24.5 C
Tirana
E martë, 29 Prill, 2025
type here...

Amendamenti Gjylameti fundos tregun e pronave, bllokohen të gjitha shitjet

Agjencitë imobiliare në një deklaratë të përbashkët i drejtohen një zëri Parlamentit që të avancojë në lidhje me miratimin e taksës së rivlerësimit 3%. Kjo vonesë po sjell si pasojë shitjen e më pak pronave.

Sipas Shoqatës Kombëtare të Ndërmjetësve të Pasurisë së Paluajtshme të Shqipërise, vonesa në trajtimin parlamentar të këtij propozimi, mungesa e konkretizimit të tij dhe paqartësia për të ardhmen ka sjell efekte tepër negative në bllokimin momental të tregut.

Drafti për rivlerësimin e pronave me taksën e zbutur 3 për qind u propozua nga deputetja socialiste Blerina Gjylameti dy muaj më parë. Që atëherë projektligji nuk është shqyrtuar, por ka mbetur në sirtarët e Kuvendit, ndërkohë që maxhoranca socialiste nuk ka mbajtur një qëndrim të qartë nëse do e mbështesë apo jo këtë draft.

Me zvarritjen e trajtimit të këtij propozimi, thellohet hendeku i pronave në shitje duke u tërhequr nga tregu deri në sqarimin përfundimtar të tij.

Më tej shoqata thekson se mbështetur në të dhënat kombëtare të këtij sektori, vëmë re se në krahasim me vitet kur ky tatim mbahet në nivelin 15%, gjatë periudhave të lehtësirave fiskale ku norma e tatimit aplikohet jo më shumë se 3%, sektori jo vetëm që njeh rritje dhe zgjerim, shqiptarët jo vetëm që fitojnë më tepër, por edhe buxheti arkëton të ardhura më tepër, në nivelet 35-40 milionë euro.

Por cila është barra fiskale e rivlerësimit në 15%?

Shoqata e ndërmjetësve të pasurisë së paluajshtme ndan qëndrimin se pasojë është ngadalësimi i transaksioneve, duke ngurtësuar investimet, konsumimin e stokut dhe sjellë tkurrjen në këtë sektor, duke çuar në rënie të tij me 250-300 milionë euro.

Gjithashtu sipas llogaritjeve, ndikon negativisht në të ardhurat buxhetore të realizuara, me të paktën 35-40 milionë euro, nxit informalitetin, duke prodhuar mënyra më të sofistikuara për të shmangur barrën.

Gjermania vend emigracioni, DW: Një ndër çdo pesë banorë me origjinë nga jashtë

Regjistrimi bazohet në një vlerësim kompleks të të dhënave dhe në një anketë me qytetarët, e cila organizohet rreth çdo dhjetë vjet. Rezultatet e publikuara gjenden edhe në internet në faqen e Zyrës Federale të Statistikave.

40 për qind e këtyre emigrantëve kanë marrë nënshtetësinë gjermane.

Vendet nga të cilat ka ardhur numri më i madh i të huajve që jetojnë në Gjermani janë Polonia (12 për qind), Turqia (9 për qind) dhe Rusia (7 për qind). Siria dhe Ukraina përbëjnë secila nga 5 për qind të të huajve.

Rritje e ndjeshme e numrit të ukrainasve

Megjithatë numri i ukrainasve që kanë ardhur në Gjermani për të shpëtuar nga lufta ka vazhduar të rritet ndjeshëm që nga data e përfundimit të regjistrimit të fundit të popullsisë në maj të vitit 2022.

Regjistrimi bazohet në një vlerësim kompleks të të dhënave dhe në një anketë me qytetarët, e cila organizohet rreth çdo dhjetë vjet. Rezultatet e publikuara gjenden edhe në internet në faqen e Zyrës Federale të Statistikave./DW

Oriz dhe kikirikë, ja dieta sekrete e yllit të Spanjës

Lamine Jamal është lojtari i momentit për skuadrën spanjolle dhe në moshën e tij të re është kthyer në një nga premtimet më të spikatura të futbollit në vendin iberik. Dhe, megjithëse nuk i dimë pothuajse të gjitha sekretet e yllit spanjoll për të pasur sukses në një moshë kaq të re, “Marca” ka zbuluar një prej tyre: pjatën e tij të preferuar, orizin me salcë kikiriku.

