Dita e shtunë ka nisur me reshje shiu në të gjithë territorin, ndërsa qarku i Kukësit është mbuluar nga dëbora.
Sipas sinoptikanes, Lajda Porja të njëjtat kushte atmosferike do të vazhdojnë edhe ditën e diel, ku reshjet e dëborës do të shtrihen në qarkun e Korçës, ku temperaturat do të shkojnë deri në -5 gradë Celcius
“Do të ketë reshje dëborë. Këtë mbrëmje do të ketë reshje dëbore të shtuara në qarkun e Korçës. Parashikohet që deri në mesnatë dëbora të jetë e konsiderueshme. Nesër pritet që të ketë temperatura të ulëta, deri në -5 në zonat malore. E diela do të jetë ditë tipike dimri. Do të ketë reshje të izoluara në jug, më pak në juglindje. Problematike mbetet situata e ngricave në zonat malore. Një masë siberiane vjen natën sot në vendin tonë”, tha ajo.
