23 raste të reja me Covid 19 janë zbuluar në 24 orët e fundit në vendin tonë. Rastet e reja janë shënuar në Tiranë, Durrës, Mat dhe Lushnje, ndërkohë që nuk konfirmohet rasti i shtetases ukraine që u raportua më herët në Sarandë.

Sipas Ministrisë së Shëndetësisë në QSUT janë testuar 57 personel shëndetësor dhe pacientë të shtruar, të cilët kanë rezultuar të gjithë negativë. Në spitalin infektiv aktualisht po trajtohen 23 pacientë, nga të cilët 5 janë në terapi intensive. Në 24 orët e fundit janë të shëruar 28 qytetarë, duke e çuar në 851 numrin e të shëruarve që nga fillimi i epidemisë

Njoftimi i Ministrisë së Shëndetësisë

Gjatë 24 orëve të fundit janë testuar 276 qytetarë si të dyshuar të prekur me Covid19 dhe janë konfirmuar 23 raste të konfirmuara pozitive, 12 prej të cilave në Tiranë. 8 janë kontakte të rasteve të mëparshme pozitive dhe 4 janë raste të reja në proces hetimi.

Nga hetimi i thelluar epidemiologjik në QSUT, ku jane testuar 57 personel shëndetësor dhe pacientë, dhe të gjithë kanë rezultuar negativë.

6 raste janë konfirmuar në Mat, kontakte të një paciente në QSUT dhe 4 raste në Lushnje, kontakte të rasteve pozitive të konfirmuar më herët në Tiranë dhe 1 rast i ri në Durrës. Në spitalin infektiv aktualisht po trajtohen 23 pacientë, nga të cilët 5 janë në terapi intensive.

Në 24 orët e fundit janë të shëruar 28 qytetarë, duke e çuar në 851 numrin e të shëruarve që nga fillimi i epidemisë. Nga fillimi i epidemisë janë kryer mbi 15,500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1099. Prej tyre, mbi 77% janë të shëruar. Në vendin tonë aktualisht janë 215 persona aktivë me COVID19, kryesisht ne Tiranë.

Ministria e Shëndetësisë dhe Mbrojtjes Sociale apelon qytetarët të tregohen të kujdesshëm. Ruani distancimin fizik mbi 1.5 metër. Kur nuk arrihet distancimi fizik përdorimi i maskës është i domosdoshëm. Ruani etiketën respiratore. Kur kolliteni apo tështini përdorni shami letre ose këndin e brrylit. Masat e higjienës personale duhet të kombinohen me larjen sa më të shpeshtë të duarve për më shumë se 20 sekonda. Evitoni ambientet e mbyllura dhe grumbullimet me shumë njerëz dhe kujdesuni për të moshuarit.

Mos neglizhoni shenjat e sëmundjes prandaj telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

Në Sarandë është identifikuar rasti i parë me koronavirus. Bëhet fjalë për një shtetase ukrahinase, e cila ka shfaqur simptomat e Covid-19 dhe pas testit ka rezultuar pozitive.

Ky është rasti i parë me koronavirus në qytetin e Sarandës, i cili nuk regjistroi asnjë pacient me Covid-19, gjatë kohës që ishte kulmi i pandemisë.

Mësohet se ukrahinasja kishte shkuar si turiste në Sarandë, ndërsa hetimi epidemiologjik pritet të nxjerrë rezultate edhe për kontaktet e saj. Megjithatë shtetasja nga Ukrahina ka deklaruar se nuk ka pasur kontakte të tjera në qytetin e vogël.

140 punonjës në një fasoneri këpucësh në Vlorë kanë dalë sot në protestë pasi kërkojnë pagën e luftës.

Ata janë shfaqur mëngjesin e sotëm me pankarta në duar, por pa masa mbrojtëse dhe distancë, ndërkohë që vetëm disa prej tyre kanë pasur maska.

“Na kanë thënë se na kanë dalë emrat dhe nuk e kemi përfituar. Duam të dimë pse shteti nuk na e jep pagën e luftës”, u shpreh njëra prej tyre.

Punonjësit kanë marshuar drejt Drejtorisë së Tatimeve në Vlorë ku do të kërkojnë plotësimin e kërkesës së tyre.

