22.5 C
Tirana
E shtunë, 10 Maj, 2025
type here...

Reagon Zidane: “Jam lodhur duke dëgjuar se VAR po e ndihmon Realin”

Real Madridi mori pikët e plota në udhëtim te Athletic Bilbao falë një penalltia të fituar me ndihmën e VAR, që raportohet se po e ndihmon Real Madridin.

Pas ndeshjes, lidhur me ketë ka folur edhe trajneri Zinedine Zidane.

“Jam lodhur duke dëgjuar se VAR po i dhuron penallti Real Madridit. Duket sikur po i fitojmë ndeshjet për shkak të gjyqtarëve dhe nuk është ashtu. Duhet të respektohet Real Madridi dhe lojtarët”, u shpreh Zizu.

“Të fitojmë 7 ndeshje me radhë… është fantastike kjo çfarë po bëjnë lojtarët”.

“Nuk përzihem në punën e gjyqtarëve, ata e kane punën e tyre, shikojnë… dhe kështu është”.

“Është një fitore e rëndësishme, kemi treguar forcën tonë”.

Presidenti i Barcelonës flet për të ardhmen e Messit pas lajmeve për largimin e tij

Presidenti i Barcelonës, Josep Maria Bartomeu, ka folur rreth thashethemeve për të ardhmen e Lionel Messit, duke këmbëngulur se superylli argjentinas do të mbetet në klub deri në përfundim të karrierës së vet.

Bota e futbollit mbeti gojëhapur javën e kaluar kur Cadena SER shkroi se Messi është i gatshëm ta braktisë Barcelonën sapo t’i mbarojë marrëveshja verën e kaluar, transmeton Gazeta Express.

Messi është shumë i pakënaqur me mënyrën sesi po udhëhiqet klubi në këtë kohë dhe dëshmi për këtë është ndërprerja e bisedimeve për vazhdimin e kontratës.

33-vjeçari ende nuk i ka komentuar vetë këto thashetheme për të ardhmen, edhe pse heshtja e tij flet vet dhe besohet se është votë mosbesimi në udhëheqësinë e Bartomeut, pozita e së cilit është në rrezik si rrjedhojë.

Zgjedhjet presidenciale në klub, të caktuar për vitin e ardhshëm, mund të mbahen më herët me shpresën se mund ta qetësojnë Messin dhe ta parandalojnë largimin e njërit prej futbollistëve më të mirë në histori nga largimi prej klubit në të cilin e ka kaluar gjithë karrierën.

Kjo është hedhur poshtë nga Bartomeu, i cili mbetet i bindur se Messi do të nënshkruajë kontratë të re dhe do të luajë për Barçën deri kur të pensionohet.

“Nuk do të jap detaje, por Messi e ka thënë shumë herë se karrierën si futbollist do ta përfundojë në Barcelonë”, tha Bartomeu.

“Ne jemi të përqendruar në garë dhe ka bisedime me shumë lojtarë. Messi dëshiron të vazhdojë këtu dhe ta përfundojë karrierën këtu. Ai ka ende shumë vjet për të luajtur dhe ne do ta shijojmë atë për shumë më gjatë”, shtoi ai.

Ja si mund ta fitojë Reali titullin në La Liga

Real Madridi e bëri një hap të madh në garë për titull në La Liga këtë sezon, pas fitores ndaj njërit prej ekipeve më të forta në listën e ndeshjeve të mbetura.

Madridi e mundi Athletic Bilbaon 1:0 të dielën në San Mames dhe, edhe pse Barcelona fitoi po ashtu duke e mposhtur 4:1 Villarrealit disa orë më vonë, skuadra e Zinedine Zidane e ka një epërsi të madhe në garë për titull, kur kanë mbetur vetëm edhe katër ndeshje deri në fund.

Fakti se Madridi i ka katër pikë më shumë se rivali katalonas nënkupton se atij i lejohet të barazojë në dy ndeshjet e mbetura apo edhe ta humbë njërën prej katër ndeshjeve dhe prapë të mbetet lider.

Real Madridi do të përballet me Alaves, Granda, Villarreal dhe Leganes në katër ndeshjet e fundit këtë sezon.

Madrilenët do ta fitojnë titullin duke i siguruar tetë pikë nga këto katër ndeshje.

Ata mund t’i arrijnë tetë pikë me dy fitore dhe dy barazime, apo me tri fitore dhe një humbje.

Por nëse Barcelona lëshon pikë sërish, atëherë Real Madridi do ta fitojë titullin edhe më herët.

