Grupi Parlamentar PPE dorëzoi mëngjesin e ditës së sotme një amendament për rezolutën mbi Ballkanin Perëndimor e cila miratohet këtë javë në plenaren e Parlamentit Europian.

Rezoluta e hartuar nga socialisti kroat Tonino Picula është e përgjithshme dhe nuk përmend kushtet të cilat BE i caktoi qeverisë Rama në mars 2020.

Amendamenti i firmosur nga eurodeputetja Kinga Gal, raportere e PPE për këtë rezolutë me kërkesën e raporterit për Shqipërinë, David Lega e me pëlqimin e koordinatorit Michael Gahler, cilëson se Parlamenti Europian:

‘Thekson 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet anëtare’

Pika që përmbysi kupën

Trillet eksentrike të Edi Ramës janë të njohura në mos të famshme. Apo edhe famëkeqe sipas pikpamjes së tjetërkujt. Ato janë toleruar gjatë edhe nga ndërkombëtarë; kryesisht ato ekzibicioniste për arsye të ndyshme.Por kur trill cënon substancën situata mund të ndryshojë!

Në një konference shtypi në kryeministri në 6 qeshor Edi Rama mohoi qartë e në mënyrë të përsëritur 15 kushtet që atij i vuri Bashkimi Europian i udhëhequr nga Gjermania, Franca dhe Hollanda. Rama i mori sinjalet se kjo ishte e papëlqyeshme dhe duhej korrigjuar. Tre ditë më vonë ai do të ishte i pranishëm në Këshillin Kombëtar të Integrimit dhe do të kishte shansin të korrigjonte fyerjen e 6 qershorit. Rama kokëfortë foli 25 minuta në përgjithësi mbi Evropën, bujqësinë e aplikacionin E-Albania por nuk i përmendi fare 15 kushtet. Krejt ndryshe nga Meta e Ruçi u fokusuan seriozisht që tek këto kushte.

Reagimi nuk vonoi: Fillimisht Grupi Parlamentar i PPE përsëriti me 12 qershor një deklaratë te para dy ditëve duke investuar edhe nënkryetarin Kovacev krahas titullarit per politiken e jashtëme Gahler. Aty përmendeshin disa herë 15 kushtet dhe listoheshin vecan ato më pikantet: dënimi i votëblerësve të Dibres e Shijakut, anullimi i ligjeve për median, nevoja për zgjedhje vërtet të lira e të ndershme si edhe anomalia e madhe e pushteti lokal njëpartiak. Deklarata e quan se kjo situatë se bie ndesh me nocionin baze të demokracisë plurale dhe vë në dyshim ligjshmërinë e tyre; si dhe perserit kushtin e BE dhe të Bundestagut që kjo të sqarohet sa më parë. Synimi është përsëri mbajtja e zgjedhjeve të parakohshme për bashkitë, mundësisht në një ditë me ato parlamentare mundësisht në pranverën e ardhëshme.

Mbasi javën e shkuar u mor vesh qeveria kishte hequr nga plani i punës për integrimin europian kushtin ‘procedimi penal i votëblerësve’ Grupi PPE inicioi të hënën, 15 qershor, amendamentin për 15 kushtet. Planin e punës e paraqiti Rama më 9 qershor në Këshillin Kombëtar të Integrimit Europian.

Shkresa e Grupit PPE

[ Dua t’ju informoj se znj. Kinga Gál si raportere hije e PPE e raportit ‘Rekomandime për Ballkanin Perëndimor’ do të dorëzojë amendamentin si më poshtë: ]

‘thekson 15 kushtet e caktuara nga Këshilli i Bashkimit Europian që Shqipëria duhet të ketë përmbushur përpara thirrjes Konferencës Ndërqeveritare të parë me shtetet antare’

[ Amendamenti u kërkua nga z. David Lega, raporter i përhershëm për Shqipërinë dhe ka pëlqimin e z. Gahler, koordinator i PPE në Komisionin e Jashtëm (AFET) ]

Origjinali anglisht:

[ I would like to inform you that Ms. Kinga Gál as the EPP shadow rapporteur of the Western Balkans recommendation will submit the following plenary amendment: ]

‘stresses the 15 conditions, decided by the Council of the European Union, that Albania needs to have fulfilled prior to its first intergovernmental conference with the EU Member States’

[ The amendment was requested by Mr. David Lega, standing rapporteur for Albania, and has the blessing of Mr. Gahler, the EPP AFET coordinator. ] /SYRI.net

• Basha takon bizneset në njësinë 1, Tiranë. Tatimorët gjobëvënës, rënia drastike e xhiros dhe fuqisë blerëse, marrja e ushqimeve me listë, mungesa e ndihmës nga qeveria, problemet kryesore për biznesin e vogël.

