24.5 C
Tirana
E diel, 24 Gusht, 2025
type here...

Si të parandaloni pickimin e mushkonjave

Në raftet e supermarketeve apo farmacive do të gjeni një sërë locionesh kundër mushkonjave dhe insekteve të tjera, por shumë prej tyre përmbajnë substanca të dëmshme, që me siguri nuk dëshironi të qarkullojnë në organizmin tuaj.

Mushkonjat tërhiqen nga disa substanca në djersën tonë, por edhe nga frymëmarrja dhe lëkura.

Mushkonjat kanë sensorë që vënë njerëzit në shënjestër që nga larg.

Bllokimi i aromave që tërheqin mushkonjat bëhet nëpërmjet solucioneve, që zakonisht përmbajnë një substancë të njohur si diethyltoluamide.

Nuk është aspak sekret që kjo substancë është toksike edhe në rastet kur nuk kemi asnjë reagim ndaj saj.

Kjo substancë përthithet lehtë nga organizmi, akumulohet në inde nga ku mund të shkaktojë dëme afatgjatë.

Solucionet e bëra në shtëpi janë padyshim zgjidhja më e mirë. Recetat dhe përbërësit janë të thjeshta dhe mbi të gjitha pa kimikatë.

Metodat Më Të Mira Natyrale Kundër Mushkonjave
Uthull Molle
Është një ndër solucionet më efikase që mban larg padyshim mushkonjat.

Mjafton të lyeni një pambuk me uthull molle dhe të lyeni zonat e zbuluara të trupit me të para se të flini apo kur qendroni në ambjente ku mushkonjat hyjnë lehtësisht.

Ekstrakti i Vaniljes
Aroma e vaniljes trullos dhe parandalon afrimin e tyre.

Mjafton të përzjeni një lugë çaji vanilje me çfarëdolloj kremi të thjeshtë pa aromë dhe lyeni të gjitha zonat e zbuluara të trupit tuaj.

Farat e karafilit
Merrni pesë gramë fara karafili dhe zjejini me një gotë ujë. Mjaftojnë 10 pika nga ky lëng që ta aplikoni në të gjitha zonat e zbuluara të trupit.

Kamomili
Një prej bimëve mjekësore më të lashta ka efekt paralizues ndaj qelizave nervore të insekteve.

Ndaj ju mund ta thani dhe ta shpërndani nëpër shtëpi.

Mund të vendosni pak kamomil të tharë në parvazin e dritareve ose mund ta përgatisni në formën e çajit dhe të lyeni trupin me të.

Në këtë mënyrë edhe lëkura e trupit do të bëhet e butë dhe e lëmuar.

Borziloku i freskët ose gjethet e domates
Mushkonjat nuk e tolerojnë dot erën që lëshojnë këto bimë, ndaj mos nguroni t’i përdorni.

AgroWeb.org ju udhëzon të zieni në një filxhan çaji 10 apo 15 gjethe borziloku të freskët apo disa gjethe domatesh dhe kur të ftohet lyeni trupin me to para se të flini.

Vaji esencial i borzilokut, eukaliptit ose farave të karafilit
Vajrat esenciale janë më të mirët kundër mushkonjave.

Nëse keni në shtëpi vaj esencial borziloku, eukalipti apo karafili, shtoni pesë deri në dhjetë pika të vajit esencial në një gotë me ujë dhe lyeni zonat e pambuluara nga rrobat.

Me të mund të lyeni edhe një copë pambuku dhe ta vendosni në dritare që të mbani mushkonjat larg.

Çfarë duhet të shmangni për të ngadalësuar procesin e plakjes

Plakja është një proces natyral të cilin njeriu nuk e eviton dot.

Megjithatë, njeriu dhe zgjedhjet e tij mund të ndikojnë në mënyrën e plakjes.

Ushqyerja e keqe, duhanpirja, ekspozimi në diell dhe aktiviteti fizik luajnë një rol të fortë në jetëgjatësinë e njeriut, shkëlqimin e fytyrës së tij, plakjen e shëndetshme dhe funksionet e trurit.

Janë pikërisht zgjedhjet që bëjmë çdo ditë që mund të çojnë në degradimin e trurit.

Sipas studimeve të cilave i referohet AgroWeb.org konfirmohet se të qenit mbipeshë ose obezë mund ta plakë trurin me të paktën 10 vjet.

Ndaj nëse dëshironi të jetoni gjatë e të plakeni shëndetshëm kini kujdes nga këto gabime që mund të jeni duke bërë aktualisht.

Ngrënia E Mishit
Studimet kanë zbuluar një lidhje të fortë mes ngrënies së mishit dhe vdekjes së parakohshme.

Ndërkohë, njerëzit që hanë më shumë fruta dhe perime kanë 15 përqind më pak gjasa të vdesin para kohe.

Njerëzit që hanë mish janë më pak të prirur të hanë fruta dhe perime.

