Nga Lulzim BASHA

Fushat e Devollit janë magjepsëse, nga puna e jashtëzakonshme e fermerëve punëtorë të kësaj zone. Pavarësisht vështirësive të shumta, ata vazhdojnë ta punojnë tokën, duke derdhur mund e djersë, por në fund nuk arrijnë të mbulojnë as kostot.

Të dëshpëruar i gjeta fermerët e Devollit, të cilët ishin detyruar të hidhnin tonalata prodhime të tyre edhe këtë vit.

Me krenari dhe revoltë më treguan se sa i mirë është prodhimi i këtij viti, por sesi nuk kishte treg për të, sepse prodhimi i ardhur nga jashtë mbyste tregun.

Kostoja e prodhimeve të tyre është e lartë dhe mbështetja nga shteti zero. Pesticidet që i blejnë dyfish më shumë se në Greqi janë të një cilësie të keqe, çmimi i naftës është më i shtrenjti në rajon dhe grumbullimi e aksesi në treg kontrollohet nga pak duar. Fermerët më treguan se e shisnin kilen e qershive 500 lekë (të vjetra) aq sa ishte dhe kosto, ndërkohë që në Tiranë e qytete të tjera, të njëjtat qershia shiten me mbi 1500 lekë (të vjetra).

Në 7 vjet kjo qeveri është tallur me mundin dhe djersën e shqiptarëve. U premtoi fermerëve çmim të diferencuar për karburantet në bujqësi, por u rriti taksat dhe e bëri naftën me çmimin më të lartë në Europë.

Premtoi se në çdo arë do të kishte ujë për të vaditur, por nuk bëri asnjë investim; fermerët janë detyruar të marrin kredi dhe të investojnë vetë.

Qindra milionë euro jep RAMAVIRUSI me tendera korruptive, që përfundojnë gjithmonë në xhepat e 5 oligarkëve, ndërkohë që fermerët vuajnë për rrugë, ujë, energji, karburant, subvencione dhe mbështetje.

Ne do ta nxjerrim Shqipërinë nga kthetrat e RAMAVIRUSIT dhe një grushti oligarkësh.

Ne do të akordojmë së paku 100 milionë euro subvencione të drejtpërdrejta për fermerët shqiptarë. 50 milionë euro do të investohen çdo vit për infrastrukturën bujqësore. Do të heqim taksën “Rama” për naftën që është haraç i rëndë për fermerët.

Fermerët në Devoll më kërkuan t’i ndihmojmë për ndërtimin e frigoriferëve të përbashkët. Ekspertët tanë do të ulen të shikojnë dhe të bisedojnë me ta, për të parë praktikat më të mira të mbështetjes për këtë infrastrukturë.

Ne nuk premtojmë mrekulli, por normalitet. Me subvencione direkte për fermerët, në bazë të prodhimit, me investime në infrastrukturën rurale dhe me hapjen e aksesit në tregje, ne do të bëjmë gjithçka që prodhimi vendas të jetë i pakonkurreshëm nga eksportet sa u përket kostove, dhe do të mundësojmë eksportin e tyre.

Mirëqenia e fermerëve shqiptarë që përbëjnë gjysmën e popullsisë, do të ndihmojë në rritjen e ekonomisë dhe punësimit e mirëqenies për çdo shqiptar.

3 qytetarë kanë humbur jetën si pasojë e Covid-19, një prej të cilëve mjek. Bëhet e ditur se, mjeku Hysni Shkjau humbi jetën si pasojë e nga Covid-19. Ministria bën të ditur se janë testuar 459 dhe kanë rezultuar pozitiv 71 raste të reja.

Ministria e Shëndetësisë njofton se në 24 orët e fundit 3 qytetarë nuk e kanë fituar dot betejën me virusin e rrezikshëm, mes tyre një mjek 69-vjeçar nga Puka, i cili luftonte prej disa ditësh me sëmundjen në spitalin infektiv. Dhe dy qytetarë, një 63 vjeçar nga Lezha dhe një 65 vjeçare nga Tirana, megjithë përpjekjet e mjekëve, nuk kanë mundur të mbijetojnë.

Po ashtu bëhet e ditur se në spitalin infektiv vijon të ketë shtrime ku aktualisht janë 78 pacientë në spital, prej të cilëve 9 në gjendje serioze në terapinë intensive, 2 prej tyre të intubuar në gjendje të rënde.

Gjatë 24 orëve të fundit janë kryer 459 testime për të dyshuar të prekur me COVID19, nga të cilat janë konfirmuar 71 raste pozitive.

Njoftimi i plotë i ministrisë: Trendi i shtuar i rasteve të konfirmuara me Covid19 ka vijuar dhe gjatë javës që lamë pas, por njëkohësisht epidemia ka paraqitur një numër më të lartë të rasteve që janë hospitalizuar dhe të rasteve që kanë humbur jetën.

