Kryetari i Partisë Demokratike, Lulzim Basha ishte sot në zonën e Ish Unazës së Re ku u takua me qytetarë dhe biznesmenë të zonës. Sipërmarrës të shumtë iu ankuan z.Basha për taksat e larta që rëndojnë ekonominë e biznesit të vogël dhe harresën totale të qeverisë gjatë tre muajve të karantinës.
“Pas koronës ka rënë xhiro. Dobët! Nuk ka njerëz që të blejnë.

Ska as studentë, nga ata jemi mbajtur. Pa punë fare, situatë e vështirë. Me zor ia dalim, rrimë deri në 2 të natës. Faturat s`i përballojmë, nxjerrim vetëm ushqimin.”- u shpreh një pronar fast-food gjatë bisedës me kryetarin e opozitës.

Tregtarë të tjerë shprehën shqetësimin e tyre lidhur me rënien drastike të xhiros ditore.
“Kriza ekonomike i ka bërë njerëzit të kthehen në fshat”, – thotë pronari i një furre buke në një nga lagjet më të varfëra të kësaj zone.

Sipas sipërmarrësve, kjo situatë mund t`i çojë ata drejt falimentimit, ndërsa qeveria nuk është kujtuar për asnjë ditë, qoftë duke i ndihmuar me pagën e luftës apo forma të tjera ndërhyrjeje financiare.

“Me ato 260 mijë lekë që i dha ai, i mbajti prapë shteti, se u deshën me u pagujt sigurimet e punëtorëve se jemi shumë, plus me shtu prapë. Kështu që se di si do bëhet”, – thotë pronarja e një restoranti të vogël që po kalon ditët më të vështira.

Sipas kreut të opozitës, kjo situatë mund të tejkalohet vetëm duke ndihmuar ekonominë familjare si e vetmja mundësi për të rritur fuqinë blerëse.

Basha: Gjëja e parë është të rrisim fuqinë blerëse se nëse njerëzit i kanë xhepat bosh, kjo shkatërron të gjithë zinxhirin e ekonomisë. E ndjeni ju, bie punësimi, pastaj bie konsumi edhe bëhet rreth vicioz. Në vend që të shkojë lartç, shkon poshtë e më poshtë. Dhe që njerëzit të kenë lekë në xhepat e tyre në këto kohë pandemie, taksat duhet t’i kishin cuar për t’i ndihmuar njerëzit.

Kryetari i Partisë Demokratike, gjatë takimeve me sipërmarrës të biznesit të vogël ka premtuar se qeverisja e e ardhshme do të aplikojë vetëm një taksë të vetme, atë 0.5 % përqind të xhiros vjetore për biznesin e vogël.

kryejnë urgjentisht testin e COVID-19.

Sabina Kodra është shprehur e revoltuar pas publikimit të informacionit konfidencial nga ISHP për familjen dhe bashkëshortin e saj, teksa tha se kërkonte që testi i COVID t’i bëhej edhe pjesës tjetër familjes Budina.

Ajo tha se lajmi i publikuar edhe nga kryeministri Rama është mashtrim dhe se Robert Budina nuk është me COVID.

“Ju marr në telefon nga familja e Robert Budinës, për te cilin ju keni publikuar lajmin që është me COVID-19. Ju lutem duhet të vini t’i bëni testin mua dhe fëmijëve urgjent”, ka thënë bashkëshortja e Robert Budinës.

“Ka dalë lajmi që Berti është me COVID, ndërkohë që Berti s’është fare me COVID. Kjo është gënjeshtër, kanë nxjerrë emër dhe mbiemër dhe më kanë sakatuar fëmijët. Kjo është kafshëri”, u shpreh Sabina Kodra.

Ajo ka komentuar dhe mesazhin e kryeministrit Rama, i cili për shumë media shërbeu si konfirmim zyrtari i infektimit të vëllezërve Budina. “Po sigurisht kryeministri, ai i di të gjitha ai”- tha bashkëshortja e Budinës e revoltuar.

