Mjeku i njohur Gëzim Xhepa i konsideron absurde masat që po mbahen në fuqi nga qeveria, duke izoluar njerëzit.

Madje Xhepa i është drejtuar me një pyetje fizikantëve, lidhur me rrezikshmërinë e virusit, bazuar në ligjin e 3-të të Njutonit.

“A është reaksion normal njutonian të bllokosh zemrën e vitalitetit të një vendi prej 2 muajsh, të vijosh me masa agresive bllokuese, kur 4 javët e fundit në popullatë target (të kontaktit të drejtpërdrejtë me virusin, në rrethin e ngushtë familjar, social, apo profesional, ku nuk ndihmojnë dot masat shtërnguese) rezultojmë me rreth 5% të infektuar…!!!”, shkruan Xhepa.

Postimi i plotë

NË KËRKIM TË GJERMANIT TË FUNDIT
Kur ne komuniteti mjekësor po analizojmë COVID-in e parë dhe gjermanin e fundit, me gjysmën e popullsisë së vendit (me banim në zonën e kuqe) në izolim thuajse të plotë dhe asfiksi sociale, ekonomike dhe shëndetësore prej dy muajsh, një pyetje fizikanëve: mbështetur në Ligjin III të Njutonit, sa i rrezikshëm është një virus që arrin të shfaqë sëmundje vetëm në moshën e tretë dhe në popullatë me imunitet deficitar, që të sëmurët janë vetëm në 10% të të infektuarve, që shkakton vdekje vetëm në 10% të atyre që sëmur…?!!!

A është reaksion normal njutonian të bllokosh zemrën e vitalitetit të një vendi prej 2 muajsh, të vijosh me masa agresive bllokuese, kur 4 javët e fundit në popullatë target (të kontaktit të drejtpërdrejtë me virusin, në rrethin e ngushtë familjar, social, apo profesional, ku nuk ndihmojnë dot masat shtërnguese) rezultojmë me rreth 5% të infektuar…!!!

Është ndarë nga jeta akademiku Gudar Beqiraj, i cili ka mbajtur dhe postin e kreut të Akademisë së Shkencave, dhe ka qenë pedagogë në disa universitete të vendit. Lajmi për ndarjen e tij nga jeta u dha nga Nënkryetari i Akademisë së Shkencave Vasil Tole, i cili njoftoi në rrjetet sociale se Beqiraj u nda nga jeta pikërisht në datën e lindjes së tij.

“Sot u nda nga ne miku dhe akademiku Gudar Beqiraj! Zgjodhi të ikte në ditën që lindi, si për ta kujtuar vetëm 1 herë në gëzim, e jo ndryshe! I paharruar do të jesh miku ynë, që e filloje ditën me fjalët: “Ç’farë të mire do të bëjmë sot”?

Familja humbi njeriun e saj të shtrenjtë, Akademia e Shkencave kolegun dhe akademikun e përkushtuar, bota e sportit shqiptar një sportist dhe dashamirës të madh të saj, dhe ne mikun tonë zemërgjerë, si ai.”

Lajmin po ashtu e përcolli edhe gazetari i njohur Dëfrim methasani: “E pabesueshme por e vërtetë. Mëngjesi i 11 majit, rezervoi një lajm të trishtë dhe të dhimbshëm. U nda nga jeta Prof Gudar Beqiraj, akademiku i njohur dhe njeriu me shumë detyra dhe kontribute në shkencën informatike dhe në sportin e peshëngritjes. Në moshën 72, ai iku nxitimthi nga kjo jetë, duke pikëlluar familjen dhe të gjithë miqtë e shumtë të tij. U prehsh në paqë babaxhan. Ike vërtet fizikisht, por mbetesh shpirtërisht dhe përjetësisht…!”

