Kryetari i PD, Lulzim Basha, është ndalur tek dështimi i Komisionit të Reformës Zgjedhore, duke bërë fajtor jo vetëm kryeministrin Rama por edhe të tjerët që e bllokojnë për axhenda personale.
Nga takimi me demokratët e degës 11 në Tiranë, Basha u shpreh se ata po e ndihmojnë Edi Ramën, duke e bllokuar këtë komision.
Basha u shpreh gjithashtu se PD është forcë politike aleate e Bashkimit Evropian dhe e Shteteve të Bashkuara të Amerikës.
“Të vijmë të shfaqja e dytë, ne e dimë që Rama nuk e do reformën zgjedhore. E ka thënë vetë është treguar i sinqertë. E dua kështu siç është.
Por kemi dikë tjetër që nuk e thotë do apo nuk do reformën zgjedhore, por bllokon procesin e reformës zgjedhore, Nuk është e njëjta gjë? Njëri thotë nuk e dua e dua kështu sic është, tjetri e bllokon dhe pastaj me pafytyrësinë më të madhe e drejton gishtin nga PD.
Dmth janë në një mendje me Edi Ramën, e ndihmojnë Edi Ramën duke bllokuar komisionin e reformës zgjedhore. Këtej thonë nuk duan këta.
Ti japim fund hipokrizisë. Ju i keni dhënë fund hipokrizisë, atëherë kur nën flamuj të rremë u tentua asgjësimi i shpirtit të PD u tregua që lidershipi i vërtetë i demokratëve nuk kanë qenë më të kollarisurit, por kanë qenë burrat dhe gratë e kësaj partie këtu në Laprakë dhe në gjithë Shqipërinë që thanë kemi lindur si parti aleate e SHBA dhe do të qëndrojnë të tillë”, tha ndër të tjera Basha.
