Një ditë më parë, është shoqëruar forcërisht nga policia, Nikollë Shullani, babai i Gëzim Shullanit, një ndër personat e etiketuar nga blutë dhe nga prokuroria, si pjesëmarrës në grabitjen e 260 kg kokainë, në bashkëpunim me Astrit Prengën, vëllain e e Jan Prengës, i cili u rrëmbye me më 17 janar 2020, ndëra ndërroi jetë rrugës për në Pjezë të Durrësit, për shkak të plagëve të marra nga autorët.

Burime pranë Prokurorisë së Posaçme Kundër Krimit të Organizuar dhe Korrupsionit, pohojnë se, Nikollë Shullani ishte thirrur disa herë për të dhënë dëshminë e tij para prokurorit të çështjes dhe pasi nuk është paraqitur ky institucion ka ngarkuar Drejtorinë e Policisë Tiranë për të mundësuar shoqërimin e tij. Ai nuk ka pranuar të japë asnjë shpjegim, por është mjaftuar me atë që ka thënë që më herët, dhe është lënë i lirë pas disa orësh.

Më 13 shkurt 2020, thuajse një muaj pas ngjarjes, Shullani doli në media dhe mohoi akuzat e ngritura për djalin e tij, Gëzim Shullani. Ai mohoi kategorikisht që i biri të kishte të bënte me grabitjen e lëndës narkotike. Madje, ai ishte edhe negociatori mes familjeve Doçi e Gështenja, për t’i bindur ata që të kthejnë trupin e Jan Prengës, por jo vetëm që nuk mundi të takonte askënd, por ishte shumë vonë pasi trupi i tij ishte zhdukur. Jan Prenga u rrëmbye në mes të ditës në rrugën London në Kamëz.

Në rrëmbimin e tij morën pjesë disa persona, ndërsa si vend për dërgimin e trupit u zgjodh kompleksi Golden në Pjezë, në pronësi të vëllezërve Hajri. Për ngjarjen janë arrestuar disa persona, ndërsa është shpallur në kërkim Altin Hajri. Dyshohet që rrëmbimi të jetë porositur nga një shqiptar ë dënimin e tij e vuan në burgun e Ekuadorit. Arsyeja ka qenë një sasi droge e padërguar në destinacion nga vëllai i Jan Prengës, Astrit Prenga.

Kryeinspektori i Mjedisit në dhe Pyjeve në Korçë vazhdon të gëzojë privilegjet e dikurshme të pushtetit, pavarësisht se që nga 31 prilli 2020, institucioni ku punonte është shkrirë. Privilegj për Ilirjan Hysenin, njëhërësh edhe kryetar i PS-së në Ersekë, është një makinë shtetërore “Hyndai”.

Ish-Kryeministri Sali Berisha pasi publikuar denoncimin e qytetaritshkrun se, një grimcë fare e vogël e partisë shtet. “Ikën nga detyra, por veturën e merr si pajë! I takon, është kryetar i narkopartisë!”, shprehet Berisha me ironi dhe sjell mesazhin e qytetarit dixhital.

Përshëndetje.

Po qe keni ndonjë njeri në Ersekë, verifikojeni se kryetari i PS-së Ersekë, Ilirjan Hyseni, ka qënë i komanduar kryeinspektor i Inspektoratit të Mjedisit dhe Pyjeve Korçë deri ne datën 31.5.2020.

Aktualisht ky person nuk është më punonjës i Ministrisë së Mjedisit, pasi Inspektorati është shkrirë dhe kompetencat i kanë kaluar IKMT-së.

Por, zotëria në fjalë lëviz dhe mban makinën “ Hunday” e bardhë me targe AA 192JM në kundërshtim me çdo ligj.

Ju lutem, verifikojni me njerëzit tuaj, pasi e kanë bërë shtetin si privat. Respekte.
Inspektorati është shkrirë në datë 31.04.2020. Pra, ka dy muaj që përdor makinën e shtetit si të tijën.

Drejtuesja e Inspektoratit Shtetëror Shëndetësor, Areti Beruka në studion e “ABC News” ka folur për vendimin që u mor për mbylljen e një nga çerdhet kryesore në Tiranë, në ish-bllok, për shkak të dyshimeve se një personel ishte i prekur me koronavirus.

Beruka u shpreh tha se Inspektorati Shtetëror Shëndetësor, jo vetëm për çerdhen, por për të gjitha denoncimet dhe konfirmime që vijnë nga operatorët e hetimit epidemiologjik, merr masat e duhura.