Gudar Beqiraj, ka mbaruar studimet në Universitetin e Tiranës, Fakulteti i Shkencave të Natyrës, Departamenti i Matematikës. Është specializuar në Gjeostatistikë pranë Qendrës së Gjeostatistikës në Fontainbleau, Francë si dhe në metodat e informatikës së aplikuar në Gjeofizikë në Universitetin Paris VI, Francë. Në 1992 ka kryer punë shkencore pranë Universitetit “La Sapienza”, Romë, Itali. Në vitin 1994 merr titullin “Profesor”, dhënë nga Këshilli i Lartë i Atestimit të Komitetit të Shkencës dhe Teknologjisë. Në vitin 2003 i akoedohet titulli “Akademik”, dhënë nga Akademia e Shkencave e Shqipërisë, Në 2012 është bërë anëtar i Akademisë Europiane të Shkencave dhe Arteve.

Kontributi i tij shkencor përfshin: Pjesëmarrjen në Kongresin e III Botëror të Gjeostatistikës, Avignon, Francë (1987). Anëtar i Komisionit të Vlerësimit për mbrojtje doktorature në Fontainebleau, Francë (1988). Pjesëmarrës në Simpoziumin Ndërkombëtar për zbatimin e metodave matematikore në Gjeologji-Miniera, Pribram, Çekosllovaki (1989). Pjesëmarrës në Simpoziumin CODATA, Leeds, UK (1990). Pjesëmarrës në Simpoziumin Ndërkombëtar për zbatimin e metodave matematikore në Gjeologji-Miniera. Prezantimi i vlerësuar me medalje argjendi. Pribram, Çekoslovaki (1991). Anëtar i Këshillit të Fakultetit të Ekonomisë – Universiteti i Tiranës. (2002-2007). Anëtar i Komisionit të Kualifikimit Shkencor pranë Ministrisë së Arsimit (2007).

Është realizues i algoritmeve dhe programeve të ndryshme në gjuhët e programimit: Algol, Paskal, Fortran, të aplikuara në fusha të ndryshme si gjeofizika, gjeologjia, bujqësia, nafta, mjekësia, etj.

Përvoja e tij profesionale është shumë e gjatë dhe e pasur. Në vitet 1971-2003 ka qënë matematikan në INIMA dhe në 1993 Drejtor i INIMA. Në vitet 2007-2009 Dekan i Fakultetit të Teknoligjisë së Informacionit në UPT dhe në 2009-2013 Kryetar i Akademisë së Shkencave të Shqipërisë. 2017-2018 Drejtor i Shkollës së Doktoratës, Universiteti Mesdhetar i Shqipërisë dhe në 2018 e në vazhdim Rektor i Universitetit Mesdhetar të Shqipërisë.

Ka një përvojë 45 vjeçare si pedagog i matematikës dhe i informatikës në Universitetet e Shqipërisë si dhe pedagog për sportin e peshëngritjes në Akademinë e Sporteve në vitet 80-të. Përveç kontributeve në fushën shkencore, ka kontribute edhe në aktivitete e fusha shoqërore.

Në 1982 Arbitër i kategorisë së parë ndërkombëtare në peshëngritje. 1992-2000 President i Federatës Shqiptare të Peshëngritjes. 1996-2000 Zëvendës President i Komiteti Olimpik Kombëtar Shqiptar. 1993-vazhdim Presidenti i Fondacionit Humanitar “Sue Ryder Care” Albania. 2004-vazhdim Anëtar i Bordit të Fondacionit Ndërkombëtar “Sue Ryder Care”.

2003-vazhdim President i Hospisit të parë në Shqipëri për të sëmurët terminal të diagnostikuar me kancer. 2008 Çmimi Personalitet i Vitit, akorduar nga Bashkia e Tiranës, 2016 Medalje e Artë për kontributin 50 vjeçar në sportin botëror të peshëngritjes, nga Federata Botërore e Peshëngritjes.

Taksitstët e Tiranës janë ngritur në protestë pasi rrezikojnë të mbeten pa një vendqëndrimi. Sot bashkia e Tiranës i ka vendosur kangjellat e hekurit duke e kthyer në një korsi biçikletash në rrugën “Ibrahim Rugova”.

