Një denoncim është bërë publik nga banorë të Lurës sot, të thirrur në një miting që do të mbahet nesër nga dy ministra të qeverisë dhe disa kryebashkiakë. Banorët kanë shprehur dyshimet e forta se kryebashkiaku i Mirditës, Ndrec Deda, po e mban të fshehtë faktin se është i infektuar me koronavirus.

Ish-kryeministri Sali Berisha e ka postuar në profilin e tij në Fb, këtë shqetësim të madh të këtyre banorëve dhe ka vërejtur se ky rast i përhapjes së COVID-19 përbën një krim:

“Akuzon narko-kryetarin monist të Mirditës, Ndrec Deda, se përhap COVID-19 në Lurë! – shkruan Berisha. – Lexoni mesazhin e qytetarit dixhital. Ai akuzon narko-kryetarin monist të Mirditës se merr pjesë në mbledhje duke qënë vet COVID-19 pozitiv. Krim!”

Mirëmbrëma Doktor.

Po ju shkruaj sepse disa banorë të Lurës kanë shprehur shumë shqetësime për takimin që do të bëhet nesër në orën 10 në qendër të Lurës me prezencë të dy ministrave dhe të kryetarëve të bashkisë dhe të njësive, por sidomos me prezencën e kryetarit të bashkisë Mirditë, z.Ndrec Deda sepse ka të dhëna nga spitali i Rrëshenit që ai ka bërë tamponin dhe ka dalë pozitiv dhe këtë po e mbajnë të fshehtë.

Si mundet të marrë pjesë në një takim të hapur? Të rrezikojë banorët e fshatrave.

Si mundet të tregohet kaq i papërgjegjshëm sa të marrë pjesë së bashku me të prekur të tjerë që janë pjesë e bashkisë Mirditë dhe mbahen të fshehura.

Mirëardhsh, Vilma Nushi!

Nisa ta lexoj letrën tënde zonja Vilma, por e lashë në mes!

Nuk ja vlente!

Ankoheshe që punon 24 orë dhe që nuk paske para, megjithëse po kurohesh jashtë shtetit, lavdëroheshe se ti mbajtke gjallë shpresën e besimin tek mijëra njerëz, ndërkohë që ti vetë, nuk ke as shpresë e as besim tek sistemi shëndetësor që e shkatërrove bashkë me djajtë e tu shpirtëror e materialë!

Unë me sinqeritet të uroj shërim të shpejtë, sepse jam mjek, dhe kryesorja si qytetar une të dua në jetë, pasi kam ndërmed të merrem gjate me ty, sepse unë do të jem njeri nga paditësit e tu, gjithmonë nëse ky vend do të ketë drejtësi!

Vilma, ti si sherbetore e sektit të rilindjes nga 2014-ta e deri tani je bashkëfajtore e katandisjes se sistemit tonë shëndetësor sepse zhvate qindra mijëra euro nga taksapaguesit më të varfër të rajonit për një kontroll mjekësor farsë.

Ne në 2013 kishim nje sistem të dobët e të varfër, por falë qeverisjes së partisë socialiste me kolaboracionistë si ty, ne sot kemi një sistem pothuaj të kapitulluar!

Ti zonjë megjithëse pretendon se nuk ke para në llogarinë tënde, shkon dhe kurohesh në spitale të zgjedhura jashtë shtetit . Keshtu veprojnë Rama e gjithë shpura juaj.

Ndërsa NE POPULLI zvarritemi nëpër spitalet e mjeruara pikerisht prej jush!

“Shëndetësia falas” ishte kocka që ju ja hodhet ti mbese në fyt këtij populli të mjerë, dhe ja dolët!

Gjithsesi mirë ardhsh zonja Vilma, beteja jonë me rracën tuaj do të nisë!

Ilir Allkja,
mjek

Presidenti Ilir Meta ka reaguar pas propozimit të Partisë Demokratike për hapjen e listave 100%.

Meta ka përgëzuar kreun e PD-së, Lulzim Bashën duke e cilësuar këtë pranim për hapjen e listave si një akt historik dhe shërbim i çmuar i demokracisë dhe rikthimit të parlamentarizmit të vërtetë.

Meta thekson se tani Këshilli Politik të punojë natë e ditë me ekspertët ndërkombëtarë për konkretizimin më efikas.

