështenjë
Tjetri – Taulanti si ishte vesh? Me kostum ishte?
Fredi – Me kostum
Tjetri – Te ça lokali ishit?
Fredi – Te një lokal aty mbrapa.
Tjetri – Te pallatet e Sadriut?
Fredi – Unë s’të gënjej o vlla
Tjetri – Ore a e sheh që i hoqa gjithë telefonat, me çantë me të gjitha
Fredi- se ti kur te them një llaf unë, te dridhet trupi. Të duket sikur unë po të ashu..
Tjetri – O Fredi, unë të pashë qëparë, e di sa i tensiunum që ishe. Po ta regjistroje veten qëparë e ta shifshe veten tate, do thojshe paskam qenë me gjithë mend n’siklet. Ishe shumë i skletum. Thashë unë këtij i kanë bo presion këtij, i kanë ofru noj gjo, ky s’do me dalë jashtë vetes së vet me shtrembëru gjonat, se nesër i bie përgjegjësia, atij i prish punë, vetes tate i prish punë, kur..
Fredi – Po jo se nuk bëj unë nga ato gjëra
Tjetri – Prandaj thashë, i kanë ofru lekë, i kanë bë presion, se normalisht këta shtetin në dorë mor burrë, të bëjnë çdo gjë mor burrë, kanë gjithë instrumentat. Tashi, vjen Drejtori i Përgjithshëm, që për mu është procedurë jo normale..

Fredi – Po ka ardhë orë, se më vjen shumë keq, po betohem për pleqtë
Tjetri – Ore nuk e vë në dyshim që ka ardhur e të ka marrë vetë ai, po ç’punë ka ai me të marrë me të çu te Krimet e Rënda?
Fredi – Ça të them unë tani?
Tjetri – Po pati kohë çdo Drejtori Përgjithshëm me marrë çdo njeri e me e çu te Krimet e Rënda, i bie që është korrier, s’është drejtor.
Fredi – Ai, bashkë me shoferin. Unë s’ju gënjëj ore.
Tjetri – Ça date ka qenë?
Fredi – Ka qenë 1 ose 2, 1 ka qenë 1.
Tjetri – Në ç’orë, natën apo ditën?
Fredi – Nga ora 8 e një çerek, 8.10 pasdite
Tjetri – E të kanë çu te Krimet e Rënda në darkë ty?
Fredi – Po, në darkë më kanë çuar.
Tjetri – Dhe ty të priste Taulanti aty jashtë?
Fredi – Aty jashtë.
Tjetri – E kanë bo kastile atë punë. E ça po thoshte pastaj?
Fredi – Kot o provokonte, mos ke dorë ti, mos di gjë. Po s’di gjë nga këto muhabete i thashë. Unë di i thashë edhe për ty. Edhe qeshi ropqiri. A e njeh filanin? Filanin e njoh nga Berti i thashë unë. Po cne i rrije nga mbrapa? I rrija nga mbrapa se e kam 20 vjet shok i thashë unë, kisha hall se ma vrisnin.
Tjetri – Të bëri noj çik presion Taulanti?
Fredi – Po kush i ha ato! Unë kam bëre biruca në kohën e Enver Hoxhës.
Tjetri – Tashi do ma thush burrash ça te ka thënë fjalë për fjalë.
Fredi – Hidhu nga ne tha, troç, hidhu nga ne tha.
Tjetri – Po si do hidheshe ti, në ça forme, do hidheshe pupthi ti?
Fredi – Po ku i haja unë ato re. Ai kujtoi se…
Tjetri – e ça të tha, do të bëjë ndonjë gjë tha?
Fredi – Çke ore, do të çojmë andej, ça ke, do të jap lekë e, muhabete siç i kanë këta.
Tjetri – Po të bëj një pyetje unë ty, po të jeote lekët, po ça do bënte të të jepte lekët? Të t’i jepte lekët, pse s’t’i dha?
Fredi – Po ku janë e (qesh)
Tjetri – Po pra, po për ça do t’i jepte lekët ai, për kot?
Fredi – Siç i kanë këta, aman ore
Tjetri – E ça donte ai të me thënë ti ?
Fredi – Epo ai donte të dinte mos kisha gjë unë me të, kupton ti?! Unë s’di gjë fare nga keto muhabete i thashë unë. Troç ore me pastelërti siç ka qenë, i rrija nga mbrapa une ngaqë ka vjehrrën aty, kisha hall mos e vrisnin. Kaq i kam thenë.
Tjetri – Të të marri Drejtori Pergjithshëm ty në makinë është skandaloze njëjherë.
Fredi – Ore mos të gjej ça kam në shpi. Unë u habita o vlla.
Tjetri – Edhe? Numër policie është ai?
Fredi – Numri i këtij o vlla, privat.
Fredi – Prokurori ishte nga Kruja, nje çun i ri ai, te 40, 40 e ca vjeç.

