14.5 C
Tirana
E hënë, 12 Maj, 2025
type here...

Kryemadhi: Rama do bëjë gafën e jetës nëse nuk zbaton marrëveshjen që firmosi me ndërkombëtarët

Kryetarja e LSI, Monika Kryemadhi, në lidhje direkte me edicionin e pasdites të lajmeve në Syri Tv, duke komentuar zhvillimet e fundit politike në vend, nuk la pa komentuar edhe deklaratën e Ramës se do 800 mijë vota në zgjedhjet e ardhshme duke e quajtur një ëndërr të tij, ndërkohë që në zgjedhjet moniste sipas saj 350 mijë socialistë nuk i shkuan të votojnë

Rama e ka shumë të vështirë të përballet me ekspertët, sidomos brenda PS-së.Vërtetë mendoni që Rama do lista të hapura? Këtë e bën për të ç’orientuar opozitën por nuk do ia arrijë.

Duke pasur parasysh nga 15 kushte që ka Shqipëria sot, ju kujtoj që në vitin 2016 kur LSI kishte Ministrinë e Integrimit, Shqipëria kishte vetëm një kusht.   

Dhe mos harrojmë që 14 kushtet e tjera sot janë të lidhura me qeverinë.

Opozita do të zbatojë çdo vendim të Gjykatës Kushtetuese, që i mungon për tre vite Shqipërisë dhe që nuk ka bërë vaki në asnjë vend të botës.

Ju vërtetë mendoni që Rama është për listat e hapura?

Nëse ju do t’i besoni demagogjisë së Ramës mjafton të lexoni deklaratat e OSBE që sistemi zgjedhor nuk ndryshon një vit para zgjedhjeve. Edhe sikur Rama të bëjë gafën e jetës të mos e votojë.

Çdo deklaratë e Ramës është vetëm një provokim ndaj ndërmjetësuesve të kësaj marrëveshje, të këtyre rregullave të lojës.

Dhe dua të kujtoj që në dakordësinë e 5 qershorit, nuk pati konsensus për ndryshimin e sistemit dh hapjen e listave. Absolutisht nuk kam kundërstim për listat e hapura.

Rama po të bëjë lista të hapura brenda PS do ta ketë të pamundur të zgjedhë sejmenët, por e bën këtë lojë për të dëmotivuar çdo individ që kërkon të garojë jashtë partive.’

Ulet ndjeshëm numri i të viktimave nga Covid-19 në Itali

Në Itali është ulur ndjeshëm numri i víktimave ku gjatë 24 orëve të fundit janë shënuar 15 humbje jete dhe 193 të ínfektuar të rinjë nga COVID-19.

Pjesa më e madhe e të ínfektuarve janë në zonën e Lombardisë dhe Emilia Romagna.

Një lajm i mirë vjen nga Bergamo, ku nuk ka më asnjë person të shtruar në terapi intensive të spitalit Papa Giovanni XXIII duke u bërë kështu ‘i lirë’ nga COVID-19. Në këtë spital ka ende disa të shtruar por që kanë rezultuar negativë në testin e bërë së fundmi.

Që nga nisja e pandemisë në Itali kanë humbur jetën 34,914 persona ndërsa të ínfektuarit janë mbi 240 mijë.

Deklarata e fortë e Merkel: Një pandemi s’duhet të jetë kurrë një justifikim për të minuar parimet demokratike

Kancelarja Merkel këmbëngul në ruajtjen e të drejtave themelore në Evropë. Ajo tha se “një pandemi nuk duhet të jetë kurrë një justifikim për të minuar parimet demokratike”.

Liria e fjalës, barazia dhe diversiteti fetar janë thelbësore. Theksimi i këtyre është fokusi i Presidencës gjermane të Këshillit të BE, tha kancelarja Angela Merkel në Parlamentin Evropian në Bruksel.

