Analisti Mentor Nazarko, në një  intervistë në “Real Story” në ABC teksa komentoi hetimet ndaj ish-kryeministrit Sali Berisha, theksoi se ky i fundit po shantazhon me të gjitha armët e mundshme që ka në pozicion.

Nga ana e tij analisti Skënder Minxhozi nënvizoi se ish-kryeministri Sali Berisha është munduar ta paketojë hetimin ndaj tij si një shkelje e të drejtave të opozitës.

Pjesë nga biseda në studio:

Nazarko: Berisha po shantazhon me të gjithë armët e mundshme që ka në pozicion. Por sjellja me forcë për të përmbushur “detyrim paraqitjen” nuk do të sjellë asnjë fakt të ri. E them se Gjyqtarët dhe prokurorët nuk vijnë nga qielli. Brenda SPAK, edhe pse është një institucion i vogël mund të ketë edhe dy rryma.

Zheji: Për gjykatësen nuk kemi të dhëna nëse e ka blerë me çmim më të ulët se tregu. Në treg të lirë ka blerë një apartament.

Nazarko: Duhet t’i japim kohën që SPAK të veprojë siç duhet.

Zheji: Berisha bën sikur tregon forcë, por është i dëshpëruar. Ka njerëz që kanë dëshirë ta shohin sa më të dëshpëruar këtë zotëri.

Minxhozi: Berisha bën atë që di të bëjë, ky është personazh dhe ka 30 vite që e kultivon këtë lloj sjellje. Por besoj që një çelës leximi i asaj që nuk po bën SPAK është indirekt edhe sjellja e tij. Sali Berisha me shumë dredhi është munduar ta paketojë hetimin ndaj tij dhe dhëndrin si shkelje kolosale të të drejtave të opozitës. Ka përpiluar një listë që vetëm tani fillojë të zbatohet, të drejtat e opozitës për të pasur kryetarin e grupit të përcaktuar, për të pasur Komisione Hetimore, që të përcaktohet problemi i siglës dhe stemës duke i shtuar një akuzë transversalë për të gjithë familjen Rama. Të gjithë anëtarët e familjes Rama se çfarë bëjnë. Pra këto mund të ketë efekt tek SPAK. Loja e tij është ta paketojë politikisht hetimin e tij ndaj SPAK, të ngrejë akuza, duke nisur edhe nga Prokurorët dhe gjykatësit.

Ish-kryeministri Sali Berisha sërish nuk u paraqit në Gjykatë për të respektuar masën e sigurisë të caktuar për dosjen hetimore për privatizimin e ish-kompleksit sportiv “Partizani”.

Analisti Artur Zheji, i ftuar në Real Story, thotë se drejtësia sot po vepron, ndryshe me situatën e viteve të shkuara, që personat me imunitet nuk prekeshin. Për Zhejin, ky është një zhvillim optimist, e cili duhet mbështetur.

“Mendoj se drejtësia e re është jo-muskuloze, nuk ka patur beteja më parë me një ish-kryeministra apo ish-presidentë. Ne po diskutojmë se si të paprekshmit e djeshëm, sot janë të prekshmit, por sa të prekshëm duhet të jenë? Unë kam qenë dhe mbetem mbështetës i SPAK dhe drejtësisë, sepse realisht nëse ne godasim drejtësinë, sepse deri më sot goditësi më i madh i SPAK ka qenë Sali Berisha. I ka sharë me libër shtëpie”, tha ai.

Ai theksoi se nëse drejtësia e re i përkulet politikës së vjetër, atëherë kjo do të “vrasë” besimin e qytetarëve tek kjo strukturë.

“Nëse në këtë vend drejtësia e re i përkulet politikës së vjetër, atëherë drejtësia e re thyhet dhe nuk kemi asnjë shpresë. Unë drejtësinë nuk e shoh të përgjunjur, por e shoh të lëkundur”, tha ai

I ftuar në studion e Zërit të Amerikës në Uashington, deputeti Agron Shehaj deklaroi për herë të parë se po punon për krijmin e një partie politike.

