Koronavirusi ka dalë jashtë kontrollit, kurse qeveria nuk duket më e shqetësuar për situatën. Kjo për shkak se qëllimi kryesor i saj duket se kanë qenë tenderat për konkurrim. Për tre muaj, dy ministri dhe tre bashki kanë realizuar të paktën 19 tendera pa konkurrim.

Objekti i kontratave ka qenë për blerjen e maskave apo desinfektantëve me qëllim parandalimin e koronavirusit.

Institucionet publike kanë prokuruar rreth 509 milionë lekë mallra dhe shërbime për parandalimin e përhapjes së koronavirusit.

Sipas të dhënave të publikuara në APP, në total prej muajit mars janë zhvilluar 27 tendera, raporton Ora.

Procedura e konstatuar më shpesh në këto prokurime është ajo e negocimit, pa shpallje paraprake të njoftimit dhe më konkretisht në 19 raste institucionet kanë ndjekur këtë procedurë.

Institucioni me vlerën më të lartë të prokurimit me negocim është Ministria e Shëndetësisë me një fond limit prej rreth 200 milionë lekësh pa TVSH, tender për të cilin ka marrë pjesë vetëm 1 operator ekonomik detyrimisht dhe fitues.

Mungesa e konkurrencës është një fenomen i ndeshur shpesh në këto tendera, ku në 13 prej tyre nuk ka pasur garë pasi ka marrë pjesë vetëm 1 operator, i cili automatikisht është shpallur dhe fituesi.

Institucioni i dytë është Ministria e Mbrojtjes, e cila ka shpenzuar 141.5 milionë lekë për blerjen e paketave ushqimore për familjet në nevojë dhe material mbrojtëse për Forcat e Armatosura.
Në 7 raste autoriteti kontraktues ka skualifikuar të gjithë operatorët ekonomikë pjesëmarrës, përveç fituesit.

Edhe në tre bashki haset e njëjta problematikë, ku kontratat nënshkruhen pa konkurrencë e sigurisht ndër to vendin e nderit e mban Tirana me 14.6 milionë lekë.

Shpeshherë Open Data ka ndezur flamurin e kuq kur është konstatuar mungesa e konkurencës ose skualifikimi i të gjithë kompanive pjesëmarrëse në garë, duke kualifikuar vetëm fituesin.

Ish-Kryeministri Sali Berisha ka akuzuar deputetët e maxhorancës dhe zyrtarët lokal ku sipas tij nuk respektojnë rregullat kundër COVID-19.

Berisha ka publikuar disa fotot të deputetëve të PS-së, të cilët sipas tij janë mbledhur sëbashku “gju më gju”, për të festuar.

Ndërkohë ish kryeministri shton se, Bashkia e Korçës ka organizuar me fëmijët një “Covid Party”.

Sipas Berishës, qëndrime të tilla duhet të dënohen, ndërkohë që i ka bërë thirrje qytetarëve të mos ndikohen nga sjellja e rrezikshme.

Postimi i ish-Kryeministrit Berisha

Rregullat kunder Covid 19 nuk jane per narkozyrtaret por jane veten per qytetaret!
Ketu me posht keni dy foto:

Narkodeputete dhe ndrikulla te narkoparlamentit gezojne se bashku gju me gju njeri me tjetrin.
Ne foton tjeter narkobashkia e Korçes organizon me femije “Covid19 party” apo festen e infektimit nga covid19.

Duke denuar qendrime te tilla te papergjegjshme qe perhapin infeksionin, ju bej thirrje qytetareve te mos ndikohen nga keto qendrime shume te rrezikshme. Sot qe Covid 19 ne Shqiperi ka dale teresisht jashte kontrolli per shkak te keqmenaxhimit te keq nga Xhahili i Surrelit, ju bej thirrje qytetareve:

1-Te shmangin çdo grumbullim, shtrengim duarsh dhe te respektojne distancen nga njeri – tjetri.

2-Te vendosin masken sapo te dalin nga shtepia.

3-Te respektojne rregullat e higjenes personale.

Kjo eshte beteje e gjate, keto masa jane jetike per te mbrojtur veten, familjen dhe mjedisin ku jetojme. sb

Në një intervistë për “Edicionin e Pasdites” në Syri TV, mjeku dhe zyrtari i Departamentit të Shëndetësisë në PD, Gazment Koduzi ka komentuar rritjen e rasteve me Covid-19 në vend dhe masat e munguara të qeverisë.

Sipas tij, “kërkohen kapacitete spitalore pasi kur shkon në spital nuk duhet thjesht një shtrat apo një infermiere që të shërben, por një institucion që i ka të gjitha pajisjet. Unë dyshoj se spitalet në vend i plotësojnë këto kushte”.

