Surpriza, Hungaria mposht 2-0 Austrinë
Surprizon Hungaria. Kombëtarja maxhare e nisi në mënyrën më të mirë mundshme Europianin francez, pasi mposhti me rezultatin 2-0 në Bordeaux Austrinë një prej dy skuadrave favorite për tu pozicionuar në krye të grupit F. Një gol i Adam Szalai sulmuesit të Hannover 96-të dhe një tjetër finalizim në fund i mesfushorit Zoltan Stieber i dhanë tre pikët Hungarisë por mbi gjitha rritën shanset e ekipit të trajnerit Bernd Storck për të avancuar në ruandin e 1/8-ave. Një fitore e arritur falë një loje kompakte në mbrojtje dhe efikasitetet në sulm ajo e Hungarisë ndaj Austrisë, sukses ky që mund të konsiderohet edhe si surpriza më e madhe e të gjitha ndeshjeve të para të fazës së grupeve.
Në Bordeaux Austria e Marcel Koller e nisi shumë mirë ndeshjen por fati nuk ishte me Das Team në sekondat e para pasi një goditje e David Alabas nga distanca u ndal nga shtylla, që i hoqi mundësinë futbollistin të Bayern-it, të realizonte golin më të shpejtë në këtë Europian. Në pjesën e parë ritmin e lojës e diktoi Austria, por në të 10-tën portieri Kiraly i tha jo golit të Alabas. Portieri 40-vjecar që është gjithashtu edhe futbollisti më i vjetër që merr pjesë në Euro 2016-të ishte në një ditë shumë të mirë dhe në të 35-tën ndali një tentativë shumë të rrezikshme të Junuzovic.
Pjesa e parë përfundoi në barazim pa gola, ndërsa në fraksionin e dytë Hungaria filloi ta hidhte më shumë vështirimin nga porta e Almer dhe në minutën e 62-të, Szalai përfitoi nga asisti i marrë Kleinheisler për të zhbllokuar shifrat. Gjërat u ndërlikuan akoma edhe më shumë për Austrinë, 4 minuta më pas kur Dragovic mori kartonin e dytë të vërdhë duke lënë të tijët me një lojtar më pak në fushë. Në superioritet numerik, Austria e kishte më të lehtë dhe në minutën e 87-të arriti të shënonte edhe golin e dytë me Zoltan Stiber i cili shfrytëzoi asistin e Priskin dhe një parabol mposhti për herë të dytë portierin Almer. Në Bordeaux gjithcka u mbyll me fitoren 2-0 të Hungarisë që me këtë suskes hodhi një hap të madh drejt fazës tjetër.
Portugalia u ndal në barazim 1-1 nga Islanda. Në minutën e 31, Nani kalon në avantazh Portugalinë që e mbylli pjesën e parë me fitore. Ndërsa në pjesën e dytë në minutën e 50 Bjarnason harrohet në zonë dhe dhuron një surprizë të madhe duke barazuar rezultatin, një gafe e pabesueshme e mbrojtjes portugeze që i dhuron një gol të tillë islandezeve, i pari në një turne të tillë.
Në minutën e 71-të është sërish Nani që i shkon shumë pranë golit të dytë, devijon me kokë por topi shkon ngjitur me shtyllën pingule. Në minutën e 84 Ronaldo kishte mundësinë më të mirë për të rikthyer Portugalinë në avantazh në minutën. Nani kroson në zonë, Ronaldo i pa markuar godet me kokë por ndalet nga portjeri Handerson.
