Përfaqësues të Transportit Publik kanë paralajmëruar Qeverinë se nëse kërkesat e tyre nuk plotësohen, atëherë nuk do të nisin punën.

Përfaqësues të Transportit Publik zhvilluan një protestë sot në kryeqytet, për të kërkuar edhe njëherë plotësimin e 4 kërkesave që i kanë kumtuar më herët.

Ata mohuan nisjen e punës ditën e Hënë të javës së ardhshme, siç njoftuan autoritetet shëndetësore, pa plotësimin e kërkesave.

Kërkesat e Transportit Publik

Subvencionimi i të ardhurave të munguara për subjektet transportuese si pasojë e kufizimeve të protokollit të sigurisë;

Heqja e akcisës dhe e taksave të karburantet, siç është zbatuar dhe në sektorë të tjerë të ekonomisë;

Zbritja e TVSH-së në shitje nga 20% – 0% për vitin 2020 dhe rikthimin në nivelin 6% në vijim si sektori i hoteleri turizmit;

Rimbursimi në burim i kategorive të cilat përfitojnë transport publik falas.

Në një rast të paprecedent më parë, kryeministri Edi Rama ka nxjerrë emrat e dy regjisorëve Robert Budina dhe Edmond Budina, të infektuar më COVID-19.

Rama shkruan se i vjen keq që dy vëllezërit kanë rezultuar pozitiv me COVID-19, ndërkohë që asnjëherë me parë nuk ka komentuar për asnjë personazh publik të infektuar me këtë virus.

Shumë figura publike janë infektuar me COVID-19, por kryeministri siç duket ka ‘ndjerë’ më tepër keqardhje për vëllezërit Budina.

“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”, shkruan Rama.

Burime bëjnë me dije se dy vëllezërit Edmond dhe Robert Budina kanë rezultuar pozitiv me Covid-19. Nuk dihet ende se cila është gjendja e tyre shëndetësore, ndërkohë që ata kanë rezultuar pozitiv gjatë testimit që iu është bërë në 24 orët e fundit.

Organizata e Kombeve të Bashkuara ka adresuar kritika ndaj disa vendeve, përfshirë edhe Shqipërinë se kanë dërguar ármë në Republikën Demokratike të Kongos. Ndërkohë vetë Shqipëria, përmes së zëdhënësit të kryeministrit Edi Rama, i ka cilësuar të pavërteta këto pretendime që kanë gjetur jehonë dhe në mediat e huaja.

Ligjërisht ndaj Republikës së Kongos nuk ka sanksioneve, por ka një rregull të vendosur më herët, që shtetet që çojnë ármë drejt saj, duhet të njoftojnë fillimisht OKB-në, në bazë të një rezolute që është nënshkruar mes vendeve që prej vitit 2004.

Një raport nga ekspertët e OKB-së thotë se disa vende “kanë dorëzuar sasi të konsiderueshme ármë, municioni, pajisje dhe automjete ushtarake” për ushtrinë e vendit. Po ashtu janë dërguar dhe helikopterë civilë të përshtatur për përdorim ushtarak. Raporti është konfidencial, ndërkohë që publikimi i tij është bërë fillimisht nga AFP.

Vende të tjera të përmendura nga KB përfshijnë Rumaninë, Turqinë, Afrikën e Jugut, Izraelin, Kinën, Iranin, Mbretërinë e Bashkuar, Korenë e Veriut, Sudanin dhe Shtetet e Bashkuara.

“Gjatë dekadës së fundit, një pjesë e madhe e logjistikës ajrore të FARDC (ushtria) mbështetej në një flotë transporti e regjistruar me emra civilë të huaj që vepronin në kundërshtim me normat dhe rregullat e aviacionit civil ndërkombëtar dhe kombëtar,” shkruan raporti.

“Disa nga materialet e dorëzuara për FARDC u transferuan më vonë te grupet e ármatosura në lindje” të Republikës së Kongos, vazhdon raporti.

OKB paralajmëron se ármët që dërgohen në Kongo po përfundojnë në duart e militantëve. Vendi është kapur në dhunë ushtarake për disa vite, rreth 1 mijë njerëz kanë vdekur, dhe 500 mijë të tjerë janë larguar nga vendi vetëm në muajt e fundit.

Deputeti Lefter Maliqi është shfaqur përpara gazetarëve mëngjesin e sotëm, me akuza të forta ndaj kryeministrit Edi Rama.