Është vënë re një numër më i lartë i testimeve por përqindja e pozitivitetit është reflektuar me një

nivel qëndrueshmërie pothuaj të njëjtë gjatë gjithë javës. Prezenca e rasteve me COVID19 është e lidhur në mënyrë të drejtëpërdrejtë me vetëndërgjegjësimin dhe zbatimin në mënyrë rigoroze të protokolleve higjieno sanitare të sigurisë.

Në 24 orët e fundit 3 qytetarë nuk e kanë fituar dot betejën me virusin e rrezikshëm, mes tyre një mjek 69-vjeçar nga Puka, i cili luftonte prej disa ditësh me sëmundjen në spitalin infektiv. Dhe dy qytetarë, një 63 vjeçar nga Lezha dhe një 65 vjeçare nga Tirana, megjithë përpjekjet e mjekëve, nuk kanë mundur të mbijetojnë. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve.

Vijon të ketë shtrime në spitalin infektiv ku aktualisht janë 78 pacientë në spital, prej të cilëve 9 në gjendje serioze në terapinë intensive, 2 prej tyre të intubuar në gjendje të rënde.

Gjatë 24 orëve të fundit janë kryer 459 testime për të dyshuar të prekur me COVID19, nga të cilat janë konfirmuar 71 raste pozitive.

Shpërndarja gjeografike e rasteve është si vijon: 24 raste në Tiranë, 8 në Elbasan, 6 në Durrës, nga 5 raste në Krujë, Kukës, Lezhë, 4 në Kurbin, 3 në Vlorë, nga 2 raste në Korçë, Shkodër, Përmet, dhe nga 1 rast në Delvinë, Vau Dejës, Bulqizë, Kamëz, Fier.
Në 24 orët e fundit janë shëruar 45 qytetarë, duke e çuar në 1702 numrin e të shëruarve që nga fillimi i epidemisë.

Në vendin tonë aktualisht janë 1183 persona aktivë me COVID19, kryesisht në Tiranë, Shkodër, Krujë, Durrës. Ministria e Shëndetësisë dhe Mbrojtjes Sociale i bën thirrje të gjithë institucioneve, subjekteve dhe gjithë popullatës të ndjekin rekomandimet e autoriteteve shëndetësore duke respektuar distancimin fizik në 1.5 metër dhe nëse nuk respektohet distanca përdorimi i maskës është i detyrueshëm.

Gjithashtu përdorni maskën në të gjitha ambientet e mbyllura, respektoni etiketen respiratore duke u kollitur dhe tështirë në këndin e brrylit.

Të gjitha këto masa duhen të kombinohen me higjienën personale dhe kolektive.

Në rast se dyshoni se jeni i prekur nga COVID19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.

Telefononi në linjën e gjelbër 0800 40 40 për këshillim psikologjik apo çdo informacion për Covid19.

• Fermerët janë zhytur në borxhe, sepse u mungon një qeveri që t’u japë mbështetje siç e ka fermeri i Maqedonisë dhe Kosovës. Subvencionet, rruga e vetme për mbështetjen e bujqësisë.

• Kryeministri në ikje është i vetmi kryeministër që krenohet prej 7 vjetësh se nuk jep subvencione për fermerët, gjysmën e popullsisë.

• Prioritet absolut për qeverinë e ardshne do të jetë mbështetja totale e bujqësisë dhe blegtorisë. Motoja ime është: Një qeveri në krah të punës dhe njërëzve punëtorë.

• Nuk premtoj mrekulli. Me programin për 100 milionë euro subvencione çdo vit, do të nxjerrim fermerin nga kriza dhe t’u japim kushte të barabarta tregu dhe konkurence me fqinjët, që prodhimet tona të eksportohen.

• Me 50 milionë euro në vit do të investojmë në infrastrukturë, rrugë, vaditje, kullim, dalje në teeg, agropërpunim. Kjo është normale dhe këtë normalitet jua premtoj fermerëve.

KOMUNIKIMI I KRYETARIT TË PARTISË DEMOKRATIKE, LULZIM BASHA NGA DEVOLLI

Fermerët janë ana më e dukshme e krizës së thellë ekonomike të vendit. Në Progër të Devollit, ata folën për braktisjen e qeverisë, për mungesë subvencionesh dhe për falimentin. “I kemi punët shumë keq. Ndodhemi në një situatë shumë të vështirë”- i tregoi një fermer zotit Basha. Fermeri theksoi se, për shkak të çmimit të lartë të farërave, pesticideve, të naftës dhe vaditjes me pompë kosto del shumë më e lartë se kosto e prodhimeve të Maqedonisë fqinje, Greqisë apo Kosovës.

