Marrëveshja e qeverisë shqiptare me atë italiane parashikon strehimin e emigrantëve për 28 ditë në Gjadër.

Por, ministri i Brendshëm, Taulant Balla, pranoi këtë të mërkurë se emigrantët mund të rrijnë edhe më gjatë se 28 ditë.

Ai tha se në disa raste mund të qëllojë që një emigrant të qëndrojë në Shqipëri edhe 2 apo 3 muaj, pasi strehimi i tyre lidhet me procedurat ligjore të shtetit fqinj.

“Nuk ka asnjë rrezik dhe asnjë lloj aktiviteti kriminal prej secilit prej tyre jashtë territorit të qendrës, për arsye se qendra është e monitoruar 24 orë nga policia shqiptare. Shpenzimet për kostot e këtij operacioni do të mbulohen të gjitha nga qeveria italiane.

Pra, duhet të jeni shumë të qetë, pasi nuk ka asnjë rrezik për kryerjen e një aktiviteti kriminal jashtë territorit.

Përsa i përket numrit, kapaciteti është 3 mijë, janë 3 mijë shtretër dhe nuk bëhet fjalë se kam dëgjuar shpesh që thuhet 12 muaj herë 3 mijë, i thonë 36 mijë.

Jo, nuk është kështu! Mund të rezultojë që një person të rrijë edhe 2 muaj, edhe 3 muaj sepse lidhet me procedurat.

Ne jemi referuar se ligji italian përcakton një kohë 28 ditore, por mund të qëllojë që të marrë më shumë. Duhet të lirohet një shtrat që të mund të vijë dikush tjetër.

Nuk bëhet fjalë që mund të vijnë 36 mijë, këtu ka një kapacitet 3 mijë shtretër”, theksoi Balla.

Lidhur me Vlerësimin Ndërkombëtar të Performancës së Nxënësve, “PISA 2022”, ka reaguar edhe pedagogia Mirela Karabina, njëkohësisht zëdhënëse e Partisë Demokratike.

Sipas zonjës Karabina,“shkolla është kthyer në burokraci që lan fytyrën propaganda, duke humbur misionin e saj”.

“Vetëm një qeveri e përgjegjshme e cila me dëshirë dhe vullnet politik do të ndërmarrë politika arsiomre kombëtare ku përmes një debati të hapur mbi mangësitë, nevojat dhe zgjidhjet do të mund të shpëtojë arsimin dhe të ardhmen e vendit.” – shkruan ajo në reagimin e saj.

Më poshtë reagimi i plotë i Mirela Karabinës:

Rezultatet e Programit të Vlerësimit Ndërkombëtar të Performancës së Nxënësve, “PISA 2022” dëshmojnë se nxënësit 15-vjeçarë shqiptarë janë me përformancë të ulët në matematikë, lexim dhe shkencë, nën mesataren e vendeve anëtare të Organizatës për Bashkëpunim dhe Zhvillim Ekonomik (OECD).

Shqipëria renditet në vendin e 62, ndër 80 vendet që marrin pjesë në testim, duke mbetur pas edhe vendeve të Rajonit.

Ky rezultat është kambanë alarmi!

Reforma Kurrikulare në Arsimin Parauniversitar e ndërmarrë më 2013-ën rezulton e dështuar pasi përsëri nxënësit shqiptarë renditen nga fundi për nga cilësia dhe aftësia e të nxënit.

Ministria e Arsimit, e zënë me propagandë të shfrenuar, nuk e sheh realitetin në sy!

Mbyllja e shumë programeve të mësuesisë, cilësia e ulët e formimit të mësuesve, mësues të pamotivuar dhe të pa vlerësuar dhe pa pagë dinjitoze, shkolla me turne dhe në mungesë të infrastrukturës shkollore duke mbetur në mendësinë e shkollave të diktaturës ku klasa është i vetmi vend mësimi (edhe pse janë hedhur miliona për ndërtimin dhe rindërtimin e tyre), infrastrukturë digjitale e munguar edhe pse 3.5 milion euro janë shpenzuar për instalimin e saj janë tregues se pse Shqipëria renditet nga fundi në cilësinë e të nxënit të nxënësve.

Shkolla është kthyer në burokraci që lan fytyrën propaganda, duke humbur misionin e saj.

Kryeministri, që vetë flet e vetë vendos, premtoi rritje të buxhetit për arsimin në nivelin 5% të PBB, por prej 10 vitesh nuk e rriti dot duke gënjyer dhe mashtruar shqiptarët.

Vetëm një qeveri e përgjegjshme e cila me dëshirë dhe vullnet politik do të ndërmarrë politika arsiomre kombëtare ku përmes një debati të hapur mbi mangësitë, nevojat dhe zgjidhjet do të mund të shpëtojë arsimin dhe të ardhmen e vendit.

Në një deklaratë për mediat, deputetja e PD, Merita Bakiu, ka komentuar renditjen e PISA 2022 për arsimin shqiptar.

Sipas deputetes demokrate, kjo është provë e qartë e dështimit të kësaj qeverie.