Kryeministri Rama njoftoi sot përmes një postimi në Tëitter dhe dy vëllezërit Edmond dhe Robert Budina ishin pozitivë me koronavirus.

Mësohet se ISHP ka insistuar që t’u bëjë atyre tamponin mbrëmjen e djeshme duke i njoftuar në orët e para të ditës së sotme se ishin pozitivë dhe se nuk duhej të dilnin nga shtëpia. ABC News mëson se disa ditë më parë ata kishin shkuar në ceremoninë e varrimit të hallës së tyre, e cila është njëkohësisht edhe bashkëshortja e aktorit Sulejman Pitarka.

Më herët, ISHP kishte zbuluar një rast pozitiv me koronavirus që kishte marrë pjesë në këtë ceremoni varrimi. Nisur nga ky fakt, ISHP ka insistuar që t’u marrë tamponin vëllezërve Budina, gjë e e cila ka ndodhur mbrëmë në orën 18:00.

Në një lidhje me studion e ABC News, avokatja dhe aktivistja Adriana Kalaja tha se do të bënin padi për publikimin e emrave të vëllezërve Budina si të prekur nga koronavirusi, gjë e cila po përdorët politikisht sipas saj.

Kësaj thirrje iu bashkua edhe nënkryetari i LSI, Petrit Vasili.

“Edi Rama të ndiqet menjëherë penalisht dhe të dënohet për krimin e publikimit të emrave të vëllezërve Budina si të prekur me COVID-19!

Ruajtja e privatësisë së pacientit dhe mospublikimi i sëmundjes se çdo lloji është ligj absolut.

Edi Rama ka shkelur e dhunuar haptas ligjin.

Ndjekja penale dhe dënimi i Edi Ramës është gjëja më e pakët për të, shto këtu edhe shpërdorimin flagrant të detyrës përmes keqpërdorimit të të dhënave shtetërore.

Prokurori, zgjohu se po mbulohesh me turp!

Qytetarët janë të gjithë të barabartë përpara ligjit,” shkruan Vasili.

Presidenti i Republikës Ilir Meta ka dhënë një koment edhe për deklaratat e maxhorancës për reformën zgjedhore dhe bashkëpunimin me opozitën.

I pyetur se çfarë përshtypjesh ka kur dëgjon përfaqësuesit e maxhorancës dhe kryeministrin Edi Rama kur thotë se kjo nuk ishte një reformë në fakt por një përpjekje për ta përfshirë opozitën në proces, Meta kujtoi ish-presidentin Ramiz Alia.

“Kur dëgjoj deklarata të tilla nuk më mbetet gjë tjetër veçse të kem pak nostalgji për ish-presidentin komunist Ramiz Alia i cili i shtyu zgjedhjet në vitin 1991 për t’i dhënë mundësi opozitës që të merrte pjesë në zgjedhje”, deklaroi Meta.

Kryetari i opozitës, Lulzim Basha, vazhdoi turin e takimeve në Tiranë, duke u ndalur në zonën e Unazës së Re.

Gjatë takimeve, Basha tha se situata ekonomike po rëndohet çdo ditë. “Kjo situatë do të marrë fund me bashkimin më të madh në këto 30 vite të shqiptarëve që duan ndryshimin,” tha Basha.

MESAZHI
Në Tiranë e kudo në Shqipëri situata po rëndohet çdo ditë e më shumë. Papunësia po rritet, bizneset po mbyllen e ndërsa qeveria duhet të ndërmarrë hapa të menjëhershme për t’u ardhur në ndihmë, ajo vijon me propagandën e ngopjes me lugën bosh.

Banorë dhe sipërmarrës të vegjël në zonën e Unazës së Re me të cilët bisedova sot, më treguan se e kanë të pamundur të shlyejnë dhe faturat, të cilat u kanë ardhur dyfish më të larta. Tarifat vendore janë rritur, çmimet janë rritur, ndërsa të ardhurat kanë rënë. Shumë prej tyre, edhe pse u ka ardhur njoftimi se kanë përfituar pagën e dëmshpërblimit për muajt e karantinës, nuk e kanë marrë atë akoma.

