Pas një periudhe mungese, ka rifilluar në rrjetin social balta ndaj kreut të PD-së, Lulzim Basha.

Paradoksale është se nga njëra anë e kërkojnë ku është dhe e trajtojnë si të parëndësishëm, ndërsa, nga ana tjetër, investohen me mjetet e tyre propagandistike për ta sulmuar.

Duke qenë se eventi i 33-vjetorit në Pallatin e Kongreseve ishte një start i jashtëzakonshëm, qoftë përsa i përket ideve, organizimit, pjesëmarrjes, dhe në kontrast të madh me organizimin e “Rithemelimit” të Berishës, i cili, më shumë se sa festë, ngjante si vaki.

Tashmë është e qartë, se opozita po shkon drejt rikrijimi të identitetit të saj politik dhe vendimi që pritet të japë Gjykata e Lartë më 27 dhjetor lidhur me “çështjen” e PD-së, do t’i japë fund të gjitha dilemave dhe diskutimeve të derisotme.

Përballë një “Rithemelimi” që pritet të trashëgohet nga Berisha tek e bija, gjë që do të thellojë edhe më shumë përçarjen e këtij grupimi, çka do rrezultojë me thërrmim tërësor të “Foltores”, pushteti dhe Edi Rama po fillon të mpreh bateritë e baltës dhe të sulmeve ndaj Lulzim Bashës, duke qenë se, deri më sot, ai është tërësisht i paprekur nga hetimet e drejtësisë së re.

Rënia e Berishës dhe Metës i hap rrugë rënies së pakthim të Edi Ramës, sepse një pushtet nuk mund të qëndrojë përherë, ndërsa SPAK-u do t’i japë fund përfundimisht Trekëndëshit të Bermudës dhe do t’i japë mundësi shoqërisë shqiptare për të hapur garën, për të bërë të mundur rotacionin, pa pasur ndikimin e pushtetit të korruptuar dhe botës së errët të krimit të organizuar.

Pas heqjes së imunitetit të Berishës dhe vendimit të Gjykatës së Lartë më 27 dhjetor, është e qartë se drejtimin e opozitës do ta marrë Lulzim Basha dhe, duke qenë një rrezik permanent për pushtetin, Rama ka filluar që tani ta bëjë pis me sulme dhe meme, medemek qesharake, në rrjetet sociale.

Mirëpo, një gjë është e padiskutueshme: Berisha dhe Meta marrin me vete në rënien e tyre Ramën.

Dhe Edi Rama e di më mirë se të gjithë këtë gjë.

Ndokush mund të thotë se pyetja është gabim, se SPAK nuk do ta godasë Edi Ramën. Në fakt pyetja është bash kjo; kur do goditet?

Qeveria e Edi Ramës është kthyer në një skenë gjigande krimi, domethënë “shtëpia e qeverisë” ku ai është i zoti i saj është mbushur me fakte kriminale dhe prova të patjetërsueshme për të gjithë ”robtë e shpisë”.

Imagjinoni pak qeverinë e Ramës; ministrat, zv.ministrat dhe drejtorët duke ia futur shefit me disa kontrata me vlerë mbi gjysëm miliardë euro.

Është thjesht e pamundur, sepse në fakt Ramës nuk ia hedh dot askush kur është fjala për para. Për më tepër që në të gjitha aktet e qeverisjes së vendit është urdhëri i Ramës, qeverisja e Ramës, vendimi, firma dhe vula e Edi Ramës.

Shkurt, gjithçka ka ndodhur në qeverinë shqiptare dhe në Shqipëri që nga viti 2013 e deri më sot është vendimi personal i Edi Ramës. Rrjedhimisht, të gjitha vjedhjet e mëdha përmes kontratave PPP dhe konçensioneve janë vepër e kryer në grup nga qeveria shqiptare me Kryeministër Edi Ramën.

SPAK ka marrë të pandehur pothuaj gjysmën e bashkëpunëtorëve më të ngushtë të Edi Ramës. Dhe sigurisht që pas çdo dokumenti, fakti, vendimi, relacioni, emaili gjendet edhe Edi Rama.

