Një mjet tip fuoristradë është përfshirë në një aventurë të çuditshme ditën e sotme në Elbasan duke rrezikuar edhe qytetaret në rrugë.

Fillimisht mjeti fuoristradë ka përplasur një mjet Wolsvagen pranë ambulancës dhe nga aty jo vetëm që nuk ka ndaluar por në tentativën për t’i ikur vendit të ngjarjes në shpejtësi e sipër është përplasur me derën e komisariatit të pòlicisë, duke përfunduar vetë brenda komisariatit.

Fatmirësisht kjo aventurë nuk ka sjellë të lënduar, por vetëm dëme materiale. Menjëherë blutë kanë nisur matjet e vendit të ngjarjes ndërsa pritet që drejtuesit të mjetit ti bëhet edhe testi i alkoolit për të kuptuar nëse ka qenë nën efektin e tij apo jo.

Elbasan/ Informacion paraprak

Rreth orës 11:00, shtetasi B. L., 34 vjeç, banues në Elbasan, dyshohet në gjendje të rënduar psikologjike, duke drejtuar mjetin tip “Toyota”, ka goditur portën hyrëse të DVP Elbasan dhe ka hyrë në oborrin e DVP-së, duke mos iu bindur urdhrit për të ndaluar të dhënë nga punonjësi i Policisë që kryente shërbim në hyrje të DVP-së.

Ky shtetas, pasi ka hyrë në oborr, ka dalë nga mjeti me një pistoletë me gaz në dorë, duke bërë lëvizje të pakontrolluara, por është neutralizuar dhe prangosur menjëherë nga shërbimet e Policisë.

Specialistët për Hetimin e Krimit dhe grupi hetimor po vijojnë veprimet për sqarimin e rrethanave të ngjarjes.

ISHP konfirmoi 21 raste të reja me koronavirus gjatë 24 orëve të fundit, 6 prej të cilëve janë personel mjekësor.

Ndërkohë mësohet se bëhet fjalë për pjesëtarë të personelit të Qendrës Shëndetësore nr.9 në Tiranë, në të cilën pak ditë më parë u konfirmua edhe një mjek.

Sa i përket rasteve në të gjithë Shqipërinë, ISHP konfirmon se 14 të tilla janë në Tiranë, 3 në Krujë dhe nga një rast në Shkodër, Kamëz, Mallakastër dhe Durrës.

Shpërndarja gjeografike e rasteve aktive është si vijon:
Tiranë- 157
Durrës- 20
Krujë- 20
Kamëz- 11
Shkodër- 10
Mat- 9
Lushnje- 6
Berat- 2
Fier- 2
Korçë- 1
Librazhd- 1
Mallakastër- 1

Bashkia e Tiranës, e drejtuar nga Erion Veliaj, i ka dhënë një dyqani tatuazhesh tenderin pa garë për dezinfektimin e kopshteve dhe çerdheve të Tiranës, të cilat u hapën në 1 Qershor, pas 3 muajsh bllokim për shkak të Covid-19.

Në 21 Maj 2020, Drejtoria e Kopshteve dhe Çerdheve në bashkinë e kryeqytetit ka shpallur kompaninë “Captain Din” fitues të një tenderi “urgjent”, me negocim, pa shpallje paraprake, me objekt “Blerje materiale të nevojshme për mbrojtjen personale për përballimin e situatës të shkaktuar nga COVID-19”, me fond limit 40 milionë lekë (të vjetra).

Në bazë të të dhënave të siguruara nga “Boldnews.al”, rezulton se shoqëria “Captain Din” është krijuar në vitin 2017 dhe ka hapur një dyqan tatuazhesh pranë qendrës së Tiranës.

Por, në 30 Prill 2020, vetëm tre javë para tenderit, kompania modifikon objektin e veprimtarisë, duke shtuar edhe “import, eksport shitje të artikujve mjekësorë…”.

Ky modifikim “kapet” në ajër nga bashkia e Erion Veliajt, e cila e fton të marrë pjesë në tenderin e mbyllur për materiale dezinfektuese për kopshtet e çerdhet.

