COVID-19 prek edhe spitalet private. Burime për Dosja.al bëjnë me dije se nga 21 rastet e konfirmuara me koronavirus përgjatë 24 orëve të fundit, 8 prej tyre janë personel shëndetësor. 6 prej tyre janë punonjës së Qendrës Shëndetësore nr.9 në Tiranë, 1 punonjës tek Klinika e Specialiteteve numër 2. dhe 1 është punonjës i një spitali Privat.

Gjithashtu, po të njëjtat burime bëjnë me dije se 2 punonjës administrate, një në shtet dhe një në privat janë të infektuar. Nga zonat rurale tashmë COVID-19 po qarkullon në zemër të Tiranë, ku siç sqarojnë burimet shpërndarja gjeografike në Tiranë është si vijon:

Astir, Rr. Kavajës, Vasil Shanto, Kamëz, pranë mozaikut të Tiranës, ish-stacioni Trenit, Komuna e Parisit, Brryli, Babrru, Tiranë E Re, hotel Mondial, Don Bosko, Vaqarr, rr.Andon Z. Cajupi, rr.Elbasanit, rr. Kastriotët, pranë Policisë Bashkiake.

Për më shumë bëhu pjesë e grupit më viral në Facebook, Dosja.al
Sakaq numri i të infektuarve në total, sot ka shkuar në 1164 dhe janë shëruar 891 pacientë. Harta e të prekurve është zgjeruar me 14 në Tiranë, 3 raste në Krujë, 1 në Durrës, 1 në Shkodër, 1 në Kamëz, 1 në Mallakastër.

Ish-Kryeministri Sali Berisha ka postuar në faqen e tij në Facebook mesazhin e një qytetari i cili i shkruan se, ‘kjo fundjava e Ramës në Paris me avionin shtetëror duhet pare më mirë ka qenë vetëm, duhen parë valixhet, pakot, bagazhet e shumta që u futen atë ditë në avion çfarë peshe ka pasur avioni punonjësit e aeroportit janë habitur me ato ngarkesa dhe hedhin shumë dyshime mbi ngarkesat të cilat sipas tyre bënin të dyshohej se ishin të mbushura me para”.

Postimi i plotë i ish-Kryeministrit Berisha

Edvini dyshohet se transportoi Kesh!

Dyshime të rënda për udhëtimin enigmatik privat me avionin qeveritar të Edvinit në Paris!

Ngrihen dyshime se transportoi baule të mëdha me euro e dollar!?

Lexoni mesazhin e qytetarit dixhital. Sb

Përshendetje doktor jam punonjës në aeroportin e Rinasit kjo fundjava e Ramës në Paris me avionin shtetror duhet par me mirë ka qenë vetëm duhen parë valixhet pakot bagazhet e shumta që u futen atë ditë në avion çfarë peshe ka pasur avioni punonjësit e aeroportit janë habitur me ato ngarkesa dhe hedhin shumë dyshime mbi ngarkesat të cilat sipas tyre bënin të dyshohej se ishin të mbushura me para unë e shikoj shum të dyshimte atë xhiro për në Paris kamerat në aeroport jan funksjonale nji dyshim i imi faleminderit.

Kryeministri Edi Rama mori në mbrojtje drejtorin e diskredituar publikisht të Policisë së Shtetit, Ardi Veliu.

Rama, që nxit dhunën në vend njësoj si Veliu, me videot që shpërndan, mbajti një qëndrim moralist, kur tha se, “familjet kanë përgjegjësi për mirëedukimin e brezave”.

“Ka gabuar, por jam më i prirur t’i besoj ndjesës së tij publike dhe sqarimit që ai dha, se sa moralistëve të këtij vendi. Është fare e qartë se nuk ishte një përpjekje për të justifikuar dhunën, sepse punonjësi i policisë për të cilin flitet është pezulluar menjëherë dhe është çuar në ndjekje penale. Ishte një përpjekje e keqshpjeguar, për të thënë që dhe familja ka përgjegjësinë dhe rolin e vet në mirëedukimin e brezit të ri

E thënë ashtu, ishte gabim, por preferoj ndjesën publike të tij dhe shpjegimet e dhëna prej tij, dhe duke e njohur për shkak të punës dhe duke e vlerësuar për integritetin moral të pavënë në diskutim deri më sot nga askush, dhe për profesionalizimin, çështja për mua është e mbyllur. Unë zgjedh drejtorin, nuk zgjedh ata, më vjen keq”, tha Rama.

Acarohet situata në Morinë. Njerëzit bëjnë presion për të hyrë në Kosovë, por policia e doganës së Kosovës i kthen mbrapsht. Disa persona paraqesin vërtetime se nuk janë të sëmurë, por dogana kërkon test anti Covid-19.

Policia e Doganës se Vërmicës sapo ndaloi dy persona të moshës rreh 25 vjeç për shkak të mosbindjes ndaj policisë. Ata janë ndaluar në doganën e Kosovës. Të dyja dogat ndodhen në të njëjtin vend paralel me njëra-tjetrën.

Borxhi publik arriti nivelin 66.7 për qind të Prodhimit të Brendshëm Bruto në tremujorin e parë të vitit 2020, duke u rritur me 0,9 pikë për qind në krahasim me fundin e vitit 2019.

