Nga emisioni ‘Opinion’, kreu i PD-së, Lulzim Basha, foli qartë se nuk do të ketë grup kriminal që shpëton Ramën dhe bandën e tij nga largimi nga pushteti.

Pyetje: Ju do të kërkoni deri në fund qeveri tranzitore, por më thatë se edhe nëse nuk realizohet një qeveri tranzitore ju prapë do të jeni të gatshëm për zgjedhje?

Lulzim Basha: Ne nuk kemi në dorë asgjë më shumë se sa të shfaqim vullnetin tonë politik për t’i dhënë shqiptarëve dhe Shqipërisë zgjedhje të lira e të ndershme. Përballë kemi një njeri dhe një grup njerëzish të cilët e kanë jetike të mbrojnë krimet, korrupsionin, dështimet e tyre gjatë këtyre viteve.

Pjesë e kësaj është sabotimi i reformës zgjedhore, të cilën u përpoqën ta sabotonin me akte të ndryshme, i fundit ishte ai te Teatri, është sabotimi dhe kapja e reformës në drejtësi. Këto janë akte të përkohshme, sepse shumë shpejt dita do të vijë kur kjo qeveri që tashmë i ka ditët e numëruara, do të përballet me vullnetin popullor dhe nuk do të ketë asnjë forcë, asnjë kriminel, asnjë grup kriminal të përsërisë atë që ndodhi në vitin 2017-të.

Pyetje: Zoti Basha keni 48 orë deri në përmbylljen e reformës zgjedhore, çfarë janë të pa negociueshme për ju? Kush janë pikat që nuk tolerohen?

Lulzim Basha: Shiko, asnjë pikë nuk ka kuptim në qoftë se nuk ka vullnet  për ta zbatuar atë. Kështu që fillim e mbarim pika më e rëndësishme është: do të ketë apo nuk do të ketë qeveri pa Edi Ramën kryeministër. Në qoftë se nuk ka qeveri pa Edi Ramën kryeministër të tjerat janë pesë me hiç, por ne jemi aty për të bërë detyrën tonë që, të paktën, kuadri ligjor nesër, nën qeverisjen tonë, nën drejtimin tim, mos të kenë gojë dhe të thonë shikoni…

Pyetje: Pra ju po shprehni vullnetin për të zgjidhur diçka, por edhe po nuk u zgjidh jeni gati për betejë thoni dhe nuk tërhiqeni nga asgjë?

Lulzim Basha: Pa diskutim, nuk ka grup kriminal, nuk ka alibi, nuk ka shkatërrim të procesit të reformës zgjedhore që shpëton Edi Ramën dhe bandën e tij nga largimi.

Pyetje: Ka pasur mjaft komente sipas të cilave opozita nuk duhet të hyjë në zgjedhje, sepse vetëm legjitimon një sistem që drejtohet nga Edi Rama. A ka diskutim që opozita të mos hyjë në zgjedhje ose të tërhiqet nga zgjedhjet siç veproi me daljen nga parlamenti dhe në mos paraqitjen në zgjedhjet lokale?

Lulzim Basha: Opozita po ndërton bashkë me qytetarët, bashkë me grupet e interesit që nga Aleanca për Mbrojtjen e Teatrit tek fermerët, tek biznesi, tek të papunët, tek rinia e studentët, tek profesorët e universiteteve, aleancën më të madhe që ka njohur Shqipëria në këto 30 vite për t’u përballur dhe për të fituar mbi këtë minorancë.

Pyetje: Aleancë për zgjedhje apo aleancë për muhabet?

Basha: Aleancë për interesin publik që, padiskutim do të marrë formë përmes shprehjes së vullnetit të shqiptarëve në zgjedhjet e ardhshme

Pyetje: Kjo do të thotë që opozita do të dalë në zgjedhje në të gjitha rrethanat?

Lulzim Basha: Kjo do të thotë që çdokush do të gjejë veten tek program ynë, tek alternativa jonë, tek programi jonë për ta shpëuar vendin nga kjo e keqe. Çdo ditë më shumë me Edi Ramën është një ditë me e keqe, një familje më shumë zhytet në varfëri, një biznes mbyllet, një kompani nxjerr më shumë të papunë, një student largohet në emigracion. Kësaj duhet ti japim fund një orë e më parë.

Ne kemi planin, unë kam vizionin, kam planin, kam vendosmërinë, kam ambicien, kam përvojën për ta drejtuar këtë betejë dhe ajo që shoh në këto takime është që të gjithë po thonë: “Rama duhet të largohet një orë e më parë.

Ti je shpresa jonë, na mblidh, na bashko të shkojmë drejt ndryshimit që mezi po e pret çdo shqiptar”. Dhe kjo, po ta them me sinqeritetin më të madh, pa fije propagandë, përfshin shumë njerëz të cilët e cilësojnë veten e tyre si të majtë apo si socialist.

Kryetari i opozitës, Basha deklaroi prerë sonte se nuk do të ketë asnjë pakt politik me “një kufomë politike si rama”. Ai është vetëm një hajdut ordiner, një kufomë politike me të cilin nuk ka asnjë mundësi për pakt politik apo bashkëqeverisje”, tha Basha.

Kreu i opozitës Lulzim Basha ka hedhur poshtë çdo zë për një marrëveshje aktuale apo paszgjedhore mes tij dhe Kryeministrit Rama. Në një intervistë në emisionin “Opinion”, Basha tha se ka dy arsye, për të cilat kjo është e pamunndur.