Projekti fantazëm Milot-Fier, 5 ditë pas shfaqes propagandistike tenderi nuk ekziston. 4 pyetje që Balluku dhe Rama duhet t’u japin përgjigje

DEKLARATË E PARTISË DEMOKRATIKE, ENKELEJD ALIBEAJ

Koncesioni i rrugës Milot-Fier është një nga vendimet më korruptive dhe që vjedh më shumë qytetarët shqiptarë. 1.2 miliardë euro është kosto e fryrë, deri në 6 fish më e lartë se bypass i Fierit, në mënyrë që tarifa e udhëtimit të jetë e lartë dhe ata që janë përfshirë në këtë aferë të pistë, të pasurohen akoma më shumë duke vjedhur qytetarët.

Projekti Milot-Fier është bërë me urgjencë dhe është trajtuar si një plan i vërtetë grabitje. Për këtë projekt nuk ka dokumenta, nuk dihet si u përzgjodh, nuk dihet kush e mori vendimin që rruga të bëhet me koncesion, nuk duhet si u përzgjodh konsulenti që doli në konkluzionin se rruga kushton 1.2 miliardë euro dhe një udhëtim kushton 17.4 euro.

Projekti Milot-Fier është akoma një projekt fantazëm, për të ekzistojnë vetëm fjalët e kryeministrit dhe Ministres së Infrastrukturës. Tenderi nuk ekziston i shpallur në faqen përkatëse të prokurimeve, megjithëse, gjatë shfaqjes propagandistike 5 ditë më parë, Ministrja e Infrastrukturës, premtoi ndryshe.

“Duke filluar nga sot, në orën 12.30, i gjithë dokumentacioni do të jetë i disponueshëm në faqen e APP-së dhe i aksesueshëm për të gjithë të interesuarit”.

As ditën kur u shpall me bujë të madhe, as sot, dokumentat e tenderit nuk ekzistojnë, për faktin e vetëm se nuk ka një punë serioze në interes të qytetarëve, por ka një aferë korruptive.

Belinda Balluku, po të dojë, edhe Edi Rama, duhet t’u japin përgjigje të qarta disa pyetjeve elementare.

1. Pse nuk është shpallur akoma tenderi dhe dokumentat e tij?
2. Si u përzgjodh projekti i Milot-Fier?
3. Kush e mori vendimin që rruga të bëhet me koncesion?
4. Si u përzgjodh konsulenti i rrugës 1.2 miliardë euro?

Belinda Balluku duhet të bëjë transparencë dhe të mos fshihet pas fjalive me dy kuptime!

Shqiptarët, të cilët ajo dhe Edi Rama duan i detyrojnë të paguajnë 17.4 euro për një rrugë që është e ndërtuar aktualisht në më shumë se gjysmën e saj, kanë të drejtë të njihen me çdo akt, që përkthehet në kosto marramendëse për ta.

Milot-Fier është një projekt që do të verifikohet me imtësi nga qeveria e ardhshme! Partia Demokratike është e vendosur të mos ngarkojë në kurrizin e shqiptarëve edhe një borxh tjetër, që sjell me vete një faturë të lartë dhe të pamerituar për çdo qytetar!

I riu në Devoll i tregon duart Bashës dhe përlotet: Zgjohem që në 4 të mëngjesit dhe…

Kryetari i PD, Lulzim Basha ishte sot në Progër të Devollit, ku u përball me shqetësimet e fermerëve. Aurel Deda dhe Medi Deda janë babë e bir të cilët kultivojnë patate. Djali i familjes thotë se punon 24 orë në kultivimin e patates, ndërsa tregon edhe duart të cilët i janë varë nga puna. Mediu, teksa dëgjon babain të flasë për vështirësitë që kalojnë, nuk i mban dot lotët.

Lulzim Basha: Sa orë shpenzon duke e ndihmuar babain?

Medi Deda: Ditë natë punojmë 24 orë.

Medi Deda: Që në 4 të mëngjesit tani që vaditen, ndërsa kur shkulen 10 orë po njëherë. Kurse tani një dy muaj, nuk e diskutoj që 24 orë, shikojë duart si më janë bërë.

Aurel Deda: Problemi i madh i kësaj punë është se ne po na humbet shpresa. Unë djalin me atë mundësi që para e futa në një rrugë të drejtë punë. Por tani djali është mërzitur dhe po më thotë se duhet ta braktis se ne nuk po fitojmë. po e mbaj me një farë shprese, por shpresa po na humbet. Bujqësia nuk po preferohet më. Të rinjtë e braktisën, disa ikën jashtë, disa nëpër qytete punojnë kamarierë dhe është drejt zhdukjes.

