Nga Poli Hoxha
Si sot 34 vite më parë, Sali Berisha, “mbiu” në Qytetin Studenti ku ju mbajti një fjalim studentëve që ishin ngritur për demokraci. Pasi falenderoi shokun Ramiz Alia, (U fishkëllye), që kishte udhëhequr rininë partizane në ndjekje të gjermanëve, u premtoi atyre të rinjve, “Shqipërinë si gjithë Europa”. Atëherë Berisha ishte në moshën e baballarëve të studentëve të Dhjetorit. Sot pas 34 viteve ai u shfaq po në “vendin e krimit” me të rinj, që sot janë në moshën e fëmijve të ish-studentëve të Dhjetorit. “E ardhmja është e jona, tani është rradha jonë”, ju tha studentëve 34 vite më parë, “Është rradha jonë, e ardhmja është e jona”, u tha edhe fëmijëve dhe nipërve të tyre sot! Edhe Edi Rama ishte aty dhe ju mbajti fjalim studentëve 34 vite më parë, veçse ai sot u thotë “fëmijve” të tyre: E tashmja është e jona deri në 2030, aplikoni për hajdut të rinj në vendet që lë bosh SPAK! Jemi mirë, ç’a janë edhe 34 vite të tjera me ata që na mbanin fjalime për “Shqipërinë si gjithë Europa”, para 34 vitesh!