Misioni Indian i Hapësirës zbulon ujë të ngrirë në sipërfaqen e Hënës

Shkencëtarët kanë gjetur dëshmi përfundimtare që konfirmojnë praninë e ujit të ngrirë në sipërfaqen e Hënës, transmeton BBC.
Depozitat e akullit u gjetën në polet veriore dhe jugore të Hënës dhe ndoshta kanë origjinë të lashtë. Shpikja u vlerësua për misionin indian – Chandra 1, instrumentet e të cilit eksploruan Hënën midis viteve 2008 dhe 2009.
Rezultatet e misionit u botuan në revistën Proceedings of the National Academy of Sciences (PNAS).
Shpërndarja e depozitave të akullta është e pabarabartë. Në jug, shumica e akullit është e përqendruar në kratere, ndërsa në hemisferën veriore akulli është më i gjerë dhe më i përhapur. Misioni indian përdori pajisjen për hartimin e mineralit M3 dhe identifikoi tre karakteristika specifike të akullit në sipërfaqen e Hënës.
M3 jo vetëm që ka regjistruar reflektimin e akullit, por ka matur drejtpërdrejt mënyrën në të cilën molekulat e akullit thithin dritën infra të kuqe. Kjo do të thotë se mund të regjistrohen dallimet midis gjendjeve agregate

FMN e shqetësuar për luftën tregtare SHBA-Kinë

Shkallëzimi i luftës tregtare SHBA-Kinë do të pengojë rritjen ekonomike globale këtë vit dhe tjetrin, tha të martën Fondi Monetar Ndërkombëtar, ndërkohë që Presidenti Donald Trump përsëri kërcënoi se do të vendosë tarifa më të larta për eksportet kineze që hyjnë në Shtetet e Bashkuara.
Në një vlerësim të ri të bërë gjatë konferencës në Bali të Indonezisë, FMN-ja parashikoi se “të gjithë do të vuajnë pasojat”, sa kohë që SHBA dhe Kina, dy ekonomitë më të mëdha të botës, nuk merren vesh për tarifat dhe çështjet e tjera tregtare. FMN-ja tha se mosmarrëveshjet midis SHBA dhe Kinës do t’i linte veçanërisht vendet në zhvillim të ekspozuara ndaj streseve të papritura.
Agjencia ndërkombëtare financiare ka ulur parashikimin e saj për rritjen ekonomike botërore me 0,2 përqind për vitin 2018 dhe 2019, duke e ulur në 3.7 për qind, hera e parë në më shumë se dy vjet që bën një ulje të tillë.
Për SHBA, FMN-ja parashikon një rritje prej 2.9 për qind këtë vit, me një rënie në nivelin 2.5 për qind për vitin e ardhshëm dhe në 1.8 për qind për vitin 2020, për shkak të dobësimit të efektit të shkurtimit të taksave si dhe për shkak të luftës tregtare me Kinën pengon rritjen.
“Nuk mund të mohohet se ekspozimi ndaj goditjeve të mëdha globale është rritur”, u tha gazetarëve ekonomisti i lartë i FMN, Maurice Obstfeld.
SHBA-të dhe Kina kanë imponuar tarifa më të larta prej dhjetëra miliarda dollarësh ndaj produkteve që të dyja vendet eksportojnë drejt njëra-tjetrës.
Presidenti Trump i ka justifikuar tarifat më të larta të SHBA-së si kundërpërgjigje ndaj mosbalancës tregtare mes dy vendeve dhe Kina u përgjigj me shpejtësi me taksa më të larta për importet amerikane.
Vitin e kaluar, Kina shiti mallra me vlerë 375 miliardë dollarë më shumë sesa eksportoi SHBA drejt Kinës, një shifër që Presidenti Trump shpesh ka thënë se synon ta pakësojë ndjeshëm, në përpjekje për të nxitur bizneset amerikane.
“Kina dëshiron një marrëveshje dhe unë them se ata nuk janë ende gati,” tha Presidenti Trump.