PJATË IDEALE PARA NDESHJEVE Lamine ka thënë në intervista të ndryshme se kjo pjatë tipike nga Guinea Ekuatoriale (vendi i origjinës së nënës së tij) është e preferuara e tij. E gatuar nga e ëma dhe e servirur para ndeshjeve, ishte një mënyrë për të fituar forcë për ndeshjet, por cilat janë vetitë e këtyre ushqimeve që i japin Jamalit kaq shumë energji? Orizi, përbërësi themelor i kësaj pjate, njihet si një nga ushqimet kryesore në dietën e çdo sportisti së bashku me të tjera si makaronat, vezët apo perimet. Konkretisht, orizi është i gjithanshëm për t’u kombinuar me ushqime të tjera dhe mund t’i jepet shije të ndryshme, duke i dhënë konsistencë pjatës.

Lidhur me vetitë e këtij ushqimi, konstatojmë se është një burim i shkëlqyer energjie për shkak të pranisë së karbohidrateve në të në një përqindje të lartë, një ndër to është niseshteja; e cila përthithet ngadalë kështu që i siguron trupit energji gradualisht. Është gjithashtu një burim i jashtëzakonshëm i vitaminave dhe mineraleve, duke përfshirë magnezin, vitaminën B1, B3, B5 dhe B6, si dhe acidin folik, ndër të tjera. Për më tepër, edhe pse nuk është ushqimi që ka më shumë proteina, ai është lehtësisht i tretshëm; e cila për një sportist është thelbësore. Për sa i përket dobive të këtij ushqimi, përtej lëndëve ushqyese, ato janë një rregullator i madh i tranzitit të zorrëve, është i mirë për zemrën pasi ndihmon në stabilizimin e presionit të gjakut dhe rregullimin e rrahjeve të zemrës; Përmbajtja e lartë e fibrave është një aleat në uljen e niveleve të kolesterolit; ndër shumë të tjera.

KIKIRIKËT, NJË ALEAT PËR ORIZIN Shkathtësia që përmendëm më parë për orizin e bën atë një ushqim shumë të kombinueshëm me të tjerët. Në rastin e Lamine Jamal dhe familjes së tij, shoqëruesi i zgjedhur janë kikirikët dhe është një opsion i shkëlqyeshëm si shoqërues i orizit. Kikirikët janë një bishtajore, jo një arrë, pavarësisht asaj që mund të mendoni. Përveçse është një ushqim i lehtë për t’u ngrënë dhe me një shije shumë karakteristike, ai ndan edhe shkathtësinë e orizit. Për sa i përket lëndëve ushqyese të kësaj farë, mund të flasim për shumë dhe shumë të larmishëm. Kikirikët janë një burim i shkëlqyer i proteinave bimore dhe yndyrave të shëndetshme (Omega 6 dhe acid oleik ndër të tjera). Këto yndyra, kryesisht acidi oleik, ndihmojnë në rritjen e kolesterolit të mirë dhe uljen e kolesterolit të keq. Gjithashtu nxjerr në pah sasinë e madhe të vitaminave dhe mineraleve që ka, duke vënë në pah, në rastin e sportistëve, Vitaminën E, e cila është një antioksidant.

Pushtimi rus i Ukrainës rrit urgjencën e përgatitjeve të NATO-s dhe BE në rast konflikti të papritur me Moskën, por burokracitë e shumta ngadalësojnë lëvizjen e trupave nëpër Evropë

Pushtimi rus i Ukrainës në vitin 2022 ka çuar në rritjen me urgjencë të përgatitjeve të NATO-s dhe të Bashkimit Evropian edhe lidhur me aftësinë për të dërguar shpejt përforcime, në rast të një konflikti të papritur me Moskën.

 

Në këtë kuadër Rumania, Bullgaria dhe Greqia nënshkruan një marrëveshje për të lejuar lëvizjen e shpejtë të trupave dhe të armëve në krahun lindor të aleancës ushtarake të NATO-s.

Burokraci e shumtë

Sipas NATO-s burokracia e shumtë e ngadalëson lëvizjen e trupave nëpër Evropë. Prandaj marrëveshja synon “të optimizojë korridoret e transportit për t’iu përgjigjur nevojave për lëvizjen e trupave ushtarake duke krijuar vija për furnizimin për rrjetit rrugor dhe hekurudhor mes shteteve pjesëmarrëse.” – njoftoi Ministria rumune e Mbrojtjes.