Rrjedhimisht ata marrin më pak antioksidantë dhe ushqyes të vlefshëm.

Jeta Pasive
Të qëndruarit ulur për disa orë është shumë e rrezikshme.

Të ulurit për të paktën 8 orë në ditë rrit rrezikun e vdekjes së parakohshme me 60 përqind.

Ecja me një shpejtësi mesatare për të paktën një orë ul rrezikun e vdekjes së parakohshme me 40 përqind.

Ëmbëlsirat Dhe Të Gazuarat
Sipas të dhënave të AgroWeb.org, pijet e gazuara dhe ëmbëlsirat shkatërrojnë proteina të rëndësishme që janë përgjegjëse për paraqitjen rinore të lëkurës.

Sheqernat nxisin inflamacionin që është vatra e shumë sëmundjeve të rrezikshme.

Çaji Jeshil
Çaji jeshil është i dobishëm në shkrirjen e yndyrnave të akumuluara dhe në përmirësimin e funksionit të mëlçisë.

Pirja e rregullt e këtij çaji ndihmon në shmangien e vdekjes së parakohshme, ishemisë dhe sklerozës.

Drithërat E Bardha
Të gjithë drithërat me ngjyrë të bardhë nuk janë të pasur me fibër dhe ushqyes dhe në thelb janë një version ndryshe i sheqerit.

Orizi i bardhë, buka e bardhë, makaronat, picat e të tjerë prishin ekuilibrat e baktereve në stomak.

Për një jetë më të gjatë duhet të zgjidhni drithëra me ngjyrën dhe përmbajtjen e tyre të plotë e natyrale.

Gjumi
Gjumi është një përbërës kritik i të gjithë rimëkëmbjes së organizmit.

Mungesa e tij shkakton mbipeshë, depresion, diabet të tipit 2, tension të lartë të gjakut dhe sëmundje të zemrës.

Shumë Pak Peshk
Peshqit janë ushqim i domosdoshëm për jetëgjatësinë.

Ato janë të pasur me acide yndyrore omega-3 që luftojnë inflamacionin dhe mbrojnë trurin.

Gabimi i mos të ngrënit peshk rregullisht 2 herë në javë, u kushton disa vite jetë.

Stresi, Alkoli Dhe Kafja
Sipas të dhënave të AgroWeb.org stresi rrit nivelet e kortizolit që ngadalëson metabolizmin dhe nxit rritjen në peshë.

Kafja nga ana tjetër ndërhyn jo vetëm në cilësinë e gjumit por edhe në kohëzgjatjen e tij.

Pirja e tepërt e alkolit dhe e pijeve të tjerë të gazuar dëmton qelizat dhe zhbën punën e antioksidantëve.

Yndyrnat Dhe Të Skuqurat
Yndyrnat trans që gjenden tek margarina dhe produktet e skuqura e dehidratojnë lëkurën duke nxitur shfaqjen e rrudhave.

Inflamacioni që shkaktojnë këto yndyrna nxit shfaqjen e sëmundjeve koronare dhe diabetit.

Të skuqurat nga ana tjetër nxisin praninë e radikaleve të lira në organizën.

Këto organizma janë fajtorë për plakjen jo të shëndetshme.

Ekspozimi Në Diell
Ekspozimi i lartë dhe i pambrojtur në diell nxit jo vetëm rrudhat por shkakton dëme të konsiderueshme në lëkurë dhe në paraqitjen tuaj.

AgroWeb.org ju këshillon të konsumoni sa më shumë fruta dhe perime të stinës për të përfituar maksimalsisht nga vlerat e tyre ushqyese dhe për të qëndruar të shëndetshëm gjithashtu.

Gonxhja, 220 milionë lekë tendera për kompaninë e tij private

Zëdhënësja e Partisë Demokratike Ina Zhupa, ka akuzuar drejtorin e Përgjithshëm të Transportit Rrugor Blendi Gonxhe, se ka një kompani private dhe merr tendera pikërisht për Transportin Rrugor.

Zhupa thotë se kompaninë, Gonxhe e ka në emër të gruas së tij. Sipas saj, Blendi Gonxhe përmes kësaj kompania ka marrë rreth 220 milionë lekë tendera, në konflikt të hapur interesi.

“Përshëndetje! Ndodhem tek Drejtoria e Përgjithshme e Transportit Rrugor, e cila drejtohet nga Blendi Gonxhe.

Shumë shpesh, media e ka cilësuar mikun e kryeministrit në ikje si një nga drejtorët më të korruptuar të administratës.

Media ka bërë të njohur të dhëna për sistemin e ryshfeteve që Blendi Gonxhe ka perfeksionuar për t’u zhvatur para qytetarëve që marrin një patentë.

Ata që kanë ardhur të paktën 1 herë tek zyrat e patentave, e njohin shumë mirë këtë sistem korrupsioni. Por Blendi Gonxhe nuk kënaqet vetëm me zhvatjen direkt të qytetarëve.