• Prioriteti i kryeministrit edhe në kohën e krizës, ishin oligarkët, jo biznesi. Shpërndau për oligarkët gati të njëjtën shumë që dha për shqiptarët pas shpërthimit të pandemisë.

• Sulmi ndaj bizneseve që thonë të vërtetën nuk është sjellje e një burri shteti, por e një regjimi në ikje, e një njeriu të obsesuar pas pushtetit dhe pasurisë të tij personale, e një shërbëtori të mjerë të 5 oligarkëve.

• Kjo gjendje do të marrë fund. Buxheti do të shkojë për shqiptarët. Bizneset e vogla do të paguajnë vetëm një taksë, 0.5% të xhiros vjetore, Asnjë taksë tjetër lokale e qëndrore. Moratorium 1 vjeçar për tatimorët.

• Jam i shqetësuar nga situata aktuale, por jam optimist se me një bashkim të madh, me një program që do të nxisë punësimin, ekonomia do të dalë nga kriza dhe ndryshimi do të vijë. Do t’i japim fund marrjes peng të qeverisjes nga një grusht oligarkësh dhe kryeministri aktual.

DEKLARATA E KRYETARIT TË PARTISË DEMOKRATIKE, LULZIM BASHA, PAS TAKIMEVE ME BIZNESET E VOGLA TEK NJËSIA 1, TIRANË.

Përshëndetje të dashur miq!

Ju përshëndes nga qendra e Tiranës, ku kam më shumë se një orë e gjysëm në takime me sipërmarrësit e vegjël, me bizneset e vogla, me qytetarë. në çdo cep të Tiranës ku kam qënë këto ditë dhe këto javë kam hasur një listë të gjatë problemesh, ankesash, hallesh që kanë pllakosur biznesin e vogël, sipërmarrjen e vogël, kanë pllakosur njerëzit, qytetarët në lagjet e Tiranës në qendër të Tiranës.

Shumë prej problemeve të sipërmarrjes janë të njëjta: është prania e pafund e inspektorëve tatimorë, e njerëzve që sillen si banda edhe jo si shtet, ku në këto kohë të vështira mendjen e kanë si e si të gjobisin e të nxjerrin edhe lekun e fundit nga xhepat e lodhur të sipërmarrësve të vegjël shqiptarë.

Problemi tjetër shumë i madh është rënia drastike e xhiros. Imagjinoni në dyqanet e bukës, dyqanet e ushqimoreve, tek dyqanet e mishit ka një rënie ëe tmerrshme të xhiros. Ndërsa të tjerët që e mbajnë dyqanin hapur sa për të thënë, më kanë treguar këto ditë, edhe sot, se e mbyllin gjithë ditën pa asnjë klient, mbyllin gjithë javën me 30-40-50 mijë lekë të vjetra xhiro, xhiro tërësisht e pamjaftueshme për të larë qeratë, jo më për të mbajtur familjen apo për të mbajtur fëmijët me bukë.

Kjo është gjendja e sipërmarrjes së vogël shqiptare që është 70 % e sipërmarrjes së ekonomisë në tërësi. 7 në 10 njësi të ekonomisë shqiptare përbëhën nga sipërmarrja e vogël. Dhe në ato raste ku kanë marrë atë ndihmë simbolike dhe totalisht të pamjaftueshme, totalisht të pakrahasueshme me dëmin që u ka shkaktuar mbyllja e biznesit gjatë periudhës së karantinës, ato para siç i kanë marrë i kanë çuar drejtëpërdrejt për të paguar qeratë, për të paguar faturat e energjisë që edhe kur i kanë pasur qepenat e mbyllur, u kanë ardhur me faturë afrofe.