Ky i fundit e akuzoi dje në seancën parlamentare, se nuk kishte votuar as për veten. Por pjesa më intriguese e fjalës plot nerv të Maliqit ishte ajo kur paralajmëroi, se ekzistojnë kaseta dhe video kompromentuese për Edi Ramën. Ai la për tu kuptuar se bëhet fjalë për situata apo ngjarje të zhvilluara në shtëpinë e ish-deputetit Dashamir Peza në fshatin Pezë, ku Edi Rama gjatë kohës që ka qenë kryetar bashkia qëndronte gjatë.

“Nëse është burrë, sot nis deklaratat për të, pasi do e nxjerr lakuriq atje para Kuvendit siç është. Mos të kujtojë se ka vdekur Prifti dhe s’ka më kaseta. Filmimet dhe kasetat tek Dashi i Pezës nuk mungojnë”, ka paralajmëruar Maliqi.

Deklarata e plotë
“Sot është një ditë e zezë për demonin e dukur të djallit të beut të Surrelit sepse mbrëmë PE miratoi amendamentin për 15 kushtet, ku ndër më kryesorët janë dënimi i krimit zgjedhor, lufta kundër korrupsionit. Për shqiptarët dhe socialistët e ndershëm është ditë zie sepse ka ikur një ndër figurat më të rëndësishme Moikom Zeqo dhe familjes së tij i shpreh ngushëllimet.

Unë jam këtu, për këtë frikacak, kam bërë rresht dy interpelanca me ministrin. Ai nuk pranoi të dilte përballë. Dje në mungesën time, duke parë që nuk ishte në rreshtin e tij, njolla e zezë e kësaj figure, siç shiti Tahirin, Kokëdhimën e Dakon, foli. Nëse është burrë, sot nis deklaratat për të, pasi do e nxjerr lakuriq atje para Kuvendit siç është. Mos të kujtojë se ka vdekur Prifti dhe s’ka më kaseta. Filmimet dhe kasetat tek Dashi i Pezës nuk mungojnë.

Dua t’i them se ai i infiltruari që ka qenë në grupin e zjarrit dhe ka qëlluar, duhet të hetohet. Paketorin e ke aty o palaço. Paketorin që vjedh paratë e shqiptarëve. Drejtorin e burgjeve e ke po aty.

Ky njeri që kërcënoi me mesazhe zotin Basha ka frikë nga koalicionet. E vetmja mënyrë është grisja e marrëveshjes në Ambasadën Amerikane. Jo këta po çfarëdo partie të krijojë nuk fiton dot përballë shqiptarëve të ndershëm. Për t’i dhënë edhe një përgjigje edhe më të sinqertë dhelprën me dy koka e di shumë mirë ai. Është shprehja e tij në një grup të madh pazarxhinjsh.

Do t’ia them të gjitha ballë përballë. Tani u hapën letrat. Është mosmirënjohës. Ky njeri duhet të marrë fund. Ky nervi im është i sinqertë, i drejtë. Ku të dojë të përballet, në votë dhe parlament. Mos t’iu duket se është trim, se aktron dhe me ju, bën batuta, batuta krimi. Është kriminel, është sharlatan, një belkëputur. Kujton se do blejë vota”.

Punonjësit e Transportit Publik kanë dalë sërish sot në protestë përpara Ministrisë së Infrastrukturës, me kërkesat e tyre që nuk janë dëgjuar derimë tani nga ana e autoriteteve.

Teksa nisja e transportit u shty me të paktën një javë, shoqatat e transportit shprehen se e kanë të pamundur që të rinisin punën, jo vetëm për shkak të aspektit financiar, por edhe për pamundësinë e ruajtjes së distancës së kërkuar mes qytetarëve.

Ata thonë se faturinot nuk mund të shëndërrohen në policë, që tiu caktojnë vendet qytetarëve, dhe se penalizimet ndaj tyre parashikohen të jenë shumë të rënda. Një tjetër shqetësim që ngritën ata kishte të bënte me këstet e kredive, që tashmë do të jenë të detyruar që të paguajnë, pas 3 muajve që u ishin shtyrë nga ana e qeverisë.

Të gjitha shoqatat dhe biznesmenët shprehen njëzëri se nuk do ta shfrytëzojnë mundësinë e kredisë sovrane të qeverisë për të marrë në banka, pasi siç thonë ata nuk mund të marrin kredi për të shlyer kredinë.

Ermal Xhelilaj

Zhvillimet e fundit në Maturën Shtetërore janë indikacioni më i fundit i papërgjegjshmërisë së kësaj Qeverie dhe premtimeve të saj të parealizuara për një sistem arsimor cilësor, të konsoliduar dhe eficent. Politikat dhe strategjia qeveritare mbi arsimin e lartë dhe përgjithësisht lidhur me sistemin arsimor në Shqipëri, rezultuan të jenë prelud i dështimeve spektakolare të njëpasnjëshme, sikurse është pasqyruar gjatë këtyre viteve edhe në sektorë të tjerë të rëndësishëm e jetik për vendin, sic është drejtesia, ekonomia, sistemi social etj.

