Hisham Awartani, Tahseen Ahmed dhe Kinnan Abdalhamid u përballën dhe u qëlluan nga një burrë pranë Kampusit të Universitetit të Vermontit, tha policia e Burlington.
Oficerët po hetojnë një motiv të mundshëm, por thonë se viktimat kishin veshur një shall dhe flisnin arabisht.
Deri më tani një person i cili dyshohet si autor i sulmit është arrestuar. Policia e Burlington e ka quajtur të dyshuarin Jason J Eaton, 48 vjeç.
Shefi i policisë lokale Jon Mura më herët tha se dy viktima ishin në një gjendje të qëndrueshme; i treti ka pësuar lëndime shumë më të rënda.
Të tre studentët morën pjesë në Ramallah Friends School, një shkollë private jofitimprurëse e drejtuar nga Quaker në Ramallah, sipas anëtarëve të familjes.
Abdalhamid, u emërua nga Kolegji Haverford në Pensilvani si një nga studentët e
Më herët, familjet e viktimave lëshuan një deklaratë përmes organizatës jofitimprurëse pro-palestineze Middle East Understanding.
“Ne i bëjmë thirrje organeve të zbatimit të ligjit që të kryejnë një hetim të plotë, duke përfshirë trajtimin e kësaj si një krim urrejtjeje. Nuk do të jemi rehat derisa vrasësi të dalë para drejtësisë”.-thanë ata.
Pas të shtënave, Këshilli për Marrëdhëniet Amerikano-Islamike ofroi një shpërblim prej 10,000 dollarësh (7,900 £) për informacionin që çon në një arrestim.