I dyshuari i dytë në rastin Skripal është dekoruar nga Putini

Ueb-faqja hulumtuese, Bellingcat ka thënë se ka gjetur të dy burrat, për të cilët Britania dyshon se kanë helmuar ish-spiunin rus, Sergei Skripal dhe vajzën e tij Yulia janë shpërblyer me medalje heroike të Federatës Ruse nga presidenti i këtij shteti, Vladimir Putin, disa vjet më parë.
Duke publikuar detaje rreth të gjeturave të fundit më 9 tetor, Bellingcat ka thënë se Aleksandr Mishkin është dekoruar pothuajse në kohën e njëjtë sikur Anatoly Chepiga më 2014, vitin që Rusia ka aneksuar Krimenë dhe ka nxitur separatizëm në lindje të Ukrainës, çka ka rezultuar me luftë dhe 10,300 persona të vdekur.
Një ditë më parë, Bellingcat ka thënë se të ketë vërtetuar se i dyshuari që ka udhëtuar në Britani në muajin mars me emrin Aleksandr Petrov ka në fakt mbiemrin Mishkin dhe është doktor ushtarak, i punësuar nga agjencia e inteligjencës ushtarake të Rusisë (GRU).
Grupi hulumtues me bazë në Britani ka thënë të ketë kryer një varg të hetimeve muajin e kaluar, andaj ka vërtetuar se Chepiga është identetiteti i vërtetë i të dyshuarit tjetër, i cili ka udhëtuar me pasaportë ruse me emrin, Ruslan Boshirov.
Sipas këtij grupi edhe ky person është nderuar si hero në Rusi.
Autoritetet britanike supozojnë se dy rusët kanë hedhur agjent nervor të kategorisë ushtarake, Noviçok para derës së Skripalëve në qytetin britanik, Sallsbëri më 4 mars.
Ndonëse fillimisht ishin në gjendje të rëndë, Skripalët kanë mbijetuar mirëpo jo edhe Dawn Sturgess, gruaja për të cilën autoritetet dyshojnë se është helmuar me mbetjet e Noviçokut në një zonë afër Sallsbërit.
Ky rast ka tensionuar edhe më shumë marrëdhëniet në mes të Rusisë dhe Perëndimit, duke rezultuar me sanksione amerikane dhe evropiane kundër Moskës, si dhe me dëbime diplomatike nga të dyja palët.
Rusia në anën tjetër ka mohuar vazhdimisht akuzat për helmim kundër Skripalëve.

“Veliaj na mashtroi!”, banorët e Laprakës protestë për shembjen e fushës së futbollit: Do bëjmë rezistencë!

