Kreu i PD-së, Lulzim Basha, ka shpërndarë në profilin e tij në rrjetin social facebook foto nga takimi “Rinia dhe IA (Inteligjenca Artificiale)”, organizuar një ditë më parë nga Forumi Rinor i Partisë Demokratike.
Basha u drejtohet të rinjve të bëhen gati, sepse “alternativa jonë do ta fuqizojë, frymëzojë dhe do ta katapultojë Shqipërinë drejt një të ardhmeje të paparë ndonjëherë”.
Më poshtë postimi i plotë i kreut të PD-së, Lulzim Basha:
Alternativa jonë do ta fuqizojë, frymëzojë dhe do ta katapultojë Shqipërinë drejt një të ardhmeje të paparë ndonjëherë. Sepse transformimi teknologjik marramendës që po vjen, na i jep të gjitha këto mundësi.
Prandaj të gjithë të rinjve shqiptarë ju bëj thirrje nga kjo sallë “Bëhuni gati”: Ky do të jetë një rrugëtim që do t’ju vendosë në qendër të inovacionit, të edukimit dhe të mundësive të pafundme.