Blendi Gonxhe përfiton miliona lekë nga buxheti i shtetit përmes një kompanie private, të vendosur në emër të bashkëshortes.

Drejtori i Përgjithshëm i Transportit Rrugor ka në pronësi një kompani private për transport udhëtarësh, të cilën e përdor për t’u dhënë makina me qera kolegëve të tij në institucione të tjera shtetërore. Janë rreth 220 milionë lekë që Blendi Gonxhe ka përfituar me këtë biznes në konflikt të hapur interesi.

Nëse do të këtë një hetim nga Inspektorati i Kontrollit të Pasurive, do të gjejë se institucione qendrore, të drejtuar nga miq të Blendi Gonxhes, kanë paguar miliona lekë për kompaninë e tij, ndërkohë që ky vetë është në këtë pozicion kyç të sektorit të Transporteve.

Ministria e Jashtme, Ministria e Mbrojtjes, Ministria e Arsimit, Parlamenti, Drejtoria e Shërbimeve Qeveritare, por veçanërisht Agjencia e Planifikimit të Territorit, paguajnë me miliona lekë kompaninë private të Blendi Gonxhes së Drejtorisë së Transporteve për të siguruar makina me qera apo shërbime të tjera transporti.

Janë miliona lekë për transport privat që paguhen nga taksat e qytetarëve direkt e në xhepin e mikut të kryeministrit që drejton Transportin Rrugor të Shqipërisë. Ky është një aktivitet në konflikt të hapur interesi.”- tha Zhupa.

Zëdhënësja e PD-së thotë se Gonxhe duhet të japë dorëheqjen dhe se Prokuroria ka për detyrë të nisë sa më parë hetimet.

“Është shkelje e ligjit, që tregon sesa të babëzitur janë këta që na drejtojnë. Blendi Gonxhe, që përdor miqësinë me Edi Ramën për të zhvatur çdo qindarkë nga taksat dhe nga xhepat e shqiptarëve në çdo formë dhe mënyrë, është funksionari tipik i korruptuar i qeverisë në ikje.

Blendi Gonxhe sot duhet të japë dorëheqjen. Prokuroria duhet të nisë menjëherë hetimet për këtë aferë që lidhet drejtpërdrejt me drejtorin e Transportit Rrugor, por prokuroria duhet të hetojë edhe skemën vjedhjes përmes sistemit të patentave.”– thotë Zhupa.

Si të dalloni nëse shalqini ka nivel të lartë nitrati

Sezoni i një nga frutave më të dashura të stinës, shalqinit, nisi dhe po vijon me debatet e shumta të konsumatorëve mbi nivelin e përmbajtjes së nitrateve.

Ankesa të shumta të konsumatorëve shoqëruar me foto përkatëse por edhe me dëshmi mbi shijen e tjetërsuar të shalqinit që kanë blerë kanë ngritur një panik të përgjithshëm mbi faktin se sa të sigurta janë këto fruta për t’u konsumuar.

Shqetësimi i Konsumatorëve
Ish Ministri i Bujqësisë, Edmond Panariti në një reagim publik ka shprehur shqetësimin mbi këtë fenomen shqetësues.

Ai ka ndarë për konsumatorët një metodë të thjeshtë se si mund të dallojnë në shtëpi nëse ka shalqini që kanë blerë është apo jo me sasi nitrati apo jo.

“Merrni fatin në doren tuaj! Bejini vetë analizat e ushqimit në shtepi! Ka një irritim dhe panik te arsyetuar qytetar për lajmet të cilat qarkullojnë për nivele të larta të nitrateve te bostanoret (shalqi pjeper) .

A mundet që te kete teprim dhe pseudo alarm për rrezikun që keto mbetje kimike, krijojnë per shendetin? Me shumë mundesi që po!

Kjo sepse te dhenat e analizave vijnë nga individë dhe jo nga institucione! Sepse matjet e nitrateve ne fruta perime, kryen me pajisje te pa kalibruara dhe metoda te pa certifikuara.

Kryesisht matjet e nitrateve kryen me pajisjen “Greentest” nje tip “kanoceje” të cilën ata që kanë mundesi e blejnë online në Ebay apo Amazon.

Por për sa kohë që AKU dhe ISUV heshtin dhe nuk analizojnë ndotjet në ushqim, eshte plotësisht e ligjshme të ruash veten dhe familjen nga ndotja!” shprehet ish Ministri i Bujqësisë, Edmond Panariti në një reagim në faqen e tij në rrjetin social Facebook.

Testi i Verifikimit
Për të mësuar se si dallohet nëse shalqini, Panariti e shpjegon përmes një mënyrë shumë të thjeshtë që kushdo mund ta provojë vetë në shtëpi.

Megjithatë, Panariti thekson se këto metoda nuk zëvendësojnë analizat përkatëse që zhvillohen nga mjetet dhe institucionet zyrtare.