I pyetur nga gazetarja Armela Ferko se, sa e rrezikshme është kjo situatë dhe a mund të kemi një rikthim të karantinës, Koduzi u përgjigj:

“Unë as që dua ta çoj në mendje dhe nuk do merrem me këtë çëphtje. Qeveria shqiptare duhet të marrë masat për të rritur kredibilitetin. Shqipërisë iu mbyllën kufijtë pas 10 vitesh për shkak të mungesës së informacionit shëndetësor. Edhe Serbia ka patur një rritje rastesh, por ka rritur edhe testimet, 12-13 fish më shumë se Shqipëria.

Shqipëria duihet të rrisë testimet. Po dëmton shëndetin e shqiptarëve dhe ekonominë e tyre. Qeveria ka dështuar. Nuk ka një strategji si do të dalë, nuk ka një strategji për rritjen e testimeve, nuk ka një strategji për rritjen e kapaciteteve trajtuese spitalore”.

Por a ka qeveria fonde për këto masa?

“Ne kemi fonde. Mjafton që të ndërpresë menjëherë koncensionet dhe dalin fondet për kalimin me sukses të kësaj situate. Por Rama nuk do ta bëj se janë klientët e tij”, tha Gazment Koduzi.

Vijon të shtohen rastet e infektimeve me Koronavirusi. Virusit nuk po i shpëtojnë as bluzat e bardha, që deri tani numërojnë dy viktima. Siç mëson Syri.net, rasti më i fundit vjen nga një mjek në Bulqizë.

Rasti i sotëm në Bulqizë është mjek i qendrës vendore të Njësisë së Kujdesit Shëndetësor.
Ndërkohë është bërë dezinfektimi i qendrës dhe po bëhet hetimi epidemiologjik.

Dyshohet se mjeku është infektuar në Tiranë gjatë fundjavës.

Nuk janë marrë ende tamponet e familjarëve dhe personave të kontaktit , pritet që të merren nesër.

Ish-ministri i Jashtëm, Besnik Mustafaj, i ftuar në News 24, ka folur për hapjen e PD duke zbuluar edhe disa biseda personale me kreun e PD, Lulzim Basha lidhur me këtë proces.

Sipas tij, prirja e kreut të PD, është të hapë garën për deputetë, por jo që të larguarve t’u bëjë dhurata si vende në parlament apo poste në qeveri.

Ai shton se cilido i larguar, që pas ikjes nga PD ka shkuar në parti tjetër apo ka krijuar parti të re është i ftuar të garojë në PD, duke fituar besimin e demokratëve dhe jo duke kandiduar pa garë.

”Ka një konfuzion sa i përket termit hapje. Unë jam anëtar dhe nuk jam larguar për shembull asnjëherë. Në asnjë rrethanë shumë persona nuk janë larguar drejt një force tjetër. Ftesa është për një aktivizim më të madh. Personalisht mua po, por unë kam qenë më pranë me PD, kontaktet nuk i kam humbur, dhe jam takuar me Bashën, edhe kur kam qenë në kritikat e mia më të forta.
Në rastin tim është si mund t’ia bëjmë që të afrojmë të tjerë.

Hapja është për ata që kanë shkuar në parti të tjera, dhe kanë krijuar parti të tjera. E ngjashme me atë të 2004. Në këtë kuptim kuptoj se ka një vullnet real për të bashkuar energjitë opozitare. Flitet dhe për KOP-i 2. Krijimi i një strukture 2 Ad- Hoc. PD në platformën e saj duhet të nënkuptojë çdo të thotë hapje. Nuk them dot që është proces i vonshëm apo jo. Besoj që deri në shtator të kristalizohet. Shoh një shqetësim, se këta njerëz të kthehen në PD për t’u futur në parlament dhe për të zënë pozicione.

Në bisedën me Bashën, nuk e kam vënë këtë lloj prirje. Basha ka prirjen për të hapur garën, por jo për dhurata apo për t’iu dhënë poste.

Nuk është improvizim. Në 2000 unë kam qenë në garë për Bashkinë e Tiranës, unë dola me Bamir Topin, zgjodhi Anëtarësia. Por në 2000 nuk arriti të krijojë përvojë politike. Tani ka më shumë se një vit, më ka thënë Basha, Fondacioni i Konservatorëve Britanike po punon për krijimin e një skeme si në Britani. Vlerësues për elitën politike lokale dhe qendrore. Mekanizmat janë ndërtuar, a do të mund të funksionojnë, këto ngelen tek ndershmëria.

Unë nuk kam pikësynim të futem në garë për deputet. Por nëse do të rikthehet cilido duhet t’i futet garës. Do ishte e pandershme dhe joproduktive nëse futen pa garë”, tha Mustafaj.

Një person është mbytur mesditën e sotme në plazhin e Durrësit.

Mësohet se ngjarja ka ndodhur pak minuta më parë. Policia dhe ambulanca ndodhen në vendin e ngjarjes.

Ngjarja ka ndodhur ne afersi te stacionit qe njihet si hekurudha.

Ende nuk bëhet i ditur identiteti i personit që ka ndërruar jetë, si dhe as mosha e tij.