Nga Bardh SPAHIA

Prej 3 ditësh në Spitalin e Pukës është konstatuar një pacient me Covid. Pacienti ka shkuar si rast urgjent dhe është shtruar nga shefja e shërbimit të Urgjencës në repartin e Patologjisë, ku ka qëndruar rreth 11 orë, pa respektuar protokollin e sigurisë për pandeminë!!! Pasi ka rezultuar pozitiv nga testi që i është kryer është dërguar në Tiranë. Denoncimi vjen nga personeli shëndetësor i shqetësuar për vete, për pacientët e shtruar në këtë spital, 8 të tillë, si dhe për pacientë të tjerë që vazhdojnë të paraqiten sipas nevojës. Asnjë karantinim nuk është realizuar dhe nuk ka transparencë për numrin e tamponëve të kryer!!!

Pra neglizhenca skandaloze e mosrespektimi i protokollit të sigurisë e kthen këtë spital të vatër infeksioni dhe as nuk u vihet veshi personelit shëndetësor, as merren masa mbrojtëse e parandaluese, por fshihet si informacion, që do sillte minimumi një kujdes të shtuar nga pacientët, që vazhdojnë t’i drejtohen spitalit të Pukës.

Ministria e Shëndetësisë po provohet se është përgjegjësja kryesore e numrave në rritje të infektimeve, pasi janë institucionet shëndetësore publike ato, që po kthehen në vatra infektimi njëra pas tjetrës!!! Dështimi bëhet spektakolar, kur qytetarët kanë sakrifikuar duke respektuar izolimin total, teksa kërcënoheshin me gjoba e burgosje.

Zonja ministre e Shëndetësisë, je direkt përgjegjëse për këtë situatë të pas hapjes! Militantizmi me të cilin ke infektuar edhe drejtues militantë të shëndetësisë, si në Pukë, të cilët bëjnë presion për të fshehur realitetin është skandaloz dhe kriminal! Po luan rëndë me sigurinë e shëndetin e njerëzve, sepse e para ti, nuk menaxhon dot respektimin e protokolleve në institucionet që ke në varësi! #Turp!

Ironia e nënkryetarit të PD, Edi Paloka me “turin” e maturës dhe listat e hapura pa koalicione

“Prite Zot, kur te dali Turi ndonje dite e te kerkoje lista te hapura, pa koalicione”!

Teksa maturantët janë të vendosur të vijojnë protestat e tyre, Ministria e Arsimit dhe Sportit, me anë të zëvendësministres Nina Guga, iu ka bërë thirrje që të lënë pas shqetësimet e ditëve të fundit dhe të përgatiten për provimet e ardhshme.

Sipas zv.ministres, problematikat e ngritura janë adresuar në QSHA, duke shtuar se së shpejti do të ketë analizë nga grup ekspertësh dhe njoftim publik për gjetjet.

Njoftimi:

MASR / Zëvendësministrja Nina Guga, thirrje maturantëve për t’u përgatitur për provimet e radhës dhe çliruar nga shqetësimet e ditëve të fundit

Guga: “Problematikat e ngritura, janë adresuar në QSHA. Së shpejti, analizë nga grup ekspertësh dhe njoftim publik për gjetjet” 

Zëvendësministrja e Arsimit, Sportit dhe Rinisë Znj. Nina Guga, e cila ndjek arsimin parauniversitar, i është adresuar me anë të një video-mesazhi maturantëve që ditët e fundit kanë protestuar mbi shqetësimet e ngritura në provimin e gjuhës shqipe dhe letërsisë të Maturës Shtetërore.

“Si një ish-drejtore gjimnazi që kam qenë shumë afër jush dhe kemi ndarë e zgjidhur bashkë situata të ndryshme dhe sot në cilësinë e zëvendësministres, ju siguroj se problematikat që ju keni sjellë në lidhje me testin janë adresuar në Qendrën e Shërbimeve Arsimore, e cila do të analizojë në grup ekspertësh dhe do të bëjë njoftim publik për gjetjet”, shprehet Znj. Guga.

Për sa i përket “cut-off”-it, Zëvendësministrja Guga nënvizon se ai nuk negociohet me nxënësit, por ka metoda që e përcaktojnë atë, duke shtuar se:

“Nëse testi rezulton të ketë qenë kaq i vështirë sa shumë nxënës nuk kanë arritur ta realizojnë, ky cut-off do të lëvizë për të gjithë. Por, siç ju ka shpjeguar Qendra e Shërbimeve Arsimore, kjo bëhet në fund, kur analizohen rezultatet”.