Në përfundim, “Captain Din” shpallet fituese, fituese, pavarësisht se Bashkia e Tiranës kishte dijeni të plotë se kompania private nuk plotësonte kriteret që kishte vendosur vetë administrata e Veliajt.

Kompani tatuazhesh
Leand dhe Artan Lakrori, djemtë e ish-figurës socialiste Maqo Lakrori, janë të njohur në rrethin e rinisë së Tiranës për artin e tyre të tatuazheve.

Ata vendosën të formalizojnë pasionin e tyre në biznes, në vitin 2017, kur regjistruar shoqërinë “Captain Din”.

Objekti zyrtar i veprimtarisë së “Captain Din” ishte “Tregtim me pakicë, import-eksport të artikujve kozmetikë në funksion të artit të tatuazhit. Shitja e aksesoreve të frymëzuar nga bota e tatuazhit.Bar – Restorant.Shitje online”.

Në funksion të biznesit, Lakrorët hapën edhe një dyqan, shumë pranë qendrës së Tiranës.

Në disa postime në rrjetet sociale, që datojnë në vitin 2017, ata reklamojnë produktet e tyre, disa vizatime në trup, me qëllim e qartë tregtar për të siguruar dhe rritur klientelën.

Pra, duket qartë se vëllezërit Lakrori nuk kanë pasur asnjë lidhje me aktivitete të tjera, përfshirë shërbimet e dezinfektimit. Të paktën, deri në 30 Prill 2020.

Një muaj më parë, më saktësisht në 30 Prill 2020, Lakrorët e modifikojnë objektin e veprimtarisë së tyre, duke shtuar, krahas tatuazheve, edhe artikujsh mjekësorë, përfshirë edhe pajisje një.përdorimëshe.

Dhe, ky ndryshim objekti, u dha menjëherë fitoren në një tender të Bashkisë së Tiranës, për blerjen e materialeve mbrojtëse për kopshtet e çerdhet nga virusi Covid-19.

Dyshimet mbi Bashkinë për tender abuziv
Drejtoria e Çerdheve dhe Kopshteve, e cila, që në mes të muajit Maj, po përgatitjen për hapjen e institucioneve parashkollore në fillim të Qershorit, zhvilloi një tender “urgjent” për marrjen e masave të nevojshme mbrojtëse për fëmijët e vegjel që do u riktheheshin klasave të tyre.

Tenderi, për shkak të asaj që Bashkia e Tiranës e konsideroi “emergjencë”, u zhvillua me procedurën e “negociimit, pa shpallje paraprake”.

Në bazë të kësaj procedure, autoriteti kontraktor fton të marrin pjesë në tender kompani që operojnë në fushën përkatëse, si edhe kanë aktivitet të njohur e të pranuar.

Sipas të dhënave zyrtare, Drejtoria e Çerdheve dhe Kopshteve ka ftuar në tender dy kompani; “Captain Din” dhe “Trimed”.

Në përfundim, kompania “Captain Din” është shpallur fituese, në bazë të një procedure që shkon tërësisht në kundërshtim me kriteret e vendosura nga autoriteti publik.

Bashkia e Tiranës, në dokumentet standarte të tenderit kërkon, ndër të tjera, që kompanie fituese duhet të dorëzojë kopje të çertifikuara të bilanceve për vitet 2016, 2017, 2018.

Po ashtu, operatori ekonomik duhet të dëshmojë se ka nënshkruar kontrata të ngjashme me institucionet publike në 3 vitet e fundit.

Këto dy kritere, më së paku, nuk plotësoheshin nga “Captain Din”. Së pari, kompania e vëllezërve Lakrori nuk mund të dorëzonte bilance të çertifikuara për vitin 2016, për faktin e thjeshtë se ajo është krijuar në vitin 2017.

Po ashtu, duket e vështirë që “Captain Din” të ketë dorëzuar kontrata të ngjashme, pra për materiale mbrojtëse mjekësore, gjatë 3 viteve të fundit.

