Mediat e kapura nga Rama janë duke censurura me urdhër qeveritar protstën qytetare në Tiranë. Vetëm televizioni Fax-News po transmeton protestën si dhe rrjetet sociale, ndërsa ëhstë censurë e plotë në mediat e kapura nga qeveria. E njëjta gjë ndodhi edhe një javë më parë në revoltën e Kukësit, por kur situate doli jashtë kontrollit, atëhere mediat e qeverisë u detyruan të dalin nga rreshti. Bllokimi i televizioneve për të transmetuar protestën është një tjetër shenja paniku që ka mbërthyer liderin e sëmurë nga revolta qytetare e cila nga dita në ditë po merr përmasa të reja.
Mijëra qytetarë po protestojnë para zyrës së Kryeministrit Edi Rama në bulevardin ‘Dëshmorët e Kombit’. Shoqëria civile po proteston kundër arrestimeve të kryera nga policia pas protestës së 31 marsit në Kalimash ku qytetarët e Kukësit kundërshtuan vendosjen e tarifës në rrugën e Kombit.
Kjo është një protestë kundër arrogancës, kundër dhunës, kundër kërbaçit të atyre që sa janë në opozitë i puthin dorën popullit, ndërsa kur vijnë në pushtet i marrin edhe bukën e gojës së fëmijëve, u shprehën organizatorët e protestës.
“Më arrestoni edhe mua sot”, ishin pankartat që mbaheshin në duar nga protestuesit, duke u solidarizuar kështu me qytetarët kuksianë të arrestuar vetëm pse protestuan kundër vendosjes së tarifës dhe taksave në rrugën e Kombit.