“Prodhimet i shesim nën kosto dhe megjithëse kam 25 vjet që merrem dhe mbaj të punësuar 20 familje, e shoh veten drejt falimentimit. Kështu është me të gjithë.”- u shpreh fermeri i revoltuar, duke vënë në dukje dhe problemin e të rinjve që po braktisin fshatin dhe punët në bujqësi. “Problemi është se po na humbet shpresa, djali do që të ikë, se ne nuk po fitojmë. Bujqësia nuk po preferohet më. Të rinjtë po e braktisin punën këtu për të ikur jashtë, për t’u bërë kamarierë në qytet”- theksoi fermeri.

MESAZHI I KRYETARIT BASHA NGA DEVOLLI

Shikoni miqtë e mi çfarë parajse është Devolli! Jo vetëm natyra, por shikoni si e ka bërë dora e njeriut. Shikoni si e ka bërë Aureli, Mediu dhe punëtorët e Devollit. Shikoni si e kanë punuar tokën e tyre, shikoni se çfarë bukurie e rrallë. Në vend që të jetë bekim për ta është kthyer në mallkim. Në vend që këta të jenë njerëz të pasur dhe të punësojnë sa më shumë që të mos shkojnë rinia të punojë me mëditje në Greqi, këta zhyten në borxh.

Falë këtij aktiviteti që kanë zhvilluar këtu kjo familje fermerësh me traditë, janë 20 familje që mbahen me punën, me djersën e tyre. Çfarë u mungon këtyre fermerëve që robtohen çdo ditë që në 4 të mëngjesit? Pse duhet të jenë në një pozitë inferiore me fermerin grek, maqedonas apo të Kosovës? Ju mungon një qeveri që t’u japë të njëjtën mbështetje që merr fermeri i Maqedonisë dhe Kosovës. Nuk po them i Greqisë, nuk po them akoma i Greqisë, që ka edhe mbështetjen e Bashkimit Europian me subvencione që, kur të jemi edhe ne anëtarë, të kemi edhe ne akses në ato fonde. Por le të rrimë njëherë tek niveli i Maqedonisë, që jep 150 milionë euro në vit subvencione për fermerët.

Subvencione për fermerët do të thotë që me këto subvencione atyre u ulet kostoja e prodhimit – nga farat, tek pesticidet, tek nafta – të gjitha proceset bujqësore ndihmohen përmes subvencioneve në mënyrë të tillë që prodhimi i tyre jo vetëm të mos kalbet apo të hidhet, apo të shitet nën kosto dhe, në vend që t’u japë bukën e gojës atyre dhe familjeve të tyre, t’i zhysë në borxhe dhe t’i kthejë nga borxhi në borxh ata, sepse toka nuk pret, cikli i prodhimit nuk pret – akoma pa mbaruar cikli i parë, sapo vilet kjo fushë me patate, këtu duhet mbjellë prapë dhe që të mbillet, do prapë kosto.

Prandaj, subvencionet janë jetike për fermerët. Nuk i ka shpikur askush tjetër, përveç Bashkimit Europian edhe Shteteve të Bashkuara të Amerikës. Nuk ka rrugë tjetër për bujqësinë për t’u mbështetur përveç subvencioneve. I vetmi kryeministër në botën e civilizuar që nuk e vë ujin në zjarr për fermerët, tash 7 vjet, nuk jep subvencione, është ky që kemi, kryeministri në ikje. E vetmja qeveri që krenohet se jep subvencione për gjysmën e popullit që jeton me tokën, është kjo qeveri.

Tani e kuptoni se pse prioritet absolut për qeverisjen e ardhshme do të jetë mbështetja totale e sektorit të prodhimit rural, bujqësi, blegtori dhe sektorë të tjerë, siç është dhe agropërpunimi.

Sasi të jashtëzakonshme, të hedhura, 2 mijë kuintal patate vetëm kjo familje, familja Dede. Imagjinoni në qoftë se këtu me anë të subvencioneve ngrihet një fabrikë të përpunimit të patateve, patatina le të themi, siç janë bërë në Kosovë, për t’i shitur në tregun e brendshëm, për t’i eksportuar.

Koleksionisti i njohur Gjergji Thimo ka denoncuar dhunën dhe terrorin që po ushtrohet ndaj tij pas deklaratave të tij për dënimin me burg të kryeministrit shqiptar Edi Rama në Francë. Ai në një lidhje LIVE nga shtëpia e tij në Korçë tregon se çfare po i ndodh.

Gjergji Thimo tregon për median se është i rrethuar  me policë në shtëpi.

Në njoftimin e publikuar nga Nova Media Albania, gazetari flet me Gjergji Thimon, i cili ndodhet në një shok psikologjik pas rrethimit të shtëpisë nga policët e Ramës.