Shoferët janë larguar pa asnjë njoftim paraprak nga ana e bashkisë për punimet që do të bëheshin, ata janë të shqetsuar se do të mbesin pa punë.

”Ne pa na lajmëruar për asgjë, vijmë në punë në mëngjes si gjithmonë, vetëm kur shofim kangjellat e vendosura në mënyrë që ne mos të futemi në korsinë për të punuar me taksi.

Këto thonë do të bëjmë korsi biçikletash, por unë me këtë taksi mbaj familjen jemi të detyruar të mbajmë familjen. E kishin bllokuar, nuk kemi as shpjegim asgjë. Ku do të shkojmë jemi 3000 taksistë”, u shprehën taksistët.

Emisioni Abc-ja e mëngjesit ka vënë përballë dy deklarata kontradiktore që nxjerrin në pah një tjetër “lapsus” të kryeministrit Edi Rama.

Në konferencën e përbashkët me ambasadorin e BE në Shqipëri të mbajtur të shtunën, Rama iu referua shembullit të Koresë së Jugut për frenim të hapjes së masave, ku deklaroi se ky vend mbylli baret dhe restorantet pasi pati një kërcim të rasteve të infeksionit.

“Kam parë se si në Korenë e Jugut janë rimbyllur të gjitha baret dhe restorantet sepse pas hapjes së tyre ka pasur një kërcim të frikshëm të numrave”, u shpreh Rama.

Në një lidhje me gazetarin Enkel Demi, Emanuel Rakipllari mësues në Seul të Koresë së Jugut i cili qëndronte pikërisht në një bar-kafe pas përfundimit të punës, e hodhi poshtë këtë deklaratë të kryeministrit.

Ai tha se baret dhe restorantet nuk janë mbyllur, por shtoi se përkohësisht është ndaluar frekuentimi i clubeve, për shkak se siç tha ai të rinjtë nuk tregohen të bindur për të ruajtur masat ndaj koronavirusit.

“Nuk është mbyllur asnjë bar dhe restorant. Janë mbyllur vetëm clubet e natës përkohësisht. Të gfjithë ata që shkojnë në disko duhet të lënë numrin e telefonit dhe adresën.

Janë 71 të infektuar deri tani, gjë që nuk ka shkaktuar panik, por duke pasur frikën e një shpërthimi u bë një frenim për ruajtje. Por rinia nuk dëgjon, kështu që u vendos mbyllja e clubeve.

Jeta vazhdon normalisht por vetëm që nuk shkojmë të nxjerrim stresin në disko. Jeta vazhdon normalisht dhe këtë javë do të jepet një konfirmim edhe për hapjen e shkollave”, tha Rakipllari./abcnews.al

Mjeku i njohur, Tritan Kalo iu ka bërë thirrje shqiptarëve që të tregojnë kujdes, pasi në vend kanë hyrë në fuqi masat e reja lehtësuese për COVID-19.

Dje ishte dita e 100, ku në vedn nis “lufta” me koronavirusin, ndërsa ai shprehet se duhet të respektojmë masat. Mjeku thekson se virusi “po ngordh” nga pak, ndërsa ai shigjeton “gjithologët” siç i quan.

“Zbatoni pa asnjë hezitim këshillat tona….Jeta do vijojë por në kushtet kur jo gjithçka mundet të jetë si më parë. Ju lutem, mos u shqetësoni apo brengosuni aspak për faktin se vëreni në TV, shtypin e shkruar apo në rrjetet shoqërore dukurinë se: Mirë që Covid-19 po “ngordh” pak-nga pak, por ç’dreqin kanë këta gjithollogët analistë, që nuk po na lënë rehat? Jeta e gjithkujt ndaj është e bukur të jetohet e përballesh me vështirësitë e saj, sepse ajo është mjaft e variueshme dhe në të përjetohen si gëzimet po ashtu edhe brengosjet që e përditëshmja i ofron asaj…Me mirëkuptim dhe me Mirëbesim reciprok, ne me siguri do ja dalim të fitojmë ndaj sfidës Covid-19!!!”, shprehet ai.

