Nënkryetari i PD, Edi Paloka shkruan në një postim në Facebook se, asnjë nuk do t’i gëzojë paratë e vjedhura!

Paloka ka publikuar edhe një video të Platformës së PD Kundër Korrupsionit dhe Oligarkisë, që do të hyjë në zbatim me ardhjen në fuqi të demokratëve në 25 prill 2021.

“Nëse ecni me mendjen se asgjë nuk do të ndryshojë, se kush ka vjedhur këto vite do të vazhdojë jetën i qetë e do t’ia hedhë si deri tani duke bërë ca dorovitje majtas e djathtas, gaboni!

Shumë shpejt pas 25 prillit do të paguani një më një, po jo ata që shpresoni t’ju mbyllin aferat, pasi të keni ikur nga karriget. Do të paguani ata që keni vjedhur, shqiptarët!”, shkruan Paloka.

Kryetari i PD, Lulzim Basha ka publikuar një video-denoncim të një tjetër biznesi të vogël në Tiranë, i cili ka rënë pre i skemës vrastare të taksave të shtetit.

Basha shprehet se, taksat e rritura kanë çuar biznesin në krizë. Bizneset në grahmat e fundit të mbijetesës kanë larguar mijëra punonjës. Zgjidhja për të shmangur humnerën, plani i PD. Koha nuk pret!

“Biznesi bën xhiro 33 milionë, shteti më kaloi me TVSH”. Një tjetër biznes i vogël në Tiranë, i rënë pre i skemës vrastare të taksave të shtetit, Roland Hoxha: Pret edhe taksë 5% tatimfitimi, këtë taksë paguan edhe ai që ndërton pallatet.

Bar Restoranti i Roland Hoxhës në Sauk të Tiranës, ishte një biznes i vogël deri në vitin 2018, i cili bënte një xhiro prej 33 milionë lekësh. Por politikat e gabuara të qeverisë, e kthyen në biznes me TVSH ku ai sot detyrohet të paguajë taksa të larta dhe bashkë me sigurimet i shkojnë rreth 6 milionë lekë. Përpos kësaj, ai duhet të paguajë edhe taksat e bashkisë, të cilat janë një barrë e shtuar për këtë biznes. Ai gjithashtu shprehet se biznesi po del me minus dhe se po e mban për mbijetesë, ndërsa fitimi as nuk mendohet.

Roland Hoxha:
Jam Rolandi dhe drejtoj këtë biznes prej 12 vitesh. E di shumë mirë, njoh edhe zonën edhe vështirësitë e punës ça do të thotë të çohesh në mëngjes deri në darkë, të privohesh nga koha që do harxhosh me fëmijët me çdo gjë. Biznesi bën një xhiro rreth 33 milionë. Shteti më kaloi me TVSH që paguaja rreth 1 milionë e 200 mijë lekë, domethënë që nuk ishin planifikuar fare këto lekë e me gjithë sigurimet këto lekë mund të shkojnë 6 milionë e gjysëm. Pret edhe taksë 5% tatim-fitimi. Këtë taksë paguan edhe ai që ndërton pallatet dhe kjo nuk më duket e drejtë. Përpos kësaj, vinë edhe zarfat e bashkisë që nuk po e kuptojmë fare. 75 mijë lekë taksa arsimi a taksë uji, unë se kam marrë vesh fare, herë pas here që na kanë rënduar pa masë. Unë e di shumë mirë ça do të thotë që të dalësh me 120 mijë lekë minus edhe të mbash një biznes për të mbijetuar, jo për të fituar se harroje fitimin.

Sekretari i Përgjithshëm i PD, Gazment Bardhi paralajmëroi publikisht se, një hetim ndërkombëtar i partnerëve ndërkombëtar dhe agjencive të specializuara do të bëjë publike emrat që fshihen pas përfitimeve miliona euro të skandalit të inceneratorëve.

Kontratat e inceneratorëve janë në krye të akuzave që opozita i ka drejtuar qeverisë. Mbrëmjen e sotme në emisionin “Opinion”, Sekretari i Përgjithshëm i Partisë Demokratike, Gazment Bardhi ka deklaruar se është i gatshëm të japë dorëheqjen nga posti i tij nëse ekziston inceneratori i Tiranës.

Gjatë debatit me analistin Julian Zyla, Bardhi tha se shteti paguan për shërbime që nuk kryhen pasi inceneratori i Tiranës dhe Fierit nuk ekzistojnë.

“Nuk ekzistojnë inceneratorët çfarë shërbimi thua. Unë jap dorëheqjen nesër nëse ekziston inceneratori i Tiranës. Inceneratori i Tiranës nuk ekziston dhe as i Fierit. Bashkia e Tiranës jep para për depozitimin e mbetjeve në landfilld dhe jep para për djegien e mbetjeve në incenerator. Në inceneratorin e Tiranës nuk është vendosur një tullë.”, tha Bardhi.