PD ka bërë amendament për rritjen e buxhetit për arsimin, – u shpreh deputetja Bakiu.

Më poshtë deklarata e plotë: 

Vlerësimi i PISAS është një provë e qartë e dështimit të kësaj qeverie me arsimin e shqiptarëve. Janë dëshmi e qartë për nivelin ku e ka çuar keqqeverisja arsimin duke e çuar në nivelet më të ulëta historike.

Rezultatet e PISAS janë një këmbanë e fortë alarami për shoqërinë shqiptare dhe një shuplakë e rëndë për ministrinë e arsimit që sot duhet të mbajë përgjegjësi për këtë mjerim të arsimit dhe të japë llogari për gjendjen ku ka përfunduar edukimi i fëmijëve tanë.

Sektori i arsimit për vite me radhë është përballur me probleme të mëdha dhe si rrjedhojë edhe me cilësi jo të kënaqshme. Rezultatet e PISA treguan se cilësia arsimit po bie nga viti ne vit.

Në testimet e PISA-ës vlerësohen aftësitë e nxënësve 15-vjeçarë në tri fusha- sipas të cilave kemi rezultate me te ulëta krahasuar me 3 vite më parë. PISA nuk analizon vetëm nëse nxënësit kanë mësuar atë që ju është shpjeguar, por gjithashtu vlerëson nëse nxënësit mund të përdorin në mënyrë kreative dhe kritike atë që dinë.

Duke e krahasuar me tri vite me parë :

1- Në aftësinë për lexim kemi rënie me 47 pikë.
2- Në matematikë kemi rënie me 69 pikë
3- Në aftësinë e nxënëseve në shkencë kemi rënie me 50 pikë.

Pra, PISA ndihmon qeveritë të krijojnë politika efektive arsimore.

Ajo që është shqetësuese, është se kjo rënie ka qenë e vazhdueshme që prej vitit 2015, kjo si, pasojë e kurrikules anglo-saksone zbatuar në 2014 nga qeveria socialiste.

Partia Demokratike apelon qeverinë shqiptare që të marrë masa urgjente dhe të analizojë këtë rezultat të rëndë duke filluar me buxhetin e shtetit që ka ende kohë të rishikohet pjesa e arsimit.

Rritja e financimit të këtij sektori është jetik, ndaj ne si Parti Demokratike, personalisht unë si deputet e Kuvendit të Shqipërisë, kemi depozituar një amendament për rritjen e financimit të arsimit më buxhetin 2024. Prej vitesh arsimi ka qenë i nënfinancuar krahasuar me nevojat reale ndaj dhe kemi një rënditje kaq të ulët në rezultatet e PISA.

Pikërisht me qëllim rritjen e cilësisë së mësimdhënies në të gjitha nivelet, rritjen e investimeve në infrastrukturë , rritjen e konsiderueshme të pagave të stafeve akademike, propozojmë rritjen e buxhetit deri në masën 5% të GDP-së për Ministrinë e Arsimit, Sportit dhe Rinisë.

Koha është tani.
Mazhoranca duhet të miratojë këtë amendament në mënyrë që arsimi shqiptar të dalë nga bataku ku ka rënë dhe të shpëtojmë fëmijët tanë nga këto nivele katastrofike të përgatitjes, për të cilën qeveria duhet të mbajë përgjegjësi para shqiptarëve.
Fëmijët tanë nuk kanë pse të vuajnë paaftësinë dhe dështimin e qeverisë me arsimin.

Juristi Kreshnik Spahiu tha se arsyeja se përse Sali Berisha nuk proteston në sheshe është humbja e mbështetjes popullore.

Ai tha se lëvizja radikale i ka forcuar pozitat brenda grupimit, por nuk ka më njerëz me vete.

Sidoqoftë, juristi vlerësoi se Berisha ka arritur të trembë sistemin e drejtësisë, për aq kohë sa ende nuk është arrestuar, ndërsa ka eklipsuar dhe forcat e reja politike.

“Lëvizjet radikale forcojnë pozitat brenda grupimit, por të largojnë mbështetjen popullore, që do të thotë, çdo kush e kupton që Berisha nëse do të kishte mbështetje në popull, nuk do t’i vinte zjarrin parlamentit, por bulevardit, nuk do t’i vinte zjarrin karriges së Lulzim Bashës, por do t’i vinte zjarrin zyrës së kryeministrit Rama, nuk do i vinte zjarrin podiumit të Lindita Nikollës, por do digjte gjithë parlamentin me turmat e popullit, do e bënte si në 97’-tën.

Fakti që Berisha nuk e bën dot si në 97’-tën është sepse i kanë ngelur maksimumi 97 njerëz, pra nuk ka mbështetje popullore. Ajo ku ai ka arritur qëllimet është në dy aspekte. E para ka arritur të trembë sistemin e drejtësisë dhe e dyta ka eklipsuar forcat e reja politike”, – u shpreh Spahiu në një intervistë për Euronews Albania.