Mesazhi i mjekut Tritan Kalo

10.05.2020….dita e 100-të e punës në vijimësi, fillimisht asaj përgaditore dhe pas 8 Marsit 2020, ditës së konfirmimit zyrtar të 3 rasteve të para, në përballjen direkte me të sëmurët e hospitalizuar me Sars-Cov2/Covid-19….100 ditë të pa shkëputura nga njëra tjetra prej pauzave fundjavore…..Pas kontaktit që herët në mëngjes me të sëmurët vijon dita me një bisedë në sheshin para Urgjencës së Shërbimit Infektiv/Covid-1 me kolegët, kuptohet duke respektuar distancimin fizik

Puna në grup është kyçi i artë i suksesit në situata të tilla dhe jo vetëm…..Punonjësit e Rendit janë aty 24 orë rresht, që nga dita e parë dhe ata kurdoherë përkujdesen, për ruajtjen e rregullave të kuarantinimit të këtij objekti….kënaqësinë ditës ja shtoj dalja e Besnikut dhe rikthimi i tij në Shkodrën-loce.

Pacient shembullor në durimin dhe forcën e tij në përballjen jo pak sfiduese me këtë sëmundje, si dhe mjaft fisnik në mirënjohjen e shprehur ndaj përkujdesit tonë…Të shkuara mik! Bashkëkombas hapja e domosdoshme dhe graduale e vendit, rigjallëron si mendjet edhe energjitë tuaja fizike, i jep oksigjenim ekonomisë, ul papunësinë si dhe përmirëson gjendjen financiare të gjithkujt, POR kjo hapje shton edhe rrezikun e kontaktit me personat ende të infektuar asimptomatik me Sars-Cov2/Covid-19….KUJDES dhe vetëm kujdes.

Vijoni të respektoni veten dhe ata që gjallërojnë rreth jush. Zbatoni pa asnjë hezitim këshillat tona….Jeta do vijojë por në kushtet kur jo gjithçka mundet të jetë si më parë. Ju lutem, mos u shqetësoni apo brengosuni aspak për faktin se vëreni në TV, shtypin e shkruar apo në rrjetet shoqërore dukurinë se: Mirë që Covid-19 po “ngordh” pak-nga pak, por çdreqin kanë këta gjithollogët analistë, që nuk po na lënë rehat? Jeta e gjithkujt ndaj është e bukur të jetohet e përballesh me vështirësitë e saj, sepse ajo është mjaft e variueshme dhe në të përjetohen si gëzimet po ashtu edhe brengosjet që e përditëshmja i ofron asaj…Me mirëkuptim dhe me Mirëbesim reciprok, ne me siguri do ja dalim të fitojmë ndaj sfidës Covid-19!!!”

Hapja e plazhit për të gjithë pushuesit pritet të ndodhë në fund të Majit. Në një intervistë për Tv Klan, drejtoresha e Agjencisë Kombëtare të Turizmit, Kornelia Ferizaj thotë se në bashkëpunim me strukturat akomoduese edhe me subjektet e plazhit janë marrë masat për distancimin fizik.

Në plazhet ku çadrat do të jenë 3.5 metra larg njëra tjetrës do të jetë vrojtuesi i plazhit ai që do të merret me zbatueshmërinë e masave. Edhe në ujë pushuesit nuk do të lejohen më afër se 3.5 metra.

Në strukturat akomoduese, ushqimi nuk do të jetë me vetëshërbim, por çdo pushues do i serviret në dhomën e hotelit.

Ndërsa koordinatori shëndetësor do të merret me matjen e temperaturës në mëngjes dhe darkë për turistët e hotelit.