Sipas tij, mjafton që të merrni një copë shalqini pa fara dhe ta vendosni në një enë me ujë, nëse uji merr ngjyrë të fortë rozë atëherë ai ka përmbajtje nitrati nëse jo atëherë është në rregull.

Gjithashtu, nëse copa e shalqinit nuk fundoset në fund të enës por qendron në sipërfaqe atëherë është në rregull për t’u konsumuar.

“Jam i sigurt se mbi 99% e shqiptarëve nuk kanë mundësi të blejnë aparatura “on line”, prandaj po ju tregoj se si mundet t’i zbuloni nitratet te shalqini, në shtëpi vetëm me një tas me ujë! Ja se si? Merrni nje copë tuli shalqini pa fara dhe futeni në nje tas me ujë.

Lëreni per 10 minuta! Nese uji ngjyroset ne rozë atëherë shalqini ka nivele të larta nitratesh. Nese uji mbetet pa ngjyrë, shalqini është në rregull.

Po kështu, nëse copa lundron në sipërfaqe dhe nuk fundoset, shalqini eshte në rregull…. Edhe njeherë këto janë masa vetëmbrojtjeje qytetare te cilat nuk zëvendsojnë analizat zyrtare, por eshte më mire se te rrish duarkryq dhe te ankohesh” bën të ditur Panariti në reagimin e tij.

Kroacia do të përfitojë 22 miliardë euro nga Fondi evropian i Rimëkëmbjes nga pandemia COVID-19

Pas katër ditë negociata është arritur marrëveshje për Paketën e Rimëkëmbjes Ekonomike të vendeve anëtare të Bashkimit Evropian nga pandemia COVID-19, ku Kroacia pritet të përfitojë 22 miliardë euro.

Midis udhëheqësve është arritur marrëveshja në vlerë prej 750 miliardë euro, si dhe për buxhetin shtatë vjeçar të BE-së me rreth 1.1 trilion euro.

“Në Kroaci sjellim 22 miliardë euro, që është një garanci për rimëkëmbje të shpejtë ekonomike dhe zhvillim të mëtejshëm të vendit”, shkroi në Twitter kryeministri kroat, Andrej Plenkoviq, përcjell Telegrafi.

Ishte kreu i Këshillit të BE-së, Charles Michel që e bëri të ditur lajmin të martën herët. E gjithë paketa arrin shifrën e 1.8 trilion eurove, prej tyre rreth 1.1 euro janë planifikuar për buxhetin shtatëvjeçar të BE dhe 750 miliardë euro për programin e koniunkturës dhe investimeve.

Basha me Kryetarin e komunës së Mitrovicës: Këto do të jenë prioritet e mia si Kryeministër për Kosovën

Kryetari i PD, Lulzim Basha u takua me Kryetarin e komunës së Mitrovicës, z. Agim Bahtiri, pas takimit që zhvilloi me kryetarin e Prishtinës, Shpend Ahmetin.

Në deklaratën që dha përpara mediave së bashku me z. Bahtiri, Basha vuri në dukje faktin “se sot mund ta them me gojën plot se kryeqyteti i kombit është Mitrovica” dhe shprehu krenarinë që “PD, unë personalisht, i jemi bashkangjitur qëndrimit të drejtë dhe konseguent kundër copëtimit të Kosovës dhe ruajtjes së tërësisë territorial si parakusht i vazhdimësisë së sovranitetit.” Ai theksoi se “Mitrovica meriton, mund të presë dhe do të ketë një vëmendje speciale nga qeveria e ardhshme në Tiranë”.

I pyetur në veçanti se çfarë do të bënte ai për Kosovën si Kryeministër i ardhshëm i Shqipërisë, Basha renditi këto vendime si të parat:

“Gjëja e parë do të ishte heqja e traut të Rrugës së Kombit. Unë kam qënë promotor për ndërtimin e tij dhe shoh me trishtim se e vetmi kontribut është shtrenjtimi i lëvizjes dhe ndaj një nga vendimet më të para është heqja e traut; reduktimi i çmimit të karburantit, që e ka bërë thuajse dyfish më të shtrenjtë se karburantin në Kosovë.

Ne kemi një plan të detajuar të bashkëpunimit me Kosovën për portet; bashkëpunimin në fushën e energjisë dhe padyshim një bashkëpunim diplomatik, që do të kthehet jo si protagonizëm, jo si patriarkalizëm, por si detyrë morale dhe kushtetuese në dispozicion të qytetarëve të Kosovës që e kanë fuqinë për të marrë vendimet e duhura dhe detyra e Tiranës është vetëm t’i mbështesë. Mitrovica meriton, mund të presë dhe do të ketë një vëmendje speciale nga qeveria e ardhshme në Tiranë”, nënvizoi ai.

