Fiks Fare denoncoi mbrëmjen e së hënës një skandal në Bashkinë Krujë, e cila ka shpallur fituesin e një tenderi para se të hapen zarfet.

Kjo bashki ka ofruar plot 30 milionë lekë të vjetra (me TVSH) për të ruajtur një ekskavator, ndërkohë edhe miliona lekë të tjera për të bërë transportin e këtij mjeti. Por, përpos këtyre shumave të pazakonta, Fiks Fare zbuloi nga hulumtimet në dokumentet e këtij tenderi se fituesi ishte paracaktuar. Madje, ishte shkruar edhe emri i fituesit në fund të dokumenteve.

Para pak ditësh, Bashkia e Krujës hapi tenderin me objekt “shërbim i ruajtjes së Ekskavatorit të Bordit të Kullimit” për një periudhë 2 vjeçare. Shuma e akorduar, më saktësisht 2.576.824.67 lekë (me TVSH 30 milionë lekë), nuk po shkon për blerje ekskavatori! As për ruajtjen e të gjithë godinës së Bordit të Kullimit. Por, për ruajtjen e një ekskavatori! Bashkia i ka kopsitur mirë dokumentet, madje ka përpiluar qindra faqe për këtë tender. Ka bërë edhe specifikimet teknike, ku kërkon “shërbim në një vendroje në hyrjen kryesore me tre turne në të gjitha ditët kalendarike për të cilën lidhet kontrata, 8 orë në ditë”.

Kërkesat nuk janë për ruajtjen e bankave, madje as të rezervave shtetërore, apo institucioneve të rëndësisë së veçantë. Të gjitha, vetëm për një ekskavator, i cili fare mirë mund të ruhej brenda ambienteve të një godine. Ose, nga ndonjë familje apo punëtor i Bordit të Kullimit nëse do të jetë në punë.

Pasi siguruam dokumentet, gazetarët e Fiks Fare shkuan në Bordin e Kullimit në Fushë Krujë, ku një specialist pohoi se “dokumentet janë te Agjencia e Prokurimit, pa mbaruar punë agjencia e prokurimit, ne nuk na vjen asnjë dokument”. Ai tha se ekskavatori nuk ka një vend të caktuar, por disa vende. “Mund të jetë sot në punë në Nikël, nesër diku tjetër, do punojë terren më terren, në bazë të kanaleve dhe objekteve që ne punojmë”.

Ai thotë se për të gjitha dokumentet duhet të pyesësh në Krujë, te Agjencia e Prokurimit pasi “nuk të jap dot asnjë lloj xhevapi në kuptimin për këto se e di njësia e prokurimit”. Ai thotë se drejtoria nuk është e informuar se çfarë po ndodh me tenderin. “Me të mbaruar punë, filani do vijë me lidhë kontratën, normale që jemi detyruar ta lidhim” thotë ai, ndërsa gazetarët e pyesin se në dokumente ishte edhe emri i një firme. “Unë nuk e di çfarë ka ndodhur në prokurim, me të rrejtë” përfundoi ai.

Në materialet e publikuara nga Bashkia e Krujës në Agjencinë e Prokurimit Publik janë edhe dokumentet standarde të tenderit, ku janë të gjitha specifikimet apo edhe kërkesat. Sipas tyre, kohëzgjatja e kontratës është 24 muaj, ndërkohë që “Afati kohor për dorëzimin e ofertave ose kërkesave për pjesëmarrje është në datën 15.05.2020, ora 10:00”.

Një nga kriteret e tenderit është që “operatori ekonomik ofertues për të plotësuar këtë kriter duhet të ketë kryer shërbime të së njëjtës natyrë me objektin e prokurimit me një vlerë jo më të vogël se 40% e vlerës së përllogaritur të kontratës që prokurohet dhe konkretisht, të kryera gjatë tri viteve të fundit”. Duket se letrat janë kopsitur vetëm për një numër të caktuar shoqërish, apo ndonjë e preferuar, me qëllim që t’i realizojë të gjitha këto specifikime dhe t’i plotësojë të gjitha. Dhe, nëse s’ka konkurrent, atëherë fituesi do të përfitojë të gjithë shumën e akorduar nga Bashkia e Krujës.