Në lidhje me provimin e radhës, matematikën, Guga cilëson se ai do të zgjasë 2 orë e 30 minuta, edhe pse koha e nevojshme është më pak se 2 orë. 

“Korrigjimi i testit në mënyrë digjitale është nje korrigjim jo-subjektiv dhe transparent që shmang çfarëdo gabimi të mundshëm dhe jep një rezultat më të shpejtë në kohë”, tha ndër të tjera Zëvendësministrja.

Në fund të video-mesazhit, Znj. Guga u bën thirrje dashamirëse të gjithë maturantëve që të shfrytëzojnë kohën për t’u përgatitur për provimet e radhës dhe të çlirohen nga shqetësimet e këtyre ditëve.

Teza e provimit të Gjuhë-Letërisë ishte një skadal i madh, çka bëri që maturantët të shpërthejnë në protesta.

Ndërkohë që lidhur me pyetjet ka patur reagime nga më të ndryshmet ku nuk kamë munguar as ironitë apo dhe batuta.

Lidhur me pyetjet ka ardhur dhe reagimi epik i aktorit të njohur Julian Deda, i cili shkruan: Çfarë bëri Turi kur mori vesh se ishte me Covid-19?

Postimi i aktori Julian Deda

Pyetje: Turi shkoi te spitalet per te vizituar nje shokun e tij, qe kishte operuar apendisitin. Gjate vizites aty, Turi u infektua me Covid19. Çfare beri Turi pasi e mori vesh?

1. a) Duke u perqendruar, Turi u perpoq te kujtonte kush mutin ja ngjiti?
2. b) Turi nuk e vuri ujin ne zjarr, sepse gjithsesi e dinte qe do infektonte edhe miqte e tij?
3. c) Turi u hodh nga dritarja e pare majtas e spitalit duke u bere direkt anetar i partise socialiste per merita te veçanta ne shoqeri?

Protesta e maturantëve do të vijojë edhe ditën e nesërme para Ministrisë së Arsimit. Pas dy ditëve rresht, nesër ata do të jenë sërish para Ministrisë së Arsimit, në ora 11:00, nën moton “Prano ose largohu”.

Maturantët kërkojnë rishikimin e testit të Gjuhës Shqipe dhe Letërsisë duke u shprehur të pakënaqur për nivelin e provimeve, ndaj edhe janë mbledhur para këtij institucioni, në pritje të një reagimi nga kjo e fundit.

Gjithashtu,  ata kanë kërkuar rivlerësim të testit dhe uljen e kufirit për notën 9 dhe 10. Kujtojmë se maturantët kanë bllokuar edhe rrugën e Durrësit. 

Nga ana tjetër, Ministria e Arsimit është e vendosur që provimi të mos përsëritet.

Gjatë ditës së sotme, përveç Tiranës, ka patur protesta edhe në Fier, Durrës dhe Shkodër.

Ashtu si bashkëmoshatarët e tyre në Tiranë, edhe maturantët e Shkodres dolën në protestë. Ata kundërshtojnë tezen e provimit të Gjuhës Shqipe dhe Letersisë, që sipas tyre ka patur pyetje jashtë kurrikulës për të cilën ishin përgatitur.

Pjesëmarrësit me pankartat në duar si dhe thirrjet turp për ministrinë, shfaqen revoltën e tyre.

Ata janë të gatshëm të bojkotojnë provimin e radhës të maturës nëse Ministria nuk tërhiqet për të plotësuar kërkesat e tyre.

“Një bojkotim i provimeve do të jetë më e mirë sesa protestat”, shprehet një prej maturanteve, raporton Ora.

Pranon zhgënjimin që pësoi kur pa pjesmarrjen dhe maturantia Dibra nuk përjashton faktin që të ketë patur presione.

Nga sheshi përpara bashkisë Shkoder ata marshuan deri në mjediset e zyrës arsimore, ku pankartat me mbishkrimet “A shpëtoi Turi”, “Odisea e provimeve tona”, “Ledjo anulloje provimin” etj duke i vendisur në kangjellat rrethuese.