“Po është e vërtetë. Nga strukturat e Epidemiologjisë së Operatorit, sapo morëm informacionin se dyshohej për një nga punonjëset e prapavijës së çerdhes me COVID-19, ne u detyruam të bëjmë mbylljen e aktivitetit. Nga konstatimi që në kemi bërë çerdhja ishte dezinfektuar, por duhej bërë mbyllja për të karantinuar të gjithë stafin që ka qenë person kontakti. Mirë është që edhe fëmijët të bënin një karantinim”, sqaroi Beruka.

Më tej ajo theksoi se qytetarët me këtë hapje graduale të vendit dhe lehtësim të masave duhet të tregohen më të ndërgjegjshëm.

“Gjoba nuk është qëllim në vetvete. Me hapjen ishte e pritshme rritja e rasteve. Kjo epidemi është me të papritura dhe është sfidë e të gjithëve bashkë. Qytetarët duhet të respektojnë masat për të mbrojtur, jo vetëm familjarët, por edhe të afërmit e tyre. Duhet të kuptojmë që virusi nuk është larguar, është edhe mes nesh”, u shpreh ajo.

Gjatë bisedës në studion tha për gazetarin Enkel Demi se faktet e rritjes së numrit të rasteve tregojnë së duhet të respektojmë masat.

“Në fakt masat administrative të vendosura kanë sjellë në njëfarë mënyre përmirësim. Subjektet të cilat kanë grumbullime duhet të respektohet distanca sociale, ndërsa në vendet e mbyllura duhet patjetër të vendoset maska. COVID-19 është prezent dhe nëse nuk binden me numrat është  e palogjikshme të vazhdojmë të flasim”, u shpreh ajo.

Kryeinspektorja për shëndetin në Tiranë, Areti Beruka  deklaroi nw mesin e muajit mars se, “mezi po priste të vinte koronavirusi në Shqipëri”, ka habitur sërish me deklaratat e saj.

Njw tjetwr lajthitje e saj ishte kur mw pas deklaroi se, “në Shqipëri është mirë që 60-% e popullsisë të infektohet nga koronavirusi”.

Ka humbur jetën si pasojë e një infarkti kardiak Nehat Kulla, i njohur ndryshe dhe me nofkën ”gjenerali”. Kulla, i njohur ndryshe si gjenerali, në vitin e mbrapshtë 1997 krijoi një “komisariat policie” në zonën e “Kinostudios”. Ai ka ndërruar jetë në moshën 67-vjeçare, në banesën e tij, pasi u liruar nga burgu me bujë rreth një vit më parë.

Kulla ishte dënuar me 20 vjet burg për vrasjen me paramendim të shtetasit Halim Gjuzi, ish-shoferi i ish-zv/ministrit të Arsimit, Halit Shamata. Kulla e ka vuajtur dënimin në burgun e Fushë-Krujës, që nga koha kur u arrestua në vitin 2005.

Një numër i madh pasagjerësh të cilët prisnin që gjatë ditës së sotme të udhëtonin me avionin e kompanisë zvicerane Edelweiss, nga Zyrihu në Tiranë, kanë mbetur të bllokuar në aeroportin e kryeqytetit zviceran.

Mes pasagjerëve që kishin prerë biletat rezulton të ketë qenë dhe i Dërguari special i Bashkimit europian për bisedimet Kosovë-Serbi, Miroslav Lajçak, i cili kishte zgjedhur këtë mundësi për të qenë nesër i pranishëm në një vizite zyrtare në Prishtinë, të parën që kur mori këtë detyrë.

Kompanisë Edelweis, nuk i është lejuar fluturimi drejt aeroportit Nënë Tereza të Tiranës. Autoritetet shqiptare i thanë Zërit të Amerikës, se kompanisë ajrore zvicerane, nuk i ishte dhënë asnjë leje, aq më tepër kur mes Shqipërisë dhe Zvicrës, nuk është nënshkruar ende një marrëveshje për rihapjen e fluturimeve, të cilat u pezulluan për shkak të pandemisë së COVID 19.

Rihapja po bëhet graduale, dhe në këto momente, një pjesë e shteteve po operojnë përmes marrëveshjeve dypalëshe, siç ka ndodhur mes Shqipërisë dhe Austrisë, Serbisë dhe Greqisë, thanë zyrtarë të ministrisë së Infrastrukturës, duke shtuar se Shqipëria madje i ka bërë kërkesë Zvicrës, për rinisjen e lidhjeve ajrore, por ende pala tjetër nuk ka dhënë pëlqimin.

Për situatën e krijuar, nuk ka një reagim nga kompania zvicerane. Zëri Amerikës ju drejtua shoqërisë Edelweiss, për shpjegime përmes emailit, por deri në momentin e publikimit të këtij lajmi, nuk kishte marrë ende përgjigje.

Kujtojme se Lajçak pas mbërritjes në Tiranë do të nisej për në Kosove si i dërguar i BE për bisedimet Kosve-Serbi. Ai do te kishte nje vizite treditore në Prishtinë.