“Të drejtat themelore janë gjëja e parë që më preokupon më shumë në Presidencën e Këshillit”, tha politikania gjermane. Ato janë themeli mbi të cilin mbështetet Evropa. Në pandeminë e Corona-s, këto të drejta themelore ishin pjesërisht të kufizuara. Ky ishte një çmim shumë i lartë. Vendimi për ta bërë këtë kishte qenë pafundësisht i vështirë për të

“Unë kam besim te Evropa”/

Angela Merkel theksoi më tej: “Një pandemi nuk duhet të jetë kurrë një justifikim për të minuar parimet demokratike.” Kancelarja shtoi me patos: “Unë kam besim te Evropa. Unë jam e bindur për Evropën – jo vetëm si një trashëgimi e së kaluarës, por si një shpresë dhe vizion për të ardhmen”.

Ky udhëtim në Bruksel, për të paraqitur objektivat e saj në Parlamentin Evropian gjatë presidencës, ishte udhëtimi i parë i Merkelit jashtë Gjermanisë që nga fillimi i pandemisë së Coronas. Fillimisht, ajo u prit nga David Sassoli, Presidenti i Parlamentit Evropian.

A do të ketë marrëveshje në mes të korrikut?

Gjermania mori në 1 korrik për gjashtë muaj kryesimin e 27 vendeve të BE . Krerët e shteteve dhe qeveritë e BE duan të përpiqen në Bruksel më 17 korrik të arrijnë një marrëveshje për paketën financiare afro 1.7 bilionë eurosh, e cila përfshin periudhën deri në vitin 2027. Në të duhet të përfshihet fondi i rindërtimit për të kapërcyer krizën ekonomike që vjen nga pandemia e Corona-s./DW

4 infermierë dhe mjeku i fëmijëve me Covid-19, ç’po ndodh me spitalet në Elbasan

Rëndohet bilanci i të infektuarve te Materniteti i Elbasanit. Gazetarja e Fax News, Entela Duka raporton se sapo kanë mbërritur përgjigjet e testit të Covid-19 ndaj 14 personave personel shëndetësor tek Gjinekologjiku nga të cilët 4 infermierë dhe mjeku i fëmijëve që asiston në lindje kanë rezultuar pozitiv ndërsa 9 personat e tjerë negativ.

Para dy ditësh pozitive rezultoi edhe bashkëshortja e pediatrit, e cila gjithashtu punon si kryeinfermiere në Gjinekologjik. Kujtojmë së pas shfaqjes se rasteve të para pozitive, në maternitetin e Elbasanit u mbyllën disa shërbime në këtë pavion, duke qëndruar hapur vetëm urgjenca gjinekologjike, pra lindjet.

Burime bëjnë me dije se është konfirmuar pozitiv me Covid- 19 edhe një efektiv i drejtorisë vendore të policisë së Elbasanit, lajm të cilin e kemi transmetuar një ditë më parë. Efektivi është pjesë e shërbimit rrugor dhe mendohet se është infektuar nga drejtori i shërbimit rrugor në Elbasan i cili po ashtu u konfirmua me koronavirus pak ditë më parë. Aktualisht nga radhët e forcave të rendit të Elbasanit janë 3 punonjës të konfirmuar me Covid-19.

E hëna e kaluar  ka shënuar plot 8 raste te reja me Covid në Elbasan. Numri më i lartë që nga shfaqja e pandemisë, ndërsa dy ditë më parë Elbasani renditej i dyti pas Tiranës. Burimet bëjnë me dije se 8 rastet i takojnë kontakteve të mëparshme.

Konkretisht kanë rezultuar pozitiv 2 infermiere te materniteti, 2 paciente te shtruara në pavijon, konfirmohet pozitiv edhe bashkëshorti i njërës paciente, si dhe një punonjëse banke e nivelit të dytë, ndërsa 2 të tjerë i takojnë kontakte të rasteve të mëparshme.

