Studentët që janë nisur nga Universiteti Politeknik i Tiranës këtë herë nuk e kanë shmangur kryeministrinë.
Ata po marshojnë drejt Bulevardit ”Dëshmorët e Kombit” dhe ende nuk dihet nëse ka një plan për të qëndruar poshtë zyrës së Edi Ramës.
Ndërkohë që vihet re një prani e shtuar e efektivëve të Policisë në ambientet e jashtme të kryeministrisë.
Protesta është shtrirë në të gjithë rrugët e kryeqytetit, ndërsa entuziazmi është mjaft i madh për shkak të lartë të pjesëmarrësve në protestë.
Studentët kanë refuzuar dje dhe sot thirrjet e kryeministrit Rama për dialog me ta, pasi thonë se kërkesat e tyre janë të qarta dhe nuk kanë nevojë që të diskutohen.