Partia Demokratike akuzon qeverinë se kontratat konçesionare janë korruptive pasi janë lidhur me kompani në pronësi të një personi i cili sipas tyre nuk ka patur kapacitet të kryejë investimin e kërkuar.

“Që një kontratë PPP të lidhet duhet që privati të ketë disa para për ti investuar, në momentin që nuk i ka dhe ja jep shteti atëherë nuk kemi PPP.”, tha ndër të tjera Bardhi.

Sekretari i Përgjithshëm i PD, deklaroi se kompania fituese e konçesionit të inceneratorit ka patur një kapital vetëm 50 mijë euro për një investim të 23 milionë euro në inceneratorin e Elbasanit.

E ftuar në “Politik On” në RTV Ora, pedagogia Iris Luarasi komentoi mbi debatin që ka përfshirë kryeqytetin lidhur me ndërtimin buzë Kullës së Sahatit.

Sipas Luarasit, është normale që në një kryeqytet të ketë mosdakordësi lidhur me urbanizimin, ndërsa nuk mungoi edhe debati me moderatorin e emisionit Alfred Lela.

“Në një qytet ku nuk nuk ka mosdakordësi, është gjëja më normale. Aq më tepër që po flasim për kryeqytetin e vendit. Është gjëja më normale pasi italianët kanë shprehje “të gjitha shijet janë të drejta”. Ajo që mund të jetë fantastike për mua, mund të jetë më e shëmtuara për ty. Unë mendoj se ky është një nga diskutimet që duhet të ndodhë për një kryeqytet. Nuk më tremb kjo pjesa e diskutimeve dhe mendoj se në këto 25 vitet e fundit Tirana ka qenë gjithmonë një pjesë e diskutueshme nga pikëpamja urbanistike. Për shumë ka qenë një gjë që nuk u pëlqente dhe për disa diçka që u pëlqente”, u shpreh Luarasi.

Alfred Lela: Çfarë shije ju le Kulla e çhijezuar dhe çshijezuar nga betoni që do të ketë në bri dhe përbri?

Iris Luarasi: Në të gjitha qytetet e mëdha, kryesisht kryeqytetet e mëdhaja, europiane apo amerikane, ti shikon padiskutim ndërtesa të larta. Duhet të jenë me gishtat e dorës kryeqytetet që kanë ndërtesa 3-4 katëshe. Për të mos thënë nëse ekzistojnë të tilla kryeqytete apo jo.

Alfred Lela: Megjithatë lagjjet i ruajnë, zonja Luarasi…

Iris Luarasi: Po të më pyesësh mua, për shijet e mia, unë nuk jam pro ndërtesave të larta. Por ndërkohë, këto i shoh në çdo kryeqytet të botës dhe të them të drejtën kjo nuk është hataja më e madhe që po i ndodh Tiranës. Ajo që po ndodh te Sahati, shoh një ndërtesë tmerrësisht të lartë që është “Plaza”, që mesa di unë është dhënë leja në kohën e Bashës.

Alfred Lela: Po flas për godinën në gji të bashkisë…

Iris Luarasi: Ajo që nuk është ndërtuar akoma?…

Alfred Lela: Do ndërtohet, apo nuk do të ndërtohet? Se po nuk u ndërtua bie shqetësimi…

Iris Luarasi: Që të isha totalisht e barazlarguar, që të tregohesha e paanshme, do të dëshiroja të mos ndërtoheshin të dyja.

Alfred Lela: Problemi është “Plaza”, jo ajo që po ndërtohet…?

Iris Luarasi: Unë ta dhashë mendimin tim…

Ish-deputetja e PD, Joroda Tabaku në studion e “Open” rrëfeu se është kërcënuar kur ka vajtur në Durrës dhe ka filmuar mbejtet. Sipas Joroda Tabakut, pesë makina kanë vajtur afër saj dhe kanë bërë xhiro teksa ajo filmote.

Tabaku tha në emision se, kanë vajtur për ta kërcënuar, por më pas janë larguar, kur kanë hasur në kundërshtimin e saj.

Tabaku deklaroi se inceneratorët nuk janë një çështje mjedisore ashtu siç deklaron mazhoranca, por një çështje korruptive.

Tabaku tha se qeveria u interesua për inceneratorët pa asnjë plan strategjik pa asnjë projekt, por thjeshtë se i interesojnë paratë, dhe konçensionet po ua japin personave të dyshimtë.

‘Asnjë nga akuzat e PD nuk ëhstë akuzë e re. Zoti Koka ka qenë preent në sallë ku unë kam shpjeguar të gjitha aferat për inceneratorët. A ka pasur në Shqipëri një strategji për menazhimin e mbetjeve, ku thuhej se ncinerimi do të sjellë të ardhura, a ka patur një dokument të vetëm. Inceneratorët nuk janë çëshjte mjedisore, janë çështje korruptive. Nga lindi gjithë kjo dështirë e qeverisë shqiptare pa asnjë strategji’, deklaroi Tabaku.