Me rekomandim nga Instituti i Shëndetit Publik qeveria e Kosovës riktheu disa masa, përfshirë edhe kufizimin e lirisë së lëvizjes së qytetarëve në disa qytete kryesore. Lëvizja e qytetarëve ndalohet nga ora 21:00 deri në 05:00 të mëngjesit, në Prishtinë, Prizren, Ferizaj dhe Vushtri, ndërsa, në këtë orar në tërë teritorin e Kosovës, ndalohet veprimtaria e gastronomisë në ambiente të mbyllura.

Instituti Kombëtar i Shëndetësisë Publike njoftoi se vetëm të dielën regjistroi nëntë persona të vdekur dhe 152 raste të reja me COVID-19. Numri i të vdekurve në Kosovë nga koronavirusi arrin në 75. Sipas të dhënave të fundit, në Kosovë me afro 1.8 milion banorë, deri tani janë regjistruar 3,508 raste pozitive me COVID-19. Prej tyre 1,531 vazhdojnë të jenë raste aktive. Gjatë ditës së diel mediet raportuan për katër raste vdekjesh në Qendrën Klinike Universitare me dyshime për “gabime”, njerëzore. Në reagimin e saj Ministria e Shëndetësisë i bëri thirrje publikut, “që të përmbahen nga konkludimet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve”.

“Me qëllim që të zbardhet çdo dyshim rreth natyrës së vdekjes së tyre, MSH dhe SHSKUK u bëjnë thirrje publikut dhe të gjithëve që të përmbahen nga konkludimet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve dhe të nxjerrin përfundimet meritore”, thuhet në komunikatën e MSH.

Hetime për dyshimet për vdekjet e pacientëve me COVID-19
Ndërkohë, Prokuroria Themelore e Prishtinës tashmë konfirmon se ka nisur hetimet lidhur me dyshimet për vdekjet e pacientëve me COVID-19, që kanë ndodhur në orët e para të së dielës në Klinikën Infektive në Qendrën Klinike Universitare. Edhe Policia e Kosovës njoftoi të hënën se po heton vdekjen e gjashtë personave në Klinikën Infektive në Prishtinë.

“Me vendimin e prokurorit, trupat e pa jetë të viktimave dërgohen në Institutin e Mjekësisë Ligjore për Obduksion. Rasti është duke u hetuar”, thuhet në njoftimin e policisë.

Hilfsorganisation Help | Hilfe zur Selbsthilfe (Help)
Në Kosovë që nga shfaqja e pandemisë në gjysmën e muajit mars e deri më tani janë regjistruar 3,508 raste pozitive me COVID-19. Prej tyre, 1,531 vazhdojnë të jenë raste aktive. Kjo bëri që për të dytën herë autoritetet të ndërmarrin masa për kufizimin e lëvizjeve të njerëzve dhe mbylljen e disa bizneseve.

Vetëdijesim, jo mbyllje e bizneseve dhe kufizim i lëvizjes
E pas kufizimit të orarit të punës për sektorin e gastronomisë, vendim ky i fundit i qeverisë së Kosovës, kryetari i Odës Ekonomikë të Kosovës, Berat Rukiqi, tha se rritja e rasteve me COVID-19 duhet të parandalohet me vetëdijesim e jo me mbyllje të bizneseve.

“Rritja e rasteve duhet të parandalohet me vetëdijesim, jo me mbyllje të bizneseve dhe kufizim të lëvizjes. Nëse është e nevojshme vetëdijesimi duhet të arrihet edhe me rritje të ndëshkimeve dhe sanksioneve për të gjithë qytetarët dhe bizneset që nuk respektojnë masat parandaluese. Pasi që përfaqësoj bizneset, mund të bëjë thirrje që të mbyllen të gjitha ato biznese që nuk respektojnë masat parandaluese, e jo të kufizohet apo mbyllet një sektor në tërësi”, shkroi në profilin e tij Berat Rukiqi.

Sanksionimin e të gjithë atyre që nuk respektojnë masat kundër Covid-19, e paralajmëroi edhe Ministri i Shëndetësisë Armend Zemaj, i cili tha se “kushdo që nuk respekton këto rregulla, do të sanksionohet.

“Në mbikqyrje të zbatimit të masave do të jenë inspektorët e Inspektoratit Sanitar, Ministrisë së Tregtisë dhe Industrisë, Inspektoratet Komunale, dhe mekanizmat e sigurisë. Komunat do të riaktivizojnë plotësisht shtabet emergjente”, ka thënë ministri Armend Zemaj.

Qeveria e Kosovës për sanksionimin e qytetarëve që nuk respektojnë masat, bazohet në Ligjin për luftimin e sëmundjeve ngjitëse. Në bazë të këtij ligji, gjobat mund të shkojnë nga 1.000 deri në 8.000 për të gjithë personat fizikë dhe juridikë të cilët nuk e zbatojnë masën e përgjithshme për mbrojtje nga sëmundjet ngjitëse.

