Dje është zhvilluar në selinë Qendrore të Komisariatit të Policisë së Leçes, konferenca e shtypit mbi operacionin e sekuestrimit gjatë ditës së mërkurë të rreth 300 kg marijuanë e trafikuar me gomone nga Shqipëria drejt Italisë. Sipas Policisë së Leçes, operacioni çoi në arrestimin e 4 shtetasve shqiptarë, 3 prej të cilëve të përfshirë në botën e krimit, ndërsa personi i katërt me precedent penal.
Katër shtetasit shqiptarë janë arrestuar në flagrancë, ndërsa po udhëtonin drejt qytetit të Leçes me një makinë ku ishte lidhur një gomone dhe nën shoqërimin e një automjeti tjetër. Dy automjetet, gomonia e 4 shtetasit shqiptar janë ndaluar në rrugën provinciale S.P. 374 në drejtim të Leçes. Katër shtetasit shqiptarë u arrestuan në akuzën e trafikut ndërkombëtar të drogës.
Në gomonen e gjatë 6 metra janë gjetur rreth 300 kg marijuanë e konfeksionuar në 277 pako. Në konferencën për shtyp, autoritetet italiane informuan se gjatë 8 muajve në qytetin e Leçes janë sekuestruar 4.3 tonë kanabis, 450 kg marijuanë, 260 kg kokainë, 1 kg e 800 gramë heroinë si dhe janë arrestuar 19 persona.