Dëgjojeni bisedën me të

“Fuqia blerëse ka rënë në zero, më mirë t’i vë çelësin e të iki”, falimentimi ndihet edhe në bizneset e Korçës

“Shitje s’ka, e mbajmë kot hapur”, bizneset në Korçë pjesë e krizës ekonomike

Basha: Programi ekonomik ynë, shpëtim për biznesin. Po nuk shpëtuam biznesin e vogël nuk shpëton ekonomia

KOMUNIKIMI I KRYETARIT TË PARTISË DEMOKRATIKE, LULZIM BASHA, ME BIZNESET NË KORÇË

Kriza që ka përfshirë bizneset pas pandemisë, është e njëjta në të gjithë Shqipërinë. Këtë gjë thonë edhe biznseset në Korçë, teksa janë takuar me kryetarin e Partisë Demokratike, Lulzim Basha. Ulja e fuqisë blerëse e cila ka shkaktuar rënien e xhiros ditore dhe mungesa e ndihmës nga shteti janë kryefjala edhe për bizneset e Korçës në këto kohë. Ankesa të shumta për uljen e xhiros ka edhe nga dyqanet që shërbejnë produkte bazë konsumi, si ushqimoret, të cilat janë treguesi më i qartë i krizës që ka përfshirë edhe qytetarët.

“Mos e pyet, s’kam shitur fare, 3 orë asgjë! Më tepër hedh se sa shes”- u shpreh një pronar dyqani ushqimoreje. Të njëjtën gjë thotë edhe pronari i një magazine të mëdhe shpërndarjeje, “Vijmë në punë sa për muhabet, xhiroja skandal fare. Ka rënë 70 përqind xhiros! Ushqimet bazike kanë rënë me 70 përqind!” – tha pronari i një magazine shpërndarjeje ushqimore.

Përvçse nuk u është gjendur pranë me paketa të vëçanta që t’u vijë në ndihmë, qeveria u nxjerr mekanizma ligjore bizneseve, që t’u vjel sa më shumë taksa të larta.

“E kishim biznes të vogël, na e bënë të madh. Unë kisha xhiron vjetore 110 milion. Kurse tani pagova taksa për biznes të madh, nga 400 që paguaja më parë, tani e paguaj 800”- u shpreh pronari i dyqanit.

Edhe pse shërbejnë mallin me lista dhe me borxhe, bizneset duhet të paguajnë taksat dhe sigurimet në mënyrë të rregullt si në kohë normale. Për të mbuluar detyrimet ndaj shtetit, pronarët e bizneseve detyrohen të marrin kredi.

“Borxhet janë shtuar, më mirë t’i vë çelësin e të iki. Mallra janë stoqe ngaqë nuk i shesim dot. Sigurimet i kemi, na kanë futur me TVSH. Do marr kredi të paguaj sigurimet, nuk i paguaj dot nga xhepi. Mua smë ngel asnjë rrogë”- tha pronari i një biznesi.

Kryetari Basha, tha se kjo situat nuk do të vazhdojë për shumë gjatë kështu. Ndryshimi do të vijë menjëherë me programin ekonomik të Partisë Demokratike, i cili do të zbatohet sapo të vijë në pushtet. Sipas tij, ky do të jetë edhe prioriteti numër një i qeverisë që do të dalë nga zgjedhjet e ardhshme.

“Së pari, do të çlirojmë biznesin nga ankthi, nga klima e tmerrshme e biznesit në të cilën është zhvendosur për shkak të terrorit qeveritar dhe të administratës duke futur në karantinë inspektoriatet. Në mënyrë që këta njerëz të mos përballen nga mëngjesi deri në darkë sa ngrenë qepenat, ulin qepenat me inspektorë, me lloj-lloj taksidarësh që vijnë sa për xhepat e tyre edhe për xhepat e pushtetarëve.

Së dyti duke vendosur një sistem taksash konkurues për rajonin, sa i përket biznesit të vogël, 140 milion lekë e poshtë do të kenë një taksë 0.5% e xhiros vjetore. Çdo taksë tjetër lokale apo qendrore, çdo tatim tjetër do të zhduket. Do të ketë vetëm një taksë dhe asnjë tarifë tjetër.

Së treti, për biznesin e madh ne do të vendosim tasën e shështë 9% e cila do të synojë që më shumë para të mbeten për investime, për hapje vende pune, të cilat natyrisht për çdo vend të ri pune do të thotë më shumë konsum. Dhe më shumë konsum do të thotë edhe më shumë mundësi edhe më shumë të ardhura në xhepat e njerëzve edhe më shumë xhiro për sipërmarrjen.

Ky është prioriteti numër një i Partisë Demokratike, i programit tonë ekonomik. Ky është prioriteti numër një i qeverisë që do të dalë nga zgjedhjet e ardhshme dhe ky është prioriteti im i parë dhe kryesor, ekonomia juaj, punësimi dhe mirëqenia”- tha Basha.