Aleanca për Mbrojtjen e Teatrit, ka mbërritur pasditen e sotme në Berat ku po mbledh firmat për peticionin për rindërtimin e Teatrit Kombëtar ashtu siç ishtë në të njëjtin vend.

Artistë, qytetarë dhe dashamirës të artit janë mbledhur në sheshin para Pallatit të Kultutës “Margatita Tutulani” në Berat dhe po firmosin peticionin. Aleanca kërkon rindërtimin e godinës siç ishte në të njëjtin truall dhe për këtë po mbledh firmat për një Peticion.

Janë të shumtë qytetarët por dhe simpatizantët e forcave politike të degëve të PD e LSI në Berat të cilët i janë përgjigjur thirrjes së Aleancës për të firmosur peticionin, që po mbahet para sheshit të Qendrës Kulturore “Margarita Titulani”.

Në Berat ka mbërritur bashkë me artistë e aktivistë të tjerë edhe regjisori Robert Budina i cili gjatë fjalës së tij tha se nuk do ta ulin kokën përballë sulmit të paskrupullt sipas tij të qeverisë.
“S’kemi ulur kokën. Lart kokën, nuk jemi dorëzuar. Ka shumë të rinj të pashpresë më thanë këtu, por jo. Kultura do ju sjellë shpresën, do ju zgjojë shpirtin dhe ne do ta bëjmë ashtu siç duhet ta bëjmë atë që duhet të bëjmë.

Ne jemi një grup qëndrestarësh nga sulmi i paskrupullt që ndonjëherë ndonjë qeveri, jo vetëm në Shqipëri po edhe në Europë dhe përtej ka guxuar ti bëjë kulturës shqiptare dhe sidomos tempullit të vetëm të gjuhës shqipe i vjetër pothuajse aq sa Tirana siç ishte Teatrit Kombëtar, i bëri ky kryeministër që filloj sulmin 20 vite më parë, ndaj artit dhe kulturës.

Por Teatri është në zemrat tuaja dhe tonat. Lufta jo vetëm që s’ka mbaruar por sapo ka filluar. Dhe do ta ndërtojmë aty kui ishte dhe siç ishte. Do të tregojmë se shqiptarët nuk janë vetëm për të mbushur barkun me bukë. Në Teatër u mblodhën të gjitha problemet e shqiptarëve.

Duke nisur që nga varfëria, vjedhja e pasurive publike, shkelja e ligjit për shembjen e Teatrit Kombëtar, shkelja e institucioneve të drejtësisë. Kujdes, me shembjen e Teatrit ata mund të vijnë të shembin shtëpitë tuaja kur të duan e si të duan”, tha Budina.

Më herët ata kanë qenë edhe në Durrës, Shkodër, Elbasan, Kukës Korçë e Pogradec për të firmosur peticionin për të cilin Aleanca për Teatrin është shprehur se do ta çojë në të gjithë Shqipërinë.

Ministria e Shëndetësisë së Kosovës përmes një deklarate për shtyp ka justifikuar masën e vendosur për shqiptarët në pikat kufitare.

Sipas MSH-së, kontrollet që ushtrohen ndaj qytetarëve që vijnë nga Shqipëria, janë masa të cilat janë vendosur për të shmangur një shpërthim të ri të pandemisë se COVID-19.

“Së pari i ftojmë të gjitha institucionet në Republikën e Kosovës dhe në Republikën e Shqipërisë si dhe zyrtarët politikë e shtetëror që të ndihmojnë në kapërcimin e situatave të vështira, para se të përhapin me qëllim apo nga mos informimi lajme të pavërteta ose të shtrëmbëruara lidhur me vendimin për hapjen e kufijve tokësor të Republikës së Kosovës”, thuhet ndër të tjera në njoftimin e ministrisë.

REAGIMI I PLOTË

Së pari i ftojmë të gjitha institucionet në Republikën e Kosovës dhe në Republikën e Shqipërisë si dhe zyrtarët politikë e shtetëror që të ndihmojnë në kapërcimin e situatave të vështira, para se të përhapin me qëllim apo nga mos informimi lajme të pavërteta ose të shtrëmbëruara lidhur me vendimin për hapjen e kufijve tokësor të Republikës së Kosovës. Duke qenë se situata epidemiologjike ditët e fundit paraqitet me rritje të rasteve pozitive në Covid-19 dhe nuk është stabile, në disa komuna të Kosovës, kemi treguar një kujdes të shtuar në këtë fazë në lehtësimin e masave në të gjitha degët e ekonomisë, arsimit, sportit, etj., por edhe duke vënë në kontrollë mjekësore çdo person që hyn në territorin e Kosovës.

