Kryeministri Rama ka patur një axhendë të ngjeshur për ditën e sotme në Shkodër por gjatë gjithë ditës është shoqëruar me protesta
Policia e Shkodrës ka shoqëruar disa persona, pak para takimit të kryeministrit. Mes te arrestuarve është edhe një invalid, Gjergj Çuni, i cili proteston ndaj qeverisë aktuale për shkak se i prenë pensionin e invakidit.
Arrestimet lidhen me bllokimin e rrugës që simpatizantë të PD i bënë kryeministrit Rama, teksa ai shkonte në Shkodër.
Vizita e Ramës në Shkodër është bërë nën masa të rrepta sigurie, madje janë bllokuar edhe të gjitha akset lidhëse me qendrën.
Vizita e sotme e kryeministrit Rama në veri është shoqëruar me inicente, pasi PD i bllokoi rrugën në Bahçallëk.
I njëjti skenar ishte përdorur edhe tek Ura e Spatharit në Mjedë, rruga dytësore për të hyrë në Shkoder, si dhe në Vrakë, ku ndahet kufiri mes Shkodres dhe Malësisë së Madhe.