Nga fjala e z. Basha

Është gjithmonë kënaqësi të kthehem në Mitrovicë, në qytetin ku ju më keni shpallur “Qytetar nderi” dhe një nga shtëpitë e mia të zemrës së bashku me kryeqytetin e Kosovës.  Por sot mund ta them me gojën plot se kryeqyteti i kombit është Mitrovica. Dua t’ju falenderoj në radhë të parë për dimensionin kombëtar të qëndresës suaj në emër të banorëve dhe qytetarëve të Mitrovicës kundër copëtimit të Kosovës, plan që do niste me copëtimin e qytetit dhe komunës së Mitrovicës.

Qëndrimi juaj i prerë dhe I qartë në gjithë këto vite, në emër të qytetarëve që ju kanë besuar me të drejtë administrimin e qytetit dhe komunës së tyre ka qenë një vlerë e jashtëzakonshme për të përcjellë vullnetin e vërtetë të njerëzve si një faktor i pazëvendësueshëm në ndërmarrjet e këtij lloji dhe si një qëndresë shembullore për të gjithë ata që marrin përsipër të përfaqësojnë vullnetin e qytetarëve të tyre.

Në këtë kuadër jam krenar që PD, unë personalisht, jemi bashkangjitur qëndrimit të drejtë dhe konseguent kundër copëtimit të Kosovës dhe ruajtjes së tërësisë territorial si parakusht i vazhdimësisë së sovranitetit, investime të lara me gjakun e bijve dhe bijave më të mira të Kosovës, investime europiane dhe amerikane, investime euroatlantike.

Së dyti, për shërbimin e devotshëm kur keni bërë të mundur përmes politikave tuaja të zgjuara një zhvillim sa më të mirë të qytetit dhe ku e di që në përballjen aktuale me COVID dhe krizën ekonomike, qytetarët e Mitrovicës kanë tej ju një nga drejtuesit më të përkushtuar.

Së treti ju shpreh mirënjohjen për aktin tuaj largpamës që kam pasur nderin ta mbështes si kryetar i bashkisë së Tiranës në vitin 2015, të rikthimit të Isa Boletinit në shtëpinë e tij në Boletin, si një akt që vërteton jo vetëm shpirtin patriotik dhe vullnetin tuaj si tribun, por edhe përkushtimin ndaj tij, kompromisin kombëtar që çoi në pavarësimin e Kosovës, pacenueshmërinë e territorit dhe respekt të të drejtave të lirive të qytetarëve”.

Ushtria austriake trajnon qentë të cilët do të mund të zbulojnë të infektuarit me COVID-19

Ushtria austriake ka filluar me trajnimin e qenve për zbulimin e personave të infektuar me coronavirus, ka bërë të ditur ministria austriake e Mbrojtjes.

Qentë trajnohen për të zbuluar të prekurit me COVID-19, madje edhe kur të infektuarit nuk shfaqin simptoma. Ministrja e Mbrojtjes, Claudia Tanner, ka theksuar se ky projekt është në fazën testuese, transmeton Telegrafi.

Një qen i racës “pastor belg” nga fundi i këtij muaji do të trajnohet për zbulimin e COVID-19 tek të sëmurët, më pas pason vlerësimi i këtij suksesi.

“Po, qentë tonë mund të zbulojnë gjëra të ndryshme, asgjë nuk është e re këtu. Ata zbulojnë armë, lëndë narkotike dhe eksploziv. Pasi që coronavirusi ka ngritur në këmbë botën, gjendemi në fazën testuese të ashtuquajturit corona-gjurmuesit”, ka shtuar ministrja.

Me nuhatjen e erës së molekulave të coronavirusit, qentë do të duhej të mësonin ta gjurmojnë atë erë. Ushtria austriake aktualisht ka 166 qen të racave të ndryshme.

Protestuesi i tregon kacidhet policit: Hajde jeto ti me këto! Jeni më shumë ju sesa ne të pranishëm

Ende pa nisur mirë protesta e artistëve dhe pronareve të bareve dhe të lokaleve të natës përpara kryeministrisë në Tiranë, policia ka ndërhyrë dhe ka shoqëruar me forcë disa prej të pranishmëve.

Qindra punonjës të policisë ishin angazhuar rreth e qark kryeministrisë që prej orëve të para të mëngjesit, për të penguar mbajtjen e protestës, që sipas tyre është në shkelje të ligjit, për shkak të pandemisë.

Nuk kanë munguar as momentet e tensionit, ndërkohë që për tu veçuar ishte biseda e një prej të pranishmëve me punonjësit e pòlicisë, që i kërkonte të jetonte me lekët që ai nxjerr në biznesin e tij.

Punonjësi i Policisë: Në pandemi nuk lejohen grumbullimet.

Protestuesi: Në fakt jeni më shumë ju sesa ne të pranishëm, na jeto ti me kaq lekë, hajde jeto ti. Çfarë do haj unë, asnjë mos të më prekë me dorë se jam për copë buke unë këtu, nuk jam legen, nuk jam rrugaç.