Shfaqja e virusit te reparti i gjinekologjisë ka bërë që një pjesë e stafit të vetë-karantinohet, ndërsa ofron vetëm shërbimin e urgjencës, ndërsa konsultat janë pezulluar. Kujtojmë se që nga nisja e pandemisë në qarkun e Elbasanit janë shënuar dy viktima, respektivisht një në Librazhd dhe një tjetër në Elbasan.

 

Prezantimi i prioriteteve të presidencës gjermane në PE/ Merkel ndan Shqipërinë nga Maqedonia për integrimin në BE

Kancelarja gjermane, Angela Merkel bën diferencën midis hapjes së negociatave të anëtarësimit me Maqedoninë e Veriut dhe Shqipërinë.

Gjatë prezantimit të prioriteteve të presidencës gjermane në Parlamentin Europian, kancerlarja gjermane i është referuar mundësimit të mbajtjes së konferencës së parë ndërqeveritare me të dyja vendet si objektiv gjatë këtij gjashtëmujori.

Por ndryshe nga Maqedonia e Veriut, teksa i është referuar kësaj etape me Shqipërinë, Merkel ka artikuluar ‘dhe ndoshta Shqipërisë.

‘Një nga tre objektivat e politikës së jashtme gjatë presidencës tonë ka të bëjë me Ballkanin Perëndimor. Lidhur me konferencat e anëtarësimit, ne duhet të angazhohemi në negociata të anëtarësimit me Maqedoninë e Veriut dhe ndoshta me Shqipërinë, si dhe progresin për Ballkanin Perëndimor, në mënyrë që të ofrojmë një perspektivë anëtarësimi’, tha Merkel.

Fiksimi i një date për mbajtjen e konferencës së parë ndërqeveritare me Maqedoninë e Veriut duket i mundshëm në 10 nëntor gjatë takimit të ministrave tê jashtëm të Bashkimit Europian, sipas kalendarit të përkohshëm të Këshillit të Bashkimit Europian.

Ndërkohë, fiksimi i një date për mbajtjen e konferencës së parë ndërqeveritare me Shqipërinë ka shumë pak gjasa të ndodhë gjatë presidencës gjermane nisur nga kushtëzimi i rreptë i 27 shteteve anëtare të Bashkimit Europian para hedhjes së një hapi të tillë me vendin të artikuluar në vendimin e 25 marsit. /Abcnews

Denoncimi/ Spahia: Ogerta, vetëm 5 tamponë gjendje për Shkodrën???

Nga Bardh SPAHIA

Rasti i infermieres së patologjisë në spitalin rajonal të Shkodrës, po zbulon gënjeshtrën e madhe të Ogertës, e cila thotë se ka mjaftueshëm teste në dispozicion për rastet e dyshuara me Covid-19.

Nëse keni siguruar furnizime testesh, atëherë si ka mundësi që cdo ditë ka denoncime nga personeli shëndetësor se nuk u bëhen tamponë kur i kërkojnë? Si ka mundësi p.sh. që infermieres së patologjisë së Shkodrës, që vijon të ketë simptoma, i thuhet se nuk do i bëhet dot tampon, pasi Shkodra e ka racionin vetëm 5 të tillë????

Si ka mundësi që puna vijon normalisht për kolegët e saj e askush nuk merr mundimin t’i testojë, ndërsa cdo ditë presin e përcjellin pacientë?

A e kuptoni zonja ministre se po e rrisni vetë zinxhirin e infeksionit në këtë mënyrë?

Nëse keni teste sic thoni, pse nuk rrisni numrin e testimeve, kur ka situata të tilla cdo ditë në spitale e qendra shëndetësore? Vërtetë mendoni se mund të fshihet me heshtje kjo situatë që agravohet cdo ditë? Si mund të mos veproni, kur virusi po bëhet zot pikërisht në vijën e parë të kësaj sfide????

Gjendja jashtë kontrollit me Covid-19, Tritan Shehu: Nënteksti i një deklarate ogurzezë që duhet ta sqarojë Rama

Nen teksti ogurzi i deklarates se Komiteti Teknik per gjendjen “Jashte Kontrollit”?!