Ish-deputeti i PD, Bardh Spahia ka folur TV Ora News për situatën e rëndë të Covid-19. Spahia është shprehur se, Qeveria i është dorëzuar Covid-19 dhe po fajëson pacipërisht qytetarët!

“Kjo qeveri ka dështuar në betejën kundër Covid-19 dhe më e keqja është se tashmë, që situata ka dalë jashtë kontrollit, është dorëzuar para virusit, duke e lënë situatën të precipitojë në rënie të lirë.

Nuk mund të fajësohen qytetarët, sepse pakujdesia e tyre është shumë e vogël në raport me panoramën shqetësuese nëpër spitale e qendra shëndetësore. Ato janë kthyer në vatra infeksioni, duke rrezikuar cdo qytetar që do ketë nëvojë për shërbimet e tyre. Mbajtja hapur e fasonerive e Call Center-ave, ishte vendim i Edi Ramës, dhe u provua si problematik për shkak të ekspozimit ndaj infektimit zinxhir.

Vazhdojmë të jemi të fundit në rajon për numrin e ulët të testimeve dhe nuk kemi ende një panoramë të përhapjes së Covid-19 në vend prej muajit mars kur u shpall rasti i parë.
Përgjegjës kryesor për daljen e situatës jashtë kontrollit është vetë qeveria dhe posacërisht Edi Rama!

Ndryshe nga javët e para, kur shfaqej për të kërcënuar qytetarët nëse thyenin rregullat e karantinës, Edi Rama është strukur e fshehur para përgjegjësisë, që është krejt e dukshme dhe askush nga autoritetet shëndetësore, nuk flet për këtë situatë të re. As kryeministri, as ministrja e shëndetësisë e as komiteti i ekspertëve! Të gjithë zbatojnë linjën e propagandës të diktuar nga qeveria, duke fajësuar qytetarët! Situata është e vështirë dhe është e turpshme, që kryeministri nuk merr masa e nuk harton strategji, por investohet me propagandë të pështirë për t’ua hedhur fajin qytetarëve!

Shqipëria do duhej të merrte expertizën më të mirë të vendeve, që e kaluan para nesh, si Italia psh. Mbrojtja e personelit shëndetësor, si brezi i vijës së parë, do u jepte mundësi këtyre profesionistëve që të na mbronin e të na kuronin në kushtë qetësie e jo presioni, e jo të ktheheshin në vektor transmetimi të Covid-19 sic po ndodh! Ky është një gabim i pafalshëm! As modeli i Kosovës nuk ndiqet nga ky kryeministër, përgjegjëshmëria me të cilën po i qaset situatës kryeministri I ri Hoti me blerjen e 100 mijë testeve të tjera si dhe të 7 aparaturave të reja.

Si askund tjetër, qeveria ka zgjedhur qasjen e fshehjes së situatës. Edi Rama mendon se me terr informativ, do mund t’i shmanget një problematike kaq serioze, por edhe koha po ia provon se e ka krejt gabim dhe ai gabim fatkeqësisht po përkthehet në kosto njerëzore”, u shpreh Spahia.

Mjeku i njohur, Erion Dasho ka reaguar në rrjetet sociale pas një deklarate të bërë nga një anëtare e Komitetit Teknik për koronavirusin.

“Dje, një mjeke infeksioniste, anëtare e Komitetit Shqiptar të Ekspertëve, deklaroi në një emision televiziv se transmetueshmëria e COVID në verë nuk do të ulet.

Ndërkohë, Universiteti i Harvardit ka ndërtuar një model që përllogarit se në Shqipëri, gjatë verës transmetueshmërinë e COVID do të ulet me rreth 30%.

KË TË BESOJMË??!! SHKENCËTARËT E HARVARDIT APO SHKENCËTARËT E KOMITETIT??!!

A KA DIÇKA TË BAZUAR MBI EVIDENCA PËRGJIGJA SHQIPTARE KUNDËR COVID??!!”, shkruan mjeku.

Ekspertët e huaj thonë se, virusi përhapet më pak në verë, por druhen se mund të ketë një valë tjetër kur të nisë vjeshta dhe dimri.

Covid-19 ka mbërritur dhe në dyert e gjykatave. Burimet bëjnë me dije se kanë rezultuar pozitiv dy gjyqtarë në Kavajë dhe në Durrës, çka ka bërë që këto institucione të mbyllin dyert e tyre për dy javë.

Rastet janë zbuluar në Gjykatën e Shkallës së Parë në Kavajë, dhe në atë të Apelit të Durrësit, të cilat gjenden pranë njëra-tjetrës.