Gjatë ditës së djeshme ministria njoftoi se do të qendrojë të mbyllura të gjitha lokalet e natës dhe lounge baret, ndërkohë që në të gjitha subjektet do të ndalohet muzika pas orës 20:00 të mbrëmjes. Edhe gjatë ditës së djeshme pati një protestë përpara kryeministrisë, të cilës Rama iu përgjigj me nota ironike dhe fyese.

“E pakonceptueshme që ka njerëz që ngrenë zërin pse ministria e shëndetësisë shtrëngoi masën për klubet e natës e diskot, ndërkohë që hapja e tyre nuk është lejuar asnjë ditë pas rihapjes së madhe! Zoti i ruajtë ata e familjet e tyre prej tyre dhe ruajtë të tjerët nga këto mendje!”, shkruante Rama në Twitter.

Nga janari 2021 emrat e pronarëve të kompanive offshore? Gjoba qesharake nëse nuk e deklaron

Nga janari 2021 të gjithë pronarët e subjekteve që nuk regjistrojnë të dhënat në regjistrin e pronarëve përfitues do të gjobiten për shkelje me gjobë nga 150 mijë lekë deri në 500 mijë lekë. Projektligji i miratuar nga qeveria i ka kaluar për miratim Parlamentit, ku përcakton krijimin e regjistrit të dhënave, që do të administrohet nga Qendra Kombëtare e Biznesit dhe do të shërbejë si arkiv elektronik zyrtar dhe do të sigurojë transparencën në fushën e pronarëve përfitues.

Regjistri do të zbardhë edhe emrat e pronarëve përfitues të kompanive të regjistruara në parajsat fiskale (offshore) me aktivitet në Shqipëri, të cilët zotërojnë të paktën 25% të aksioneve. Shqipëria deri me tani nuk ka një mekanizëm që të identifikojë se cilët janë pronarët e vërtetë përfitues të subjekteve të regjistruara në të. Për këtë arsye, si edhe duke pasur parasysh që ngritja e një regjistri i cili do të bëjë të mundur regjistrimin e pronarëve real përfitues, ka qenë një prej rekomandimeve të MONEYWAL për Shqipërinë.

Në këtë projektligj është parashikuar se subjektet raportuese ekzistuese duhet, jo më vonë se 30 ditë kalendarike nga hyrja në fuqi e draftit, të identifikojnë pronarët përfitues, si dhe të krijojnë dhe të mbajnë dokumentet përkatëse për pronarët përfitues. Ministria e Financave dhe Ekonomisë dhe AKSHI do të krijojnë Regjistrin e Pronarëve Përfitues jo më vonë se data 3 janar 2021. Subjektet raportuese ekzistuese duhet të regjistrojnë të dhënat e kërkuara nga ky projektligj për pronarët e tyre përfitues jo më vonë se 60 ditë kalendarike nga krijimi i Regjistrit të Pronarëve Përfitues.

Regjistri i Pronarëve Përfitues përmban të dhënat

1.Të dhënat e përgjithshme mbi subjektin raportues: a)Numri unik i identifikimit të subjektit(NUIS); b)Emri i subjektit raportues.

2.Të dhënat e detyrueshme për pronarët përfitues të subjektit raportues: Të dhënat e identifikimit: a)Për shtetasit shqiptarë:-Emri dhe mbiemri;-Numri i identifikimit personal;-Datëlindja;-Shtetësia;-Adresa e rezidencës së përhershme. b)Për shtetasit e huaj:-Emri dhe mbiemri;-Numri i identifikimit personal;-Datëlindja;-Numri i pasaportës dhe shteti lëshues;-Data e lëshimit dhe data e skadimit të pasaportës;-Shtetësia;-Adresa e rezidencës së përhershme. c) Për refugjatët/personat pa shtetësi:-Emri dhe mbiemri;-Numri i dokumentit të udhëtimit;-Datëlindja;-Shteti që ka lëshuar dokumentin e udhëtimit;-Data e lëshimit dhe data e skadimit e dokumentit të udhëtimit. Data e përcaktimit të individit si pronar përfitues.

Lloji dhe përqindja e pronësisë:- Direkte;-Indirekte. 6.Të dhënat e përcaktuara në pikën 5, të këtij neni, klasifikohen më tej në të dhëna parësore dhe të dhëna dytësore, sipas parashikimeve të ligjit për bazat e të dhënave shtetërore:6.1.Të dhëna parësore:-Të dhënat e identifikimit për shtetasit e huaj, jorezidentë;-Të dhënat e identifikimit për refugjatët/personat pa shtetësi;-Data e përcaktimit të individit si pronar përfitues;-Lloji dhe përqindja e pronësisë.6.2.Të dhëna dytësore:-Numri i identifikimit të subjektit (NUIS)dhe emri i subjektit raportues;-Të dhënat e identifikimit për shtetasit shqiptarë;-Të dhënat e identifikimit për shtetasit e huaj, rezidentë.