Kjo marrëveshje do të reduktojë burokracinë dhe do të maksimizojë efikasitetin në rast situatash emergjente, thuhet më tej në njoftim.

Ministria e mbrojtjes e Rumanisë njoftoi gjithashtu se të tri shtetet mund të lidhin edhe portet e tyre në Detin Egje dhe Detin e Zi.

Rumania dhe Bullgaria janë përfshirë tashmë në një nismë të përbashkët me Turqinë për të çaktivizuar minat që enden në Detin e Zi.

Ukraina dhe Rumania nënshkruajnë marrëveshje partneriteti për mbrojtjen

Zyra presidenciale në Kiev njoftoi se Ukraina ka nënshkruar një marrëveshje sigurie me Rumaninë.

Marrëveshja u nënshkrua pas takimit të aleatëve të NATO-s me presidentin ukrainas Volodymyr Zelenski në samitin e tyre në Uashington.

Kjo marrëveshje e çon në 23 numrin e përgjithshëm të marrëveshjeve afatgjata dypalëshe për mbrojtjen që Kievi ka nënshkruar me partnerë, ndër to me Britaninë e Madhe, Gjermaninë, Francën dhe SHBA-në.

Ndërsa korniza e dokumenteve është e ngjashme, ato janë të gjitha të ndryshme. Një tipar i veçantë i marrëveshjejes mes Ukrainës dhe Rumanisë janë pikat specifike të bashkëpunimit për të forcuar sigurinë në rajonin e Detit të Zi, thuhet në deklaratë.

Sipas marrëveshjes Rumania do të ndihmojë për pastrimin e minave në Detin e Zi dhe do të kontribuojë për trajnimin e pilotëve ukrainas për avionët F-16./DW

E cilësuan “kec i Ramës dhe Bashës”, Dashamir Shehi i përgjigjet PL-së: Meta nuk i bën nder opozitës shqiptare

Kreu i LZHK, Dashamir Shehi i ftuar në studion e News24 ka komentuar protestën e opozitës, e cila shprehu indinjatën e saj para Kryeministrisë dhe Bashkisë së Tiranës mbrëmjen e djeshme.

Shehi u shpreh se protesta ishte një celebrim i fitores së luftës së brendshme në PD, ndërsa mesazhi i vetëm që u dërgua ishte thirrja për formimin e qeverisë teknike.

Megjithatë ai u shpreh skeptik për këtë të fundit, duke thënë se nuk beson se është diçka e realizueshme, ndërsa rikujtoi precedentët e qeverive teknike të së shkuarës, të cilat sipas tij nuk ishin të suksesshme.

“Protesta ishte një celebrim i fitores së luftës së brendshme në PD. Jam i sigurtë që Berisha ka dashur të tregojë se ka edhe popullin. Besoj se në plan kjo ka qenë. I vetmi mesazh që pashë ishte ajo e qeverisë teknike. A është një objektiv real? Do ishte bukur që në shtator të niste qeveria teknike. Po kush do e bëjë këtë, Rama do e bëjë? Nuk ma ha mendja që e bën njeri.

Eksperiencat për qeveritë teknike i kemi pasur. Përfundoi me sherre në 1991, në 97-ën nuk e di çfarë i shpëtoi kombit se u morën pushkët. E fundit që u bë me Bashën, një marrëveshje që gjoja do kontrollonte votimet, asgjë nuk ndodhi, votat u grabitën. Rama nuk e mblodhi njëherë qeverinë e përbashkët. Unë e quaj një eksperiencë negative. Nëse do kishte një skemë si RMV, që ta fusim në kushtetutë, 3 muaj përpara të vijë një qeveri teknike, do kishte vlerë.

Por në mënyrë të tillë, si do bëhet, kur do bëhet. Më duket si një kauzë që po krijohet sepse nuk ka një kauzë. Berisha në eksperiencën e vetë vendos një stekë të lartë që nuk mbërrihet dhe u thotë njerëzve të tij se po pengohet qeveria teknike dhe nuk do lejohen”, tha Shehi.