“Captain Din”, nga viti 2017 e deri në Prill 2020, ka funksionuar vetëm si dyqan tatuazhesh, një shërbim, për të cilin nuk duket se autoritetet zyrtare do të shpenzonin para publike.

/BoldNews.al

Ministria e Shëndetësisë njoftoi sot për 21 të infektuar të rinj me koronavirus, ndër të cilët 14 janë në Tiranë. Ky numër ka rezultuar nga 243 testime të kryera së fundmi.

6 nga të infektuarit janë nga personeli shëndetësor. Ndërkohë, 27 të sëmurë me COVID-19 janë të shtruar në Infektiv. Katër prej tyre në terapi intensive dhe një është në gjendje të rëndë.

Janë shëruar 14 qytetarë.

Dr. Rovena Daja nga Instituti i Shëndetit Publik njoftoi se, në 24 orët e fundit janë kryer 243 testime në nga të cilat janë konfirmuar 21 raste pozitive, përkatësisht janë 14 në Tiranë, 3 raste në Krujë, ndërsa në Durrës, Shkodër, Kamëz, Mallakastër kemi nga një rast të prekur me Covid19. Janë testuar 45 personel shëndetësor nga të cilët kanë rezultuar pozitivë 6 raste.

Rastet e identifikuara në 24 orët e fundit janë kryesisht kontakte te zbuluara nga hetimi i kryer dhe disa raste të reja për të cilat po vijon te kryhet hetimi epidemiologjik.

Aktualisht po trajtohen 27 të prekur në spitalin infektiv, nga të cilët 4 janë në terapi intensive, njëri prej tyre është i intubuar.

Nje pacient 62-vjeçar ka ndërruar jetë në spitalin Infektiv. Referuar shërbimit infektiv, 62-vjeçari ishte bartës asimptomatik i COVID19 dhe vuante nga ciroze hepatike, spok, insuficiencë e rendë kardiake, diabet, hipertension. Shkaku i humbjes së jetëë, sipas shërbimit infektiv, nuk është COVID19, por nga ciroza hepatike e stadit të fundit.

Në 24 orët e fundit janë shëruar 14 qytetarë, duke e çuar në 891 numrin e të shëruarve.

Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1164 raste. Aktualisht janë 240 persona aktivë me COVID19, kryesisht ne Tiranë, Durrës dhe Krujë.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, respektuar rregullat e vendosura, për të ruajtur veten dhe të afërmit. Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (2 Qershor 2020)

Testime totale 16520
Testime molekulare 15068
Testime serologjike 1452
Raste pozitive 1164
Raste të shëruara 891
Raste Aktive 240

Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 157
Durrës 20
Krujë 20
Kamëz 11
Shkodër 10
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1

U emërua të premten, u largua të martën. Viola Hima nuk ka mundur të qëndrojë më shumë se dy ditë (hiq fundjavën) në karrigen e drejtorit të zyrës vendore të Kadastrës.

Nuk dihen ende arsyet e largimit por ajo që dihet është se në këtë post edhe pesë drejtues të tjerë janë dorëhequr ne 9 muajt e fundit.

Kadastra e Vlorës ka nisur zyrtarisht menaxhimin e pronave në Bregdet, që mbetet çështja me e nxehtë në këtë qytet.

Nga Luan BaAÇI

Janë me qindra kërkesa për apelim drejtuar Subashit të emëruar të bashkisë së Fierit. Kërkesa të shumta nga bizneset e mëdha e të vogla shkojnë në adresë të bashkisë së Fierit, ku me të drejtën e tyre kërkojnë shpjegime për “Taksat dhe tarifat vendore 2020” të rritura gati 2-fish krahasuar me një vit më parë.

Konkretisht, “Tarifa e shërbimit” e cila për një biznes të madh:

Në vitin 2019 ka qene 80 000 leke te reja. Ne vitin 2020 eshte bere 150 000 leke te reja.