Gjobat

Në kreun V, të këtij projektligji, parashikohen kundërvajtjet administrative. Më konkretisht, në rast se nuk përbëjnë vepër penale, shkeljet e mëposhtme përbëjnë kundërvajtje administrative dhe dënohen me gjobë si vijon:

a.Mosregjistrimi fillestar i të dhënave për pronarin përfitues të tij brenda afatit të përcaktuar në shkronjën “a”, të pikës 3, të nenit 5, të këtij projektligji, dënohet me gjobë në vlerën 500 000 lekë.

b.Mosregjistrimi i çdo ndryshimi në të dhënat e regjistruara dhe në dokumentet shoqëruese, që depozitohen në regjistër, brenda afatit të përcaktuar në shkronjën “b”, të nenit 5, të këtij projektligji, dënohet me gjobë në vlerën 250 000 lekë.

c) Mospërmbushja e detyrimit të subjekteve raportuese ekzistuese për regjistrimin e të dhënave të kërkuara nga ky projektligj, brenda afatit të përcaktuar në pikën 3, të nenit 15, të këtij projektligji, dënohet me gjobë në vlerën 250 000 lekë.
Për shkeljet e parashikuara më sipër, në projektligj është përcaktuar se dënohet me gjobë prej 150 000 lekësh edhe përfaqësuesi ligjor i subjektit të regjistruar, person juridik. Gjithashtu, projektligji parashikon se për subjektet që kryejnë shkeljet e parashikuara më sipër, për më tepër se njëherë, gjobat do të dyfishohen. Për më tepër, në projektligj parashikohet se gjoba vendoset nga titullari i QKB-së, vendimi i të cilit ankimohet drejtpërdrejt në gjykatën administrative kompetente.

Gjithashtu, projektligji parashikon se QKB-ja dhe autoriteti përgjegjës për mbajtjen e Regjistrit të Organizatave Jofitimprurëse për subjektet raportuese që kryejnë shkeljet e parashikuara në pikën 1, të këtij neni, nuk do të ofrojnë shërbimet e tyre në Regjistrin Tregtar dhe në Regjistrin e Organizatave Jofitimprurëse, deri në pagimin e gjobës, sipas pikave2 dhe 3, të nenit 13,dhe regjistrimin e të dhënës përkatëse për pronarin përfitues.

Në kreun VI, të këtij projektligji, në dispozitat tranzitore dhe të fundit, është parashikuar procedura e regjistrimit të të dhënave të përgjithshme të subjekteve raportuese ekzistuese. Më konkretisht, është parashikuar se të dhënat e përgjithshme të subjektit raportues, të cilat janë të regjistruara në Regjistrin Tregtar, transferohen elektronikisht në Regjistrin e Pronarëve Përfitues. Gjithashtu, në këtë projektligj parashikohet se institucioni përgjegjës për mbajtjen e Regjistrit të Organizatave Jofitimprurëse, brenda 2 muajve nga hyrja në fuqi e këtij ligji, i jep elektronikisht QKB-së si institucioni përgjegjës për administrimin e Regjistrit të Pronarit Përfitues, të dhënat për organizatat jofitimprurëse të regjistruara në Regjistrin e Organizatave Jofitimprurëse, për aq sa kërkohet në nenin 4, të këtij ligji.

Në përfundim, në këtë projektligj është parashikuar se subjektet raportuese ekzistuese duhet, jo më vonë se 30 ditë kalendarike nga hyrja në fuqi e këtij projektligji, të identifikojnë pronarët përfitues, si dhe të krijojnë dhe mbajnë dokumentet përkatëse për pronarët përfitues. Ministria e Financave dhe Ekonomisë dhe AKSHI do të krijojnë Regjistrin e Pronarëve Përfitues jo më vonë se data 3.1.2021. Subjektet raportuese ekzistuese duhet të regjistrojnë të dhënat e kërkuara nga ky projektligj për pronarët e tyre përfitues jo më vonë se 60 ditë kalendarike nga krijimi i Regjistrit të Pronareve Përfitues.

Pronar përfitues, pronësi direkte dhe indirekte

Projektligji sqaron tre terma sa i takon pronësisë dhe që do të jetë detyrim deklarimi. Së pari termi “pronar përfitues” që nënkupton individin, i cili i fundit ka në pronësi ose kontrollon subjektin, si më poshtë:

1.1. Në rastin e një personi juridik,

1.1.1. Individi i cili ka në pronësi, ose kontrollon i fundit, një person juridik, në mënyrë direkte ose indirekte, ose përfiton nga transaksionet e kryera nga personi juridik në emër të tij. Këtu përfshihen edhe ata individë, të cilët ushtrojnë kontrollin e fundit efektiv ndaj një personi juridik. Kontroll i fundit efektiv është marrëdhënia, në të cilën një individ:

