Lulzim BASHA

Të dashur miq ju përshëndes nga fshati Kalaç i Ndroqit. Më është dashur të paktën 10 minuta të vij nga rruga automobilistike këtu , sepse rruga është për faqe të zezë. Këtu jemi me zonjën Nevrije në një arë të mbjellë nga ajo edhe nga familja e saj dhe vajza e saj, Ana.

E kanë mbjellë me domate, një nga domatet më të preferuara për të gjithë shqiptarët besoj edhe për mua, që quhet zemërkau. Është akoma jeshile siç e shikoni, seose e kanë mbjellë në mars dhe presin ta vjelin në korrik.

Sot ndodhem në këtë fshat të Ndroqit, do të jem edhe në disa fshatra të tjera për të bashkëbiseduar me fermerët për gjendjen në të cilën ndodhen. Duhet t’ju them. paraprakishtx se nuk kam, për fat të keq, asnjë surprizë pozitive se këtu në Ndroq si kudo tjetër në Shqipëri, situata paraqitet jashtëzakonisht e vështirë.

Fermerët bëjnë gjysmën e popullsisë së vendit. Gjysma e popullsië jeton me tokën, jeton me bujqësinë dhe me blegtorinë. Janë lënë komplet jashtë vëmendjes. Nuk kanë marrë asnjë lloj mbështetje, jo vetëm tani, por për 7 vite me rradhë. Shumica dërrmuese e fermerëve as e kanë dëgjuar subvencionin e jo më ta marrin atë. Punojnë nga ora 5 e mëngjesit, siç nis puna në bujqësi, e deri ne darkë vonë. Kultivojnë, domate apo prodhime të tjera të sezonit, sipas zonës, sipas specialiteteve që kanë dhe, kur vjen puna, nuk kanë as garanci që do ta nxjerrin ne treg. Kur e nxjerrin në treg, nuk kanë as garanci që do ta shesin për të larë koston, koston e prodhimit që do të thotë, koston e farës të plehrave, jo më të punës.

Kjo është situata këtu në Kalaq të Ndroqit që jemi realisht në vijë ajrore 2 kilometra ose maksimumi 3 kilometra nga kryeqyteti, kështu është kudo anembanë vendit. Mungesë totale mbështetje, braktisje totale harresë totale, ndërkohë që qindra miliona euro të taksave që këto njerëz paguajnë për çdo gjë, nga tvsh-ja, faturat e energjisë e gjithçka tjetër, shkojnë për 4-5 oligarkë, në vend që të ndihmojnë këta njerëz punëtorë. Ata nuk kërkojnë lëmoshë, sepse punojnë nga mëngjesi në darkë, punojnë tokën e tyre. Kush ka më shumë, kush ka më pak tokë, kush ka mundësi të ketë pak sera, kush tjetër nëpër ara, por zero, zero mbështetje.

Ditën e djeshme, departamenti I financave në Partinë Demokratike bëri një analizë të pagesave të thesarit. A e dini sa para ka paguar deri më sot qeveria që mburret? Ka paguar afro 90 milion euro për të gjithë shqiptarët për tre muajt e pandemisë. Kjo do të thotë një tallje me taksapaguesit shqiptarë. Kanë marrë mesatarisht 10 euro për muaj, 10 euro për muaj kanë marrë shqiptarët nga paratë e taksave të tyre, atëherë kur kishin nevojë më shumë, atëhere kur u mbyll gjithçka, kur u mbyllën bizneset, ra konsumi, ranë të ardhurat, dolën qindra e mijëra njerëz pa punë.