Por nuk mbaron me kaq! Fiks Fare vijoi të hulumtojë dokumentet dhe në fund rezultoi se fituesi ishte paracaktuar! Sipas një dokumenti, Bashkia e Krujës ka edhe një “draft marrëveshje kuadër” me një firmë private. Në të thuhet se “emri i kontraktuesit është firma ‘GJOKA + A’ shpk, Shijak”. Pra, fituesi që duhej të shpallej në datë 15, është shpallur që para se të bëhet tenderi!

Gazetarët e Fiks Fare u ineteresuan edhe pranë Bashkisë Krujë për këtë tender, duke takuar përgjegjësin e prokurimeve Genc Halili. Gazetarët interesohen për dokumentet e tenderit, ndërsa z.Halili u përgjigjet shkurt se “bëj një kërkesë me shkrim dhe dorëzoje në protokoll, t’ua vë të gjitha në dispozicion pastaj.

I ke edhe në rrugë elektronike”. Fiksi e pyet se në fund të këtyre dokumenteve ishte edhe emri i një firme private, “GJOKA + A”, mos ndoshta e kishte fituar. Ai thotë se “jo mor, jo, jo. Jo, është shpall si të gjitha procedurat e tjera. Ditën e dorëzimit të ofertave do të bëhet edhe klasifikimi”. Në fund, ai i thotë se të bëjë kërkesë me shkrim për të marrë të gjitha dokumentet.

Ndërkohë, krahas ruajtjes së ekskavatorit, Bashkia e Krujës ka bërë edhe një tender tjetër për transportin e tij. Sipas këtij dokumenti, bashkia do të paguajë të tjera lekë për këtë ekskavator.

/Top Channel

Nuk është hera e parë që raportohet për lajme kur automjetet përfundojnë në duart e fëmijëve apo adoleshentëve. Një ngjarje e rëndë është regjisttruar sot në ish-kënetë të Durrësit. Një adoleshent 15-vjeçar ka qenë duke ngarë një makinë me shpejtësi 120 km/h çfarë ka shkaktuar edhe daljen e mjetit nga rruga.

Automjeti ka përfunduar në kanal ndërsa fatmirësisht nuk raportohet dëm në jetë njerëzore. Sipas një qytetari në vendin e ngjarjes, adoleshenti po ngiste me shpejtësi automjetin në një rrugë lagjeje ku ka shumë fëmijë. Në vendin e ngjarjes ka mbërritur policia dhe një karrotrec e cila po punon për nxjerrjen e mjetit prej kanalit.

Mesazhi i tij për JOQ Albania: Prsh JOQ deshiroja te ndaja me ju nje video ku nje 15 vjecar ngiste makinen ne nje rruge lagjeje me 120 km dhe perfundoi ne nje kanal ngjarja e ndodhur Durres Kenet dhe ne ate lagje ka shm femij ju lutem publikojeni anonim ju lutem.

“Alternativë Pro” është organizata që nuk e ka marrë ‘pushim’ periudhën e karantinimit prej koronavirusit. Edhe pse kanë filluar punën e tyre në terren më shumë se një vit më parë, të rinjtë kanë qënë një ndihmë gjatë periudhës së koronavirusit.

Ata kanë shkuar në çdo shtëpi me të moshuar duke iu ardhur në ndihmë për çdo nevojë dhe asistencë shëndetësore duke u matur diabetin, tensionin etj. Kanë qënë 150 vullnetarë ata që kanë marrë përsipër që të kujdesen për mbi 100 të moshuar në Shkodër.

Ndërkohë që ftojnë për ndihmë edhe moshatarët e tyre që të bëhen pjesë e punës së tyre. Motoja e tyre është; Eja dhe ti!