I shkëputur nga Partia Demokratike e Sali Berishës, Shehaj tha për Zërin e Amerikës se e shihte të pamundur që PD-ja të kthehej në një alternativë të besueshme për shqiptarët.

“Arsyeja (për shkëputjen nga PD) është fakti që nuk mund të vazhdohej në atë mënyrë. Shikoja mungesën e një drejtimi, mungesën e vullnetit dhe një plani për të rinovuar Partinë Demokratike, për të hapur Partinë Demokratike, që është e vetmja mënyrë që ne të mund të bëhemi të besueshëm për elektoratin dhe t’i japim një alternativë të vërtetë shqitparëve”, u shpreh Agron Shehaj.

I pyetur nga gazetarja e Zërit të Amerikës nëse kjo alternativë do të jetë një forcë e re politike, Shehaj pohoi.

“Ajo që nuk pata mundësi të jepja kontributin tim brenda PD-së, është ajo që po punoj ta bëj jashtë PD-së. Jam duke punuar mbi një projekt politik. Po flas me njerëz, sigurisht nuk është një gjë e lehtë. Politika kërkon këmbëngulje, sakrifica. Sidomos kur nuk je i gatshëm të bësh kompromise.

Mendoj se ëndrra e cdo shqiptari është që të qeveriset nga një qeveri e pakorruptuar, të ketë një kryeministër të pakorruptuar”, u shpreh Agron Shehaj.

Sërish i bëhet thirrje qeverisë shqiptare të ndalojë punimet e ndërtimit në zonën e mbrojtur të Vjosës/Nartës. Komiteti i Përhershëm i Konventës së Bernës i Këshillit të Evropës i ka bërë thirrje të hënën, 4.12.2023. qeverisë shqiptare të pezullojë ndërtimin e aeroportit të Vlorës në zonën e mbrojtur të Lagunës së Nartës dhe deltës së Vjosës.

Në takimin e tyre në Strasburg, anëtarët e Konventës shprehën shqetësimin e tyre të thellë që ndërtimi i aeroportit vazhdon dhe u bënë thirrje autoriteteve shqiptare të bashkëpunojnë me popullsinë vendase dhe të gjithë aktorët përkatës. Është hera e dytë brenda tre muajve që Komiteti i Konventës bën thirrje të till.

Përfaqësuesit e qeverisë shqiptare deklaruan në mbledhjen e Komitetit të Përhershëm – dhe në raportin e tyre zyrtar – se përcaktimi i ekosistemit Vjosa-Nartë si zonë e mbrojtur, ka qenë i gabuar. Ata kanë pretenduar se zona përdorej si aeroport ushtarak dhe përcaktimi si zonë e mbrojtur ishte i paqëllimshëm, bëhet e ditur në një dklaratë të përbashkët të tre shoqatave ambientaliste. EcoAlbania, PPNEA, EuroNatur.

Sipas ekspertëve, Zona e Mbrojtur e Nartës Vjosa, është një nga ekosistemet më të rëndësishme të Shqipërisë, ligatina e dytë më e rëndësishme në Shqipëri dhe shtëpia e specieve të rralla të kafshëve dhe bimëve. Zona është një habitat për më shumë se 220 lloje shpendësh gjatë gjithë vitit dhe ka një rëndësi mbirajonale për rrugën e migrimit të Adriatikut. Vjosa u shpall parku i parë kombëtar i lumit të egër në Evropë në mars 2023 dhe u vu nën mbrojtje nga qeveria shqiptare.

Konventa e Bernës, zyrtarisht një konventë për ruajtjen e bimëve dhe kafshëve të egra evropiane dhe habitateve të tyre natyrore, është një traktat ndërkombëtar i Këshillit të Evropës për mbrojtjen e kafshëve dhe bimëve të egra evropiane nga viti 1979. Në të marrin pjesë 46 shtete evropiane dhe 4 afrikane (Burkina Faso, Maroku, Senegali dhe Tunizia, në territorin e të cilëve ka zona dimëruese të specieve evropiane të shpendëve) dhe Bashkimi Evropian (BE) si një organizatë ndërkombëtare janë anëtarë të konventës./DW