Banorët e zonës së Laprakës janë alarmuar sot pas lajmit të prishjes të së vetmes fushë që kanë në këtë zonë. Banorët janë shprehur për Fax News se Veliaj para tre vitesh premtoi rregullimin e kësaj fushe, ndërsa sot një ndërtues do bëjë një pallat.
“Jam banor i vjetër këtu që nga viti 90. Pra lozim futboll në kët fushë. Përpara 3 vjetësh kryetari i Bashkisë është shprehur për rritjen mirëmbajtjen e ambjenteve për fëmijët. Tani na vjen një ndërtues që do vijnë do ndërtojnë pallate. Kërkojmë nga bashkia të marrin masa për ndalimin e ndërtimit në të vetmën fushë që disponojnë. Këtu gratë e moshuara bëjnë stërvitje. Besoj se do na ndihmojnë që të jetë një zgjidhje e drejtë për ne”, tha ai.
Një tjetër banor tha se nuk janë njoftuar për fushë tjetër dhe që e mban mend që nga viti 1963.I indinjuar ai shprehet se është e padrejtë që po e shndërrojnë kryeqytetin në beton.
“Jam banor i vjetër e mbaj mend këtë fushë që në vitin 1963. E mora vesh që do prishet dhe erdhëm të protestojmë të mbrojmë fushën. Do bëjmë rezistencë. Po e bëjnë Tiranën beton”, theksoi ai duke mos kursyer akuzat për Veliajnë.
Banorët theksojnë se fusha funksionon prej 50 vitesh dhe janë mbi 10 grupe fëmijësh nga 30-40 persona që bëjnë çdo ditë stërvitje. Ndërkaq burime nga Bashkia e Tiranës për Fax News, ia kalojnë pingpongun e përgjegjësisë, kreut të PD-së Lulzim Basha dhe kohës kur ai ishte kryebashkiak.
“Në vitin 2012 prona u ka kaluar pronareve dhe ska leje për ndërtim. Prona është kthyer në kohën e Saliut dhe të Lulit pronarëve me urdher ekzekutiv nr 5920 datë 28 /06/ 2012 nga Gjykata e Tiranes.
Në buxhetin e ardhshëm do parashikohet fondi për shpronesimin në favor të qytetareve të kësaj prone, pra që të mbetet edhe si tokë publike” , theksojnë për Fax News.

Nikki Haley largohet nga posti i Ambasadores së SHBA në Kombet e Bashkuara

Nikki Haley bëri të ditur se do të largohet nga posti i Ambasadores së SHBA në Kombet e Bashkuara. Në një konferencë të përbashkët shtypi në Shtëpinë e Bardhë, presidenti Trump njoftoi se Nikki Haley do të qëndrojë në post deri në fund të vitit.
“Nikki do largohet në fund të vitit, por unë e di që ajo do të vazhdojë të qëndrojë në kontakt me ne,” tha Presidenti Trump, i cili ka pranuar kërkesën e saj për të hequr dorë nga posti i Ambasadores në KB, një post që në SHBA ka vlerën e një anëtari kabineti. Nuk është e qartë cila është arsyeja e lëvizjes, por mediat filluan të bëjnë bilancin e punës së saj, një grua me profil të lartë në kabinetin e presidentit Trump.
Dorëheqja e saj po ndodh vetëm pak ditë pas përfundimit të Asamblesë së Përgjithshme të KB ku liderët e botës u mblodhën në Nju Jork. Një pjesë e tyre treguan qëndrime të ndryshme nga ato të SHBA në çështje si ajo e klimës, Lindjes së Mesme, Koresë, Iranit dhe multilaterizmit. Nikki Haley ka përfaqësuar me energji politikën e vendit të saj, në të cilën ka pasur edhe ndikimin e saj.
Në postin e saj si ambasadore e KB Nikki Haley u kthye në figurën kryesore të politikës së jashtme amerikane. Ajo mbështeti dërgimin e ambasadës amerikane në Jeruzalem, sanksione të ashpra kundër Rusisë, për rolin në Siri. Ajo ndali financimet e agjencisë në ndihmë të palestinezëve, UNRWA. Po ashtu ajo ashpërsoi qëndrimin ndaj Iranit. Ajo kritikoi ashpër agjenci të ndryshme KB për qëndrimin e tyre antiizraelit, dhe preu financimet.