Problem tjetër i madh dhe problem kryesor është rënia totale e fuqisë blerëse. Në këto ushqimore dhe ushqimore të tjera kam parë lista të cilat janë dyfishuar gjatë këtyre 2 muajve të fundit, lista të cilat kanë qënë të mëdha edhe më përpara, por që tashmë po kthehen në problemin kryesor.

Siç e kemi paralajmëruar, mungesa e ndihmës për njerëzit mungesa e ndihmës për konsumatorët, për familjarët shqiptarë u përkthye drejtpërdrejt në një problem që u transmetua në gjithë zinxhirët e ekonomisë. Kur nuk kanë para njerëzit për të blerë ushqimet për të blerë bukën e gojës, kjo reflektohet, natyrisht edhe te sipërmarrja e vogël, reflektohet tek gjithë zinxhiri i furnizimit, reflektohet pastaj dhe tek ata sektorë të prodhimit që punësojnë një pjesë.

Me këtë sjellje kjo qeveri dhe ky kryeministër kanë provuar katërcipërisht se prioritet edhe në kohën e tmershme të krizës nuk kanë patur shqiptarët, nuk kanë patur sipërmarrja, nuk kanë patur njerëzit, por kanë pasur oligarkët. Shikoni pagesat nga thesari, pothuajse po aq para sa ç’kanë dhënë për shqiptarët, për ekonominë, për konsumin që është një fraksion i asaj që ka paguar Kosova apo Maqedonia e Veriut, po kaq para i kanë dhënë dhe një grupi oligarkësh gjatë këtyre muajve të pandemisë.

Kjo është skandaloze.
Kjo është kriminale.

Është burimi i krizës së thellë kriminale që ne e paralajmëruam edhe para disa muajsh. kur i kërkuam qeverisë që të ndërpriste çdo pagesë dhe çdo tender korruptiv e të ndërpriste çdo aferë si ajo e inceneratorëve, e cila edhe javën e kaluar i kushtoi taksapaguesve shqiptarë miliona, qindra miliona, ndërkohë që me 15 Qershor që jemi sot, një pjesë e madhe e atyre që, sipas vendimeve të qeverisë e meritonin mbështetjen, nuk arritën dot të merrnin asgjë.

E pra, gjendja po vjen e po përkeqësohet dhe e vetmja përgjigje që ka kjo qeveri dhe ky kryeministër është më shumë propagandë, më shumë gënjeshtra, më shumë mashtrime.

Shikoni si e shpenzon kohën duke gjurmuar si një hajdut i vogël.

Ish-deputetja e PD, Albana Vokshi ka reaguar pas nxjerrjes së testit të Matematikës në provimin e maturantëve.

Ashtu si në testin e Gjuhë-Letërisë edhe në testin e matematikës në provimin që po zhvillohet ditën e sotme testi u është dhënë nxënësve militantë të PS nga vetë mësuesit e e bindiur të ministres Shahini.

Reagimi i Albana Vokshit

Edhe #testin e #matematikës opozita e nxori?

U tha me bujë të madhe nga Ministrja e Arsimit, Besa Shahini, se testi i matematikës është hermetik se janë marre masa të mos dalë dhe të tjera broçkulla si këto.

Ka 3 ditë që për të mbuluar dështimin e saj, sulmon opozitën, por prapë dështoi.

Thirri mësuesit në oborrin e shkollës, duke rrezikuar shëndetin e tyre për të bërë shoë me masat gjoja të forta antikopjim, u hoqi celularët, i detyroi të firmosin deklarata për pushim nga puna, në rast të shkeljes së rregullave dhe çfarë bëri? Asgjë!

Turi mund t’ia kishte dalë mbanë kësaj situate më mirë sesa e dështuara Besa Shahini dhe shefi i saj Edi Rama.

Testi i matematikës është zbuluar dhe Besa Shahini duhet të mbajë përgjegjësi.

69 raste të reja me Covid 19 janë zbuluar në 24 orët e fundit në vendin tonë, një tjetër rekord ky negativ i kësaj jave të fundit. Rastet e reja janë zbuluar pas testimeve në të gjithë vendin, ndërsa harta e plotë me qytetet pritet të njoftohet në komunikimin e përditshëm të Ministrisë së Shëndetësisë.

Një numër shumë i lartë të personave që kanë rezultuar pozitiv, e kanë marrë infeksionin në ambientet spitalore, dhe më pas e kanë transmetuar atë në qytete të tjera të vendit, që derimë tani ishin konsideruar si zona të gjelbra.