Mësova me hidhërim për ndarjen e papritur nga jeta të akademikut Gudar Beqirajt, profesorit, sportistit dhe njërit nga ekspertët më të njohur në fushën e informatikës dhe të statistikës. Mendimet dhe lutjet e mija janë me familjen, të afërmit dhe miqtë e dashamirët e tij të shumtë.

Emri i profesor Beqirajt lidhet pazgjidhshmërisht me njeriun që pasionet e tij të mëdha, matematikën dhe sportin gjithë jetën synoi t’i kthente në vlerë për shoqërinë shqiptare. Profesor Gudari do të mbahet mend për kontributin e tij të jashtëzakonshëm për sportin e peshëngritjes, promovimit dhe mbështetjes së kampionëve dhe të talentuarve të këtij sporti.

Me largimin e tij,shoqëria jonë humbi përgjithmonë një pasionant të palodhur në përpjekjet mbarëkombëtare në arsim, shkencë dhe sport. U prehtë në paqe!

Ish-Kryeministri Sali Berisha ka postuar denoncimin e një qytetari, i cili shkruan se flakët kanë përfshirë Ministrinë e Financave.

Në mesazhin e shpërndarë nga Berisha, sipas qytetarit, zjarri është i qëllimshëm dhe nga godina ka nisur që të dalë tym.

Postimi i ish-Kryeministrit Berisha

Qytetari dixhital denoncon:

Bie zjarr ne Ministrine e Financave!

Lexoni mesazhin e tij. sb.

Pershendetje dr Ka ra zjarre ne ministrin e financave ne keto momende po del tym Dhe.mendoj se eshte zjarrvenie e qellimshme.

Mjeku Petrit Vargu ka folur për situatën e korónavirusit në Shqipëri duke thënë se ka shumë pikëpyetje sa i përket hapjes së lokaleve dhe restoranteve që do të bëhet nga java e ardhshme. Duke folur për emisionin “Pasdite me Xhaxhiun” në Fax News, Vargu tha:

“Duhet të kishte dalë një udhëheqës për baret dhe restorantet që mendohet të hapen javës tjetër, sa do të ketë largësi, si do të jetë dezinfektimi. Këtu nuk flet asnjeri, gjithcka lihet në momentin e fundit. Nëse dezinfektimi do të jetë nga autoritete të certifikuara apo nga vetë pronarët. Pra, unë nuk e shoh shumë rolin drejtues të atyre që drejtojnë, sidomos Ministrisë së Shëndetësisë.”

Sa i përket Komitetit Teknik për korónavirusin, Vargu zbuloi disa detaje për mjeken Silva Bino dhe Mira Rakacollin.

“Nëse do më pyesni a janë komitet ekspertësh, do të thoja që janë më tepër ekspertë ínfeksionistë se sa epidemiologë. E gjithë bota lufton me epidemiologë, i njohim të gjithë kokat që drejtojnë. Në Shqipëri nuk kemi një “kokë” që drejton.

Është edhe e nderuara kolegia Silva Bino, është mjeke ínfeksioniste. Nëse ka bërë ndonjë kurs, ka bërë mirë, por unë nuk di që të ketë mbaruar 3 apo 4 vjecarin për Epidemiologji. Mira Rakacolli është neurologia më e mirë në Shqipëri, por unë e di që vëllai i saj është shok me Ilir Beqajn”, tha Vargu.

Një ngjarje e rèndë ka ndodhur në fshatin Jaupas të Bashkisë së Poliçanit ku një i moshuar është gòditur për vdèkje nga një bashkëfshatar i saj.

Burimet bëjnë të ditur5 se emri i viktímës është Ramadan Çela 73-vjeç i cili është gòditur me mjet të prerës thíkë nga bashkëfshatari i tij, 43-vjeçari Hamza Çela.

Pas kësaj, 73-vjeçari ka ndërruar jetë si pasojë e plágëve të marra.

Pòlicia ka mbërritur në vendngjarje dhe po punon për zbardhjen e kësaj ngjarje të rèndë.