Duke bërë bilancin e punës së saj, Nikki Haley tha “shihni çfarë ka ndodhur me SHBA në këto dy vjet në politikën e jashtme. Tani SHBA respektohet. Vendeve mund të mos u pëlqejë çfarë bëjmë ne, por ato e respektojnë atë që bëjmë ne.”
Haley ka punuar dy vitet si ambasadore për reformimin e Kombeve të Bashkuara dhe Sekretari i Përgjithshëm, Antonio Guterres shprehu sot “vlerësim të madh” për punën e saj. Zëdhënësi Stephane Dujarric, tha sot para gazetarëve se pavarësisht nga diferencat midis SHBA dhe KB, Nikki Haley ka ruajtur “dialogun dhe angazhimin”. “Ambasadore Haley ka përfaqësuar pozicionin e vendit të saj, por ata kanë pasur marrëdhënie të mira pune”, tha Dujarric.
Përfaqësuesja e Kosovës në Nju Jork, lëshoi në mediat sociale një video të regjistruar muaj më parë, ku Nikki Haley thotë se gjyshi i bashkëshortit të saj, ka ardhur nga Shqipëria në Amerikë.
Haley është konservatore dhe besnike e Partisë Republikane, por ajo ka qenë zë i moderuar në parti. Më parë Haley, fëmi prindërish që kanë imigruar në SHBA nga India, ka qenë governatore e Karolinës së Jugut. Bashkë me dhënien e dorëheqjes Nikki Haley, tha se ajo nuk do të kandidojë më 2020 për presidente. Më parë u pat folur se ajo shihet si kandidate potenciale e partisë së saj.
Mediat kanë filluar spekullimet për pasardhësin e saj. Vetë Haley largohet duke vlerësuar shumë dhëndrrin e presidentit Trump, Jared Kushner.

Vrasja në Bllok, publikohet dëshmia e Ervis Martinajt: “Kokëmadhi” do ishte i vdekur sot nëse…

Pak ditë pas masakrës në ish-Bllok, “Gazeta Shqiptare” ka siguruar një pjesë të dëshmisë së 36-vjeçarit Ervis Martinaj. Ndër të tjera, ai ka thënë se me Ervin Matën s’ka pasur lidhje fare dhe se me të është takuar rastësisht.
‘Ervin Mata është një dele. Ai tani do të jetë në një copë dhomë, duke pirë. Unë s’kam asnjë lloj konflikti me të, por do të flas me babin e tij dhe do i them të vijë të sqarojë. Ai ka frikë se mos ngel në burg, se ju e arrestoni, e mbani kot’, është shprehur Martinaj.
Gjithashtu, 36-vjeçari i plagosur ka pohuar se komando Mevjol Bilo, të cilin e quan “Kokëmadhi” e qëlloi atë për refleks, ndërsa ka sqaruar se nëse nuk do të kishte ndërhyrë ai (Martinaj), komando do të kishte vdekur, pasi s’kishte mundësi të nxirrte armën.
Dëshmia e plotë e Ervis Martinajt
Gjykata ka pyetur mjeken e pranishme nëse personi nën hetimi (Martinaj) është në gjendje për të folur. Mjekja është përgjigjur se është në gjendje për të folur. Ndërsa vetë Martinaj ka thënë: “Po, mund të flas, thjesht qafën kam të paralizuar”. Më pas 36-vjeçari nën hetim ka dëshmuar për ngjarjen: “Unë, si puna e atyre dy çunave njoh gjithë Tiranën. Në këtë ngjarje kanë qenë palë në konflikt dy persona që kanë hyrë nga jashtë. Personat që kanë qenë të pranishëm fillimisht në lokal nuk kanë lidhje me ngjarjen. Kur unë po pija me Ervin Matën dhe Redin kanë hyrë dy persona nga jashtë lokalit.