Sakaq, Shehi u përgjigj ndaj një deklarate të Sekretarit të Përgjithshëm të PL, Tedi Blushi, i cili e ka etiketuar si “pseudoopozitar” dhe “kec i Ramës dhe Bashës”.

Kreu i LZHK u përgjigj duke thënë se njerëzit e dinë se kush është, ndërsa shtoi se kreu i PL, Ilir Meta “nuk i bën nder opozitës shqiptare” pasi linja e forcës së tij politike “është një zigzag për interesa të caktuara”.

“Unë mund të jem edhe ky që thonë këto, por nuk ma ha mendja se e beson njeri me dy gramë tru. Presidenti i Ramës ishte Ilir Meta, kryetar i parlamentit me Ramën kur erdhi ishte Meta. Meqë qenkam i Ramës i kisha bërë unë këto punë. Linja e LSI-së është një zigzag për interesa të caktuara dhe nuk besoj se Meta i bën një nder opozitës shqiptare.

Blushin e kam pasur edhe unë zëdhënës, ishte më i sinqertë atëherë. Nuk merrem unë as me Blush as me…Mua nuk më tremb fare kjo punë, më bën nder të madh. Shqiptarët e dinë kush është Dash Shehi, e ka bërë edhe Rama në mes të Parlamentit”, u shpreh ai.

Olsi Rama paraqitet në SPAK për herë të dytë

Në një prononcim të shkurtër për mediat, Olsi Rama tha se është thirrur si person në dijeni për çështjen “Xibraka”.

“Për çështjen “Xibraka” isha si person në dijeni, dhashë shpjegimet e mia. U pyeta për gjëra që dini dhe ju, sqarova situatën”, deklaroi Olsi Rama.

Vëllai i kryeministrit u paraqit për herë të parë në SPAK më datë 28 qershor, ku u pyet për të njëjtën çështje

“Çmimet e biletave në TKOB, aq sa në Royal Opera”, deputetja e PD: Edhe një kënaqësi të vogël do t’ua mohoni shqiptarëve?

Deputetja demokrate Flutura Açka është shprehur kritike në lidhje me çmimet e vendosura për biletat në Teatrin Kombëtar të Operas dhe Baletit.

Ajo u shpreh se ky institucion financohet, mbrohet dhe rikonsruktohet, mbështetet tërësisht nga shteti që të prodhojë art të paklasifikuar për njerëz me shumë para ose jo me aq shumë para.

Sipas saj çmimet e vendosura prej 2500, 3500, 5000 lekë për biletat janë të barasvlefshme me ato të Royal Opera.

Reagimi i plotë:

Ndërsa ndiqnim ujkun, çakalli bënte kërdinë
Teatri Operas dhe Baletit është institucion kulturor shtetëror. Financohet, mbrohet, rikonsruktohet, mbështetet tërësisht nga shteti që të prodhojë art të paklasifikuar për njerëz me shumë para ose jo me aq shumë para.
Art i mundashēm për shqiptarë të mundshëm.
Pra, është krejtësisht buxhetor.
Edhe një kēnaqësi të vogël, mes minimumit tê ngjarjjeve kulturore që ka Tirana – se nuk po flas për më tutje – do t’ua mohoni shqiptarëve?
Ka pensionistë dhe rrogëtarë qe do të donin ta shihnin, por të ardhurat i kanë trefishin e biletës.
Po e privatizini kêshtu Teatrin e Operas dhe Baletit?
Biletat 2500, 3500, 5000 lekë.
Plazhin për të kamurit, gjelbërimin për të pasurit, dhe artin për parallinjtë.
Dhe thoni përse ikin shqiptarët?! Kaq kushton bileta në Royal Opera, jo në Tiranë.

Raporti i OECD/ Mirela Karabina: Shqipëria përkeqësohet me 28% të objektivave të zhvillimit, arsimi pëson rënien më të madhe

Zëdhënësja e Demokratëve Euroatlantikë, Mirela Karabina, ka reaguar pas raportit të Organizatës për Bashkëpunim dhe Zhvillim Ekonomik, që vë në dukje se Shqipëria është përkeqësuar në 28% të objektivave të zhvillimit dhe se arsimi ka pësuar rënien më të madhe.