Në vlerë neto borxhi publik është rritur me rreth 380 milionë euro. Në muajt në vijim borxhi publik do të rritet edhe më tej për shkak të efekteve të pandemisë. Në tremujorin e parë të vitit qeveria mori një hua prej 174 milionë eurosh nga Fondi Monetar Ndërkombëtar, teksa shtoi intensitetin e financimeve nga tregu i brendshëm.

Në një lidhje të drejtpërdrejtë me Euronews Albania, ish-ministri i Ekonomisë Arben Malaj tha se qeveria duhet të reagojë përmes politikave proaktive të kohezioni social, përmes paketave ekonomike të qarta që mbështesin jo vetëm individin, por në radhë të parë biznesin si mjeti që gjeneron zhvillim ekonomik.

“Risku më i madh nga pikëpamja sociale do të jetë rritja e papunësisë. Shqipërisë do t’i shtohen mbi 100 mijë të papunë, çka do të sjellë varfëri të mëtejshme në familjet shqiptare. Kjo përbën detyrim për politika të kohezionit social; të papunët duhet të marrin paga, familjet në nevojë duhet të marrin rregullisht ndihmën sociale.

Paketa ekonomike të qeverisë kanë qenë të paqarta. Ishin tre kolona ku duhej ndërhyrja e qeverisë: shëndetësia, që është menaxhuar mirë; kohezioni social, të papunët, familjet e varfra, ku duhen përfshirë edhe punonjësit informalë; biznesi, nga ai individual tek ato të mëdha.

Ka pasur lehtësi si ngrirja e detyrimeve të tatimeve dhe taksave, por na duhet një rritje ekonomike më e lartë dhe më e qëndrueshme dhe që prodhon punësim e lufton varfërinë”, tha z. Malaj.

Sipas z. Malaj, paketa e tretë e qeverisë duhet të ketë në fokus sektorët që ushqejnë rritjen ekonomike të vendit, siç është turizmi.

“Në kushtet normale Shqipëria ka 5 mln turistë që futen në ciklin ekonomik të vendit, mungesa e të cilëve do të sjellë pasoja negative edhe në sektorë të tjerë. Nga një raport që ka dalë pak më parë rezulton se qeveria gjermane ka lënë jashtë listës së vendeve që mund të vizitohen, Shqipërinë. Ky është një lajm i keq për vendin tonë, sidomos për turizmin.

Është thelbësore të ndihmohet turizmi, edhe pagesa në Rrugën e Kombit mund të mos aplikohet këtë vit për të lehtësuar ardhjen e turistëve nga Kosova”, tha ish-ministri i Ekonomisë.

BILD

Frika ishte e madhe, paralajmërimet e forta: nëse lehtësohen masat e koronavirusit, do të vijë vala e dytë!

Për sa kohë nuk do të ketë një vaksinë kundër epidemisë, “do ekzistojë gjithmonë rreziku i rikthimit apo valës së dytë”, paralajmëroi kryeministri bavarez, Markus Soeder më 30 prill.

POR: Masat u lehtësuan dhe vala e dytë nuk u bë realitet.

Që prej mesit të majit, baret, restorantet dhe palestrat u hapën në shtetet federale njëri pas tjetrit. Autobusët dhe trenat ishin plot. Gjithmonë e më shumë fëmijë nisën të shkojnë në shkollë. Por numri i rasteve aktive me korona ra nga 32 mijë në më pak se 10 mijë gjatë muajit të shkuar.

Si është e mundur?
Një faktor i rëndësishëm: maskat! Një studim i fundit në revistën e famshme ‘Science’ nënvizon efektshmërinë e maskës. ‘Të dhënat epidemiologjike tregojnë se vendet që kanë reduktuar në mënyrë efektive përhapjen e Covid-19, kanë implementuar maskat në mënyrë universale,’ thonë shkencëtarët nga SHBA dhe Tajvani.

E rëndësishme: Në mënyrë që numrat të mbeten të ulët, duhet të shmangen të ashtuquajturit ‘super-përhapës’. Aktivitetet e mëdha, ku një person i vetëm mund të infektojë qindra të tjerë. ‘Shumica e rasteve në mbarë botën, sidomos shumica e vdekjeve, kanë ndodhur në aktivitetet masive me super-përhapës,’ thotë virologu Hendrik Streeck.

Duhet theksuar: edhe pse numrat e koronës po bien, emergjenca e epidemisë aplikohet akoma në Gjermani. Kjo do të thotë se qeveria ka akoma shumë më tepër pushtet se përpara krizës së koronës.

Eksperti i sigurisë, Konstantin Kuhle, bën thirrje për të shpallur të përfunduar gjendjen e emergjencës kombëtare për epideminë. “Situata aktuale nuk i justifikon të drejtat speciale për qeverinë, të miratuara në parlament”, thotë ai.

Komisioneri për Zgjerimin e BE, Oliver Varhelyi ka reaguar sërish për reformën Zgjedhore në Shqipëri.

Përmes një mesazhi të shpërndarë në Twitter Varhelyi thotë se është thelbësore arritja e një marrëveshje mes palëve politike. Po sipas tij nëse humbet ky moment është për të ardhur keq.

“Unë i inkurajoj të gjitha palët, brenda dhe jashtë parlamentit, që përsëri të provojnë dhe të arrijnë një marrëveshje. Kjo është një reformë e rëndësishme që duhet të ofrohet do të ishte për të ardhur keq nëse humbej ky moment. Shpresoj për një marrëveshje: kjo është thelbësore”,thote ai.