Njërin prej tyre e njoh, quhej Fabi, ndërsa tjetrin nuk e njoh dhe ata të dy kanë pasur konflikt me një tavolinë tjetër.
Të gjithë të tjerët në lokal i kam miq dhe s’kam pasur asnjë konflikt me ta. Kur ata po konfliktoheshin, unë jam futur në mes për t’i ndarë dhe besoj që jam plagosur pa dashje nga “Kokëmadhi”.
Ai më gjuajti me refleks, pasi nëse ai do të më vriste, i kishte të gjitha mundësitë, pasi unë në tokë i shtrirë isha. Nipçja në ato momente (Elion Hata), i cili ishte në tavolinë me mua i tha ‘Kokëmadhit’: ‘Mos, çfarë bëre, t’u thafshin krahët’ dhe ai në këto momente është goditur. Vetëm oficeri i komandës ka qëlluar. Unë u hodha në mes, isha me gotë vere në dorë për të qetësuar situatën. Unë e njoh Fabin, kisha 4 muaj pa e parë”. Gjatë dëshmisë së tij, Ervis Martinaj ka folur për viktimën Fabian Gaxhajn, për të cilin është shprehur se ishte shumë problematik dhe për këtë arsye nuk e afronte në miqësi. “Ai para 5 muajsh ishte diagnostikuar me kancer dhe sipas mje-këve, atij i kishin ngelur edhe shumë pak muaj jetë. Kjo vërtetohet edhe me raportet, pasi ai nuk ishte mirë nga mendtë kohët e fundit. Ai ishte çuni i dajës tim, por ishte shumë konfliktual dhe kishte bërë disa konflikte rresht. Me Fabin vriteshe edhe për një shikim. Këngëtarja s’ka lidhje fare”, ka pohuar Martinaj.

I pyetur nga gjykata nëse e kishte lënë me Matën për t’u takuar, Ervis Martinaj ka deklaruar: “Me Ervin Matën s’kam pas lidhje fare. Me të jam takuar rastësisht.
Unë jam rritur me babën e Ervinit. Vetëm Fabi është fajtor në këtë mes, por sherri nuk ishte aq i madh sa për të goditur aq shumë plumba.
Unë isha ai që i thashë Fabit ‘mos’ se po të mos kisha ndërhyrë unë, ‘Kokëmadhi’ do të kishte vdekur sot, pasi ai e kishte të pamundur të qëllonte se e kishin kapur nga krahët e s’kishte mundësi të nxirrte armën.
Ai u tregua legen, pasi kur unë i thashë Fabit, ‘mos çfarë po bën’, ai gjuajti me refleks.
Do të ishte Fabi gjallë dhe nipçja ime nuk do të kishte vdekur, se ai i vdekur është. Jeni duke rënë në qafë kot, pasi unë isha duke pirë një gotë. Unë në spital kam shkuar vetë me një taksi. Nëse nuk do të kisha shkuar për 3 minuta, do të kisha vdekur, pasi kisha humbur 2.5 litra gjak”. I pyetur nga gjykata se dy personat u konfliktuan me sy para se të hynin në lokal, personi nën hetim (Martinaj) tha: “Ervin Mata është një dele. Ai tani do të jetë në një copë dhomë, duke pirë. Unë s’kam asnjë lloj konflikti me të, por do të flas me babin e tij dhe do i them të vijë të sqarojë. Ai ka frikë se mos ngel në burg, se ju e arrestoni, e mbani kot”.

Berisha publikon foton: Pjerini vdes për trafikantët!

Një tjetër eksponent i grupit parlamentar socialist, Pjerin Ndreu është denoncuar sot se shoqërohet me persona të lidhur e të dënuar me burg për trafik droge. Një qytetar i ka shkruar ish-Kryeministrit Berisha duke publikuar edhe foto të deputetit të PS Ndreu me një shtetas I cili ka qënë I dënuar me burg për trafik droge.
Berisha shkruan me ironi se “Pjerini vdes për trafikantët, pasi ata kanë shumë para”.
Postimi i plotë i ish-Kryeministrit Berisha në Facebook
Pjerini vdes për trafikantët
Ata kanë para shumë!
Lexoni mesazhin dhe shikoni fotot e qytetarit dixhital. sb
“Pershendetje dr Bashkngjitur po ju informoj mbi kriminalitetin qe ndodh ne Fushe Arrez Puke, ne foto ne krahun e majte te Z.Pjerin Ndreu Albert Tuci vellai i kryetarit te bashkise Z. Fran Tuci. I denuar per trafikant, dhe vazhdon i qete punen pasi siq shifet ne foto ka mbrojtjen e vellait dhe te deputetit Nderu. Gjithashtu cdo emrim ne pune behet me urdherin e tij. Ju lutem anonim…”

