Lionel Messi e ka pranuar se ai kurrë nuk do të kishte mundur ta kishte paramenduar dëmin që e ka sjellë koronavirusi në botë, përderisa kapiteni i Barcelonës po bëhet gati ta rinisë kampionatin në La Liga në qershor.

Përhapja e Covid-19 në botë ka pasur ndikim të madh në jetët e përditshme të njerëzve kudo në planet, përderisa raportohet që në të gjithë globin kanë vdekur mbi 350 mijë njerëz shkaku i këtij virusi.

Edhe të gjitha aktivitetet sportive janë pezulluar që nga muaji mars, përkundër që aktivitetet në futboll tashmë kanë filluar gradualisht të kthehen. Bundesliga tashmë ka rinisur, ndërsa La Liga pritet të fillojë më 8 qershor.

Përderisa gjashtë-herë fituesi i Topit të Artë, Messi, e ka pasur të vështirë të mësohet me mënyrën e re të jetesës gjatë kësaj krize, ai thotë se mezi po pret të kthehet sërish në fushën e lojës.

“Nuk mendoj se dikush do të mundë ta kishte parashikuar këtë. Disa njerëz kanë paralajmëruar se mund të përballemi me ndonjë pandemi, por unë kurrë s’kam imagjinuar se diçka e tilla do të ndodhte, ose që diçka të ketë kaq ndikim të madh në të gjithë botën”, ka thënë Messi.

“Të jetosh dhe të punosh me kaq shumë pasiguri nuk është kurrë e lehtë, veçanërisht kur përballesh me situata të tilla të paprecedentë. Ne të gjithë mendonim kur do të mundë të kthehemi në punë, kur do të mundë të stërvitemi dhe të luajmë sërish. Për çdo futbollist, është vendimtare të qëndrosh i përqendruar kur të dalësh në fushë”.

Messi e komentoi edhe rinisjen e sezonit në La Liga pa praninë e tifozëve në stadiume.

“Po flitet që sezoni në ligën spanjolle do të përfundohet pa pasur tifozë të pranishëm në stadiume, që sjell plot sfida të reja”, shtoi Messi.

“Grupi përgatitet për çdo ndeshje në të njëjtën mënyrë, por individualisht çdo person duhet të përgatitur dhe ta mendojë se si do të jetë të luajë pa tifozë sepse është shumë e çuditshme. Mua m’u ishte dashur ta përjetoja këtë për një ndeshje si vendas, ishte e frikshme”.

“Por, është normale që liga dëshiron ta rinisë sezonin në këtë mënyrë, pas gjithçkaje që kemi kaluar. Duke pasur parasysh gjithçka që po ndodh në botë, është plotësisht e kuptueshme”.

“Kur ne të fillojmë të luajmë sërish, do të jetë sikur t’ia nisim nga fillimi. Ne do të kemi pak kohë të bëhemi gati para se të rinisë liga dhe do të na kthehen në skuadër disa lojtarë kyç që i kishim të lënduar. Teknikisht do të jetë sezoni i njëjtë, por mendoj se çdo skuadër dhe çdo lojtar do ta mendoj si sezon tjetër”.

“Edhe pse unë nuk po luaj më në nga dy ndeshje në javë, unë po tentoj të stërvitem çdo ditë dhe i bëj ushtrimet që po na i dërgojnë. Natyrisht që ka dallim të madh nga stërvitjet ekipore. Më e keqja është që s’i kemi ndeshjet e zakonshme që i bëjmë në stërvitje, por ky është normaliteti i ri me të cilin duhet të jetojmë”.

Trajneri i fitnesit në skuadrën e Lyonit, Paolo Rongoni, shpreson se Lazio do ta fitojë titullin në Serie A dhe paralajmëron se Lyoni do t’ia japë goditjen e fundit Juventusit.

Lyoni e fitoi 1:0 ndeshjen e parë të 1/8 së finales në Ligën e Kampionëve, ndërsa ndeshja e kthimit pritet të luhet në gusht.

