Arturo Vidal ka fituar zemrën e tifozëve të Bajernit të Mynihut dhe dashurinë e shokëve të skuadrës, që kur u transferua në klubin gjerman nga Juventusi, një vit e gjysmë më parë. Por, kjo nuk do të thotë se mesfushori nga Kili nuk ka defekte dhe një nga këto u zbulua nga Arjen Robben, i cili, në një intervistë për CNN nxori në dritë disa nga të “palarat” e ekipit.
Kur holandezi u pyet për lojtarin më të çrregullt në dhomat e zhveshjes, ai tha: “Pa dyshim, Arturo Vidal”. Robben, i cili ka më shumë se 7 sezone në radhët e Bajernit, veçoi Boatengun dhe Alabën si shokët që ndjekin më shumë modën, ndërsa Ribery dhe Muller ishin ata që kishin më shumë humor.
