Mjeku infeksionit Pëllumb Pipero në “ABC-ja e mëngjesit” foli për situatën e koronavirusit, rritjen e rasteve të reja, të viktimave dhe rëndësisë që duhet t’i kushtojmë mbajtjes së maskave.

Gjatë intervistës Pipero tha për gazetarin Enkel Demi se situata është serioze, por jo në kushtet për tu alarmuar.

Po ashtu mjeku infeksionist i bëri apel qytetarëve që të tregohen të kujdesshëm dhe të mos heqin dorë nga mbajtja e maskës dhe ruajtja e distancës.

Pipero sqaroi se duhet treguar kujdes edhe ndaj përdorimit të maskave, ndërsa sqaroi se përveçse duhet të ruhemi dhe të ruajmë të tjerët për shkak të COVID-19, po ashtu duhet edhe të oksigjenohemi.

Në këtë mënyrë theksoi mjeku infeksionit duhet kontrolluar tregu i maskave pasi jo çdo maskë duhet vendosur në fytyrë, sepse, maska, shprehet ai duhet të mundësojë edhe thithjen oksigjenit.

Sakaq theksoi se nga fundi tetorit apo fillimi i nëntorit mund të kemi edhe një vaksinë, por askush nga nuk duhet të presë një mrekulli nga vaksina, ndërsa shton se ka më shumë besim te ndërgjegjësimi i qytetarëve.

Pjesë nga biseda në studio

“Në mjedise të mbyllura duhet domosdoshmërish edhe mbajtja e maskave. Ndoshta nuk mund të mbahet gjatë gjithë kohës por e këshilloj. Situata ka qenë, është dhe do të jetë shqetësuese, por jo për të vendosur alarmin. Shqetësuese, them sepse numrat janë në rritje, rastet në spitale dhe rastet e rënda janë shtuar dhe për fat të keq duket sikur ka dy realitete.

Një realitet jashtë spitalit ku duket sikur nuk ndodh gjë dhe më pas situata në spital që nuk është e lehtë. Secili nga ne duhet të ushtrojë përgjegjësitë e tij. Ky virus na ka rënë të gjithëve, edhe pushtetarët edhe qytetarët duhet të të tregohen të ndërgjegjshëm.

Institucionet duke filluar nga spitale duhet të tregojnë përgjegjësitë e tyre. Po ashtu të merren masa në raport me maskën. Ka ardhur koha që të kontrollojmë tregun e maskave apo edhe çmimin e tyre. Dhe jo çdo lloj maske duhet vendosur në fytyre sepse ka një rol të rëndësishëm edhe për thithjen e oksigjenit. Duhet t’i dëgjojnë këshillat për të vendosur maskën dhe jo për ta mbajtur si stoli. Rruga kryesore e transmetimit është respiratore pra hunda, dhe në shumicën e rasteve e mbajmë zbuluar.

Maska e thjeshtë kirurgjikale mund të përdoret deri në katër orë dhe më pas duhet ta ndërrosh. Maska ka një protokoll si vendoset dhe se si hiqet, duhet të kemi kujdes sepse pjesën e jashtme nuk duhet ta prekim ose nëse e prekim duhet ta heqim dhe duart të lahen. Të gjithë kemi përgjegjësitë tona pa përjashtim.

Ky virus vijon të ketë shumë të panjohura, merret me rrugë respiratore, por nuk po sillet si i tillë. Ende mund të kemi shumë të papritura, ka një problem tjetër po kaq madhor. Në fund të vjeshtës dhe dimrit fillojnë viruset stinore që janë po kaq të rrezikshme. Duhet të mundësojmë së paku parandalimin e dëmeve, për fat të mirë për to kemi vaksinë, por në këtë situatë secili nga ne ka detyrë të mundësojë kufizimin për përhapjen e pandemisë. Maskat duhet të plotësojnë disa standarde të cilat i kontrollojnë institucionet.

Së pari duhet të parandalojë thithjen dhe përhapjen e spërklave, por duhet të mundësojë thithjen oksigjenit. Ne duhet të oksigjenohemi”, tha Pipero.

Më tej ai shtoi e COVID-19 ka shumë të panjohura, bazuar në të dhënat që kemi për viruset respiratore, koronavirusi nuk po sillet si i tillë.

“Të gjithë ne specialistët kemi thënë ato që ishin evidentuar për momentin dhe kemi hedhur hipoteza se si mund të jetë më tej. Pothuajse në të gjitha vendet e botës ka luhatje. Përgjithësisht mbyllja ishte zgjedhje, por jo zgjidhje.

