Zëdhënësja e Komisionit Evropian për Partneritet Ndërkombëtar, Fqinjësi dhe Zgjerim, Ana Pisonero shprehet se, para konferencës ndërqeveritare, Shqipëria duhet të realizojë miratimin e reformës zgjedhore, garantimi i financimit transparent të partive politike dhe fushatave zgjedhore, si dhe të garantohet vijimi i zbatimit të reformës në drejtësi.

Pisoneri u shpreh për Euronews.al se më së shumti duhet të përforcohet lufta kundër korrupsionit dhe krimit të organizuar, teksa nënvizon faktin se këto nuk janë 15 kushtet.

Ajo shton më tej gjatë fjalës së saj se pjesa e tjetër e kërkesave lidhet me kuadrin negociues dhe nga vendi kërkohet që ato të plotësohen gjatë procesit të negociatave.

“Përfundimet e Këshillit të Marsit kanë përcaktuar qartë se çfarë duhet të bëjë Shqipëria para konferencës së parë ndërqeveritare. Kjo lidhet me: miratimin e reformës zgjedhore; garantimi i financimit transparent të partive politike dhe fushatave zgjedhore; garantimi i vijimit të zbatimit të reformës në drejtësi.

Shqipëria duhet gjithashtu të përforcojë më tej luftën kundër korrupsionit dhe krimit të organizuar. Këto nuk janë 15 kushte”, thuhet në deklaratën e dërguar nga zëdhënësja e KE.
Përballja me fenomenin e aplikimeve të pabaza për azil, garantimi i riatdhesimit të tyre, si dhe ndryshimi i ligjit të medias sipas rekomandimeve të Komisionit të Venecias, ishin gjithashtu përparësi të rëndësishme”.

“Për më tej, përfundimet e Këshillit parashikojnë se Kuadri Negociues do të reflektojë një numër çështjesh që Shqipëria do të vijojë t’i adresojë në periudhën e ardhshme, dhe si pjesë e procesit të negociatave. Puna në këto fusha po vijon për momentin. Komisioni do të vijojë të monitorojë përparimin e vendit në të gjitha fushat dhe të mbështesë përpjekjet vijuese të Shqipërisë”.

Në opinionin e zbardhur ditën e sotme të Komisionit të Venecias për emërimet në Gjykatën Kushtetuese, i jepet të drejtë presidentit Ilir Meta për faktin që nuk pranoi betimin e Arta Vorpsit, e cila u zgjidh automatikisht nga mekanizmi zhbllokues.

Në këtë mënyrë, provohet edhe deklarata e kreut të shtetit për Ardian Dvoranin, ish-kreun e Këshillit të Emërimeve në Drejtësi, të cilin e konsideron si zyrtarin që shkaktoi precedent të rëndë në procedurat e zgjedhjes.

Në paragrafin ’92’ të draftit, thuhet se ky i fundit shkaktoi një incident të rëndë procedurial me listat e kandidatëve për Gjykatën Kushtetuese si dhe u bë shkaktar i përplasjes mes Kuvendit e Presidentit.

“98. Presidenti, përmes Aktit të tij të 5 nëntorit 2019, pezulloi në mënyrë të njëanshme procedurën e emërimit para skadimit të afatit 30 ditor të përcaktuar në ligj. Ndërsa një pezullim i tillë nuk parashikohet në mënyrë eksplicite nga Ligji për Gjykatën Kushtetuese, ai mund të jetë në përputhje me një mekanizëm zhbllokues që ka për qëllim zhbllokimin e një situate kur ka mosveprim ose vullnet dashakeq nga njëri prej aktorëve të përfshirë.

Nëse nuk ka as vullnet dashakeq dhe as mosveprim, por përkundrazi duhet të plotësohet një boshllëk ligjor, ku mekanizmi zhbllokues nuk do të ishte i zbatueshëm. Ndaj, në bazë të një interpretimi teleologjik të dispozitave ligjore, është e justifikueshme të pranohet emërimi i mëvonshëm i një kandidati të dytë nga Presidenti. Prandaj duket e arsyeshme që Presidenti refuzoi të pranonte betimin e gjyqtares që pretendon se u emërua automatikisht.