Dr. Brataj, emer i rendesishem ne Komitetin Teknik, deklaroi per “Exit News” se Shqiperia nuk eshte me ne faze epidemiologjike te “Grupimeve te rasteve”, por ka hyre ne ate te “Transmetimit komunitar”, qe nuk eshte gje tjeter vecse te jesh “Jashte kontrollit” ne aspektin epidemiologjik.

Sipas OBSh ne kete faze shume te avancuar te epidemise nuk ka me kuptim identifikimi individual i rasteve, gjurmimi i kontakteve e i vatrave(testimet), karantina, etj sepse kontaminimi i popullesise eshte kaq i madh, sa infektimi mund te ndodhe kudo!

Ky pohim tragjik vjen nga ky Komitet, ne nje kohe qe OBSh edhe ne klasifikimin e fundit te saj e fut vendin tone akoma ne nivelin e “Grupimeve te rasteve”!!

Qe gjendja epidemiologjike po shkon apo ka arritur ne piken e “Renies se Lire”, gje qe flet per deshtimin e plote te “strategjive” e “metodave” te Qeverise, kjo tashti eshte e dukeshme, por pse ky nxitim i ketij Komitetit, i njohur si zedhenes i qeverisjes, per te pohuar kete perkeqesim pa pritur as OBSh-ne?!

Kemi ketu te bejme me shifra te tjera, qe ky Komitet i zoteron e i jane mbajtur te fshehura opinionit, edhe vete OBSH?

Apo eshte ky nje sinjal qe vjen nga “strategjia” e vertete e Qeverise, lenia e gjendjes ne “renie te lire”, me testime formale, pa masa inteligjente, pa shifra reale te kontaminuarish e vatrash aktive, pa izolime etj, duke u fshehur mbas termit “imuniteti i tufes”…a dicka tjeter?

Sidoqofte une do ta quaja edhe kete te fundit nje alternative kriminale, ku dicka e tille do ta fuse shpejt edhe sistemin shendetesor qe e kemi te demtuar e larg standarteve europiane ne kolaps te plote, me pasoja te pa parashikueshme per njerrezit.

Eshte tashme Kryeministri ai qe duhet te skjaroje se cili eshte nen teksti i asaj deklarate ogurzeze!

Gjermanët të interesuar për programin ekonomik të PD, Basha: 5 shtyllat e planit që nxjerrin vendin nga kriza

Kryetari i Partisë Demokratike, Lulzim Basha priti sot përfaqësuesit e Dhomës Gjermane të Tregtisë, të cilët i njohu edhe programin ekonomik qeverisës të PD.

Zoti Basha vlerësoi kontributin shumëvjeçar të Dhomës Gjermane të Tregtisë, veçanërisht për rekomandimet që ka dhënë, së fundmi, për situatën ekonomike të krijuar në vend si pasojë e pandemisë së COVID-19.

Kryetari i opozitës adresoi problematikat e shumta që janë konstatuar në këtë periudhë të krizës shëndetësore, pasi, qeveria në vend që të investohej për të ndihmuar ekonominë dhe qytetarët në krizë, u investua krejtësisht në tendera, koncesione dhe PPP.

“2.2 miliardë euro janë kontratat për PPP-të, ndërkohë që gjatë periudhës së pandemisë është paguar për ekonominë, biznesin dhe shtresat në nevojë 22 herë më pak, vetëm 100 milionë euro”, nënvizoi Basha. Mungesa totale e strategjisë dhe masave, nga ana e qeverise, ka sjellë jo vetëm rëndim të situatës së pandemisë, por edhe thellim të krizës ekonomike “- theksoi Basha.

Përfaqësuesit e Dhomës Gjermane të Tregtisë e njohën kryetarin Basha me disa nga rekomandimet e tyre publike si masa për të përballuar situatën e krijuar në ekonomi nga pasojat e pandemisë së COVID-19, si dhe ngritën shqetësimet e investitorëve të huaj në vend, veçanërisht atyre gjermanë.