Në një deklaratë për mediat, Karabina u shpreh se kjo vjen si shkak i reformave të dështuara dhe përdorim politik të arsimit nga kryeministri Edi Rama dhe qeverisë së tij që di të bëjë vetëm propagandë të shfrenuar.

Duke iu referuar raportit të OECD, Karabina tha se lënia pas e sektorit të arsimit është vënë re me rënien e normave të regjistrimit të nxënësve parashkollor dhe fillor, që ndër të tjera është një tregues i qartë i shpopullimit të vendit, braktisjes së tij dhe plakjes së popullsisë.

DEKLARATA E ZËDHËNËSES SË DEMOKRATËVE EUROATLANTIKË, MIRELA KARABINA

Propagandë të shfrenuar, reforma të dështuara dhe përdorim politik të arsimit, kjo është strategjia që Edi Rama dhe qeveria e tij planifikuan për arsimin në këto 11 vite.
Së fundmi, Organizata për Bashkëpunim dhe Zhvillim Ekonomik (OECD) duke analizuar me hollësi zhvillimet në Shqipëri në lidhje me “Zhvillimin e Qëndrueshëm të Axhendës 2030” vë në dukje se Shqipëria është përkeqësuar në 28% të objektivave të zhvillimit dhe, arsimi ka pësuar rënien më të madhe.
Sipas raportit, Shqipëria ka bërë hapa pas në sektorin e arsimit (objektivi 4), me rënie të normave të regjistrimit në parashkollor dhe fillor, tregues i qartë i shpopullimit të vendit, braktisjes së tij dhe plakjes së popullsisë.
Rezultate ndërkombëtare të PISA 2022 për nxënësit 15 vjeçarë, ku Shqipëria u rendit nga fundi për aftësitë e nxënësve dhe e fundit në botë për “menduarit krijues”, evidentuan gjëndjen ulëritëse në arsim.
Shqipëria ka pësuar rënien më të madhe të rezultateve në gjithë historinë e zhvillimit të Testit Ndërkombëtar PISA, që nga 2001.
Këto rezultate në arsim janë një këmbanë alarmi se zhvillimi ekonomik e social i vendit është ndalur dhe e ardhmja është në rrezik.
Nga njëra anë shpopullimi i vendit nuk po ndalet dhe nga ana tjetër, edhe kjo rini e pakët e mbetur në vend, është një rini jo mirë e arsimuar.
Shkatari i kësaj gjendje të rëndë në këtë sektor jetik për vendin dhe të ardhmen, është Edi Rama dhe qeveria e tij.
Shqipëria e vërtetë nuk është ajo e “10 milionë turistëve” të Edi Ramës por, Shqipëria e vërtetë është ajo e analfabetëve funksionale që shtohen çdo vit dhe do t’i kushtojë shumë rëndë dhe gjatë shoqërisë.
Nxënësit dhe studentët nuk meritojnë këtë trajtim dhe këtë arsimim të dobët që ofron qeveria e korruptuar e Edi Ramës.
Shqiptarët meritojne më shumë.
Shqipëria meriton më shumë.

U arrestua në kuadër të operacionit “Revanshi”/ GJKKO lë në burg vëllain e ish-deputetit socialist, Xhelal Rrajën

GJKKO ka lënë në fuqi masën e sigurisë arrest në burg për Xhelal Rrajën,vëllain e ish-deputetit të PS-së Rrahman Rraja, i cili u arrestua në kuadër të operacionit Revanshi.

 

Lajmi konfirmohet për News24 nga gazetarja Klodiana Lala.

Xhelal Rraja, është vëllai i ish-deputeti socialist Rrahman Rraja dhe akuzohet se ishte pjesë e grupeve të Durim Bamit e Endrit Dokles dhe do të siguronte kushtet dhe mjetet materiale për të kryer vrasjen e ish deputetit socialist Arben Ndoka.

Përveç konsumit të ujit, ja 6 këshilla se si të qëndroni të hidratuar në këto ditë të nxehta! Çfarë duhet të bëni për të qenë të shëndetshëm

Tashmë dihet se dielli i nxehtë mund t’i bëjë keq kujtdo, veçanërisht të rinjve ose atyre që djersiten shumë, duke ju bërë të humbisni sasi të mëdha të ujit në trup.

 

Dehidratimi mund të jetë i lehtë, i moderuar ose i rëndë, bazuar në atë se sa sasi e lëngjeve të trupit tuaj humbet ose nuk zëvendësohet.