Thjesht është e pamundur të jetë ndryshe, sepse kështu ka funksionuar. Por prokurorët e SPAK nuk po nguten për shkaqe të kuptueshme; kur të mbërthehet Edi Rama nuk ka kthim prapa.

Vet Edi Rama e di mirë se çfarë rruge kanë marrë punët, pavarësisht se çfarë thotë në publik. Ai po përpiqet të testojë ndërkombëtarët me zgjedhje të parakohshme, ose të dërgojë mesazhe kërcënuese për SPAK, duke thënë se “ju jeni krijesë e imja”.

Dekleratat e tij nga Kongresi i Partisë Socialiste ishin mesazh i qartë për prokurorët e SPAK, por gjithçka është e kotë; punët kanë marrë drejtim.

Provat gjenerale që po bëhen me Sali Berishën po hapin rrugën e ferrit për Edi Ramën. Ai e di mirë këtë.

Dhe e fundit, vendimi i sotëm paraprak i Gjykatës Kushtetuese për të pezulluar Marrëveshjen Rama – Meloni është prova më e qartë se Edi Rama nuk kontrollon më asgjë.

Përpjekja e fundit dhe dështimi i tij ishte përpjekja për të ndalur zgjedhjen e Altin Dumanit si kreu i SPAK.

Ndaj rënia e Edi Ramës është çështje kohe, sepse është e pamundur që të shpëtojë kapiteni i një anije të mbushur plotë me hajdutë.

Ujku (SPAK) ka ra në në stallë (qeveri). Punë tjetër që Rama po i jep vetes gajret. As Zoti nuk e shpëton dot.

Ndaj pyetja është:
Kur do goditet Edi Rama?! Në pranverën që vjen?!

Sekretari për çështjet ligjore në PD, Indrit Sefa, është shprehur se PD ka pasur qëndrim konstant dhe të qëndrueshëm lidhur me kërkesat e organeve të drejtësisë për hetimin e deputetëve.

Komentet Sefa i bëri përmes një lidhjeje me “Euronews Albania” ku komentoi kërkesën e SPAK drejtuar Kuvendit për heqjen e imunitetit të Berishës dhe arrestimin e tij.

Sefa tha se për PD imuniteti i deputetëve nuk duhet të ekzistojë, pasi sipas tij, vetëm kështu i hapet rruga drejtësisë që të bëjë punën e vetë.

“PD ka një qëndrim konstant në lidhje me kërkesa të tilla të SPAK, mjafton të kujtojmë qëndrimet që kemi mbajtur për Ahmetajn, për Bllakon, për Tahirin e me radhë. Është qëndrim konstant i PD në mbështetje të SPAK.

Ne jemi të vetëdijshëm që çdo kërkesë e SPAK duhet të pranohet nga ana e Parlamentit. Për PD nuk duhet të ketë imunitet.

Ka qenë PD që në vitin 2012 ka kërkuar heqjen e imunitetit për parlamentarët. Ky është një qëndrim koherent i PD, për t’i dhënë mundësi drejtësisë që të ngrejë akuzat e të vijojë hetimin për çështje të ngjashme”, tha Sefa.

Komisioni për Veprimtaritë Prodhuese, Tregtinë dhe Mjedisin, nisi të mërkurën shqyrtimin e nismës ligjore të 12 deputetëve socialistë, që i hap rrugë zhvillimit ekonomik dhe industrial brenda Zonave të Mbrojtura.

Projekti kundërshtohet ashpër nga aktivistët mjedisorë, të cilët e konsiderojnë atë një “zhvillim skandaloz” në shkatërrimin e mëtejshëm të natyrës.

Megjithatë, për deputetët e Partisë Socialiste, ky është një zhvillim i nevojshëm i nxitur nga nevoja për rritjen e turizmit.