Këta fermerët që shikoni këtu nuk lejoheshi të shkonin në arat e tyre për t’i punuar dhe prapë se prapë, shteti, i cili detyrohet me ligj ta dëmshperblejë dëmin që shkaktoi për shkak të masave të covid-it, ka nxjerrë nga arka e shtetit, që është arka e qytetarëve, gjithsej 93 milion euro për 3 muaj të kësaj gjëndje, që do të thotë afërsisht 10 euro në muaj për shqiptarët. Por nuk e ka bërë këtë për oligarkët. Jo për ata që marrin në dorë miliona euro për punë që nuk i kryejnë apo për punë që nuk kanë asnjë vlerë, perveçse mbushin xhepat e tyre dhe xhepat e qeveritarëve.

Thesari, po kështu, tregon që inceneratorët dhe landillet apo aferat e tjera korruptive, kanë përfituar drejtpërdrejt nga Edi Rama miliona euro gjatë kohës së pandemisë, siç janë vjedhur miliona të tjera nga tendera sekretë. Ky është realiteti, pa propagandë, pa gënjeshtra, pa regji qendrore, por siç e shohin dhe e prekin në kurrizin e tyre qindra –mijëra shqiptarë.

E pra, kështu nuk mund të vazhdohet.

Rruga e daljes nga kjo krizë është e thjeshtë. Në qoftë se një qeveri e dalë nga njerëzit, ka njerëzit në vëmendje, atëherë njerëzit do të kenë mbështetjen dhe përkrahjen dhe jo oligarkët.

Është fare e thjeshtë, se kemi dy herë më shumë buxhet se Kosova. Fermerët e Kosovës marrin 100 milionë euro subvencione në vit, prodhimet e tyre shiten në tregun e brendshëm dhe vijnë e shiten edhe në tregun tonë me çmime konkuruese, shpeshherë, më të ulëta se të fermerëve tanë, sepse kanë mbështetjen e shtetit.

Ndërsa këtu shteti ka braktisur gjysmën e popullsisë në fshat, totalisht. Po edhe atë që e quan me pacipësinë më të madhe pagë lufte, por që në fakt është dëmshpërblim për dëmin e shkaktuar, edhe ajo mezi mjafton për të blerë bukën e muajit e, në shumë raste, nuk mjafton as për të larë qeranë apo faturën e dritave.

E pra, sot do të qëndroj për disa orë në këtë zonë, do të takoj fermerët, do të bisedoj me ta për hallet dhe problemet që kanë, për ndihmën që kanë nevojë nga shteti, ndihmë që nuk do të mungojë nesër me një qeveri të dalë nga vota juaj e lirë, e në veçanti për fermerët shqiptarë.

Paketa jonë është e qartë. Ne do të kemi po atë skemë subvencionesh që ka edhe Kosova, edhe Maqedonia e Veriut. Subvencionet nuk do të shkojnë tek grumbulluesit, por do të shkojnë drejtpërdrejtë tek prodhuesit. Në bazë të prodhimit do të marrin subvencion.

Prodhimet e tyre do të mbrohen dhe asnjë prodhim i huaj nuk do të hyjë përmes doganave shqiptare pa patur një tarifë të barasvlefshme me subvencionin që ata vetë marrin nga qeveritë e tyre. Prodhimi i fermerëve shqiptarë dhe fermerët shqiptarë do të jenë të parët në tregun tonë, ndërkohë që do të bëjmë gjithçka për të nxitur edhe eksportin e tyre.

Me uljen e çmimit të naftës dhe heqjen e taksës “Rama” mbi naftën që i ka kushtuar prej vitit 2014, 240 lekë të vjetra më shumë për litër çdo shqiptari, ne do të mundësojmë që edhe prodhimet tona të bëhen më konkurruese, edhe shërbimet tona të bëhen më konkurruese si në fshat, ashtu edhe në qytet.

