Kryebashkiaku i emëruar i Gramshit, Klodian Taçe ka qenë në hetim pas një kallëzimi të bërë për vjedhje. Ka qenë viti 2009 kur Taçe është kallëzuar nga recepsionistja e një qendre private shëndetësore, e cila ka denoncuar vjedhjen e shumës 68 mijë lekëve të reja.

“Rreth orës 16:00 në klinikë kishin ardhur shtetasit Klodian Taçe dhe S.V, të cilët janë teknikë“, thuhet në kallëzim.

Megjithatë, prokuroria i ka pushuar hetimet ndaj dy shtetasve të paditur dhe Taçe nuk është dënuar.

Por faktin që ai ka qenë nën hetim, kryebashkiaku e ka fshehur në formularin e dekriminalizimit.

Taçe preket nga ligji për dekriminalizimin, ku sanksionohet qartë se edhe në rast të fshehjes së hetimit e jo vetëm dënimit, kryebashkiaku humbet mandatin.

Pas lajmit të publikuar në media, Taçe ka reaguar edhe në rrjetet sociale, ku e pranon ngjarjen në të cilën emri i tij është përfshirë dhe thekson:

“Nuk kam qenë kurrë as para një prokurori, as i ndaluar, as i arrestuar, as i dënuar“, thekson Taçe.

Maturantët kanë nisur sërish sot protestën, për të dytën ditë, para Ministrisë së Arsimit për rivlerësimin e provimit shtetëror të Gjuhë-Letërsisë, testi i të cilit sipas tyre nuk kishte lidhje em programin mësuimor dhe modelet e dhëna.

Protesta vazhdon, ndërkohë që Ministria dje deklaroi se, “teza e privimit kishte qene e hartuar siç duhej”.

Protestuesit mbajna pankarta në duar kundër minisres së Arsimit dhe kërkojnë ripërsëritjen e testit të Gjuhë-Letërsisë.

“Çfarë bëri Turi, se na iku truri”, ishte një nga memet më të goditura që sitgmatizonte testin absurd të Gjuhës dhe Letërsisë, në protestën e djeshme të maturantëve përpara Ministrisë së Arsimit. Jo vetëm “pyetja me Turin”, por edhe mjaft nga pyetjet e tjera, sipas maturantëve ishin përgatitur në mënyrë subjektive nga hartuesit.

Ditën e djeshme qindra maturantë kanë protestuar përpara ministrisë së Arsimit Matur një ditë pas provimit të Gjuhë-Letërsisë, duke akuzuar se teza ishte absurde, e vështirë dhe ndërtuar jashtë programit. Pas kësaj protesta ka pasur edhe një reagim nga ana e ministres së arsimit Besa Shahini, e cila e ka cilësuar protestën e maturantëve si “politike” duke lënë për të kuptuar edhe se është nxitur nga opozita. Mes reagimeve të shumta për këtë reagim të paprecedentë të ministres, spikat edhe ai i Aleksias, vajzës së deputetit dhe ish-zv/kryeministrit Niko Peleshi.

Duke qenë edhe vetë maturante dhe “viktimë” e këtij testi që maturantët e kanë cilësuar si “për alienë”, Akeksia i shkruan ministres se revolta e tyre nuk ka të bëjë aspak me politikë dhe opozitarizëm, por thjesht me një provim të hartuar në mënyrë jo dinjitoze.

Letra e plotë e Aleksia Peleshit

E nderuar znj. Ministre.

Pasi lexova përgjigjen tuaj, më lejoni t’ju siguroj se revolta e maturantëve nuk është një lëvizje opozitare. Është e lehtë që të trajtohet si çështje politike dhe të injorohet sepse shihet si një justifikim më tepër i opozitës për t’u hedhur në sulm. Por nuk bëhet fjalë për këtë. Nëse ne po protestojmë sot, nuk na ka nxitur askush përveç mundit tonë trevjeçar për të arritur synime të larta, që po na hidhet poshtë nga një provim i hartuar në një mënyrë aspak dinjitoze që po penalizon jo 5, 10 apo 100 maturantë, por 30 mijë.

30 mijë maturantë që kemi kaluar një vit shkollor plot peripeci, duke filluar nga tërmeti deri te pandemia. Një vit ku si ne, si mësuesit tanë, ndryshe nga çdo brez i mëparshëm, jemi shkëputur vazhdimisht nga shkolla, jemi perballur me situata tronditese e per muaj me radhe s’kemi pasur askend te koka vec vullnetit qo na nevojitej per te bëre me te miren ne kater provime qe jane vendimtare per te ardhmen tone.

Logjikisht shpresonim që, shumica e shteteve evropiane, provimet e matures te na anulloheshin dhe notat të na llogariteshin me mesatare, por edhe pse kjo nuk ndodhi, nuk bëmë zë dhe vazhduam përgatitjen me sforco. Na u tha se do të kishte lehtesime, nderkohe na u dyfishua numri i pyetjeve, na u shkurtua afati kohor dhe na u ngushtua kufiri i pikeve midis notave. E megjithate, perseri nuk bëmë zë. Por kur ne fund na jepet nje provim i nje niveli veshtiresie te pajustifikuar edhe ne nje situate normale, jashte programit te cilit kemi punuar, me pyetje te formuluara ne menyre absurde dhe me alternativa pergjigjesh tejet subjektive, atehere nuk mund te qendrojme me pa bere ze.