Fevziu: A ka një marrëveshje të diskutuar apo të  nënkuptuar, sy më sy apo me ndërmjetës, mes jush dhe Kryeministrit Rama, për këtë situatë dhe atë post zgjedhjeve 202?

Basha: Propagandë e lodhur dhe e vjetër. E para punës atë që e shpërndajnë kanë versione të ndryshme. Të njëjtën njerëz thonë në mëngjes thonë që ka marrëveshjë që Rama të bëhet President dhe Meta Kryeministër dhe pasdite thonë që Basha Kryeministër dhe Rama President.

Tani të them diçka serioze.

Përtej dallaverexhinjve të vegjël dhe provincialë, që megjithëse u pasuruan, ndërtuan vila, blenë makina e prapë se prapë mbetën provincialë të vegjël, përtej dallaverexhinjve të Tiranës, ka dy gjëra fondamentale, që s’ka të bëjnë as me ata dhe as me darkat e tyre për të mbajtur në këmbë një kufomë si Edi Rama.

E para nuk ka për të patur ndryshim të vërtetë pa ndëshkuar Ramën Veliajn, ministrant e tyre për çdo shkelje ligjiore. Rruga mund të mos jetë e shpejtë, por ky është zotimi im personal si kryetar i opozitës dhe nesër drejtues i ardhshëm.

Nuk do të ketë as aministi të fshehur dhe as marrëveshje për këtë. Nuk kam as mllef dhe as diçka personale. Por kam realizimin, që pa ndëshkimin e krimeve, ajo shoqëri i përsërit ato.

E dyta, si mund të mendohet që të jemi bashkë? Rama i ka bërë zgjedhjet e veta, paratë e shqiptarëve 2 miliardë euro ja ka dhënë oligarkëve, mbi 700 milionë euro i ka bërë buzëkuq elektoral. Nuk ka komb në Ballkan dhe Europë që i janë rritur taksat më shumë se shqiptarëve në këto 7 vite. Sa e ke taksën? 23 % ka shkuar apo jo? Faturat e energjisë? Karburanti më i shtrenjti në Europë? Ja dha tendera oligarkëve dhe bleu pllaka që dalin me shiun e parë. Unë kam një tjetër projekt që është anulimi i këtyre projektve.

Kryetari i opozitës, Basha denoncoi në “Opinion” skandalin e rradhës të qeverisë që sot ka paguar me 720 mijë euro bandën e Lushnjes për inceneratorin e Tiranës.

“Pas inceneratorin të Tiranës është banda e Lushnjes, një nga bandat më të rrezikshme. Eshtë Veliaj dhe Ahmetej”, tha Basha duke shtuar se kjo bandë paguan qindramilionë lekë për të mbyllur gojën e mediave që të mos japin asnjë lajm në lidhje me këtë skandal.

“Të jesh i bindur që kjo shifër që unë denoncoj do të censurohet në të gjithë edicionet e lajmeve se paguhen nga kjo bandë”, tha Basha.

Kryetari i Partisë Demokratike, Lulzim Basha i ftuar në emisionin “Opinion”, ka hedhur akuza ndaj mazhorancës.

Opozita mund të fitojë zgjedhjet në çdo moment që mund të mbahen, Basha denoncoi sërish pagesat për inceneratorët.

“Unë kam planin, vizionin dhe ambicien për të larguar Ramën një orë e më parë. PD dhe opozita e bashkuar do t’i fitojnë këto zgjedhje. Opozita e bashkuar ka vetëm një qëndrim. Kjo që ka ndodhur këto dy javës, ka qenë një manovër e dëshpëruar tipike e autokratëve në fund të mandatit të tyre.

I gjithë ky diskurs jo reforma zgjedhore, akti terrorist me Teatrin, përpjekja për të ringjallur debatin për reformën në drejtësi, është një përpjekje e Edi Ramës për të hequr vëmendjen e asaj që ndodh në Shqipëri, kriza e thellë ekonomike dhe politike. Sot më 28 maj i ka paguar këtyre të bandës së Lushnjës 720 mijë euro.

Detyrim kapari korruptiv. Është vepër kriminale e Edi Ramës, Erion Veliajt dhe Arben Ahmetajt. Ky është një nga vendet e pakta ku unë jam censuruar. Ndërkohë, mijëra familje nuk kanë përfituar pagën e luftës”,-tha Basha.

Kreu i Partisë Demokratike, Lulzim Basha thotë se reforma zgjedhore është një nga 15 kushtet e Bashkimit Evropian dhe për këtë arsye, opozita po kontribuon për ta përmbushur.

I ftuar në “Opinion”, Basha tha se nuk ka pritshmëri nga kjo reformë, pasi ajo nuk çmonton mekanizmin që sjell deputetë kriminelë në Parlament.

“Mos harroni kjo është pjesë e 15 kushte e Bashkimit Evropian dhe është i vetmi kusht ku opozita ka një rol. Nuk kemi ndonjë pritshmëri të madhe tek ajo reformë. Ajo që ka publikuar Bild është maja e ajsbergut të një projekti të tmerrshëm që fillon nga Tirana tek fshati më i largët.

E vetmja zgjidhje është largimi i Edi Ramës dhe ai e ka deklaruar se nuk ka ndërmend të largohet. Garancia ligjore do të kishte një qeveri tranzitore”.

“Një reformë zgjedhore e vërtetë është ajo që çmontonte mekanizmin që u sjell shqiptarëve në Parlament kriminelë, bedelë”.