Teatri ishte vija e kuqe. Duhet të jesh i verbër që të mos t’a shohësh që bashkë me teatrin ka rënë dhe maska e Edi Ramës. Nga Berlini në Bruksel tw gjitha gazetat e mwdha tw botës e kanw kuptuar që këtu ka një autokrat të korruptuar, një hajdut ordiner, i cili kaq u trullos kur e pa reagimin e shqiptarëve, edhe reagimin e të majtëve edhe të socialistëve, edhe të faktorit ndërkombëtar dhe doli në parlament dhe e pranoi vetë se përse e kishte shkaterruar. Tha, me dy fjalë që unë e shkaterrova se me duhej trualli. Se donte të vidhte trualline dhe të bënte projektin Rama- Veliaj- Fusha me 200 milionë eurot e droges.

Pyetje: Ka premtuar që nuk do të preket fare trualli dhe që teatri do të ndërtohet i ri…

Lulzim Basha: Kush e ka premtuar? Ky që ka premtuar 300 mijë vende pune ? Ky që premtoi shëndetësinë falas? Fjala ka premtuar dhe Edi Rama ka premtuar vetëm një fjali.

Pyetje: Zoti Basha do të ndaloni ndërtimin e tij?

Lulzim Basha: Ne do t’i qëndrojmë kontratës që kemi me Aleancwn për Mbrojtjen e Teatrit, e cila parashikonte në rastin e shembjes rindërtimin ashtu siç ishte , aty ku është dhe çuarjen para drejtësisë të çdokujt nga Edi Rama dhe Erjon Veliaj deri tek ata që i shërbyen atij akti barbar dhe kriminal.

Pyetje: Po sikur ta fillojë ndërtimin ku do t’a ndërtoni teatrin?

Lulzim Basha: E para e punës çdo kompani që përfshihet në këtë aferë do të hetohet nga dita zero e saj.

Pyetje: Ky është kërcënim për kompaninë që do të shkojë?

Lulzim Basha: Ky është premtim, që nga dita kur ka filluar biznesi me çanta me çokollata apo cigare e cemcakez, sido që ta kete filluar biznesin e deri më sot qeveria ime do të hetojë cdo veprimtari të saj. Në qoftë se futet në këtë aferë ashiqare korruptive, që nuk ka njeri, nuk ka socialist, nuk ka ministër socialist, edhe ai Erion Veliaj që kishit këtu që ia bëntë gek-mëk se e di çfarë është, pasi është pjesë e saj. Cdo entitet privat që bëhet pjesë e kësaj do të hetohet nga dita zero. Se këta të gjithë do të hetohen për këtë që kanë bërë.

Pyetje: Hetimin duhet ta bëjë prokuroria, çfarë punë keni ju?

Lulzim Basha: Nesër në qeveri do të hetohet me të gjitha, me hetimin financiar, me hetim antikontrabandë me krimin ekonomik të policisë. Ky është një premtim dhe një zotim

Pyetje: A nuk është kërcënim për biznesin?

Lulzim Basha: Po po, me standartet e Edi Ramës dhe të hajdutërisë kështu siç thua ti është.Me standartet e shqiptarëve është ashtu si unë. Vendet e botës nuk kanë një mekanizëm të tillë që në mes të pandemisë në vënd që të ndihmojë njerëzit shkon shkatërron teatrin për të të vjedhur tërritorin dhe merr 30 milionë euro, do të marrë 30 milionë euro borxh.

Pyetje: Do ta bëni për çdo punë publike për çdo gjë?

Lulzim Basha: Absolutisht për të gjithë ata të përfshirë në korrupsion. Fare normale. Të gjithë ata që janë përfshirë në afera të tilla duhet ta dinë dhe e kemi shpallur që nw shtator të vitit 2018 programi ynë është “ndiq paranw”. Ato kompani që me paratë e marra borxh, me paratë e qytetarëve shqiptarë, apo akoma më keq me paratw e trafikut të drogës që sot po investohen masivisht në projekte zhvillimi në Tiranë, të gjitha do të përballen me ligjin. Unë do të jem gardian i interesit të shqiptarëve dhe interesi i shqiptarëve do të pengojë aferat korruptive.