Lulzim Basha: Medi hajde këtu…njerëz jemi të gjithë.

Nga ana e tij, kreu i PD, Lulzim Basha thotë se prioritet i qeverisë së ardhmshme do të jetë mbështetja në bujqësi dhe blegtori.

“Nuk premtoj mrekulli. Me programin për 100 milionë euro subvencione çdo vit, do të nxjerrim fermerin nga kriza dhe t’u japim kushte të barabarta tregu dhe konkurence me fqinjët, që prodhimet tona të eksportohen. Me 50 milionë euro në vit do të investojmë në infrastrukturë, rrugë, vaditje, kullim, dalje në treg, agropërpunim. Kjo është normale dhe këtë normalitet jua premtoj fermerëve”, premtoi Basha.

E Djathta fitore historike në Kroaci

Bashkimi Demokrat Kroat (HDZ) konservator i kryeministrit, Andrej Plenkoviç fitoi zgjedhjet parlamentare, sipas sondazheve, që theksojnë lehtësinë e habitshme të kësaj fitoreje, çka është rezultati më i mirë që pas pavarësisë nga Ish Jugosllavia.

Sipas parashikimeve, HDZ do të ketë 61 nga 151 vendet dhe rivalët e tyre kryesorë, koalicioni i udhëhequr nga social-demokratët (SDP) vetëm 44.

HDZ qeverisëse gjithashtu pritet të fitojë tre vendet e rezervuara për votuesit që jetojnë jashtë vendit.

Lëvizja ”Atdheu” e ekstremit të djathtë, e cila është një aleate natyrore e HDZ, mund të marrë 16 vende.

Të dy partitë mund ta kontrollojnë të vetme këtë legjislaturë.

Dy parti më të vogla, Mozhemo dhe MOST pritet të kenë tetë vende secila.

Zbardhet dëshmia e të mbijetuarës: “Pinim vetëm ujë! Gjithë ditën luteshim për të kthyer në jetë motrën!”

Blerta është e vetmja e mbijetuar e familjes Josifi, historia tragjike e të cilëve tronditi mbarë opinionin publik. Gazetarja Dorjana Bezat ka siguruar dëshminë e Blera Josifit, 34-vjeçares e cila tentoi të vetëflijohej bashkë me nënën e saj, duke agjëruar për disa ditë më radhë, por që fatmirësisht shpëtoi.

Nga dhoma e spitali, ajo ka rrëfyer për hetuesit e çështjes fakte tronditëse, gati të paimagjinueshme se si besonin si familje tek ringjallja. Ajo tha se këtë hap e kishte ndërmarrë e para motra e saj Anisa, e cila prej 15 muajsh qëndronte e pajetë në banesë, ndërsa Blerta dhe nëna e saj e lyenin trupin me vaj e uthull.

“Qe kur isha 15 vjeçe kam ndjekur “Dëshmitarit e Jehovait”. Më vone kemi qene edhe ne kishën Ungjillore. 2 vitet e fundit u shkëputëm dhe nuk shkonim ne asnje kult fetar por besonim ne ringjallje dhe i kryenim ritet ne banese. Ritet e ringjalljes fillimisht i nisi Anisa ne fillim te vitit 2019. Qëndroi duke u lutur dhe pa ngrenë gati 2 muaj deri ne mars te 2019 ku ra ne gjumë te thelle sepse u pushtua nga demonët. Motrën e lyenim me uthull se keshtu na meson bibla jone”, tha ajo.

Më pas ajo tregoi se pasi motra e saj ra në gjumë, sakrificën e këtij besimi e nisi ajo me nënën e saj, Zhanetën. Blerta pohoi se të dyja nënë e bijë, konsumonin vetëm ujë të filtruar në napa dhe asgjë tjetër.

“Një vit pasi motra ra në gjumë nisem sakrificën unë dhe mami. Pinim vetëm ujë të filtruar në napa dhe nuk konsumonim ushqim. Gjithë ditën luteshim për të kthyer në jetë motrën. Në ditët e para të korrikut mami ra pa ndjenja në mes të dhomës ku po lutej. Ndërsa unë vazhdova ritin derisa erdhi policia”, pohoi Blerta, dëshmia e të cilës është tejet tronditëse./BW

Koduzi: Në SHBA ka një parashikim apokaliptik për situatën e koronavirusit në vendin tonë

Kreu i Departamentit të Shëndetësisë në PD, Gazmend Koduzi u shpreh në “Ditari” në A2 se në SHBA ka një parashikim apokaliptik për situatën e koronavirusit në vendin tonë.

