Eksperti i shëndetit publik, Erion Dasho, përmes një postimi në rrjetet sociale, ka vënë theksin te testimet që duhet të kryen për Covid-19, ndërsa shprehet se nuk ka asnjë arsye bindëse se përse Shqipëria nuk teston.

Sipas tij, OBSH dhe institucionet e tjera prestigjioze e kanë rekomanduar testimin si elementin më të rëndësishëm të strategjisë që në mars. Edhe një strukturë totalisht e paaftë si ministria dhe komiteti ynë tashmë besoj e kanë të qartë se testimi duhet.

“Vendet që testojnë janë të gjithë më të suksesshëm se vendet që nuk testojnë. Duke testuar, Gjeorgjia shmangu plotësisht valën e parë të epidemisë. Ende vazhdon të jetë në vendet më pak të prekura ndonëse ka fqinjë si Armenia, Azerbajxhani dhe Irani”, shkruan Dasho.

Postimi i mjekut Erion Dasho

COVID: LEXOHET ME “K” SI KONÇESIONET

Duke filluar nga dita e sotme, nuk do të mjaftohem vetëm duke sqaruar ato që nuk po bën qeveria shqiptare për të luftuar COVID-in, por do të sqaroj për miqtë e faqes edhe se “PËRSE” nuk po i bën.

Nuk ka asnjë arsye bindëse se përse Shqipëria nuk teston për COVID.

OBSH dhe institucionet e tjera prestigjioze e kanë rekomanduar testimin si elementin më të rëndësishëm të strategjisë që në mars. Edhe një strukturë totalisht e paaftë si ministria dhe komiteti ynë tashmë besoj e kanë të qartë se testimi duhet.

Vendet që testojnë janë të gjithë më të suksesshëm se vendet që nuk testojnë. Duke testuar, Gjeorgjia shmangu plotësisht valën e parë të epidemisë. Ende vazhdon të jetë në vendet më pak të prekura ndonëse ka fqinjë si Armenia, Azerbajxhani dhe Irani.

Mundësitë teknike dhe financiare ekzistojnë. Prej muajsh, çmimi i testeve ka rënë në 10 deri 20 dollarë për tampon dhe çdo spital rajonal në Shqipëri i ka patur mundësitë të ngrejë një laborator PCR dhe të trajnojë stafin.

Atëherë pse Shqipëria është vendi me numrin më të ulët të testimeve në Europë?

Një përgjigje mund të jetë:

PËR SHKAK TË KONÇESIONEVE!

Pikërisht në mes të pandemisë, ministria i dorëzoi konçesionarit rrjetin e laboratorëve shtetërorë. Tani asnjë spital (përfshi Nënë Terezën) nuk ka laborator. Ky paradoks që ndodh vetëm në Shqipëri është kritikuar edhe publikisht nga personalitete të njohur të mjeksisë sonë. Askush nuk i ka dëgjuar!

Në kushte emergjence një shtet serioz dhe i përgjegjshëm mobilizon burime private për interes publik. Shteti ynë bën të kundërtën: i jep privatit burimin më strategjik për kontrollin e COVID.

Pse?! Pse me kaq urgjencë?! Një kontratë që kishte 3-4 vjet pezull, pse duhej materializuar në momentin më të papërshtatshëm?!

E dyta! Pse nuk u kërkua nga konçesionari të shtonte gamën e testeve me tamponin për COVID? Qoftë edhe duke shtuar pagesën për të cilën është rënë dakord në marrëveshjen konçesionare!!!

Ndoshta privati nuk i ka patur aftësitë?! Jo! Të njëjtët operatorë privatë përflitet se janë edhe pas konçesionarit, edhe pas disa ofruesve privatë që e ofrojnë testimin për COVID me çmimin e kripur 100 EURO për test!!!

Pra, shqiptarët jetojnë në një shtet që me strategjinë e vet dritëshkurtër, e ka lënë qytetarin në mëshirën e virusit dhe të një tregu barbar që ofron një shërbim jetik me çmime spekulative!!!

Nga ana tjetër, sistemit publik i është vënë kazma.

Kaq për testimin sot! Do të vazhdoj me elementët e tjerë në ditët që vijnë…

Këshilltarja e minisrit të Rindërtimit, Alda Klosi është dërguar dy ditë më parë me urgjencë në zyrën e Drejtoreshës së koncesioneve në ministrinë e Financave, personi në foto lart, për të marrë të gjithë dokumentacionin e koncesioneve të inceneratorëve autor i së cilave është Ahmetj, i urdhëruar nga Rama.

Skandali I inceneratorëve ka trembur grupin kriminal të kapur në vjedhjen e 430 milionë eurove të kontratktuara për të shkuar nga duart e shqiptarëve në xhepat e Ramës, Ahmetajt dhe veglave të tyre E gjithë qeveria është ngritur në mbrojtje të kësaj afere gjigande korruptive, ndërsa mbahet nën presion SPAK për të mos lejuar që të hetojë.