“Në disa bashki bregdetare shtohet një problematikë tjetër përplasje e dy vendimeve të Këshillit Kombëtar të Rregullimit të Territorit,” tha njëri prej propozuesve, Fadil Nasufi, duke sqaruar se vendimi i 2018 që përcakton zonat priorioritare për zhvillimin e turizmit bie ndesh me vendimin e përcaktimit të kufirit të Zonave të Mbrojtura.

Nasufi tha se “Shqipëria nuk e ka luksin që të tkurret në zhvillimin e saj në 21% të territorit duke i konceptuar Zonat e Mbrojtura si ishuj të izoluar”. Ky zhvillim sipas tij nuk lejohet nga ligji aktual, të cilin e quajti “konservator” dhe të “ngurtë”.

Propozimet parashikojnë heqjen e neneve që përbëjnë thelbin e ligjit aktual, ku përjashtohen mundësitë e shfrytëzimit me “aktivitete intensive nga ana e njeriut” dhe ndryshim i formës së menaxhimit të tyre duke lënë bashkive në administrim jo me pak se 20% të sipërfaqes së zonave te mbrojtura qe jane ne territorin e tyre.

PS e prezantoi këtë ligj si të nxitur pikërisht nga kryebashkiakët socialistë, të cilët kërkojnë që qeverisja lokale të ketë përfitime nga admionistrimi i Zonave të Mbrojtura dhe ato t’i nënshtrohen planeve vendore të zhvillimit.

Duke iu referuar kësaj kërkese nga bashkitë, Nasufi tha se, “Agjencia Kombëtare për ZM që prej 2015 nuk ka marrë parasysh shumë nga realitetet gjatë procesit të hartëzimin e shpalljes së ZM-ve”.

Edhe deputeti i qarkut të Gjirokastrës, Laert Duraj mbrojti ndryshimet e propozuara si një mundësi ekonomike për qeverisjen vendore dhe turizmin.

“Është jetik jo vetëm për ato zona, po për gjithë Shqipërinë sepse turizmi është faktori kryesor i stabilitetit ekonomik,” tha ai.

Sipas Durajt, ndryshimet ligjore lejojnë edhe ndërhyrjet industriale brenda zonës, “por gjithmonë duke ruajtur karakterin e saj si zonë e mbrojtur.

I vetmi deputet që ngriti pikëpyetje për nismën ishte Ismet Beqiraj, i cili tha se formimi i tij akademik e bënte që të ishte kundërshtar ndaj çdo nisme që prek biodiversitetin dhe natyrën.

“Më ngacmoi nervin kjo industria e naftës dhe gazit, për çfarë e keni fjalën?”- pyeti ai kolegët nismëtarë duke kërkuar që të gjendet një balancë shumë e kujdesshme dhe të ketë kritere të forta për ndërtimet në këto zona.

Pavarësisht pikëpyetjeve, edhe Beqiraj iu bashkua qëndrimit politik të partisë ku bën pjesë duke shtuar se “janë ndërhyrje të domosdoshme”.

Kryetari i komisionit, Arben Pëllumbi tha se për nismën kanë shprehur shqetësime dhe aktorë të mbrojtjes së mjedisit dhe se komisioni do të zhvillonte dëgjesa publike me të gjithë palët e interesuara.

Edhe pse u prezantua si një nismë ligjore e hartuar në Kuvend me kërkesë të disa kryetarëve të bashkive, ligji u mbrojt fuqimisht nga kryeministri Edi Rama. Gjatë një aktiviteti për Vjosën javën që shkoi, ai argumentoi se “turizmi i luksit duhet për njerëzit e zakonshëm”, ndërsa shtoi se qeveria nuk i pranon leksionet morale të ndërkombëtarëve për natyrën.

Në dy vitet e fundit nëpërmjet vendimeve të kontestuara Komiteti i Investimeve Strategjike ka miratuar të paktën 5 projekte brenda territorit të Zonave të Mbrojtura ose pranë Monumenteve Natyrore, duke anashkaluar shqetësimet e Agjencisë Kombëtare për Zonat e Mbrojtura./BIRN