I pyeta se cilat janë kërkesat kryesore për ndihmë dhe cilat janë vështirësitë kryesore, gjëja e parë që përmendi zonja Nevrije është rruga. “Mungon rruga dhe mbështetja për bujqësinë, sepse ne këtu punojmë”, tha fermerja, ndërsa vajza e saj gjimnaziste u shpreh se “mungon mbështetja financiare”. “Jam në gjimnaz. Mbarova vitin e parë. Sapo vij nga shkolla në orën 2 jam këtu (tek toka), pastaj në darkë bëj detyrat, mësoj. Mund të rri deri në orën 02:00 ose 03:00 duke mësuar sepse nuk del koha ditën”- tregoi Ana sakrificën e saj për të mësuar dhe për të ndihmuar familjen në punë. Ajo i tha zotit Basha se do që të bëhet mjeke, si dr. Halim Kosova, për të cilin tha se i kishte shpëtuar jetën kohë më parë.

Miq të dashur, ju përshëndes nga fshati Kalaç i Ndroqit, do të vazhdojmë takimet me Dr. Halimin për të parë situatën në terren kështu siç është, pa zbukurime, pa propagandë, Shqipërinë e vërtetë, Shqipërinë e halleve, por pa dyshim me ofertën tonë, me planin tonë me vendosmërinë tonë për të ndihmuar këta njerëz, për të ndihmuar Shqipërinë dhe shqiptarët, për t’i nxjerrë nga kjo krizë, çka është plotësisht e mundur dhe do ta bëjmë realitet me një qeveri të dalë nga vota juaj. Ju përshëndes dhe ju uroj një ditë të mbarë.

EDI PALOKA

Prej 7 vitesh, qeveria e Edi Ramës është faktuar si një qeveri që i ka shërbyer interesit privat të disa oligarkëve dhe klientëve të Edi Ramës.

Qëllimi është vetëm një: pasurimi i pandalshëm i një grushti njerëzish, që financojnë në mënyrë të paligjshme Edi Ramën dhe ndajnë me të pasuritë e vendit, tokat në bregdet, taksat e shqiptarëve, lejet e ndërtimit, koncesionet dhe licencat ekskluzive miliona euroshe.

Miratimi i ligjeve speciale është një nga format që Edi Rama ka përdorur për të shpërndarë pasurinë e vendit vetëm tek pak njerëz të lidhur drejtpërsëdrejti me të.

Të tillë janë edhe tre ligjet e fundit që Presidenti i Republikës ktheu me të drejtë për rishqyrtim, ndryshimi për ligjin e tvsh-së, që favorizon jahtet luksoze, koncesioni i paligjshëm i Porto Romanos dhe ligji antikushtetues i shërbimit të pagesave.

Ligji i parë përjashton jahtet nga TVSH e karburantit. Pra, kush ka një jaht, do ta paguajë naftën shumë më lirë sesa shqiptarët që e blejnë atë bashkë me taksën “R Ligji I dytë u jep oligarkëve të Ramës, në mënyrë të paligjshme, të drejtën e ndërtimit të një porti privat dhe ligji i tretë hap rrugën për pastrimin e parave të trafikut të drogës, të krimit të organizuar dhe korrupsionit.

Të tre këto ligje që dëmtojnë interesin publik, që pasurojnë padrejtësisht një grusht klientësh të Edi Ramës, u kthyen në Kuvend nga Presidenti i Republikës.

Por në vend që akti i Presidentit të vlerësohej si një e mirë publike, Parlamenti ilegjitim u soll si noter i grabitjeve me firmën e Edi Ramës. Ushtarët e Edi Ramës, në shkelje të çdo procedure minimale parlamentare, rrëzuan dekretet e Presidentit, duke i hapur rrugë plaçkitjes së mëtejshme të vendit me akte të mirëfillta korruptive.

Me arrogancën e një pushtetit që nuk jep llogari tek zgjedhësit dhe me nxitimin e një regjimi në ikje, që vepron sipas parimit “kap ça t’kapësh”, Parlamenti i hoqi të drejtën Presidentit të dëgjohej në komisionet ku u shqyrtuan dekretet e kthyera prej tij.

Duke ftuar në dëgjesë vetëm qeverinë dhe duke shmangur Presidentin, në mënyrë të përsëritur, Kuvendi vetëm sa thellë paligjshmërinë, por nuk mundet të mbulojë grabitjen e shqiptarëve përmes ligjeve speciale të Edi Ramës.