Një nga shqetësimet kryesore të investitorëve është klima dhe siguria e biznesit, çështje që është përcaktuese në stepjen e investimeve të huaja në vendin tonë. Ky problem u ngrit gjatë bisedës me zotin Basha nga ana e përfaqësuesve të Dhomës Gjermane të Industrisë dhe Tregtisë, të cilët thanë se klima e biznesit dhe mungesa e konkurrueshmërisë janë disa nga barrierat kryesore të thithjes së investimeve në Shqipëri.

Përfaqësuesit e DIHA ngritën edhe probleme të tjera që kanë të bëjnë me fuqinë punëtore, pasi largimi në masë i të rinjve ka ndikuar shumë në rënien e fuqisë punëtore.

Duke iu përgjigjur interesit të investitorëve gjermanë, zoti Basha u prezantoi përfaqësuesve të Dhomës Gjermane të Tregtisë shtyllat e programit ekonomik të qeverisë së ardhshme të Partisë Demokratike:

1. Klimë pozitive, hapje, konkurrencë dhe luftë monopoleve. Transparencë totale e çdo akti qeveritar, që nga prokurimet publike.

2. Karantinim të inspektoriateve deri në hartimin e një kuadri ligjor europian për inspektoratet. Kjo i jep fund klimës së terrorit. Moratorium 1-vjeçar për inspektoratet.

3. Reduktimi i lejeve, liçencave dhe shumë procedurave të tepërta.

4. Taksë e sheshtë 9 përqind. Sigurimet shoqërore 18 përqind dhe eliminim të rritjes së taksës së qarkullimit të vendosur 24 lekë/litër nga qeveria Rama.

5. Vetëm 1 taksë biznesit të vogël, 0.5 përqind të xhiros.

Zoti Basha njohu përfaqësuesit e investitorëve gjermanë me planin e tij dhe të PD për injektimin në ekonomi të parave të taksave të shqiptarëve dhe jo siç bën qeveria e sotme, që i përdor për makijazh dhe PPP.

“Ndryshe nga vendet rajonit, qeveria Rama paratë e taksapaguesve shqiptarë i ka shpërdoruar me rilindjen urbane, 800 milion euro, dhe 2.2 miliard për koncesione e PPP. Ne do t’i kthejmë këto para në ekonomi, infrastrukturë dhe stimuj për të thithur investimet e huaja strategjike”, – deklaroi Basha.

Qeverisja e ardhshme do të marrë vendimet e duhura që potenciali që ka Shqipëria të kthehet në zhvillim ekonomik, punësim dhe thithje të investitorëve të huaj – theksoi kreu i opozitës.

Lirimi i Kajmakut/ Bardhi: Skenar mafioz nga qeveria dhe drejtësia. U pagua 200 milionë lekë nga pushteti e Edi Ramës…

Sekretari i Përgjithshëm i PD, Gazment Bardhi, ka reaguar pas lirimit që Arta Marku i bëri Agim Kajmakut të Vorës, vetëm një ditë pasi ky i fundit u arrestua në një spital privat.

Bardhi e ka cilësuar këtë lirim si një skenar mafioz nga qeveria për të lënë të lirë Agim Kajmakun.

Reagimi i plotë i Bardhit

Një skenar mafioz u zbatua 24 orët e fundit nga qeveria dhe drejtësia për të lënë të lirë Agim Kajmakun e Vorës.

Policia bëri dje sikur e arrestoi papritur, pas një gjoja arratisje 7 mujore, ndërsa drejtësia, nën diktatin e qeverisë, e liroi sot nga burgu. Gjithçka ishte llogaritur që lulishtari i oborrit 1 milionë euro të Edi Ramës në Surrel të mos vuante asnjë ditë burg.

