Një lajm i pabesueshëm vjen nga Spanja. Sulmuesi i Milanit, Suso Fernandez, gjatë një interviste për mediat spanjolle ka folur për të ardhmen e tij: “Kam një kontratë me Milanin, por do të më pëlqente shumë të rikthehesha në Spanjë. Nga pikëpamja taktike jam përmirësuar shumë dhe kjo vetëm falë Montelës, që me idenë e tij për futbollin më ka bërë një lojtar akoma më të mirë. I kemi të gjitha mundësitë për ta bërë Milanin të ‘madh’, përsëri.
Jemi të kënaqur, sepse i kemi të gjitha kartat në vendin e duhur dhe gjithçka po shkon në drejtimin e duhur. Donaruma? Ai është tifoz i Milanit, që kur ka qenë i vogël, përveç kësaj, ai është një portier i shkëlqyer. Derbi në 12:30? Do të jetë një ndeshje speciale, si të gjithë derbet e tjerë. Do të jetë një ndeshje e veçantë, pasi është hera e parë që luhet në këtë orë, jam i sigurt që do të jetë bukur të zbresim në fushë në 12:30″.