Rastet e rënda mund t’ju çojnë edhe në spital dhe ndonjëherë mund të dëmtohen edhe veshkat ose probleme me sistemin nervor.

Të moshuarit janë gjithashtu në një rrezik më të lartë për dehidartim sepse mund të harrojnë të pinë ujë ose të mos e kuptojnë se kanë etje.

Ata gjithashtu mund të neglizhojnë parandalimin e dehidrimit në të njëjtën mënyrë si një i ri.

Ndaj jini të vetëdijshëm për këtë nëse keni një prind ose një person të moshuar pranë.

Mbrojtja më e mirë kundër dehidratimit është parandalimi. Ndiqni këto gjashtë këshilla, për të qëndruar të sigurt dhe të shëndetshëm, veçanërisht kur temperaturat nivelet dhe aktivitetit tuaj rriten.

Mos prisni derisa të keni etje për të pirë ujë

Etja është shenja e parë që tregon se trupi po fillon të dehidratohet.

Pini ujë në mënyrë të qëndrueshme gjatë gjithë ditës dhe konsumoni më shumë lëngje se zakonisht kur moti është i nxehtë, veçanërisht nëse jeni aktiv.

Shijojeni ujin

Nëse uji i thjeshtë nuk ju pëlqen, mund të shtoni aromë me fruta të freskëta. Ju gjithashtu mund të konsumoni lëngje të freskëta frutash, dhe sigurohuni që të kufizoni kafeinën dhe alkoolin.

Konsumoni më tepër fruta dhe perime të pasura me ujë

Disa fruta dhe perime përmbajnë shumë ujë krahas lëndëve ushqyese të shëndetshme. Shalqiri, luleshtrydhet, pjeshkët dhe ananasi janë fruta me përmbajtje të lartë uji. Perimet e pasura me ujë përfshijnë kastravecat, zarzavatet me gjethe jeshile, rrepkat, selinoja, kungull i njomë dhe domatet.

Qëndroni brenda kur bëhet shumë nxehtë

Në ditët shumë të nxehta, qëndroni brenda në një ambient me ajër të kondicionuar. Nëse nuk keni ajër të kondicionuar në shtëpi, provoni të shkoni në një qendër tregtare, kinema ose bibliotekë publike. Shmangni ekspozimin në diell, veçanërisht nga ora 10 e mëngjesit deri në 14:00, kur rrezet janë më të forta. Planifikoni aktivitete në natyrë në mëngjes herët ose në mbrëmje.

Vishuni lehtë

Vishni veshje të lehta dhe të lirshme që lejojnë lëkurën tuaj të marrë frymë. Ngjyrat e errëta thithin nxehtësinë, prandaj zgjidhni me nuanca më të çelura. Mbani një kapelë me strehë të gjerë dhe përdorni krem ​​mbrojtës nga dielli.

Jini të vetëdijshëm për shenjat e dehidrimit

Nëse dikush në familjen tuaj është i sëmurë, kushtojini vëmendje sa ujë konsumon. Kushdo që ka ethe, të vjella ose diarre duhet të pijë shumë lëngje. Mos prisni që të shfaqen shenjat e dehidratimit.

Simptomat e dehidrimit

  • Urinë më e errët se zakonisht
  • Nuk urinoni pavarësisht se pini vazhdimisht ujë
  • Ngërçet e muskujve
  • Lodhja
  • Ethe ose të dridhura
  • Dëshira për ëmbëlsira
  • Gojë/lëkurë e thatë
  • Rrahje të shpejta të zemrës
  • Nervozizëm
  • Konfuzion
  • Përgjumje

Sa ujë duhet të pini në ditë?

Sipas ekspertëve tetë gota në ditë është sasia e rekomanduar për të rriturit.

Por nëse jeni duke ushtruar dhe moti është veçanërisht i nxehtë, mund t’ju nevojitet të konsumoni edhe më tepër ujë.

Dhe nëse keni simptoma të dehidratimit si për shembull dhimbja e kokës , marrja e elektroliteve është thelbësore./

1...902903904...8 264Faqja 903 nga 8 264

Kryesore

Continue to the category
Më shumë
© 2024 Rilindja Demokratike Euroatlantike