Jo, nuk po protestojme thjesht per “provimet e veshtira”, po protestojme sepse ndihemi sikur po talleni me djersen tone. Nje note e ulet provimi per hartuesit e tezave tona, (që meqë ra fjala, ende s’na e kanë shuar kureshtjen se çfarë bëri Turi me barkën), mund të mos jetë asgjë, por për ne është një derë me shume e mbyllur. Nje dere qe nuk na e hapin dot ne as opozitaret, e as forumet politike. Nuk po kerkojme as notat e as diplomat fallco te qeverise se meparshme, po kerkojme vetem te mos trajtohemi si brez eksperimental kur ne loje eshte e ardhmja jone. Uroj qe dy provimet ne vijim, te pakten, mos te rezultojne ne studente te deshperuar per tre vite arsimi te hedhura ne kosh.

Nga Sali BERISHA

Edvin Kristaq Gënjeshtra përdori armën më të keqe, më amorale të njeriut, pabesinë, për të goditur në provimin e Maturës Shtetërore, duke iu ulur sa më shumë notën dhe për të mbyllur kështu dyert e universiteteve të vendit për dhjetëramijëra maturantë.
Në këtë provim, për realizimin e këtij qëllimi çnjerëzor dhe antikombëtar, u shkelën pabesisht rregulloret e shpallura për provimin e Gjuhës dhe Letërsisë.

Po me qëllimin e vetëm që të ulen në maksimum shanset e suksesit, u zgjodhën kurthe të tjera me kuptime falso fjalësh, u shmangën provat paraprake dhe një pjesë e mirë e nxënësve u përjashtuan nga mundësia e ndjekjes së mësimeve online, sepse interneti falas i Edvinit ishte vetëm gënjeshtra e tij e radhës.

Edvin Kristaq Xhahili i ka shpallur luftë rinisë shqiptare. Ai do t’ju shkatërrojë atyre me çdo kusht ëndrrën më të bukur, atë universitare dhe në zbatim të platformës së Çubrilloviçit, t’i detyrojë ata të largohen sa më shumë nga Shqipëria.

Duke dënuar me ashpërsinë më të madhe këtë qëndrim çnjerëzor dhe antikombëtar të Zografit bis dhe mbështetur plotësisht kërkesat e maturantëve të prerë në besë nga Ndrikull Pabesia me urdhër të bosit të saj, kërkoj plotësimin e menjëhershëm të tyre.

Këtu më poshtë keni mesazhin prekës të një maturanti dixhital.

Përshëndetje.

Mendoj se jeni në dijeni për atë çfarë iu është bërë maturantëve dje, çdo gjë jashtë formatit ku ne jemi mësuar të kemi provime, për më tepër zonja ministre është shprehur që do të kishte lehtësira dhe fut në provim autorin më të vështirë për t’u analizuar.

Nuk është pak për të thënë që hajt se veç 1 provim është, ai provim dje më dogji ëndrrën për shkollën e lartë, gjithmonë ëndërroja për mjekësinë, mesatare 9.83 dhe vetëm lëndët shoqërore e Gjuha e huaj e dytë më kanë ulur nga 10.00 .

Provimi i djeshëm më hodhi poshtë jo vetëm mua, po gjithe maturantëve në Shqipëri, punën e 12 vjetëve.

Po na detyrojnë të largohemi nga vendi, të lëmë familjen e jetën këtu vetëm se janë të papërgjegjshëm.

Ministrja duhet ta dijë dhe të jetë e ndërgjegjshme se as 10% e mësuesve të letërsisë që ka, nuk ia del dot me atë test.

Shkolla “Janaq Kilica”, shkolla më me traditë në Fier, e shumëpëlqyer nga nxënës dhe prindër të tyre, tashmë është kthyer në shkollën e skandaleve dhe të padrejtësive.

U be e famshme me helmimin e nxenesve, para disa muajsh, per disa dite rreshte, duke nderprere mesimin dhe duke bllokuar spitalin me femije te shtruar me urgjence.
Minister Shahini, pa pike turpi dhe me injorancen qe e karakterizon, akuzoi opoziten dhe ne deputetet e PD ne Fier, per inskenim dhe organizim te ketyre veprimeve, na premtoi se se shpejti, hetimet do te nxirrnin ne shesh, pergjegjesit, por e harroi dhe asgje nuk na tregoi, e hengri nga goja, turpin me buke

Tashme ne kete shkolle po ndodh komedia dhe padrejtesia e radhes. Drejtuesit e shkolles ne kordinim perfekt me drejtorine arsimore dhe ministrine e arsimit, po bejne gati skenarin, per hakmarrje ndaj mesuesve, qe nuk jane pjese e rilindjes dhe qe kritikojne, dhe denoncojne veprimet abuzive te drejtuesve.