Çështja më problematike e shkaktuar nga vendimet e KED-së në vitin 2019 në lidhje me emërimet në Gjykatën Kushtetuese ka të bëjë me kohën e përcjelljes së listave të renditjes së kandidatëve tek Presidenti dhe Kuvendi. KED formoi katër lista të kandidatëve (dy për Presidentin dhe dy për Kuvendin) më 21.09.2019; ai më pas i dërgoi Presidentit dy lista më 08.10.2019 dhe dy lista në Kuvend më 14.10.2019. Kjo shkaktoi një incident të rëndë procedurial”, shkruehet në draft.

Nënkryetari i LSI, Petrit Vasili, i përgjigjet kryeministrit Edi Rama për 15 kushtet e BE për integrimin e Shqipërisë.

Vasili publikon në Facebook pjesë nga rezoluta e Parlamentit Evropian, ku sipas tij, janë 15 kushtet dhe nuk i luan topi.

Reagimi i Vasilit

Edi Rama i mberthyer per gryke genjen prap per 15 kushtet!(DOKUMENTI).
Ja si genjeu prap genjeshtari pa sherim Rama dhe tha sot:

“Po mirë, kur paska 15 kushte për nisjen formale të negociatave për anëtarësim, për çfarë duhej kjo rezoluta e partive aleate të PD në Parlamentin Europian që u votua pa konsensus? E pra, nuk ka 15 kushte për uljen në tryezë me BE”.

Kryeministri Edi Rama këmbëngul se nuk ka 15 kushte nga PE për hapjen formale të negociatave mes Shqipërisë dhe Bashkimit Europian.

Por një ditë pas amendamentin të votuar në Parlamentin Europian për 15 kushtet, ish- Kryeministri Sali Berisha risjell në kujtesë deklaratën e kreut të qeverisë duke e etiketuar si gënjeshtar përballë qytetarëve shqiptarë.

“Dëgjojeni si gënjen pafytyrësisht qytetarët shqiptarë.

ps: për ata që ndofta nuk e dinë, sygjeroj të ndjekin videon para kësaj: Raportim direkt nga Parlamenti Europian”, shkruan mbi videon e publikuar ish kryeministri Berisha.

Gjergji Vurmo i Institutit për Demokraci dhe Ndërmjetësim, nga studio e Abc News, ka komentuar vendimin e Parlamentit Evropian në lidhje me vendimin e marrë një ditë më parë për raport progresin e negociatave për Ballkanin Perëndimor.

Vurmo është shprehur se tashmë është e qartë që ne nuk do të kemi një datë të saktë për hapje negociatash brenda vitit.

Sipas tij kushtet e vendosura dhe mungesa e funksionimit të disa institucioneve e thellon më shumë hendekun për një përgjigje.

Ndër të tjera ai ka theksuar se është e rëndësishme që Shqipëria tashmë të nisë me zbatimin dhe përmbushjen e kushteve për të marrë një përgjigje pozitive.

“Shqipëria nuk mund të negociojë se si do e zbatojë një ligj por kur do e zbatojë. E rëndësishme është zbatimi i kapitujve një pas një. Serbia ka hapur në fillim një nga kapitujt që hapet dhe mbyllet lehtë, Mali i Zi ka vendosur me kapitur 123-24 dhe me ndryshimin e metodologjisë është se grupi i parë është është kontrolli financiar, prokurimet publike, standarti financiar që ka të bëjë me institucionet financiare, këto rregulla se si do të prezantohen këto rregulla do të prezantohen në konferencën e parë.

Progres raporti i plotë do të jetë në vjeshtë ndërsa për Shqipërinë dhe Maqedoninë do të ketë një raport të shkurtuar se çfarë ka ndodhur nga marsi në qershor, nuk besoj se do të miratohet në qershor, por ideja është se këshilli mund të vendosë për Maqedoninë e Veriut meqë nuk ka kushte, ndërsa për Shqipërinë duke pasur parasysh progresin e kushteve që përmenden, druaj se do të mund të kemi një datë dhe pse me pak sforco nga ne dhe mirëkuptim nga BE mund dhe të realizohet një gjë e tillë.

Ne mund të humbasim një vit për konferencën e parë ndërqeveritare, por për hapjen e negociatave që varet në konferencën e dytë atëherë përgjegjësia është tek ne. Nëse ne arrijmë që të shkurtojmë kohën nuk është se kemi humbur ndonjë gjë deri më tani. Negociatat janë të vështira pasi nuk janë vetëm teknike, por janë dhe politike dhe për këtë është e rëndësishme që brenda BE të kesh dhe një sponsor që në rastin tonë është Italia dhe Gjermania që tashmë është një sponser me kushte”, ka thënë Vurmo./abcnews.al