Derisa Juventusi do të luajë për të luftuar për titull në Serie A në muajt në vazhdim, për Lyonin sezoni ka mbaruar, pasi Ligue 1 i dha fund atij para kohe për shkak të pandemisë koronavirus.

“Shpresoj se Lazio do ta fitojë titullin në Serie A. Shpresoj se pas kësaj do të ndodhë një rrëmujë e madhe në skuadrën e Juventusit dhe ne ia japim asaj goditjen e fundit”, shtoi ai.

“Ata pritet të vijnë në gjendje më të mirë fizike së ne pas 12 ndeshjeve. E vetmja mundësi që ne të kemi përparësi ndaj tyre është nëse gjërat nuk shkojnë mirë për Juventusin”, theksoi ai.

Gareth Bale thotë se akoma nuk mund ta kuptojë përse tifozët e Real Madridit vazhdojë të fishkëllejnë, duke e pranuar se vërshëllimat ia dëmtuar vetëbesimin.

Përfaqësuesi i Uellsit është fishkëllyer në disa raste nga përkrahësit e Real Madridit që prej se iu bashkua klubit nga Tottenhami në vitin 2013.

Në nëntor, Bale e festoi kualifikimin e Uellsit në Euro 2020 duke pozuar pranë një baneri me mbishkrimin: ‘Uellsi. Golfi. Madridi. Sipas Këtij Rendi”, duke i nxitur tifozët e Real Madridit ta fishkëllejnë edhe më zëshëm pas rikthimit në klub.

“Ne jemi nën presion të madh në çdo ndeshje. Nëse nuk luan mirë, të kritikojnë ashpër”, tha Bale.

“Mua më kanë fishkëllyer 80 mijë njerëz në stadium sepse nuk kam luajtur mirë. Më ka ndodhur disa herë. Nuk është mirë dhe nuk të ndihmon aspak në vetëbesim”, shtoi ai.

I pyetur përse e bëjnë një gjë të tillë, Bale u përgjigj: “Kjo është pyetja më e madhe dhe unë thjesht s’e kuptoj”.

Maradona, gjatë një Instagrami “live” ka kujtuar 35-vjetorin e ndeshjes kundër Venezuelës, e vlefshme për kualifikimin në Kupën e Botës ’86: “Ishte ndeshja ime e parë zyrtare, pas Botërorit ‘82. Në ato gati tri vite mungesë, unë kalova hepatitin, një frakturë të këmbës dhe disa probleme të tjera. Para se të fillonin ndeshjet e FIFA-s, ishin klubet, ato që kishin pasaportat e lojtarëve. Federatat nuk ishin të detyruara t’i tërhiqnin ato. Kjo ishte një goditje tjetër. Një botë tjetër.

Kur arrita në Venezuelë, një person më goditi në gju, sapo hyra në hotel. Sot nuk mund të ndodhë diçka e tillë. Kjo është arsyeja pse u them gazetarëve, të cilët sot bëjnë një mijë krahasime, një mijë statistika me ata që mendojnë se kanë zbuluar futbollin. Në futboll nuk bëhen dot krahasime të tilla epokash. Atëherë nuk ishte si tani. Ishte gjithçka ndryshe. Fushat, topi, paratë, gjyqtarët, trajnimet, stërvitjet, mjekësia, gazetaria, media, transporti, hotelet, pjesa tjetër…

“Fair play” nuk ekzistonte, asokohe të shkelmonin si gomarin. Nëse nuk do të ishte Kupa e Botës, nuk mund të flitej për parajsën. Kjo është arsyeja pse Bilardo, gjatë viteve të para, bashkoi një ekip kombëtar me lojtarët që luanin në Argjentinë. Nuk kishte “europianë”. Passarella, Burruchaga dhe Valdano, gjithashtu, u përjashtuan. Ata nuk u lejuan të vinin në kombëtare. Përkundër gjithë kësaj, dua t’ju them se nuk u largova kurrë nga kombëtarja. Unë kurrë nuk e hoqa fanellën time nga ekipi. Mos gënjeni njerëzit. Mos lejoni që karantina t’ju godasë, sepse, edhe kur nuk kam qenë atje, në kombëtare, 10 ka qenë gjithmonë e imja”.