mbasada e SHBA-ve ka reaguar pas miratimit të marrëveshjes së 5 qershorit nga parlamenti si pjesë e reformës zgjedhore.

Ambasada deklaron se ky akt e çon Shqipërinë një hap përpara drejt BE. Ndërkohë që mirëpret vendimin për rithirrjen e Këshillit Politik për të diskutuar reforma të mëtejshme zgjedhore.

Ambasada e SHBA shprehet se të gjitha palët duhet të marrin pjesë në mirëbesim; të shpjegojnë pozicionet e tyre qartë dhe plotësisht njëri-tjetrit dhe popullit shqiptar.

Shtetet e Bashkuara mirëpresin miratimin nga Parlamenti të legjislacionit për reformën zgjedhore që kodifikon marrëveshjen e 5 qershorit të Këshillit Politik për Reformën Zgjedhore.

Ky akt respekton marrëveshjen e bërë nga të gjitha partitë dhe e çon Shqipërinë një hap tjetër përpara drejt Bashkimit Evropian. Përgëzojmë të gjitha partitë që u siguruan që marrëveshja e 5 qershorit u arrit, u respektua, dhe u zbatua në mënyrë gjithëpërfshirëse dhe transparente.

Kjo mënyrë gjithëpërfshirëse dhe transparente duhet të jetë një normë për ndërmarrjen e akteve të rëndësishme kombëtare. Në këtë drejtim, mirëpresim vendimin për rithirrjen e Këshillit Politik për të diskutuar reforma të mëtejshme zgjedhore.

Të gjitha palët duhet të marrin pjesë në mirëbesim; të shpjegojnë pozicionet e tyre qartë dhe plotësisht njëri-tjetrit dhe popullit shqiptar; dhe të kërkojnë një zgjidhje që është në të mirën e të gjithë popullit shqiptar dhe vazhdon ta çojë vendin përpara në rrugën e tij demokratike”.

Ish-Kryeministri Berisha ka reaguar pas publikimit të Raportit të Qendrës Europiane për Monitorimin e Drogave (EMCDDA), e cila funksionon në kuadër të Bashkimit Europian, për ndërhyrjen e organizatave të trafikut të drogës në politikën shqiptare.

Berisha shkruan se, ky raport është një aktakuzë shkatërrimtare nga BE për Ramën dhe narkoshtetin e tij!

Postimi ish-Kryeministrit Berisha në Facebook

Aktakuze shkaterrimtare nga BE per Edvin Drogen dhe narkoshtetin e tij!

Rezultatin e zgjedhjeve ne Shqiperi narkoshteti i vetem ne Europe!

Lexoni pjese nga ky raport! sb

Fakte tronditëse nga BE: Narko-mafia punon kundër opozitës

Një detaj tronditës ka dalë nga raporti i fundit i Qendrës Europiane për Monitorimin e Drogave (EMCDDA), e cila funksionon në kuadër të Bashkimit Europian, për ndërhyrjen e organizatave të trafikut të drogës në politikën shqiptare.

Raporti, i cili përmbledh të dhënat e gjithë shërbimeve inteligjente të vendeve anëtare të Bashkimit Europian për vitin 2019, ka arritur në përfundim se organizatat kriminale në vendin tonë, punojnë kundër opozitës.

“Organizatat kriminale kanë lidhje me politikën, dhe kjo e fundit ndërhyn duke neutralizuar agjencitë e zbatimit të ligjit përmes emërimit të personave të besuar ose militantëve të partisë. Forma më e njohur e bashkëpunimit midis organizatave kriminale dhe organeve shtetërore është korrupsioni, veçanërisht në sistemin e drejtësisë. Shpërndarja e të ardhurave nga bizneset përmes gjobave ose ‘mbrojtja’ nga bandat e tjera, mbështetja për kandidatët politikë ose frikësimi i kundërshtarëve në zgjedhje, prishja e mitingjeve të partive opozitare, manipulimi i rezultateve të zgjedhjeve dhe financimi i fushatave elektorale në këmbim të imunitetit nga ndjekja penale, si dhe përfitimet e tjera, mbizotëruan,” thuhet në raport.

Faktikisht ky konkluzion tronditës i cili bazohet në dokumente të shërbimeve policore dhe inteligjente të vendeve në BE, vulos strategjinë e narko-shtetit të ‘Rilindjes’ dhe të kryeministrit Edi Rama gjatë viteve 2015-2016, e cila i parapriu zgjedhjeve elektorale të vitit 2017 kur PS fitoi e vetme pushtetin.

Ndërhyrja e madhe e krimit të organizuar dhe posaçërisht e organizatave të drogës u vërtetua jo vetëm nga përgjimet e vëllezërve Habilaj, të cilët flisnin për dhjetëra milionë euro që duheshin për Saimir Tahirin dhe fushatën e PS vetëm në Tiranë.