Per me shume po ve ne dispozicion, LETER ANKESEN e mesuesve te shkolles “Janaq Kilica” drejtuar drejtuesve te arsimit, me kerkesen e tyre per ta bere publike, pasi siç ndodh gjithmone, pushteti i korruptuar i rilindjes, ndalon çdo publikim dhe mban ne terr informativ, çdo shqetesim dhe problem, qe diskrediton dhe nxjerr ne pah, fytyren e vertet te rilindjes se Ramisteve.

“LETER ANKESA”

ANKESË
DREJTUAR: DREJTORIT TË DREJTORISË SË PËRGJITHSHME TË ARSIMIT PARAUNIVERSITAR, TIRANË, ZOTIT SELMAN HODAJ

PËR DIJENI: MINISTRES SË ARSIMIT, ZONJA BESA SHAHINI

KRYETARIT TË KËSHILLIT TË MINISTRAVE, ZOTIT EDI RAMA

I Nderuar Zoti Hodaj,
Në Gjimnazin “Janaq Kilica”, Fier, ditën e premte, datë 5 qershor 2020, është zhvilluar një mbledhje e drejtorisë së shkollës me këshillin e mësuesve, në të cilën drejtoresha e shkollës, zonja Fereniqi Fuli u ka paraqitur mësuesve planifikimin për numrin e klasave dhe normave mësimore për vitin shkollor 2020-2021. Në parashikimin e bërë, drejtoresha komunikoi se për vitin që vjen do të ketë më pak regjistrime të nxënësve në shkollë dhe për rrjedhojë do të mbyllen disa klasa. Nisur nga kjo, drejtoresha u komunikoi mësuesve se do të niste vlerësimi i dosjeve të mësuesve për çdo ekip lëndor, si procedurë për largimin nga puna të mësuesve që dalin tepër.

Një vendim i tillë i drejtorisë së shkollës ka sjellë reagimin e mësuesve, të cilët kanë shprehur mospranimin e tyre dhe e kanë paraqitur shqetësimin në ZVAP Fier .
I nderuar Zoti Hodaj,

Ne mësuesit e Gjimnazit “Janaq Kilica” Fier , paraqesim objeksionet tona për mbylljen e klasave si më poshtë:

-Gjimnazi “Janaq Kilica” funksionon me dy godina bashkëkohore dhe ka mjedise të mjaftueshme për zhvillimin e mësimit.

-Gjimnazi “Janaq Kilica” është shkolla e mesme më me traditë në Fier, e ndodhur në qendër të Fierit, me rezultate dhe arritje të shkëlqyera ndër vite dhe si e tillë ka qenë gjithmonë e parapëlqyer prej nxënësve dhe ka pasur rritje të regjistrimeve nga viti në vit.
Ndaj, ne e gjykojmë si të qëllimshëm vendimin e zonjës Fuli për mbylljen e klasave për të larguar mësues nga puna.

Ju vëmë në dijeni se shqetësimi i paraqitur më lart është vetëm një nga problemet e shumta që ka shkolla jonë që nga moment i ardhjes së zonjës Fuli si drejtore në dhjetor 2019.

– Klima e krijuar në shkollë është jomiqësore, jobashkëpunuese. Drejtoresha ushtron autoritetin e saj duke tejkaluar kompetencat. Nuk respekton figurën e mësuesit, përdor ironi dhe përgjigjet me cinizëm ndaj ankesave të mësuesve.

– Nuk u kthen përgjigje ankesave të bëra me gojë apo shkrim prej mësuesve .

– Bën kontrolle në orët e mësimit të papritura dhe rastësore, pa afishuar në këndin e mësuesit planifikimin e vëzhgimeve dhe grafikun përkatës.

– Vendimet që merr nuk i diskuton dhe nuk miratohen në Këshillin e Mësuesve.

– Ka detyruar zhvillimin e mësimit në klasa shumë të vogla, jashtë kritereve të përcaktuara, sepse kërkon të mbledhë gjithë shkollën në një godinë të vetme, pasi kështu mendon se e kontrollon më mirë.

– Në muajin mars 2020 në shkollën tonë pati incidente, si pasojë e të cilave u helmuan nxënës dhe mësues; e për këto nuk u zhvillua asnjë mbledhje me Këshillin e Mësuesve për të analizuar shkaqet dhe për të marrë bashkarisht masa për mbarëvajtjen e një procesi mësimor normal. Madje, është kërkuar prej mësuesve të caktuar një mbledhje për të sqaruar situatën, por drejtoresha nuk ka pranuar.

Për sa më sipër, ne mësuesit e Gjimnazit “Janaq Kilica” kërkojmë largimin e drejtores Zonjës Fereniqi Fuli, për arsye se drejtimi i saj ka cënuar klimën e përgjithshme të komunikimit në shkollë, ka sjellë mungesë bashkëpunimi drejtues – mësues dhe ka krijuar pasiguri përmes presioneve për largime të mësuesve nga puna.

Duke shpresuar në mirëkuptimin tuaj,

Me respekt,
Mësuesit e Gjimnazit “Janaq Kilica”, Fier