Reagim tjeter i Presidentit te Republikes Sh.T.Z Ilir Meta: Pranimi publik nga lideri i Opozitës së Bashkuar, z.Lulzim Basha për HAPJEN E LISTAVE 100% është AKT HISTORIK dhe SHËRBIM I ÇMUAR për demokracinë dhe rikthimin e parlamentarizmit të vërtetë. Është respekt dhe detyrim ndaj qytetarëve shqiptarë. Tani Këshilli Politik të punojë natë e ditë me ekspertët ndërkombëtarë për konkretizimin më efikas.

Qendrimi i Opozitës së Bashkuar për listat e hapura: Është zbardhur qëndrimi i Koalicionit të Opozitës së Bashkuar në Këshillin Politik.

2. Propozimi i PS për ndryshime të njëanshme të Kushtetutës të cilat lidhen me zgjedhjet dhunon Marrëveshjen Politike të 5 Qershorit. Këto ndryshime kushtetutese në veçanti zhbëjnë disa nene të Marrëveshjes së 5 Qershorit, përmes të cilave jo vetëm ruhen koalicionet parazgjedhore si subjekt zgjedhor, por edhe çdo parti brenda koalicionit vazhdon të ruajë të drejtën dhe mundësinë të konkurojë me listat e veta të veçanta. Ndryshimi i njënanshëm i PS, prek jo vetëm elementë të qenësishëm të sistemit që kanë impakt të drejtpërdrejtë tek rezultati, por gjithashtu prek të gjithë procesin e administrimit zgjedhor.
3. Propozimi i njëanshëm i PS ndryshon elementët bazë të sistemit zgjedhor:
4. a) Duke hequr koalicionet parazgjedhore si subjekt zgjedhor dhe duke ndryshuar për rrjedhojë formulën e ndarjes së mandateve;
   b) Duke ndryshuar konceptin e ndarjes administrative të zonave zgjedhore dhe organizimit elektoral;
   c) Duke krijuar mundësinë për ndryshimin e pragut elektoral; dhe
   d) Duke futur elementë të rinj në hartimin e listave dhe procesin e votimit.

Të gjithë këto elementë janë përcaktues në rezultatin e zgjedhjeve.

3. Në Kodin e Praktikave të Mira Zgjedhore, që është standardi i vetëm i gjithëpranuar për zgjedhje demokratike në vendet e Këshillit të Europës, thuhet shprehimisht se: “Qëndrueshmeria e ligjit ka rëndësi kritike për besueshmërinë e proçesit zgjedhor, i cili është me rëndësi jetike për konsolidimin e demokracisë. Praktikisht nuk ka shumë nevojë për mbrojtjen e parimeve bazë (ka pak të ngjarë që të ketë diskutime për to), por qëndrueshmeria e disa rregullave specifike të ligjit elektoral, veçanërisht ato që kanë të bëjnë me vetë sistemin elektoral dhe hartimin e kufinjve të zonave zgjedhore, që me apo pa të drejtë, konsiderohet si faktor vendimtar për rezultatet e zgjedhjeve, duhet të tregohet kujdes jo vetëm për shmangien e manipulimeve në favor te partisë në pushtet, por edhe çdo perceptim, sado i vogël, për manipulim. Problemi nuk konsiston në ndryshimin e sistemeve zgjedhore – ato gjithmonë mund të ndryshojnë duke u përmirësuar – por rishikimi i tyre i shpeshtë ose përpara (brenda një viti) zgjedhjeve. Edhe sikur qëllimi të mos jetë manipulimi, përsëri do të duket sikur ndryshimet jane diktuar nga interesat konjukturale politike……Një zgjidhje tjetër më fleksibël do të ishte të theksohej në Kushtetutë se, nëqoftëse do të ndryshohet ligji elektoral, për zgjedhjet e ardhshme do të aplikohet sistemi i vjetër – të paktën nëqoftëse këto zgjedhje do të zhvillohen brenda vitit të ardhshëm – dhe pas kësaj do të hyjë në fuqi sistemi i ri.”.

4. Në përputhje me këto standarte ndërkombëtare:
5. a) Nuk mund të ndryshohen 7 apo 8 muaj përpara zgjedhjeve, rregullat që kanë të bëjnë me vetë sistemin elektoral dhe hartimin e kufinjve të zonave zgjedhore, që me apo pa të drejtë, konsiderohet si faktor vendimtar për rezultatet e zgjedhjeve;
   b) Nuk mund të ndryshohen 7 apo 8 muaj përpara zgjedhjeve, rregullat që lidhen me koalicionet parazgjedhore dhe formulën e ndarjes së mandateve, duke u nisur nga interesat e njërës palë lidhur me konfigurimin politik që është krijuar në momentin para zgjedhjeve të rradhës. Ky ndryshim i njëanshëm nuk ka asnjë lidhje me qëllimin për hapjen e listave;
   c) Nuk mund të ndryshohen 7 apo 8 muaj përpara zgjedhjeve, rregullat për ndarjen e zonave zgjedhore, (koncepti “Rajone” është i papërcaktuar në ligjin në fuqi dhe heqja e referimit tek ndarja aktuale administrative është e papranueshme dhe e pakuptimtë). Ky ndryshim i njëanshëm nuk ka asnjë lidhje me qëllimin për hapjen e listave.