Kjo “Tarifë shërbimi” eshte nje shpikje e radhes prej 2 vite radhazi e kesaj bashkie pasi ne vitin 2018 te gjitha tarifat kane qene te ndara ne Tarife pastrimi, gjelberimi, ndriçimi etj. Ku secili dinte mire se çfare po paguante, por duke pasur “komoditetin maksimal” te nje Keshilli bashkiak kukull me te gjithe anëtaret te blere, kjo tarife eshte “shnderruar” nen nje emer “Tarife sherbimi”. Por, per të ngopur babezine e tyre “shpikin” emra tarifash te reja. Ku bazohen?!

Baza Ligjore: Ligji Nr. 68/2017 “Për Financat E Vetëqeverisjes Vendore “

Neni 14
Tarifa vendore

1. Njësitë e vetëqeverisjes vendore kanë të drejtë të vendosin tarifa për një shërbim që këto njësi ofrojnë apo për një të drejtë që u jepet individëve, personave fizikë dhe/ose juridikë.

2. Niveli i tarifës orientohet në mbulimin e kostos së shërbimit publik të ofruar nga njësia e vetëqeverisjes vendore.

3. Njësitë e vetëqeverisjes vendore mund të vendosin tarifa vetëm për shërbimet publike, konsumi ose përfitimi i të cilave, në parim, është i matshëm për përdoruesit apo përfituesit, duke përdorur instrumente të përshtatshme për të siguruar aksesin, cilësinë, sasinë dhe koston e përballueshme nga të gjithë.

5. Njësitë e vetëqeverisjes vendore krijojnë të ardhura nga këto tarifa vendore:
a) tarifa për zënien dhe përdorimin e hapësirës publike dhe të fasadave;
b) tarifa për mbledhjen dhe largimin e mbetjeve;
c) tarifa për furnizimin me ujë dhe kanalizimet;
ç) tarifa për shërbimin e ujitjes dhe të kullimit;
d) tarifa për shërbimet administrative dhe dhënien e licencave, lejeve e autorizimeve;
dh) tarifa të përkohshme, në përputhje me rrethana të përcaktuara në ligj;
e) tarifa të tjera, të përcaktuara nga këshilli i njësisë së vetëqeverisjes vendore;
ë) tarifa të tjera, të përcaktuara në ligj.

Pra ne rastin konkret tarifa e sherbimit ne biznes nuk eshte ne asnje nga tarifat e percaktuar ne nenin 14/5 , nuk ka asnje sherbim/te drejte qe iu po na ofrohemi dhe ne duhet te tarifohemi per kete shkak dhe rritja e nje tarife nga viti 2019 ne vitin 2020 ne perqindje kaq te larta eshte teresisht abuzive dhe ne shperdorim te hapur te detyres .

Per me teper nuk eshte bere asnje konsultim me bizneset, grupet e interesit. Ju keni detyrim ligjor qe perpara miratimit te taksave vendore te benit konsultim me publik ku ta njoftoni dhe infirmoni.

Sipas Ligjit Nr. 139/2015 “Për Vetëqeverisjen Vendore

Neni 16- Konsultimi publik në njësitë e vetëqeverisjes vendore

1. Organet e vetëqeverisjes vendore janë të detyruara të garantojnë pjesëmarrjen publike në procesin e vendimmarrjes.
2. Çdo njësi e vetëqeverisjes vendore është e detyruar të caktojë koordinatorin për njoftimin dhe konsultimin publik, në përputhje me dispozitat e ligjit në fuqi për njoftimin dhe konsultimin.

Gjithashtu administrata e çdo bashkie ka per detyrim ligjor te bej publike ne faqen zyrtare te çdo bashkie, taksat dhe tarifat vendore te miratuara jo me vone se data 15 dhjetor e vitit pararendes, duke i botuar ato ne gazeta e media lokale dhe duke vendosur afisha ne ndertesa e vende publike. Po faqja zyrtare e bashkise së Fierit, i ka “mbetur ora” qe ne 2017.