Agim Kajmaku, një fallsifikator, që fshehu krimin në formularin e dekriminalizimit, u mbrojt nga Edi Rama. Kryeministri nuk e shkarkoi nga detyra, megjithëse ne provuam me dokumenta se kryebashkiaku ilegjitim i Vorës kishte mashtruar dhe ishte në shkelje flagrante të ligjit.

Gjatë kohës së “arratisë”, Agim Kajmaku u pagua 200 milionë lekë nga pushteti e Edi Ramës, duke vendosur rekord sesi një person që kërkohet nga policia, përfiton njëkohësisht miliona lekë nga tendera publikë. Ky është një pushtet i kalbur që duhet shkulur me rrënjë, sa më parë!

Basha takon përfaqësuesit e Dhomës Gjermane të Tregtisë: Dy çështjet kryesore që diskutuam

Nga Lulzim BASHA

Situata e vështirësuar ekonomike dhe plani i PD për nxjerrjen e vendit nga kriza, ishin dy nga çështjet kryesore që diskutova sot me përfaqësues të Dhomës Gjermane të Tregtisë, e cila ka 92 anëtarë dhe përfaqëson kompanitë më të mëdha gjermane që operojnë në Shqipëri.

Përfaqësuesit e Dhomës Gjermane të Tregtisë më njohën me shqetësimet e tyre kryesore: Klima negative për ekonominë dhe biznesin, mungesa e konkurrencës dhe transparencës, zvarritjet, burokracia dhe korrupsioni, pasiguria për investimet, ndryshimet e shpeshta të politikave fiskale dhe konkurrenca e pandershme.

Krahas krizës së thellë ekonomike, vendi sot po përballet dhe me rëndimin e krizës shëndetësore, ç’ka e tregojnë numrat në rritje të të infektuarve dhe atyre që humbasin jetën me COVD-19 dhe mungesa e strategjisë nga ana e qeverisë për t’u përballur me të. Në vend të akordimit të fondeve për shëndetësinë, mbështetjen e biznesit dhe punësimit, qeveria vazhdon të marrë borxh për PPP, tendera e koncesione korruptive.

Shqipëria ka potenciale të jashtëzakonshme, tërheqëse për investitorët dhe që janë mundësi për çdo qytetar për të punuar dhe jetuar mirë në vendin e tyre. Vendit i duhet një qeveri e përgjegjshme, e cila të vërë Shqipërinë në punë dhe jo ta ndajë, siç ndodh sot, si plaçkë mes pushtetarëve dhe një grushti oligarkësh.

Ne kemi punuar ngushtësisht me ekspertët më të njohur ekonomik të CDU-së, me mbështetjen e Fondacionit Konrad Adenauer për planin tonë ekonomik, në qendër të të cilit është bërja e Shqipërisë një vend terheqës për investimet e huaja, mes të cilëve edhe atyre nga Gjermania, të cilët kanë një potencial të madh investimi dhe punësimi.

Ekonomia, punësimi dhe mirëqenia e shqiptarëve do të përftohen drejtpërdrejt nga plani ynë ekonomik. Taksë e sheshtë 9%, heqja e taksës “Rama” 24 lekë për litër mbi karburantin, moratoriumi 1 vjeçar për inspektoriatet dhe transparenca totale me paratë publike, janë disa nga masat e shpejta që do të marrim në këtë drejtim. Prioritet do të jetë lufta kundër korrupsionit, konkurrencës së pandershme dhe monopoleve dhe garantimi i sigurisë së biznesit.

Në takimin me përfaqësues të Dhomës Gjermane të Tregtisë mora mendime dhe sugjerime të vlefshme, të cilat do të përfshihen në planin tonë ekonomik dhe për një Shqipëri me një ekonomi të shëndetshme, të hapur dhe konkurruese që prodhon mirëqenie për të gjithë shqiptarët.

1...3 1963 1973 198...8 301Faqja 3 197 nga 8 301

Kryesore

Continue to the category
Më shumë
© 2024 Rilindja Demokratike Euroatlantike