Kemi për kryeministër një hale të gjatë ku llumi është ngritur në sistem

Erl KODRA

Para pak orësh shkrova hyrjen e një teksti, të cilin kisha ndërmend ta përfundoja në orët në vijim. Po mendoja për metafora të gjetura, të forta dhe goditëse. Por Partia Demokratike t’i prish metaforat, sepse ngjajnë krejt minore pas përmasave që mori tragjikomedia e mutit madhështor Edi Rama.
Më ndjeni lexues të nderuar për fjalorin, por ne shqiptarët kemi për Kryeministër hiç më pak se një hale të gjatë, të kuruar mrekullsht nga kushedi se çfarë dreqënish.
Po e sjell ashtu siç e shkrova paragrafin e para disa orësh:
Llumi është ngritur në sistem, ndërsa muti në kuptmin e parë të kësaj fjale ka plasur ndër institucione. Shpresa se diçka do ndryshojë nuk ka, sepse sekush e ka të zënë gojën me shuka gjithëfare; me shuka frike, me shuka shpifje dhe shuka parash në formë duqi.
Pjesa më e madhe e “medias së lirë” rënkon nën pushtetin e orgazmës, teksa i lutet vajtueshëm Edi Ramës:
Më fort, më fort!
Përkufizimi im u konfirmua saktësisht mes orës 22.30 dhe orës 23.30 të mbrëmjes, 09 Tetor 2018. Përdreq, deputeti Ervin Salianji, ia dogji skenarin alla Sigurimi i Shtetit, Edi Ramës, Fatmir Xhafës dhe Arta Markut.
Partia Demokratike, opozita që po qëndron fort përballë llahtarisë më të zezë të krimit politik, mafioz dhe antikombëtar të Rilindjen Komuniste, sonte faktoi para shqiptarve se realisht në institucionet kryesore të shtetit ka plasur muti.

Njësoj si baballarët e tyre, këta birbo që kanë sakatuar dhe masakruar jetët e një populli për 47 vjet me rradhë, janë në gjendje të rikrijojnë fije e për pe edhe njëherë krimet e baballarëve të tyre.
Në të vërtetë në një farë mënyre ia kanë arritur; kanë gllabëruar krejt ekonominë kombëtare, kanë grabitur nja 2.2 miliard euro, kanë përzënë nga Shqipëria nja 400.000 shqiptarë, ndërsa vendin e kanë zhytur në varfëri ekstreme, krim mafioz dhe krim institucional e politik.
Tashmë nuk shtrohet problemi thjeshtë a do të ikin këta maluketër, por se si dhe në çfarë situate po e lënë vendin.
Një Polici e Shtetit e shpartalluar, e inkriminuar deri në palcë.
Një Prokurori nën terrorin permanent politik dhe mafioz të dy marionetave të Edi Ramës.
Sistem gjyqësor gjysmak, pa Gjykatë Kushtetuese dhe Gjykatë të Lartë.
Një administratë në asfikisi të plotë nga krimi mafioz, dhe korrupsioni galopant.
Një ekonomi në dekadencë, që po shuhet nga barra e rëndë fiskale dhe bjerrja e popullsisë.
Mbi të gjitha një Parti Socialiste, e kthyer në Grup Mafioz që organizoi dhe drejtoi operacione spektakolare të krimit kombëtar dhe ndërkombëtar, njësoj si Kartelet e drogës në Amerikën Latine.
Parti që u mor peng dhe shkatërrua nga Edi Rama, njësoj si terroristi Enver Hoxha që vodhi ëndrrën e Luftës Nacionalçlirimtare, dhe masakroi jetën dhe të ardhmen e një kombi.
Me sa duket, ne shqiptarët jemi mjaft të aftë për të prodhuar herë pas here monstra vetshkatërruese. E fundit është Edi Rama dhe Rilindja e tij Komuniste.
Tashmë mbetet që të pastrojmë shtetin nga mafia, të marrë peng nga Banda e Edvin Kristaq Ramës.