Njoftimi i plotë i ministrisë

11 të shëruar, mes tyre dy janë personel shëndetësor. Ministria e Shëndetësisë dhe Mbrojtjes Sociale I bën thirrje bizneseve të zbatojnë rigorozisht protokollet e sigurisë dhe apelon qytetarët për masat e kujdesit vetjak pë të frenuar përhapjen e COVID19

Ministria e Shëndetësisë dhe Mbrojtjes Sociale ju informon për situatën epidemiologjike në vend.

Gjatë javës së fundit ka rezultuat rritje e numrit të rasteve të identifikuara pozitive, ka një rritje të të shtruarve në spital por qëndrueshmëri sa i takon fataliteteve. Kjo rritje lidhet me uljen e vigjilencës dhe moszbatimin e rregullave të përcaktuara nga autoritetet shëndetësore.

Por duhet theksuar se kjo periudhë nuk mund të krahasohet me periudhën e pikut nën efektin e masave të karantinës, për vetë faktin se kemi kohë më të gjatë ekspozimi dhe numër më të lartë kontaktesh gjatë aktiviteteve rutinë të ditës, ku aktualisht 97 % e subjekteve janë në aktivitet. Për këtë arsye, duhet kujdes i shtuar për zbatimin e rregullave.

Kanë vijuar me intensitet testimet në Laboratorin e Virologjisë në ISHP. Gjatë 24 orëve të fundit janë kryer 319 testime për të dyshuar të prekur me Covid19, nga të cilat janë konfirmuar 69 raste pozitive kryesisht në ndërmarrje dhe aktivitete biznesi, kontakte të rasteve te konfirmuara më herët pozitive, të identifikuara nga gjurmimi dhe hetimi epidemiologjik, si dhe raste te reja. Shpërndarja gjeografike e të identifikuarve pozitivë është si vijon: Tirana 28 të prekur, 16 në Shkodër, 8 raste pozitive në Krujë, 6 në Vlorë, 5 në Durrës, 2 në Elbasan, dhe nga 1 rast në Kamëz, Mallakastër, Pukë dhe Lushnje.

Ndërkohë që janë në hetim disa raste të reja në Tiranë, Shkodër, Vlorë, Elbasan, Kamëz dhe Durrës.

Gjatë 24 orëve të fundit janë shëruar 11 qytetarë mes të cilëve 2 personel shëndetësor, duke e çuar numrin e të shëruarve që nga fillimi i epidemisë në 1055.

Aktualisht në spitalin infektiv po marrin shërbim 50 pacientë, 7 prej tyre janë në terapi intensive dhe një i intubuar. Mosha mesatare e rasteve të hospitalizuara është 60 vjeç, mbi 60 % e tyre janë nga Tirana. Në vendin tonë janë aktualisht 499 persona aktivë me COVID19, kryesisht në Tiranë, Shkodër, Krujë.

Nisur nga fakti se ditet e fundit po zbulohen raste pozitive në disa ndërmarrje dhe subjekte tregtare, Ministria e Shëndetësisë dhe Mbrojtjes Sociale i bën thirrje edhe njëherë bizneseve, të zbatojnë me korrektësi protokollet e sigurisë në punë: të dezinfektojnë ambientet, të kryejnë ajrosjen rregullisht, të përdoren maskat apo barrierat mbrojtëse në çdo subjekt shërbimi për qytetarët, siç e përcaktojnë protokollet e autoriteteve shëndetësore.

Çdo shkelje do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi. Ministria e Shëndetësisë dhe Mbrojtjes Sociale apelon për vetëndërgjegjësim nga qytetarët që të jenë të kujdesshëm në zbatimin e masave të vendosura:

Kur dilni, qendroni në distancë fizike prej të paktën 1.5 metër, lani duart, përdorni maska ose barriera mbrojtese kur nuk mund te ruhet distanca fizike, dezinfektoni objektet dhe ajrosni ambientet ku qendroni.

Lidhuni me mjekun tuaj të familjes nëpërmjet linjës së gjelbër 0800 40 40 për barnat me rimbursim apo pyetje në lidhje me Covid19. Nëse keni shenja të sëmundjes, qëndroni të izoluar dhe telefononi Urgjencën Kombëtare, 127.