Gjithashtu nga përgjimet e publikuara prej “Bild”, u vërtetua se si narko-trafiku bashkëpunon ngushtë me politikën dhe nivelet më të larta të qeverisë Rama, në periudhën e fushatave elektorale.

Kryebashkiaku i Tiranës, Erion Veliaj refuzoi për të dytën herë seancën në Gjykatën e Posaçme Antikorrupsion, duke u paraqitur me një avokat në përballjen me Presidentin e “Yldon Media Group” Ylli Ndroqi. Avokati i kryebashkiakut kërkoi shtyrje dhe tha se Veliaj do t’i kërkonte falje zotit Ndroqi. Ndërsa Presidenti Ndroqi kërkoi praninë e Veliajt në seancën e radhës që do të jetë më 8 shtator.

Tirane- Kryebashkiaku Erion Veliaj nuk i është përgjigjur sërish thirrjes së Gjykatës së Posaçme Antikorrupsion.

Ndryshe nga seanca e shkuar në përballjen me presidentin e “Yldon Media Group” Ylli Ndroqi këtë herë ai është përfaqësuar nga vetëm një avokat

Para trupës gjykuese përfaqësuesi ligjor i të zgjedhurit argumentoi se Veliaj nuk mund të ishte prezent për shkak të axhendës, ndërsa u shpreh se kryebashkiaku kërkon pajtim

Për këtë kërkesë z.Ndroqi deklaroi se konform ligjit duhet të jetë vetë z Veliaj, i cili në seancë pajtimi duhet të kërkojë falje për ato ç’ka thënë ndaj ndaj tij dhe gazetareve të RTV Ora dhe Ora News

Ne foto: Presidenti i “Yldon Media Group” sot ne Gjykate, nderkohe i padituri Erion Veliaj nuk u paraqit.
Në këtë situatë duke argumentuar se koha mes dy seancave të para ishte e shkurtër, avokati i Veliajt kërkoi që procesi të shtyhej në shtator çka bëri që trupa e Gjykatës së Posaçme Antikorrupsion të vendoste datën 8 shtator për seancën e rradhës.

Avokati Erind Mërkuri: Avokati i tij (i Erion Veliajt) parashtroi se nuk mund të paraqitej për shkak të angazhimeve publike dhe axhendës së ngjeshur për këtë arsye u kërkua dhe nga gjykata prania e tij për në seancën e 8 shtatorit në mënyrë që të realizohet procedura mes palëve në këtë drejtim. Ftojmë zotin Veliaj të jetë i pranishëm duke respektuar institucionin e gjykatës, për më tepër një gjykatë që ka dalë nga reforma në drejtësi.

Presidenti i Yldon Media Group paditi Veliajn pas shantazheve që ai u bëri gazetarëve të RTV Ora dhe Ora News, por dhe përgjigjeve ofenduese ndaj vete z Ndroqi duke deklaruar mjaft të pavërteta

Një tjetër padi në SPAK është ngritur dhe për moskallëzim krimi, pasi Veliaj pretendon se kanë tentuar gjobë si kryebashkiak.

Ministria e Financave e drejtuar nga Anila Denaj ka hapur një tender të çuditshëm në kohë pandemie, për blerjen e një televizioni me prekje që do të kushtojë rreth 9 milionë lekë të vjetra.

Edhe pse u tha se prokurimet publike do të reduktoheshin ndjeshëm, sa kohë që financat janë goditur si pasojë e Covid 19, ministrja jo vetëm që kërkon një televizor me prekje, por do ta blejë atë për një shumë marramendëse….

Ky televizor, që sipas të dhënave të tenderit duhet të jetë i përmasave 75’’ inch, ku zor se mund të arrihet nga ana e përdoruesve të tij. Mund të kuptojmë një televizor ndoshta deri në 32” inch me prekje, por televizor 75” inch me prekje? Nuk duhet ende se për çfarë mund t’i shërbejë ministrisë një televizor me përmasa kaq të mëdha.

Për ta thelluar edhe më tej skandalin, ka menduar vetë Denaj, ku duhet t’iu themi se tenderin e ka fituar as më pak dhe as më shumë sesa vetë këshilltari i kësaj ministrie Knidi Bashari. Individi i përmendur më lart, është lakuar vetëm pak vite më parë nga mediat edhe si një person për të cilin FBI kishte kërkuar informacion për një nga kompjuterat dhe adresat IP të kompanisë ku ishte pronar.

Dhe në fakt po kjo kompani rezulton se ka fituar tenderin me një vlerë rreth 9 milionë lekë të vjetra me TVSH. Bëhet fjalë për kompaninë “KEMINET SHPK” me administrator Ilir Kurti dhe pronarë përkatësisht Ezmolda Barolli me 49,5% të kuotave, Knidi Bashari me 45,5% të kuotave dhe Flir Mosho me 5% të kuotave. Knidi Bashari sipas faqes në internet të Ministrisë së Financave dhe Ekonomisë, rezulton se është ende këshilltar pranë kësaj ministrie.