Më datë 31 maj morrëm vendimin që hyrja për këdo, shtetas ose jo të Kosovës prej 1 qershorit lejohet nga 6 pikëkalime kufitare. Kriteret për lejimin edhe të shtetasve të Kosovës edhe atyre të Shqipërisë, Maqedonisë së Veriut, Malit të Zi e Serbisë, apo shtetas të vendeve të tjera që duan të futen në Kosovë, janë që duhet të nënshkruajnë deklaratën për 7 ditë vetizolim në kushtet e shtëpisë së tyre apo aty ku do të qendrojnë. Nga ky rregull përjashtohen ata/ato qytetarë pavarësisht nga shtetësia që kanë, të cilët me rekomandim të autoriteteve përkatëse i janë nënshtruar testit në katër ditët e fundit para të paraqitjes në kufi. Me që me siguri ka të tillë të cilët mund të kenë pasur raste kontakti, etj. dhe institucionet e vendit të tyre i kanë testuar tashmë.

Ky rekomandim ka ardhur nga Instituti Kombëtar i Shëndetësisë Publike të Kosovës. Sepse, situata epidemiologjike në Kosovë dhe në vendet përreth nuk është pa rrezik. Në rekomandimin e fundit IKSHPK rekomandon që në mënyrë rigoroze të respektohen masat mbrojtëse të deritashme e në veçanti zbatimi i planit për masat lehtësuese që nënkupton vazhdimin e menaxhimit të mëtutjeshëm të rekomandimeve, sepse e veçanta e Kosovës është se nuk ka kapacitete shëndetësore për të përballuar një shpërthim epidemiologjik. Aq më tepër tani kur për tre muaj pa ndalur personeli i pamjaftueshëm që ka Instituti Kombëtar i Shëndetësisë Publike në Kosovë, është i mbingarkuar dhe padyshim që janë të stëmunduar. Për dijeninë e opinionit mbarë shqiptarë, veçanërisht të qytetarëve nga Republika e Shqipërisë, laboratori ynë ka shumë pak mjekë që kryejnë testimet dhe pak epidemiologë e mikrobiologë në këtë situatë të vështirë. Klinika jonë Infektive i ka 126 shtretër për rastet e prekura nga virusi.

Ne do të donim që këtë situatë të rëndë gjatë këtyre tre muajve të ishim edhe më afër njëri tjetrit edhe përmes ndihmave konkrete të institucioneve respektive nga dy shtetet, por për arsye objektive barnat, mjetet mbrojtëse, stafi mjekësor në Republikën e Kosovës dhe në Republikën e Shqipërisë kenë qenë të pamjaftueshme që të presim më shumë ndihmë konkrete.

Në këto kushte kur Republika e Shqipërisë po kalon po ashtu nëpër të njëjtat probleme dhe kur sistemi shëndetësor i ka këto probleme të rënda të trashëguara, nuk kemi rrugë tjetër përpos se me kujdes të madh të fillojmë nga hyrje daljet e kontrolluara dhe të monitoruara për çdo ditë. Një shpërthim i ri epidemiologjik i ri në Kosovë do të ishte fatal për të gjithë sistemin dhe me aq sa patëm përvojë këta tre muaj është pak e pritshme që institucionet simotra të Shqipërisë do të mund të ndihmonin në këto kushte. Ndaj ftojmë për durim, mirëkuptim dhe solidaritet! Kemi kaluar më të vështirën, do ta kalojmë edhe këtë moment. Askush nuk duhet ta ndjejë si ndalim për të hyrë në Kosovë, por si kujdes i domosdoshëm ndaj situatës dhe kapaciteteve që i ka Republika e Kosovës.

Etleva Hoxha, administratorja e një kompanie ajrore ka folur për emisionin “Eko Fax” nga Mirilda Tili në Fax News duke thënë se pritet që fluturimet të hapen më 15 qershor. Hoxha shprehet se kompanitë do të përpiqen të mos kenë rritje të kostove, por gjithçka varet nga kërkesat.

“Shpresojmë fort që të jetë data 15 qershor. Ne jemi gjithmonë gati sepse struktura është në këmbë sin ë momentin që kemi ndërprerë fluturimet. Vazhdojmë dhe jemi operativë në të gjitha strukturat përkatëse. Sapo të dalë njoftimi që do të jenë të mundura për tu kryer do të jemi në pozicion”, tha Hoxha. Ajo shtoi se taksa e aeroportit në vend është 120-150% më e lartë në krahasim me vendet e tjera dhe çdo pasagjer duhet të paguajë 25.6 euro për aeroportin. Sipas saj, kompania ajrore Albawings do mundohet në maksimum të mos rrisë çmimet e biletave.