Arsimi i Lartë, vecanërisht, ka pësuar një impakt negativ gjatë viteve të fundit për shkak të vizionit jopragmatist, problematik e ineficent arsimor të Qeverisë, duke rezultuar në çedimin e mëtejshëm të parametrave mësimor, akademik dhe të kerkimit shkencor në Institucionet e Arsimit të Lartë ( IAL). Mungesa e vëmendjes dhe e strategjive produktive të MAS ndaj problematikave që karakterizojnë sistemin e arsimit të lartë, ka sjell si pasojë nje situate kaotike, disorientuese e pesimizmi për autoritetet drejtuese, personelin akademik dhe studentët në IAL. Mbi të gjitha, IAL në kontekstin e fushës akademike, mësimdhënies e kërkimit shkencor, po përballen me sfida serioze.

Impakti i parë negativ ndaj sistemit të arsimit të lartë u evidentua qartësisht me hyrjen në fuqi të Ligjit 80/2015 për Arsimin e Lartë dhe Kërkimin Shkencor në Institicionet e Arsimit të Larte në RSH. Ligji dështoi në të gjitha format e tij të promovonte një sistem arsimor të unifikuar, një mekanizëm të qëndrueshëm të sigurimit të cilësise dhe të vendos arsimin e lartë mbi baza të konsoliduara financiare, duke cenuar lirine akademike e financiare dhe frenuar gjerësisht zhvillimin, përcjelljen e mbrojtjen e dijeve te studentët përmes mësimdhënies dhe kërkimit shkencor.

Duke vendosur shtetin në një pozicion superior në aspektin financiar, mësimor e akademik, duke dështuar në përcaktimin e saktë të prioriteteve efikase e politikave promovuese arsimore, si dhe duke krijuar barriera për të ofruar mundësi të barabarta për të gjithë qytetarët shqiptarë për të përfituar nga arsimi i larte, ky ligj ka krijuar problematika serioze për përmbushjen me sukses të misionit baze dhe objektivave të tij kryesor. Si rrjedhojë, mbështetja e prioriteteve strategjike ekonomike dhe interesat e zhvillimit të vendit të pasqyruara në ligj, vazhdojnë të jenë sfida të parealizuara që rrezikojnë integrimin e vendit.

Nga ana tjetër, një problematikë serioze për arsimin e lartë dhe IAL është evidentuar si pasoje e politikave inefikase lidhur me rritjen e mesatares së maturantëve për t’u rregjistruar në universitete sipas preferencës së disiplinave akademike. Sigurisht që rritja e mesatares është e lidhur me rritjen e cilësisë e përmirësimit të nivelit mësimor të studentëve të diplomuar, por kjo rritje konstante e mesatares e pashoqëruar me politika të konsoliduara kompesuese e mbështetëse për të rinjtë që mbesin pa studime të larta si dhe për përmirësimin e infrastruktures akademike dhe kërkimin shkencor në IAL, krijon shumë problematika të thella sociale, ekonomike, financiare, ndoshta dhe me rendin e sigurinë.

Duke reduktuar numrin e studentëve si pasojë e rritjes së mesatares rrezikohet mbyllja e shumë degëve akademike me prioritet për zhvillimin rajonal e kombëtar si dhe vihet në pikëpyetja mbijetesa dhe zhvillimi i mëtejshëm i universiteteve publike, që mund të krijojë problematika të natyrës ekonomike, arsimore e sociale në rajone të ndryshme.

Ndërkohë, problematikat që janë pasqyruar në Maturën Shtetërore në të shkuarën por edhe gjatë kësaj periudhe, në kontekstin e prurjeve dhe rritjes së cilësisë së studenteve në IAL, tashmë janë një tjetër sfidë për zhvillimin dhe konsolidimin e mëtejshëm të universiteteve publike shqiptare. Papërgjegjshmëria e autoriteteve qendrore te arsimit ka bërë që paqartësitë e problematikat e pasqyruara në testet e Maturës Shtetërore të penalizojnë jo vetëm nxënesit shqiptarë që u rrezikohen studimet dhe degët preferenciale, por edhe universitetet publike, mbijetesa e cilesia e të cilëve tashmë ndodhet në udhëkryq.

Parë në këtë optikë, amendimi i Ligjit 80/2015 si dhe rishikimi i politikave arsimore është një domosdoshmëri dhe mision i rëndësishëm për Qeverinë e ardhshme, e cila duhet të ketë si objektiv kryesor përmirësimin dhe konsolidimin e sistemit arsimor në Shqipëri.