“Një faqe amerikane interneti, IHME, bën parashikime se si do të shkojë situata me Covid-19 në vende të ndryshme. Kjo faqe parashikon që në 1 tetor, në Shqipëri do të ketë 1306 vdekje. Është parashikim apokaliptik nëse vazhdohet me këtë keqmenaxhim situate. Nga 16 qershori deri më sot kemi 40 vdekje, më shumë se atëherë kur quhej kulmi i pandemisë”, tha Koduzi.

Po çfarë është IHME?

Bëhet fjalë për Institutin e Vlerësimit dhe të Dhënave për Shëndetësinë, me qendër në SHBA. Instituti merret me përpunimin e statistikave globale në shëndetësi dhe është pjesë e Universitetit të Uashingtonit në Siatëll.

Sivjet IHME publikoi modelin e vdekjeve për pandeminë e Covid-19 në SHBA, që është përshkruar si model me shumë me ndikim dhe ka shërbyer si udhëzues dhe informues për administratën e Donald Trump.

Kujt mund t’i thërrasim për ndihmë sepse qeveria jonë na ka abandonuar

PhD Ilir PECNIKAJ

Një tjetër bluzë e bardhë ndërroi jetë sot. Që në fillim të marsit i kam kërkuar ministres “ruaj bluzat e bardha sepse do të bien si birilat”. Çfarë ka bërë deri tani, me përjashtim të propogandës dhe të shpërdorimit të fondeve deri në blerjen e një spitali, i cili vegjeton bosh, dhe asgjë tjetër. Sot mjegulla e pasigurisë ka kapluar gjithë popullsinë. Ngado që kalon dhe këdo që takon, pyetja e parë është, –

Ç’është kjo situatë kështu?

Çfarë po ndodh me coronavirusin që po përhapet me kaq shpejtësi?

Është ngjitëse si më parë apo jo?

Ka të njëjtën fuqi si më parë?

Të vërteta janë këto shifra?

Erdhi vala e dytë, apo është vazhdim i së parës?

Çfarë duhet të bëjmë që ti shpëtojmë?

Shumë shtyhen edhe më tej duke u munduar gjithë ditën për të llogaritur R0, R2 sa janë,… u arrit kurba apo jo…

Pra shkurt, kemi një konfuzion total në popull.

Si mund të lexohet një gjë e tillë?!

Çfarëdo shpjegimi që mund t’i bëjmë në këtë rast ka pak vlerë, sepse ajo që nuk funksionon është qeveria, shurdhëria e së cilës është e pa preçedencë.

Janë shumë arsye të cilat nuk lënë asnjë hije dyshimi, në rastin më të mirë, që qeveria nuk funksionon e në rastin më të keq e bën kasten që mjegullnaja të mbizotëroj, sepse “ujku mjegull kërkon”- thotë populli.

Po ju sjell në vëmendje dritshkurtësinë e qeverisë në disa pika kyçe:

1. Depisetimi i covid-19 në popullsi. Mesatarja e gjithë Europës është mbi 1test/ 10 banorë.

Në Shqipëri kemi 1 test/117 banorë, thënë ndryshe rreth 12 herë më e ulët se mesatarja e Europës ose 2 herë më e ulët nga ndjekësja me e afërt, Ukraina.
https://www.worldometers.info/coronavirus/

Mjafton të bëhet një krahasim për sa i përket analizave (tamponeve) me Italinë, një nga vendet më të goditura nga Covid-19 në Europë. Ato realizojnë mesatarisht 50000 tampone në ditë, ku vetëm 1/200 del tampon pozitiv, kurse në Shqipëri realizojmë rreth 360 tampone në ditë, me një mesatare mbi 70 banorë të infektuar në ditë, pra 1/5 tampone del pozitiv. Një sasi rreth 40 herë më të ulët se Italia.

2. Analiza seriologjike, si pjesë përbërëse e përshkrimit të plotë të hartës epidemiologjike, thuhet që bëhet në QSUT dhe askund tjetër. Për këtë analizë nuk ka asnjë të dhënë zyrtare për numrin e analizave të bëra, tipin e analizës, dhe pse në rrugë jo formale na është thënë se bëhen vetëm analiza imunocromatografike e cila është analizë cilësore (tregon ka /s’ka antikorpe), por nuk bëhen analiza sasiore që tregojnë sasinë e antikorpeve të formuara (analiza chemioluminishente(CLIA) dhe ELISA) të cilat janë shumë herë më të sakta dhe më specifike.

Pse këmbëngulim në bërjen e këtyre analizave?