Prokuroria e Posaçme Antikorrupsion ka për detyrë të hetojë këto nisma korruptive ligjore që në fillesat e tyre. Pas tyre qëndrojnë peshqit me të mëdhenj të korrupsionit në vend, duke nisur me Edi Ramën dhe Arben Ahmetaj.

Duke çuar përpara përgjegjësisë penale ata që janë përfshirë në këto afera të pista që varfërojnë më shumë shqiptarët dhe që e përqendrojnë ekonominë në duart e disa grabitësve, SPAK do të kontribuojë në një nga arritjet më të mëdha, që politika, kryeministri dhe parlamenti të mos guxojnë kurrë më të bëjnë ligje vetëm për 1 apo 2 individë të lidhur me pushtetin.

Testi skandaloz i Gjuhë-Letërsisë në maturën e këtij viti, do të mbahet mend gjatë për hir të ‘Turit’ i cili ishte personazhi që lundronte në varkë me shokët, pjesë e një testi absurd.

Pasi u mësua se çfarë bënte Turi në 4 alternativat e testit, ditën e sotme ai është rishfaqur në protestën e Shoqatës së Transportit Publik Qytetas dhe Ndërqytetas.

Të mbledhur sot para Ministrisë së Ministrisë së Infrastrukturës dhe Energjisë, punonjësit e kësaj shoqate kërkojnë nga qeveria, hapjen e plotë të punës në kushtet e situatës së pandemisë, ndërsa nuk pranojnë ‘pagën e luftës’ nëse kërkesa e tyre kryesore nuk merret parasysh.

Një nga parullat kryesore të kësaj proteste dhe që spikaste, ishte ajo me personazhin e maturantëve ‘Turin’.

‘Babi i Turit është shofer autobusi’, shkruhej në këtë parullë-meme.

Këta njerëz punëtorë nuk kërkojnë lëmoshë, por zero, zero, zero mbështetje kanë marrë nga shteti, tha Lulzim Basha sot, nga takimi që pati me fermerët e Ndroqit pranë kryeqytetit, e ku po aty, nxori në dritë, një shifër tronditëse që Qeveria “Rama” iu dha si “ndihmë” qytetarëve në tre muajt e pandemisë: vetëm 10 euro në muaj!

“Ditën e djeshme, – tha Basha në vijim, – Departamenti i Financave në PD bëri një analizë të pagesave të Thesarit. A e dini sa para ka paguar qeveria që mburret?!

Ka paguar afro 90 milionë euro për të gjithë shqiptarët, për tre muaj të pandemisë. E kuptoni ç’do të thotë kjo?! Kjo do të thotë një tallje me taksapaguesit shqiptarë.

Kanë marrë mesatarisht 10 euro për muaj!
10 euro për muaj kanë marrë shqiptarët nga taksat e tyre atëherë kur ishin nevojë më shumë, atëherë kur u mbyll gjithçka, u mbyllën bizneset, ra konsumi, dolën qindra njerëz pa punë! E prapëseprapë, shteti që detyrohet me ligj të dëmshpërblejë dëmin që shkaktoi, për shkak të masave të COVID-19, ka nxjerrë nga arka e shtetit, nga arta e qytetarëve, nga taksat e shqiptarëve, gjithsej 90 milionë euro për tre muaj të kësaj gjendje, që do të thotë 10 euro afërsisht në muaj për shqiptarët.

Por. jo për oligarkët, që marrin me një dorë miliona euro për punë që nuk i kryejnë apo që nuk kanë asnjë vlerë përveçse mbushin xhepat e tyre dhe të qeveritarëve. Thesari tregoi se landfillet dhe inceneratorët kanë përfituar direkt nga ky Kryeministër, nga Rama miliona euro, gjatë pandemisë, siç janë vjedhur miliona të tjera me tenderë sekretë.”