Edhe pse në deklarimet tona sot mund të jemi shumë larg atyre që kemi thënë dinamika e kësaj pandemie është e ndryshueshme. Ende ne vazhdojmë të jemi përpara të panjohurave në raport me virusin. Studimet më shumë kanë qenë evidenca, se studime. Për viruset bota deri më sot ka shumë pak zgjidhje. Por kjo nuk do të thotë se meqë dje e thamë ndryshe të mos reflektojmë. Duhet të ushtrojmë të njëjtën përgjegjësi që së bashku të zvogëlojmë dëmin”, tha Pipero.

Sa i kemi kapacitet për të përballuar edhe fluksin e personave që preken nga viruset stinore?

Pipero: Kapacitete përballuese spitalet shqiptare kanë. Numri mund të vijë duke u shtuar edhe për shkak të gripit stinor. Kapacitete kemi dhe mund të shtohen. Nëse për viruset e gripit stinor kemi një vaksinë dhe qeveria duhet të mendojë për moshat e rrezikuara.

Ndoshta nga fundi tetorit apo fillimi i nëntorit do të kemi një vaksinë, por askush nga ne nuk duhet të presë një mrekulli nga vaksina. Ende nuk dihet nëse ky virus lë një imunitet të përkohshëm, apo për gjithë jetën.

Duhet të kalojnë së paku 18-24 muaj që të arrihet raporte afatgjata në lidhje me imunitetin. Besoj që vaksinën do ta kemi në fund të vitit. Kam besim te vaksina, por më shumë besim kam tek ndërgjegjja qytetare./abcnews.al/

Zëvendës ministrja e Drejtësisë, Fjoralba Caka ka njoftuar këtë mëngjes se jep zyrtarisht dorëheqjen nga ky post.

Këtë akt ajo e ka bërë të ditur nëpërmjet një letre jashtëzakonisht të gjatë, ku mund të lexosh shumëçka por jo detaje për arsyet e kësaj dorëheqje.

Për këtë hap që ka ndërrmarë Caka mjaftohet me sqarimin, se ndërprerja e detyrës bëhet për motive të forta personale, të cilat pamundësuan vijimin e saj.

“Edhe pse është mjaft e vështirë që të ndash në pak rreshta një vendim të rëndësishëm që mbart brenda kohë reflektimi, në emër të transparencës që kam me ju do të doja të ishte një vendim i bërë me dije personalisht prej meje.

Për arsye që nuk lidhen absolutisht me objektin e veprimtarisë së punës sime apo aktivitetit tim publik dhe tërësisht vetjake, më duhet që nga sot të tërhiqem nga funksioni im si Zëvendësministre e Drejtësisë:, shkruan Caka për arsyet e kësaj dorëheqje.

Gjatë ditës së djeshme lajmi i prerjes së 22 fletëarresteve nga ana e SPAK, për komisionerë që dyshoheshin se kanë mbushur kutitë e votimit, mori dhenë dhe u përgëzua operacioni edhe nga ambasadat më të rëndësishme në vendin tonë.

Por për të kuptuar më mirë katandisjen e dosjes së famshme 339, ku të gjithë pritën àrrestimin e bosëve të mëdhenj, mjafton të themi se dy prej komisionerëve, që u ishte çuar fletëàrresti, kishin ndërruar jetë ndërkohë.

Bëhet fjalë për shtetasit Kasem Lala dhe Besim Bregu, të cilët kanë ndërruar jetë muaj më parë, ama morën një góditje ”shembullore” nga ana e SPAK, strukturë që është ngritur për hetimin e krimeve në nivele të larta dhe korrupsionit.

Sipas burimeve nga SPAK dy komisionerët nuk janë çregjistruar, dhe fakti që ata kanë ndërruar jetë është konstatuar gjatë momenteve të ekzekutimit të masave ndaj tyre. Teksa pólicia ka shkuar në banesat e tyre, familjarët i kanë thënë që ata tashmë nuk ishin më në jetë.

Në fakt, duke qenë se dosja 339 fle në sirtaret e prokurorisë prej më shumë se 3 vitesh, nuk ka dyshime që mund të ndodhin edhe lajthitje të tilla, që duket se e bëjnë qesharake të gjithë punën e bërë për dosjen.

Në tre vite mund të vdèsin njerëz, të dyshuar, e jo më nuk mund të fshihen gjurmët dhe provat…

Duke e akuzuar si gënjeshtarë rruge, ish-deputeti i LSI-së Petrit Vasili ka publikuar një pjesë nga fjala e Ramës në parlament, ku e akuzon se po ndryshon sistemin zgjedhor me ndryshimet kushtetuese që do të miratojë në mënyrë të njëanshme.