Në të dyja godinat ka nisur procesi i dezinfektimit dhe punonjësit janë këshilluar që të qendrojnë në banesë derisa të bëhet kryerja e tamponit për një pjesë të tyre.

Kujtojmë se Gjykata e Apelit të Durrësit, është transferuar në Kavajë, pasi godina e gjykatës në Durrës pësoi dëme nga tërmeti i 26 nëntorit.

Nga Mirela TABAKU

Përhapja e infeksionit nga koronavirusit në vend është në renie te lire, po shfytëzon arrogancën dhe dështimin e qeverisë për të menaxhuar situatën.

Në raportin e 2 korrikut të Qendrës Europiane për Parandalimin dhe Kontrollin e Sëmundjeve, (ECDC), ndër të tjera, thuhet shprehimisht: “Prej datës 30 Qershor, 3 vende me incidencën 14-ditore të vdekjeve të deklaruara prej mbi 5 për 1 000 000 raportuan një rritje mbi 30%, krahasuar me dt.16 qershor, përkatësisht: Shqipëria (raporti 7 për 1 000 000 banorë, rritja: 425%), Kosova (raporti 8 për 1 000 000, rritja: 275%) Maqedonia e Veriut (raporti 5 për 1 000 000, rritja: 62%).

Këto të dhëna dhe rritja e rasteve pozitive përtej pritshmërive janë tregues i qartë i keqmenaxhimit të situatës qe çoi në:

1. Mungesë të një analize shkencore të rasteve të dyshuara, të ekspozuara, të infektuara dhe të shëruara. Shumë vende që ia dolën mbanë, duke ulur ndjeshëm numrin e vdekjeve dhe rasteve pozitive, i bazuan politikat e hapjes edhe në përllogaritje matematikore të të dhënave.

2. Mungesë të njohjes së gjendjes reale duke cuar në monitorim jo si duhet të situatës epidemiologjike. Nuk u morën masat e duhura për të minimizuar përhapjen e infeksionit në komunitet apo për të ndërrmarrë strategji specifike për grupe të caktuara me rrezikshmëri më të lartë (fasoneri, call center etj).

3. Mungesë të transparencës për numrin e pacientëve të infektuar në QSUT, spitale apo qendra shëndetësore, që coi ndër të tjera, që nga qendra diagostikimi e kurimi, këto të kthehen në vatra tejet të rrezikshme e kërcënuese për jetën e pacientëve dhe personelit.

4. Shifrat jo reale pamundësuan ndërtimin e strategjive gjithpërfshirëse për të zvogëluar impaktin në ekonomi, turizëm, shëndetin mendor të popullatës etj.

5. Disa insitucione ndërkombëtare bazuar në shifrat zyrtare të raportuara deri më sot parashikojnë skenarë të frikshëm për të ardhem e epidemisë Covid 19 në Shqipëri.

6. Qytetarët u keqinformuan për realitetin dhe, si pasojë, janë mosbesues ndaj shifrave që raportohen mekanikisht çdo ditë. Madje shumë njerëz mendojnë se numrat ndryshojnë sipas interesave të momentit.

Si mund të fajësohen sot njerëzit, kur qeveria i diziniformoi, i çorientoi me qëllim, i mbushi me propagandë dhe kërcënime? Përgjegjësit për situatën në rënie të lirë duhet të kërkohen në qeveri! Ata zhbënë sakrificën e qytetarëve në karantinë, ata zhbënë lodhjen disa mujore përtej njerëzores të personelit mjekësor në mbarë vendin.

Ish-Kryeministri Berisha shkruan në një postim në Facebook se, Plarent Ndreca është kapur përsëri me presh në dorë!

Berisha shkruan se, ai u denoncua nga KLSH si sekretar i përgjithshëm i Ministrisë së Arsimit për tenderin në të cilin u shpenzuan 1,5 miliardë lekë apo 12 milionë euro për meremetimin e ministrisë pas të cilit Madam Vila u lumturua me një Vilë.

Postimi i plotë i ish-Kryeministrit Berisha

Plarent Ndreca kapet perseri me presh ne dore!

Miq, famozi Plarent Ndreca ua ka marre mire doren tenderave. Ai u denoncua nga KLSH si sekretar i pergjithshem i Ministrise se Arsimit per tenderin ne te cilin u shpenzuan 1,5 miliard lek apo 12 milione euro per meremetimin e ministrise pas te cilit Madam Vila u lumturua me nje Vile.

Prokuroria e partise shpejt e shpejt e pastroi dhe gjeneral Hashashi e mori menjehere per eksperiencen e tij te çmuar ne tendera, sekretar te pergjithshem te Ministrise se Brendshme.

Ketu me poshte gazetari investigativ e kap Ndrecen ne flagrance me nje tender tjeter, ndiqini videon e tij. sb

https://m.facebook.com/story.php?story_fbid=325243661973396&id=290723563370 hidhe