Pyetje: Do ta pengoni ndërtimin e godinës së re?

Lulzim Basha: Me çfarë do ta pengojmë? Me artilerinë e kujt? Do t’i çojmë përpara drejtësisë. Kurthe të tilla me porta të vogla të një dështaku provincial që me porta të vogla ka arritur në 22 vjet t’ua fusë të gjithëve, politikanë, shokë, miq, të huaj, nuk funksionojnë me Lulzim Bashën. Jam kalibër tjetër. Nuk bie në kurthet e tij, por nëse guxon të ecë përpara, për këtë që ka bërë padiskutim që do të shkojë para drejtësisë, por nëse guxon të ecë përpara edhe atë do ta paguajë shumë shtrejtë dhe kushdo tjetër. Do ta paguajë shumë shtrejtë, Eshtë qartësisht e paligjshme. Do të jetë pjesë e vendosjes së drejtësisë ai dhe çdokush që i vihet në krah.

Pyetje: A ka një marrëveshje të diskutuar apo të nënkuptuar, sy ndër sy apo me ndërmjetës mes jush dhe kryeministrit Rama për këtë situatë dhe sidomos për post zgjedhjet 2021?

Lulzim Basha: Propagandë e lodhur dhe e vjetër. E para e punës në të njëtën javë ata që shpërndajnë këtë propagandë hedhin versione . P.sh: drejtori i një media të madhe kombëtare, madje qeshëm para nja dy muaj me presidentin pasi mbaruam një takim në mënyrë informale, dhe po qeshnim sesi të njëjtit njerëz në mëngjes thonë që ka marrëveshje që Rama të bëhet president e Meta kryeministër, e pasdite ka marrëveshje që Basha të bëhet kryeministër dhe Rama president.

Janë të njëjtit njerëz. Dhe po qeshnim me njëri-tjetrin. Domethënë ishte diçka kaq qartësisht pjesë e propagandës së Edi Ramës saqë nuk ia vlen të komentohet. Tani të të them diçka serioze.: përtej dallaverexhinjëve të vegjël dhe provincialë që megjithëse u pasuruan, megjithëse dolën dhe shëtitën, megjithëse ndërtuan vila luksoze, blenë makina, shijuan jetën në luksin e saj dhe në veset e saj, prapë se prapë ngelën provincialë të vegjël, përtej dallaverexhinjëve të Tiranës që janë pesë a gjashtë që kujtojnë se sjellin rreth e qark gjithë Tiranën, dy gjëra fondamentale, themelore, që nuk kanë të bëjnë as me ata as me darkat e tyre luksoze, as me dëshirën e tyre për të mbajtur në këmbë një kufomë politike si Edi Rama të cilit i ka ardhur fundi.

Pyetje: Cilat janë këto dy gjëra?

Lulzim Basha: E para, nuk ka për të pasur ndryshim të vërtetë në Shqipëri pa ndëshkuar Edi Ramën, pa ndëshkuar Erjon Velinë, pa ndëshkuar ministrat e tyre të korruptuar, pa ndëshkuar shërbëtorët e tyre të verbër për çdo shkelje ligjore. Dhe unë kam thënë se mund të mos jetë e shpejtë, drejtësia mund të dojë kohën e vet, por ky do të jetë dhe është zotimi im personal, sot si kryetar i opozitës dhe nesër si kryeministër i shqiptarëve: Ndëshkim për çdo krim.

Pyetje: Pse duhet tu besojmë ju?

Lulzim Basha: Për arsyen fare të thjeshtë se pa ndodhur kjo qeveria e ardhshme nuk do të ketë mundësinë të ndërtojë asnjë projekt të besueshëm dhe unë të jesh i bindur jam shumë i ri për tu koritur para shqiptarëve dhe kam ndërmend që me gjithë sfidat para të cilave ndodhet Shqipëria të dal faqebardhë para çdo shqiptari të djathtë apo të majtë. Dhe nuk do të kem mundësi të realizoj asnjë projekt, asnjë premtim, pa mbajtur premtimin kryesor sado kohë dhe energji të na kushtojë që gjithë padrejtësitë, gjithë vjedhjet, gjithë krimet, të shkojnë para drejtësisë.