Pikë së pari e gjithë ajo pjesë e popullsisë që ka zhvilluar antitrupa mund të rrijë e qetë, dhe sipas të dhënave është shumë e shumë herë më e lartë se sa ajo e identifikuara me tampone. Vlen të thuhet se në Spanjë 40% e personave që kanë zhvilluar antitrupa nuk kanë asnjë lidhje me personat e identifikuar më parë me anë të tamponeve, duke përjashtuar këtu personat që mund të kenë pas lidhje me personat e identifikuar më pare, por që për 1001 arsye nuk ju ishte marrë tamponi më parë.

Në të gjithë Komunitetin Europian, këto analiza ofrohen nga të gjitha laboratorët shtetërore dhe private dhe bëhet me kërkesën e pacientëve kundrejt pagesës. Në Shqipëri ky shërbim nuk ofrohet për qytetarët dhe është rreptësisht i kontrolluar nga qeveria.

3. Vetëm në 10 ditët e fundit (25qershor-5 korrik) kemi humbje jetësh sa ç’kemi pasur në 3 muajt e karantinimit (9 mars- 9 qershor).

4. Për të gjitha këto qeveria ka pa të arsyeshme të investoj miliona euro për një spital gërmallë i cili është një struktur boshe sin ë instrumente ashtu edhe në staf mjeksorë.

5. Si gjithmonë, për të mos munguar “qershija mbi tortë” si dhuratë e qeverisë nga mos kujdesia e saj, kemi infektimi i të gjitha qëndrave shendetësore dhe spitalore me COVID-19.

Për të realizuar një paçavure të tillë aktivizuat një Komitet të tërë Teknik, apo thjeshtë për të pas një vend ku të shfajsoheni?! Kjo është e pa falshme!

Edhe pse vonë, qeverija duhet të bëj me urgjensë:

1. Sterilizim/dezinfektim i qendrave shendetësore dhe spitaleve dhe kthimi i tyre në zona të sigurta “no-covid”.

2. Paisja e personelit me të gjitha paisjet e nevojshme/domosdoshme mbrojtëse.

3. Lejmin edhe të strukturave të tjera spitalore për bërjen e analizës molekulare (tamponeve)

4. Lejimin e analizave seriologjike nga të gjitha laboratorët shtetërore dhe private.

5. Dhe ajo më e rëndesishmja, që mos zbatimi i saj rrëzon cdo protokoll është “PAISJA E POPULLSISË ME MASKA”. Kjo masë është një nga më të domosdoshmet, e cila duhet të jetë e detyrueshme në ambiente të mbyllura, aty ku nuk është e mundur ruajtja e distancimit social. KËTO, NË BAZË TË LIGJIT, DUHET TË JENË TË RIMBORSUESHME NGA SHTETI.

Pa realizimin e këtyre pikave, dita kur do jemi pa covid do jetë shumë e largët e fatkeqësisht për shumë ajo ditë nuk do arrihet.

https://www.worldometers.info/coronavirus/?fbclid=IwAR32O-gnYBnmTaJDWZigtleQYgao1U_ZNQewPdRjFKfIuaLJDm4uSVFsIUw

Ky është mjeku që humbi jetën nga Covid-19

Një tjetër mjek humbi jetën nga koronavirusi i ri në vend, teksa situata po bëhet tragjike. Sot në mëngjes u nda nga jeta mjeku Hysni Shkjau.

Kolegët e tij në Njësinë e Kujdesit Shëndetësor në Pukë i kanë bërë një dedikim online.

“Ndarja nga jeta këtë mëngjes të dr. Hysni Shkjaut na trishtoi pa masë të gjithëve.

Dr. Hysni Shkjau 69-vjeçar nuk e fitoi dot betejën me virusin e rrezikshëm, me gjithë përpjekjet e jashtëzakonshme të stafit të infektivit për kolegun e tyre. Luftonte prej disa ditësh me COVID19 në spitalin infektiv dhe gjendja e tij u rëndua si pasojë e vështirësisë në frymëmarrje dhe disa sëmundjeve bashkëshoqëruese.

Panvarësisht 40 vite eksperiencë, nuk e kishte ndërprerë punën dhe vijonte të shërbente si mjek familje në qendrën shëndetësore Qafë-Mali në Bashkinë Fushë-Arrëz.

Njësia Vendore e Kujdesit Shëndetësor Pukë i shpreh ngushëllime familjarëve, miqve dhe kolegëve. Është një humbje e madhe për sistemin shëndetësor dhe për komunitetin”, thuhet në dedikim.

1...3 2023 2033 204...8 298Faqja 3 203 nga 8 298

Kryesore

Continue to the category
Më shumë
© 2024 Rilindja Demokratike Euroatlantike