Hapja e listave nuk përbën asnjë arsye për të ndryshuar formulën ekzistuese të koalicioneve parazgjedhore dhe ndarjen e zonave zgjedhore. Koalicionet janë një mekanizëm ligjor që garanton mundësinë e partive politike për t’u grupuar sëbashku dhe për të ruajtur të padeformuar vullnetin e qytetarëve. Hapja e listave nuk ka asnjë lidhje me formulën e koalicioneve apo mënyrën e shpërndarjes së mandateve brenda koalicioneve, por ka të bëjë vetëm me garën brenda listës së një partie politike.

5. Opozita e Bashkuar propozon se nëse kalohet në listat e hapura, atëherë të kalohet në një mekanizëm me lista të plota 100 % të hapura, me kusht që të mos bëhet asnjë ndryshim tjetër sa i takon formulës ekzistuese të koalicioneve parazgjedhore dhe shpërndarjes së mandateve.

Për Opozitën e Bashkuar është e papranueshme që 1/3 fituese e listave të jetë e mbyllur, ndërsa 2/3 të jenë të hapura, sic propozon PS. Kjo do të thotë në praktikë që pjesën dërrmuese fituese ta zgjedhin partitë dhe jo votuesit. Ku është risia këtu? Pra rreth 100 deputetë të jenë të paracaktuar, dhe vetëm afro 40 deputetë të jenë me votë parapëlqyese.

Për më shumë, kjo do të sillte si efekt që në disa zona me numër të vogël mandatesh, si p.sh. Dibra, Kukësi, Gjirokastra, Berati, etj, vota parapëlqyese e qytetarëve të mos ketë asnjëfarë vlere, ndërsa në disa zona të tjera vota parapëlqyese e qytetarëve të ketë vlerë të kufizuar. Në vetvete kjo krijon pabarazi mes votuesve, disa kanë të drejtë të ndikojnë në përzgjedhje, ndërsa disa të tjerë të mos ndikojnë në përzgjedhje. Disa kandidatë janë të zgjedhur automatikisht, ndërsa disa të tjerë në sistem preferencial.

6. Në përputhje me Marrëveshjen politike të 14 Janarit, kjo çështje duhet të trajtohet me gjithëpërfshirje në Këshillin Politik. Marrëveshja politike e 14 Janarit detyron palët që: Pika 2, paragrafi 3: “Për çështjet të cilat nuk gjendet dakordësi do të kërkohet mendim dhe asistencë nga ekspertiza ndërkombëtare e OSBE-ODIHR, me qëllim gjetjen e një zgjidhje të pranueshme”. Në këtë kuadër, Opozita e Bashkuar kërkon që në procesin e dakordësimit të mekanizimit për hapjen 100 % të listave të përfshihet ekspertiza ndërkombëtare e OSBE-ODIHR.

Analisti Kim Mehmeti, në programin e tij Këndi i Kimit në SYRI TV, komentoi zhvillimet në Shqipëri.

“Në Shqipëri vazhdon tragjedia e vrasjes së njerëzve dhe e vrasjes së shtetit. Aty ku e vrasin shtetin, nuk ka qytetarë të interesuar për ta mbrojtur atë”, tha Mehmeti.

“Vrasësit e shtetit, siç janë Piktori dhe rilindësit e vet, që rrënojnë natën Teatrin Kombëtar dhe gjithçka tjetër, dalin të pamaskuar, pasi siç duket nuk kanë frikë askënd. Janë të bindur e në Shqipëri nuk ka forcë që t’i ndalojë.

Kështu, Shqipëria në vend që të bëhej shtet, të bëhej mëmëdhe, u bë vend ku bëhet çmos që ne shqiptarët të na integrojë me Serbinë, të na bëjë më të afërt me Serbinë.

Aty kemi një parlament që më shumë ngjan me pazar grash, nuk ka Gjykatë Kushtetuese, nuk ka asnjë institucion që ndëshkon pushtetarët, nuk e keni institucionin e ndëshkueshmërisë.