Në 7 vjet paratë e mbledhura nga taksat e rritura, RAMAVIRUSI i çoi tek një grusht oligarkësh, ndërsa qytetarët në ditët e tyre më të vështira, i la në mëshirë të fatit.

Sot, të gjithë e dinë se me RAMAVIRUSIN, situata për qytetarët vetëm do të rëndohet, ndërsa oligarkët, taksidarët dhe qeveritarët janë sulur të Kapin Ça të Kapin.

Kjo situatë do të marrë fund me bashkimin më të madh në këto 30 vite të shqiptarëve që duan ndryshimin. Të gjithë ata që kanë abuzuar me taksat e shqiptarëve do të japin llogari deri në një.

Ne do t’u kthejmë qeverisjen qytetarëve. Ne do të bëjmë gjithçka për çlirimin dhe ringritjen e ekonomisë, për punësimin dhe mirëqenien e çdo shqiptari.

Shqipëria, më e varfëra e Europës për të ardhurat, është vendi që ka çmimet më të larta në rajon për disa katetori, si “ushqime e pije joalkoolike”, dhe sidomos për veshje e pajisje elektronike, duke u krahasuar me mesataren europiane. Ndërsa kanë më pak të ardhura se të gjithë (31% e mesatares europiane), familjet shqiptare përballen dhe me çmime të larta të ushqimeve, çka i bën ata edhe më të varfër.

Eurostat ka publikuar sot të dhënat e krahasueshme mbi nivelin e Indeksit të Çmimit të konsumit për mallrat dhe shërbimet, i cili mat diferencat në çmime mes vendeve të Bashkimit Europian, përfshirë dhe rajonin.

Në përgjithësi, në Shqipëri çmimet janë sa 57% e mesatares së BE-së, më të lartat në rajon, së bashku me Serbinë dhe Malin e Zi. Më e lira është Maqedonia, sa 50% e mesatares së BE-së dhe më pas Bosnja, me 55% (të dhënat për Kosovën mungojnë).

Për disa kategori, Shqipëria është më e shtrenjta. Për ushqime dhe pije joaolkolike, çmimet janë sa 82% e mesatares europiane, ndërsa Mali i Zi, me të ardhura më të larta e ka 79%, Serbia (78%), Bosnjë Hercegovina (76%), ndërsa më të lirat ushqimet janë në Maqedoninë e Veriut (61%). Maqedonia e Veriut është vendi ku ushqimi kushton më lirë se në çdo vend tjetër të Europës.

Shqipëria mban rekord dhe për peshën e lartë të shpenzimeve për ushqime, ku familjet harxhojnë mesatarisht 44% të totalit për të përmbushur nevojat për tu ushqyer (mesatarja e BE-së është 12%)

Më të shtrenjtat në rajon janë dhe veshjet, që janë pothuajse të barabarta me mesataren Europiane (97%). Në Mal të Zi janë sa 88%, Serbi (94%), Maqedoninë e Veriut (76%). Veshjet më të lira në Europë i gjeni në Turqi (45%) dhe më të shtrenjtat në Danimarkë, sa 132% e mesatares europiane.

Mbi mesataren europiane janë çmimet e pajisjeve elektronike (103%), ku më e shtrenjtë se ne është vetëm Serbia (113%).

Shqipëria dhe Maqedonia kanë restorantet më të lira në Europë, mesatarisht 46 dhe 45%, ndërsa më i shtrenjti është Mali i Zi (57%).

Për çmimet totale, vendi më i lirë në Europë është Turqia, me 47% të mesatares Europiane dhe më i shtrenjti Zvicra (162%). Ushqimet janë më të shtrenjtat në Zvicër (163%), më të lirat në Maqedoninë e Veriut (61%). Pajisjet elektronike janë më të lirat në Poloni (91%) dhe më të shtrenjta në Islandë (131%). Për restorantet kryeson Islanda (176%), ndërsa më të lirat i ka Maqedonia e më pas Shqipëria.