“Duke qenë se vendi është në krizë funksionale është e rëndësishme të shkohet sa më parë në zgjedhje të gjithëpranuara”. Kështu deklaroi Presidenti i Republikës Ilir Meta në komunikimin e përjavshëm me gazetarët.

Kreu i shtetit, duke iu referuar negociatave për reformën zgjedhore dhe ankesave të opozitës parlamentare, tha se nuk ka dyshim se supermaxhoranca aktuale nuk i ka votat e duhura për të bërë ndryshime të mira por puna është se duhen qëllime të mira.

Ai komentoi dhe qëndrimin e ambasadorëve për të cilin tha se roli pozitiv është i mirëpritur gjithmonë.

“Nuk besoj se dikush ka ndonjë dyshim se supermaxhoranca aktuale nuk i ka votat e duhura për të bërë ndryshime të mira, puna është se duhen qëllime të mira. Padyshim që sa më gjithëpërfshirës të jetë produkti aq më pozitive është për gjithë. Fakti që u shty kaq kohë reforma zgjedhore tregon mungesën e vullnetit.

Duke qenë se vendi është në krizë funksionale përfshirë dhe Kuvendi që ka probleme me përcaktimet kushtetuese është e rëndësishme të shkohet sa më parë në zgjedhje të gjithëpranuara për t’i dhënë mundësi të gjithëve të votohen dhe verifikohen nga qytetarët. Më pas shumë çështje të ndryshme duhet të adresohen por duhet të jenë në institucionet e duhura. Kemi ngelur akoma me sa duket në detaje që kanë të bëjnë me numërimin dhe çështje që nuk duhet të ekzistonin. Roli pozitiv i ndërkombëtarëve ka qenë dhe është i mirëpritur gjithmonë.

Unë mendoj se të gjithë ambasadorët e vendeve të BE-së kanë të drejtën e tyre legjitime të shprehen për çdo cenim të marrëveshjes së Asociim-Stabilizimit të nënshkruar gati një dekadë më parë. Do ishte shumë mirë që çdo ambasador i BE-së sa herë ë shikonte një shkelje të MAS ta denonconte publikisht. Përpjekjet e tyre pozitive duhen vlerësuar, si të ambasadorit të BE, si të SHBA si ambasadorit europian dhe atlantik të Britanisë së Madhe”, deklaroi Meta.

Operacioni i Forcës së Ligjit i ka kërkuar deklarimin e pasurisë edhe shtetasit Gëzim Çelaj, i cili është një personazh i njohur i botës së krímit në vendin tonë. Përpara 1997-ës, Çela ka qenë oficer i Forcave Speciale, ndërsa më pas iu fut botës së krímit, dhe u shndërrua në një nga tráfikantët më të mëdhenj në vendin tonë.

Çelaj është i njohur si “bosi i tráfikut të drògës” që vinte nga Turqia, përmes Bullgarisë, Maqedonisë e Shqipërisë, drejt Kosovës dhe vendeve Perëndimore. Në vitin 2015, Çela ákuzohej për tráfik ndërkombëtar kòkaine. Në vilën e tij në Fushë Kuqe u gjet një sasi prej 18 kg kòkainë.

Në qershor të vitit 2014 policia shqiptare dhe ajo kosovare shkatërroi një grup të strukturuar kríminal, i cili tráfikonte dròga të forta nga Turqia drej Europës Perëndimore, përmes edhe territorit shqiptar. Në pikën kufitare të Morinit në Kukës u árrestua shtetasi, Erald Hysolli, me 7 kilogramë kòkainë. Ai luante rolin e korrierit të drògës që kishte marrë në Prishtinë. Në të njëtën kohë në Prishtinë u árrestuan në flagrancë 3 persona, si u sekuestruan 50 kilogramë kòkainë dhe heroinë.

Kurse gjatë kontrolleve të ushtruara në shtëpinë e Gezim Çelës në Fushë Kuqe të Mamurrasit, u gjetën 18 kiliogramë heroinë, 150 kilogramë kanabis sativa. Si dhe u sekuestruan 9 armë, 3 snajpera, granata dhe makina të blinduara. Gëzim Çela i shpallur në kërkim dhe u lirua nga gjykata shqiptare me argumentit se ai vuante nga një sëmundje e rëndë. Më pas ai u árrestua se kishte falsifikuar kartelën mjekësore dhe u la në “árrest shtëpie”. Por kur policia ka rrethuar shtëpinë e Çelës në Mamurras ai nuk ishte.

Kur mbërrinte në Shqipëri dròga dërgohej në shtëpinë e Gëzim Çelës, në Fushe Kuqe. Nga ku kishte si destinacion final vendet e Perëndimit. Gjatë kontrollit në shtëpinë e Çelës, policia ka mundur të sekuestrojë 20 bidona açeton dhe 500 litra perzierës. Çela e kishte shndërruar vilën e familjes në laborator për përzierjen e drògës. Çela u shpall në kërkim si kreu i këtij rrjeti të tráfikut të drògës. Për Çelën ekziston një dënim nga gjykatat italiane me 11 vite bùrg dhe 150 mijë euro gjobë, për tráfik droge.

Ish-Kryeministri Sali Berisha ka reaguar pas ekzekutimit të dy vëllezërve Gramoz dhe Xhontil Bardhi, mbrëmjen e djeshme në Krujë.