Piktori tani ka vendosur që në Shqipëri të ketë edhe dy Kushtetuta, një për qejfin e tij dhe një Kushtetutë që do e mbrojnë njerëzit që duan të mbrojnë sadopak Shqipërinë.

Shqipërisë ka filluar t’i mungojë edhe guximi qytetar dhe vullneti që të mos i jepet fati politik çdokujt. Nuk mundet që çdo budalla të vendosë për fatin e Shqipërisë”, tha Mehmeti.

Gazetari Klodian Tomorri në një shkrim në rrjetet sociale, duke ju referuar letrës së biznesmenes Vilma Nushi nga spitali, shkruan se sikur 6 milionet eurot qe merr Check UP-i cdo vit, te ishin perdorur per testimin e popullates, ndoshta shume nga shqiptaret qe kane humbur jeten nga virusi, do te ishin gjalle.

Me tej Tomorri shkruan se: Heren tjeter para se t’i drejtoheni publikut me moral, ndoshta do ishte mire te pyesnit nje here veten: Kush po i vret shqiptaret sot: Mallkimet e rrjetit apo tahmaja per te mbajtur te paprekura milionat e koncesioneve? Cila eshte arsyeja se pse Shqiperia sot teston me pak se te gjitha vendet e Europes per virusin: Mallkimet e rrjetit apo marifetet per te mbajtur te paprekura fitimet e koncesioneve, perfshire dhe vecanerisht fitimet e koncesionit tend?

Postimi i plotë

Faktet e koncesioneve, pertej letrave te koncesionareve

Sikur 6 milionet eurot qe merr Check UP-i cdo vit, te ishin perdorur per testimin e popullates, ndoshta shume nga shqiptaret qe kane humbur jeten nga virusi, do te ishin gjalle.

Sikur rrjeti i laboratoreve te Check Up-it, te ishte perdorur per testimin dhe gjurmimin agresiv te virusit, ndoshta Shqiperia mund ta kishte permbajtur epidemine dhe pronarja e koncesionit nuk do te detyrohej te shkruante letra nga shtrati i spitalit.

Por Check Upi nuk u vu ne funksion te pandemise, sepse po te vihej mund te cenoheshin fitimet e koncesionit. Ne vend te kesaj, koncesioni u pezullua me marifet duke u zgjatur automatikisht me te njejten periudhe. Keshtu fitimet e Check Up-it u garantuan te paprekura per te gjithe jetegjatesine e kontrates. Dhe behet fjale per fitime te ngjashme me ate te tregut te k.okaines. Mjaftojne vetem disa shifra per ta ilustruar.

Check Up-i mund te jete nder rastet e rralla ne bote, kur ne vetem dy vjet aksioneret pesefishojne kapitalin e tyre permes fitimeve. Per ta thene me qarte, zonja Nushi dhe partneret e saj kane investuar vetem 30 milione leke kapital tek koncesioni i Check Upit. Por brenda dy viteve, per shkak te fitimeve te gjeneriara kapitali i tyre u pesefishua ne 150 milione leke.

Se dyti, kontrata e Check Up-it mund te jete nder investimet e vetme ne bote, qe shkyen veten dyfish qe ne vitin e pare. I gjithe investimi i koncesionarit per te ngritur rrjetin e laboratoreve eshte vetem 3 milione euro. Qe ne vitin e pare buxheri i shtetit, i pagoi kompanise 6 milione euro. Pra dy here me shume se i gjithe investimi, per te gjithe jetegjatesine e kontrates se koncesionit.

Ne boten e biznesit, nje investim quhet i mire kur e shlyen veten per 7-10 vjet. Koncesioni i kontrollit baze ka arketuar qe ne vitin e pare 200 per qind te vleres se investimit.

E nderuar zonja Nushi. Ti u sherofsh sa me shpejte dhe e pac jeten e gjate. Por keto me siper jane faktet. Letrat pastaj jane hartime.

Keshtu qe, heren tjeter para se t’i drejtoheni publikut me moral, ndoshta do ishte mire te pyesnit nje here veten:

Kush po i vret shqiptaret sot: Mallkimet e rrjetit apo tahmaja per te mbajtur te paprekura milionat e koncesioneve?

Cila eshte arsyeja se pse Shqiperia sot teston me pak se te gjitha vendet e Europes per virusin: Mallkimet e rrjetit apo marifetet per te mbajtur te paprekura fitimet e koncesioneve, perfshire dhe vecanerisht fitimet e koncesionit tend?