Studentët e Universitetit të Shkodrës i kanë hedhur paraditen e sotme një shishe bojë në kokë rektorit Adem Bekteshi.
Siç shihet edhe në videon e siguruar nga Faxweb.al Bekteshi është sulmuar nga një studente, ndërsa është gjetur i papërgatitur.
Ky akt i sotëm vjen pasi ishte mbledhur komisioni i etikës, në të cilin do të merrej vendimi për studentët të cilët dhunuan pak kohë më parë derën e Universitetit të Shkodrës.
Duket se pas protestave të dhjetorit që u shuan në mënyrë tinzare nga qeveria Rama, studentët po gjejnë guximin dhe po riorganizohen sërish, pasi deklarojnë se kërkesat e tyre vijojnë të mbeten të paplotësuara.
Jo më larg se dje edhe studentët e Korçës iu rikthyen proptestave të tyre, ku pezulluan për një orë mësimin. Ata thanë se në rast se nuk ka reflektim nga drejtuesit e universitetit dhe ministria situata do të përshkallëzohej.