Ndërsa i shpreh ngushëllimet familjes për këtë ngjarje të rëndë, ish-kryeministri Berisha nëpërmjet një shënimi në Facebook dënon me ashpërsinë më të madhe edhe hedhjen në erë të një lokali në Vlorë.

Berisha shkruan se sot rendi dhe siguria janë në dorë të bandave dhe krimit të lidhur me pushtetin.

Postimi i plotë i ish-Kryeministrit Berisha

Rendi ne duart e krimit!

Naten qe kaloi u ekzekutuan dy vellezer e Kruje, kurse ne Vlore tritoli i radhes u hodh ne ere nje lokal.

Shpreh ngushellime familjes per humbjen e dy djemve te saj, denoj me ashpersine me te madhe krimin si dhe hedhjen ne ere te lokalit ne Vlore si deshmi tjeter e radhes se ne Shqiperi rendi, siguria, jeta e qytetareve jane ne dore te bandave dhe krimit te lidhur direkt me narkokreun e narkoshtetit dhe narkoqeveritaret e tjere. sb

Presidenti Ilir Meta, në një deklaratë për mediat ka komentuar tentativën e mazhorancës për t’i rrëmbyer kompetencat në emërimin e kreut të KLSH-së.

“Nuk do të lejoj që të bëhet presion politik për këtë çështje. Dje i kam kërkuar kreut të KLSH-së që të qendrojë në lartësinë e detyrës deri në zgjedhjen e kryetarit të ri dhe në respekt të Kushtetutës. E ftoj Kuvendin që të votojë kandidaturën që kam propozuar, pasi është një njohës shumë i mirë i legjislacionit,  dhe e bëjnë atë një kandidat shumë të mirë për kreun e KLSH”, tha Meta.

Presidenti Meta ka komentuar dhe kthimin e ligjit për Eurobondin në Kuvend, pasi sipas tij nuk ishte i konsultuar me aktorët e nevojshëm.

“Këtë javë ktheva ligjin për shërbimet e pagesave. Shpresoj që Kuvendi të reflektojë. Këtë javë patëm një komunikim me Kuvendin për emetimin e eurobondit të ri. Shuma dhe nxitimi pa u konsultuar me të gjithë aktorët më detyruan që të jepja pëlqimin për hyrjen në fuqi menjëherë. Kreut të KLSH-së i kërkova që të mos i bindet asnjë urdhri apo akti që mund të cenojë këtë institucion. Kuvendi të gjykojë me objektivitet kandidaturën”.

Policia ka publikuar detaje nga operacioni “blic” për arrestimin e Ervis Dakës në Elbasan.

Sipas policisë, në shtëpinë e të riut janë kapur tre armë zjarri, specifikisht dy pistoleta, njëra me silenciator dhe një automatik tip kallashnikov.

Krahas armëve, në shtëpinë e Dakës është kapur një sasi municionesh si edhe një jelek anti-plumb.

“Në kuadër të operacionit, gjatë kontrollit të ushtruar në banesën e shtetasit E. D. 33 vjeç, banues në lagjen Shënkoll, Elbasan, Policia gjeti dhe sekuestroi një arsenal armësh, konkretisht: një kallashnikov, dy pistoleta (njëra prej tyre me silenciator ), 170 fishekë dhe një jelek antiplumb. Gjithashtu, në cilësinë e provës materiale u sekuestruan dy automjete dhe dy telefona celularë”, bën me dije policia.

Kjo e fundit dyshon se armët janë përdorur në ngjarje kriminale dhe pritet bërja e ekspertizës për të vërtetuar apo hedhur poshtë dyshimet e policisë.

Njoftimi i plotë

Finalizohet operacioni policor i koduar “Shënkoll”.

Operacioni nga Drejtoria Vendore e Policisë Elbasan dhe Forcat Speciale RENEA, për goditjen e veprimtarisë kriminale të armëmbajtjes pa leje.

Sekuestrohen tri armë zjarri, silenciator, municion luftarak dhe jelek antiplumb.

Vihet në pranga 1 person me precedent të theksuar kriminal në fushën e armëmbajtjes pa leje dhe krimeve ndaj personit.

Në kuadër të zbatimit të planit të masave për kontrollin e personave me precedent dhe të dyshuar për armëmbajtje pa leje, bazuar edhe në informacionet e marra në rrugë operative, strukturat e DVP Elbasan, në bashkëpunim me Forcat Speciale RENEA, organizuan dhe finalizuan me sukses operacionin policor të koduar “Shënkoll”.

Në kuadër të operacionit, gjatë kontrollit të ushtruar në banesën e shtetasit E. D. 33 vjeç, banues në lagjen Shënkoll, Elbasan, Policia gjeti dhe sekuestroi një arsenal armësh, konkretisht: një kallashnikov, dy pistoleta (njëra prej tyre me silenciator ), 170 fishekë dhe një jelek antiplumb.

Gjithashtu, në cilësinë e provës materiale u sekuestruan dy automjete dhe dy telefona celularë.

Në përfundim të veprimeve u bë arrestimi në flagrancë i shtetasit E. D., për veprën penale “Armëmbajtja pa leje”.

Materialet do t’i kalojnë Prokurorisë së Rrethit Gjyqësor Elbasan, për veprime të mëtejshme. /abcnews.al