Mes 5 dhe 5.5 notat në mediat italiane për Ylber Ramadanin për ndehsjen ndaj Milanit. I vendosur në të djathtë në 4-3-3-shin e Gotit, shqiptari vuajti jo pak në zona ku më shpesh qarkulluan Leao dhe Hernandez.
Dy më të mirët për Milanin dhe në një ndeshje ku mesfushori i kombëtares tonë u mundua të gjente lavdi me disa zbritje e goditje nga distanca.
“Me të kaluar zemëratën për zëvendësimin kundër Parmës dhe protesta e tij flagrante ndaj trajnerit të tij përfunduan, ai u vendos në mesfushën e re me tri qendra për të mbrojtur më mirë portën e Leçes.
Krejt papritur Ramadani bëhet i ngadalshëm dhe i sikletshëm dhe goli i tretë i Milanit lind nga një gabim që ai bëri me topin në këmbë. Mëkat sepse deri në atë çast ishte ndër më të mirët për skuadrën e tij”, shkruhet në komentin e mediave italiane për mesfushorin.