Ndërsa Ervin Shijaku, CEO kompania Shega trans foli për transportin ndërkombëtar tokësor që pritet të hapet në të njëjtën datë me transportin ajror. Shijaku u shpreh se mund të ketë një rritje të çmimit të biletave pasi do të ketë më pak pasagjerë. Sa i përket autobusëve urbanë, do të njihen edhe abonetë.

“Jemi në pritje të transportit ndërkombëtar ku pritet vetëm një njoftim nga qeveria për hapjen. Duke mundësuar të gjitha rregullat e reja, do të kemi rritje sepse duke udhëtuar me gjysmën e kapacitetit, do të kemi një rritje të cmimit të biletës nga i mëparshmi. Ne do të mundohemi të qëndrojmë brenda parametrave. Në lëvizjet e transportit ndërkombëtar nuk ka asnjë taksë”, u shpreh Shijaku.

Ish-Kryeministri Berisha ka publikuar mesazhin e një qytetari, i cili shkruan se, në sektorin e antidrogës në Vlorës, është emëruar agjent i antidrogës një personi me precedent penalë.

Sipas qytetarit ky persona është Arbër (Arben) Ilir (Mirjan) Koçiaj, i cili është emëruar si agjent i sektorit të antidrogës në Drejtorinë e Policisë Vlorë.

Po sipas këtij denoncimi, shtetasi i lartpërmendur është i dënuar me vendim të gjykatës së rrethit gjyqësor Vlorë me 1 vit e 3 muaj burg, pasi ka dhunuar dhe rrahur një person brenda komisariatit.

Postimi i ish-Kryeministri Berisha

Dënimi me burg është meritë për punesim në Narkopolici!

Lexoni denoncimin e qytetarit dixhital. sb

Pershendetje. Skandalet ne polici nuk kane re mbaruar, vecanerisht ne policine e vlores ku shkeljet dhe shperdorimet jane te pafundme sa qe njerezit jan vertet ne hall te madh. Nje nga rastet e skandalit ne policine e vlores eshte se ne kete drejtori punojne njerez me precedent penal sic eshte nje agjent i sektorit te antidroges i cili quhet Arbër(Arben) Mirjan(Ilir) Koçaj, i cili eshte i denuar me vendim te gjykates se rrethit gjyqesor vlore me nje vit e tre muaj burg pasi ka dhunuar dhe rrahur nje person brenda komisarjatit i cili ishte i prangosur ne momentin e dhunes, qytetarin K.A. Kjo gje eshte lehtesisht e faktueshme, mjafton te marresh nje kopje vendimi ne gjykate. Dhe sa e sa skandale te tjera duke filluar qe nga perdorimi i drogave te forta etj.

Nga Bardh SPAHIA

KUR EDI RAMA SHMANG MJEKET NE QSUT!!!

QSUT është tashmë vatra më e madhe e infeksionit, teksa vendi po hapet dhe Edi Rama del e bën teatër, se po investon për ambiente të reja!!! Me kukullën e vet militante u treguan njerëzve mure, por personeli shëndetësor, ata që prej ditësh jetojnë e punojnë me ankthin e infektimit, pasi konstatojnë se si ditë pas dite kolegë të tyre rezultojnë pozitivë, nuk u pa askund!

Kaq nuk ju bëhet vonë se ka mjekë specialistë që punojnë me këtë tension, e të tjerë që nuk u bëhet tamponi?

Injorimi flagrant i kësaj situate, përmes arrogancës për të shpikur sukses, aty ku ka gjendje alarmante, është ilustrimi më i mirë se Edi Rama nuk ka menduar ndonjëherë për njerëzit e as personelin shëndetësor. Nuk iu bë vonë për njerëzit e prandaj numri i testimeve ka qenë më i ulëti në rajon, e njëlloj nuk i bëhet vonë që struktura më e madhe shëndetësore publike është kthyer në vatër infeksioni, rrezik edhe për cdo pacient që shkel aty!

Që Edi Rama e kupton sa e rrezikshme është kjo këtë situatë, kjo duket nga mungesa e mjekëve përkrah kryeministrit. Kujdesin për vete nuk e kursen! Taksapaguesit që i sigurojnë qëndrimin në karrige, por edhe vizitë fundjave në Paris, janë më mëshirë të fatit! Edi Rama ka hyrë në histori si fatkeqësia më e madhe e qytetarëve të vet, sepse edhe kur e kupton situatën, qytetarët nuk i ka prioritet, as personelin shëndetësor që në cdo vend të botës ka prioritet maksimal në këtë periudhë pandemie!