Kjo foto është një provë tjetër e asaj që po ndodh Brenda qeverisë dhe ministrive ku të gjithë janë ngritur në këmbë për të zhdukur gjurmët e krimit. Kryetari I opozitës ka deklaruar dy ditë rradhazi se agjencitë partnere po bahskëpunojnë me PD dhe po ndjekin gjurmët e transaksioneve se ku kanë pëtfunduar milionat e vjedhura shqiptarëve.

Kreu i opozitës, Basha deklaroi në një konferencë për shtyp se do të gjurmohen këto para.

“Nuk ka shqiptar që nuk e kupton se kjo paralizë totale e drejtësisë, edhe e drejtësisë së re dhe kjo vello censure që u është hedhur shumicës së mediave shqiptare për këtë aferë, komandohet vetëm dhe vetëm nga bashkimi i interesave mafioze të mafies së plehrave me interesat korruptive të Edi Ramës, Arben Ahmetaj, Damian Gjiknurit, Lefter Kokës, Erion Veliajt dhe përfaqësuesve të mafies së plehrave në këto afera.

Kjo, është një arsye më shumë dhe një angazhim dhe për qeverinë e ardhshme, që në krye të listës së sfidave dhe problemeve me të cilat do të ballafaqohet vendi, shumë shpejt të jetë edhe ligji anti-mafia që prezantova këtu para jush dhe që t’i gjurmojmë paratë e tyre kudo ku i kanë, në Maltë apo në Qipro, në Singapor apo në Hong Kong.

Kudo ku i kanë fshehur paratë që u kanë vjedhur shqiptarëve dhe me ligjin që kemi propozuar t’ua gjurmojmë, t’ua sekuestrojmë, konfiskojmë dhe kthejmë këto para zotëve të tyre të vërtetë, që i kanë nxjerrë kacidhe pas kacidhe dhe nga xhepat e tyre që janë taksapaguesit e varfëruar shqiptar,” tha Basha.

Në lidhje me këtë çështje, ish-deputeti demokrat, Enkelejd Alibeaj u pyet nga Juli Krisafi në SYRI TV.
“A keni informacion për kompanitë offshore ku janë depozituar paratë,” pyeti moderatorja.
“E konfirmoj, por kaq”, tha Alibeaj. Sipas tij, shumë shpejt do të bëhen të ditura të tjera informacione.

Edhe motra e Taulantit përfituese tek inceneratorët. Sikurse shikohet nga foto, motra e Taulant Ballës ka qenë sot organizuesja e takimit të Ramës tek inceneratorët. Motra e Taulantit ka një kompani organizmi eventesh të tilla dhe natyrisht ku është leku i madh nuk mund të mungojë as Taulanti me motrën.

Postimi i gazetarit Dritan Kaba
Te rinjte e Elbasanit ti TAO QYLI i le pa pune !
U kujdese te besh drejtora dhe pergjegjesa ata qe te sherbejne ty personalisht dhe jo partise Socialiste.

Sot motra jote taulant u kujdes qe cdo karrige te vendosur aty nga kompania e saj e cila sponsorizohet nga taksat e shqiptareve ,te mbusheshin plot dhe me detyrim nga administrata e institucioneve, te cilet ju i shitet si deputetet e se ardhmes.
Jo Taulant ato s’duan te behen deputete ,jane aty te detyruar per te ruajtur vendin e punes.

ps: Ne foto motra e Taulantit e maskuar ne vendin e krimit duke rregulluar karriget.

Më datë 6 tetor në Komisionin e Shëndetësisë, Ministrja Ogerta Manastirliu njoftoi se janë blerë 368 mijë vaksina për të përballuar situatën gjatë periudhës vjeshtë-dimër.

“Do të vijojë vaksinimi i grupeve të riskuara. Janë 368 mijë vaksina të cilat janë blerë për tu ofruar falas”, thoshte Manastirliu.

Por ku shkuan këto vaksina? Pas vetëm një jave aplikim në grupet e riskut, vaksinat duket se janë zhdukur nga qarkullimi. Nëpër qendra shëndetësore ka mungesë të tyre prej më shumë se një jave, ndërkohë qe ende nuk dihet se kur mund të mbërrijnë. Ndërsa personave që nuk hyjnë në grupet e riskut, u duhet t’i blejnë privatisht këto vaksina, pasi qendrat shëndetësore nuk i ofrojnë. Në redaksinë e Fax Neës ka mbërritur kjo video, ku punonjës të qendrës shëndetësore, pohojnë se nuk ka vaksina.

“Nuk ka për momentin. Kishte por nuk ka më. Ka pasur fluks, kanë marrë ata që kanë pasur më shumë nevojë. Për momentin nuk ka. Bisedon me mjekun e familjes të të japë vërtetim dhe kur të marrim ne në telefon”, thotë punonjësi.

Pasi u pyet se kur mund të vijnë vaksinat e tjera, nuk dha një përgjigje konkrete por sqaroi: “Presim. Kur të vijmë ju marrim në telefon.”

Sipas mjekëve periudha më e rekomandueshme dhe e përshtatshme për aplikimin e vaksinës është gjatë muajve shtator-tetor. Megjithëse pak ditë kanë mbetur nga përfundimi i muajit tetor, këto vaksina janë në mungesë, ndërsa nga ministria e Shëndetësisë nuk ka asnjë reagim për sqarimin e situatës.