Me qetësi dhe kujdes, sepse kaosi është në prag. Kjo lukuni nuk dorëzohet lehtë, sepse kanë borxhe pa larë, kontrata të prera në mes, punë të papërfunduara.
Dhe Mafia i bën ndryshe hesapet, jo me kalkulatriçe, por me kallashnikov. Mos harroni faktin se Policia e Shtetit është e mbushur me ish Sigurimin e Shtetit, me mafioz dhe kriminel të mirëfilltë.
Për fat të mirë, jo të gjithë.
Shqiptarët duhet të gjejnë forcën, rrugën e drejtë të përballojnë edhe tronditjen e fundit.
Populli i djathtë duhet të dijë të mbështesë, pa ra pre e propagandës perfide alla Mero Baze, Carlo Bollino, Mustafa Nano, Lorenc Vangjeli, Artan Hoxha dhe gjithë arsenalit të tmerrshëm mediatik që ka ndërtuar makineria mafiozo-politike e Edi Ramës.
Mjafton të shihni reagimin e Mustafa Nanos dhe Lorenc Vangjelit se sa shumë u dhembi shpirti kur e vërteta iu fut thellë në prapranica. Çfarë shpërfytyrimi për Çmim Oscar!
Populli i djathë duhet të injorojë zërat e shitur që dijnë vetëm t’i bëjnë opozitë Partisë Demokratike, për interesa misterioze.
Ndodh që detajet bëjnë diferencën. Dhe sot detajet u servirën të plota, duke treguar me gisht, faqe gjithë botës Shtetin e Mafies.
Këtë e bëri me guxim një djalë më shumë se i zakonshëm, madje aspak karizmatik, por që mbrëmë shkëlqeu me gjithë madhështinë e një luftëtari të madh.
Për disa të vërteta që do i japin fund Tiranisë.
10 Tetor 2018

Prindërit denoncojnë skandalin: Po na kërkojnë të dhënat personale me pretekstin e teksteve falas

Nisma e re e qeverisë dhe ministrisë së Arsimit, ajo e sigurimit të teksteve falas për nxënësit e klasave 1-4, si duket ka edhe shumë ‘dritëhije’. Një prindër ka denoncuar në redaksinë e Fax ëeb, prapaskenat që u duhet të përballen.
Sipas asaj që ai shkruan, nëpër shkolla po plotësohet një database me të dhënat personale të të gjithë prindërve, ndaj edhe ai ka një pyetje publike për kryeministrin Rama.
Ai kërkon nga ai të zbulojë arsyen e kësaj kërkesë të pazakontë për prindërit.
“Përshëndetje, Ju lutem a mund ti beni nje pyetje Publike Kryeministrit- Me çfare baze ju drejtojnë kete kerkese prinderve te shqiperise nepermjet mesuesve”, shkruan ai, në redaksinë tonë, teksa zbulon edhe sms-në e mësueses.
Në mesazhin e dërguar, mësuesja kërkon nga qytetari në fjalë të dhënat e kartës së identitetit (Nr.ID) , duke e cilësuar të domosdoshme.
“I nderuar prind, Po plotësohet në shkolle një Database e të gjithë nxenësve të klasave I-IV për fondin e subvencionimit të teksteve falas. Për këtë, Ju lutemi të na dergoni brenda ditës së sotme Nr. tuaj të identifikimit, pasi është kërkesë e domosdoshme. Shpresojmë në mirëkuptimin tuaj”, shkruhet në mesazh.

1...5 3495 3505 351...8 382Faqja 5 350 nga 8 382

Kryesore

Continue to the category
Më shumë
© 2024 Rilindja Demokratike Euroatlantike