a) zotëron në mënyrë të drejtpërdrejtë ose të tërthortë të paktën 25 për qind të aksioneve ose të votave në një personi juridik;
b) i vetëm zotëron të paktën 25 për qind të votave në një personi juridik në bazë të një marrëveshjeje me ortakët ose me aksionarët e tjerë;
c) përcakton de facto vendimet e marra nga personi juridik;
d) kontrollon në çdo lloj mënyre zgjedhjen, emërimin dhe largimin e shumicës së administratorëve të personit juridik.
1.1.2. Themeluesi ose përfaqësuesi ligjor ose individi që ushtron kontrollin e fundit efektiv në administrimin dhe kontrollin e organizatave jofitimprurëse, ku përfshihen fondacionet, shoqatat, qendrat, si dhe degët e organizatave jofitimprurëse. Kontroll i fundit efektiv është marrëdhënia, në të cilën një person:

a) përcakton de facto vendimet e marra nga organizata jofitimprurëse;
b) kontrollon në çdo lloj mënyre zgjedhjen, emërimin dhe largimin e shumicës së organeve vendimmarrëse dhe/ose organeve ekzekutive të organizatës jofitimprurëse.
1.2. Në rastin e një trusti ose marrëveshjeve të tjera ligjore:

1.2.1. Krijuesi i trust-it (settlor), kujdestari/i mirëbesuari (trustee), mbrojtësi (protector) nëse ka, dhe përfituesi (beneficiary) ose klasa e përfituesve të trust-it, ose një individ që ushtron funksione të ngjashme në marrëveshjet e tjera ligjore, dhe individi i cili ka një pozicion dominues në kontrollin e trust-it, ose të marrëveshjeve të tjera ligjore.

Termi “Pronësi direkte” nënkupton pronësinë e mbajtur nga një individ prej 25% ose më tepër të aksioneve/kuotave të kapitalit ose të interesave të pronësisë në një subjekt raportues.

Kurse “Pronësi indirekte” nënkupton pronësinë e mbajtur ose kontrollin e ushtruar nga i njëjti individ në një ose më shumë persona juridikë të cilët veçmas ose së bashku zotërojnë 25% ose më tepër të aksioneve/kuotave të kapitalit ose të interesave të pronësisë në një subjekt raportues.

Shqipëria ndër 7 vendet europiane me lindshmërinë më të ulët për 2018

Shqipëria u rendit ndër 7 vendet më normën më të ulët të lindshmërisë në Europë për vitin 2018, duke lënë pas vetëm Greqinë, Qipron, Italinë, Spanjën, Maltën dhe Ukrainën, sipas të dhënave të Eurostat.

Norma e fertilitetit në Shqipëri në vitin 2018 ishte 1,37 fëmijë për grua. Kjo normë është shumë poshtë kufirit të zëvendësimit të popullsisë (mbi 2) dhe sinjalizon tendencwn rwnwse të popullsisë shqiptare e cila po tkurret me ritme të shpejta edhe prej emigracionit të lartë.

Sipas Eurostat, Gjeorgjia kishte normën më të lartë të indeksit të fertilitetit, duke shënuar 2,09 lindje për grua, ndërsa të gjitha vendet e tjera të Europës e kishin normën e fertilitetit nën nivelin e zëvendësimit.

Gjithsesi në rang Europian, Turqia dha Franca, zunë përkatësisht vendin e dytë dhe tretë për normat e larta të lindshmërisë me 1,99 dhe 1,88 lindje për grua, të ndjekura nga Rumania, Suedia të cilat kishin një normë lindje për grua në nivelet 1.7.

Norma e fertilitetit në Shqipëri është e dyta e u ulëta nga vendet e tjera në Ballkan, me 1.37 lindje për grua, në raport me 1.42 në Maqedoninë e Veriut, 1.76 në Mal të Zi, 1.49 në Mal të Zi. Më e ulëta, kjo normë është në Bosnjë Hercegovinë, me 1.3 lindje për një grua, ndërsa më e larta është në Kosovë, me 1.65.

Shqipëria ka ende një popullsi të re, me 17.2% të totalit që janë në moshën nën 15 vjeç, kundrejt 16.4% në Maqedoninë e Veriut, 18% në Mal të Zi, 14.3% në Serbi, dhe 16.4% në Bosnjë. Por, popullsia më e re është në Kosovë, me 24.4% të popullsisë totale.

Rënia e lindshmërisë poshtë normës së zëvendësimit të popullsisë kudo në Europë sinjalizon rënien e popullsisë përgjatë dekadave dhe plakjen e shpejtë. Kontinenti për ketë arsye po vuan plotësimin e nevojave të tregut të punës. Kërkesa për punë e nxitur nga faktori demografik do të krijojë kushtet për një rrjedhë të sigurte emigracioni edhe nga vendet në zhvillim të tilla si Shqipëria.

Të dhënat mbi emigracionin neto treguan përkeqësim në vitin 2019, me rreth 23 mijë persona, shumica e të cilëve kërkuan azil ekonomik ne BE.

1...3 2363 2373 238...8 382Faqja 3 237 nga 8 382

Kryesore

Continue to the category
Më shumë
© 2024 Rilindja Demokratike Euroatlantike