Me një postim në Facebook, Vasili i ka quajtur Ramën dhe Gjiknurin të paturpë, që gënjejnë aq shumë sa harrojnë dhe gënjeshtrat e tyre.

Postimi i plotë i Petrit Vasilit

Keta te paturpë genjejne aq shume sa harrojne edhe genjeshtrat e tyre!(VIDEO).

Kryemashtruesi i qeverise dhe zgjatimi i tij ne Keshillin Politik thone me gojen plot qe nuk po ndryshojme sistemin zgjedhor.

Cfare genjeshtaresh rruge!!

Shiheni VIDEON kur ky Kryemashtruesi i qeverise ankohet kundra BE- se  qe po e pengon te ndryshoje sistemin zgjedhor.

Mashtruesa merruni vesh me njeri tjetrin se e mori vesh gjithe bota qe gjithe mortjen e keni nga koalicionet.

Ish-anëtarja e Asamblesë Kombëtare të PS-së, Brisida Shehaj deklaroi se është pro listave të hapura 100%.

Në një intervistë për emisionin Tempora, Shehaj u shpreh se me lista të hapura 100% dotë ketë garë dhe gara sjell gjithmonë diçka të mirë.

“Unë jam për lista të hapura 100%, pasi ku ka garë prodhohet gjithmonë diçka e mirë. Unë e kam shprehur këtë. Jam për lista 100% të hapura. Jo për këto metodat e hedhura rishtazi nga Rilindja. Listat e hapura do të sillnin disa alternativa të votuara nga populli, kurse listat e hapur amë këtë formulë nuk besoj se do të prodhonin diçka të madhe.

Në Tiranë ka 34 deputetë, me propozimin e Rilindjes, nga 1 deri në 11 do të jetë e mbyllur do të jetë e mbyllur nga kryetari, ndërsa pjesa tjetër do të garojë. Në 2017 PS mori 18 deputetë, pra deri te i 11-ti janë të kryetari. Populli, që të gjithë shqetësohen, do të votojë nga 1 deri në 18. LSI ka 5 që nuk ka garë fare, PD 11 që do të thotë plus minus 1. Kjo skemë e Rilindjes nuk fut garën dhe nuk fut mendim për popullin”, deklaroi Shehaj.

Një fabrikë e përpunimit të peshkut mësohet se është grabitur ditën e sotme në fshatin Fushë-Labinot në Elbasan. Burime mediatike bëjnë me dije se ngjarja ka ndodhur dy ditë më parë. Fabrika e perket biznesmenit, Luca.

Grabitësit mësohet se kanë marrë kasafortën e cila kishte në të një shumë prej 100 milion lekësh. Personat mësohet se kanë qenë të maskuar dhe kanë mundur të hapin vetëm një nga dy kasafortat.

Ndërsa në pamundësi për të hapur të dytën e kanë marrë me vete. Pasi kanë kryer grabitjen ata janë larguar me një automjet tip Benz.

Ish-deputetja e Partisë Demokratike Dhurata Çupi ka denoncuar ditën e sotme rastin e një mjekje në qendrën Shëndetësore në Klos e cila sipas saj ka rezultuar pozitiv me koronavirus.

Sipas saj stafi dhe qytetarët në ditët e fundit kanë marrë shërbim mjekësor prej saj dhe akoma nuk i është bërë tamponi.

“Përhapja e virusit ka dalë jashte kontrollit ndërsa shqetësimi i qytetarëve është më se i justifikuar.

Një mjeke në Qendrën Shëndetësore “Klos” ka rezultuar pozitive me COVID 19, ndërsa stafi dhe qytetarët që ditët e fundit kanë marrë shërbim mjekësorë janë të trembur për fatin e tyre ndërsa kërkojnë me ngulm që të bëjnë tamponin për të verifikuar nëse janë prekur apo jo.

Jeta e cdo qytetari vlen njësoj.

I bëj thirrje autoriteteve shëndetësore të marrin masa njësoj për cdo qytetarë. Në këtë betejë nuk mund të ketë të privilegjuar. Testoni njerëzit. Gjurmoni rastet.

Thirrjet e opozitës për testimet e qytetarëve dhe gjurmimin e rasteve të dyshuara si të prekur nga COVID 19, duhet te kthehen në emergjencë kombëtare.

Është emergjencë!”, deklaron Çupi.