Nga Ylli MANJANI

Ky projekti që ofron propaganda talebane për Teatrin e ri është i tmerrshëm! Qendër polifunksionale, ku do ketë edhe teatër!!! Kështu thonë. Nuk e fshehin fare.

Vizualisht atë moket, refuzoj ta pranoj si Teatër Kombëtar, sepse nga lart më ngjan si hidrovor komunist, ndërsa nga para duket si fabrikë e përpunimit të hashashit.

Turp e faqja e zezë!

Akoma pa larë duart nga krimi që bënë, nxitojnë të na fyejnë deri në palcë! Duhet rindërtuar teatri pa asnjë dyshim, por sipas projektit origjinal Italian e jo shpikjes korruptive talebane.

Sigurisht me materiale të kohës që e bëjnë edhe më të fortë godinën sipas atij projekti.

Kjo është zgjidhja. Këtë bën e gjithë Evropa që i ruan me fanatizëm projektet dhe godinat e vjetra. Por këtë zgjidhje nuk e bëjnë dot talebanët,që sot kanë kundër jo vetëm shqiptarët, por edhe evropianët.

Ndaj duhet refuzuar ajo magazinë hashashi që propozojnë në mes të Tiranës.

P.S. Në fakt ky pisllëk propagandistik, që kërkon të harrohet krimi i dhunës eksteme, nuk meriton koment sepse atë do propaganda. Por nga ana tjetër nuk mund të kalojë me “miratim në heshtje”, sepse është monument pisllëku, monument korrupsioni, monument hashashi…

Zëdhënënsja e PD, Ina Zhupa e ka faktuar me zë dhe me figurë një ndër mashtrimet e kryebashkiakut të Tiranës për Teatrin Kombëtar.

Në video, Veliaj shprehet se: “E verifikuam sërish për herë të dytë dhe insituti i ndërtimit sërish tha kjo ndërtesë është e rrezikshme”.

Por kjo deklaratë bie në kundërshti me drejtuesin e atij instituti i cili shprehet se: “Me ndërrimin e pronësisë Bashkia e Tiranës ka kërkuar që neve ta interpretojmë dhe ta shikojmë sesi është gjendja e TK. Ne nuk e kemi parë të arsyeshme që neve të vemë ta shikojmë, pasi aty nuk është bërë asnjë lëvizje që të jetë degraduar më shumë në konkluzionet e nxjerra në vitin 2018, janë po ato konkluzione që kanë dalë në raportin sot”.

Kjo vërteton se nuk është bërë asnjë inspektim i dytë. Sias Zhupës, u hap sheshi për ndërtimin e kullave nga pas që teatri iu prishte punë.

Reagimi i plotë

Asnje inspektim i dyte nuk eshte bere, kryebetonieri Veliaj vazhdon genjeshtrat per krimin me Teatrin Kombetar!

Doli kudo bashke me Maznikun e hoteleve me Fushen, dhe thane qe ajo godine sipas nje inspektimi te dyte do binte nga dita ne dite dhe ndaj e prishen naten kunder cdo gjeje ligjore.

Vete drejtuesi i atij instituti politik Agron Hysenlliu e pranon ne lidhje telefonike me TVT qe eshte vetem raporti pacavure i 2018 kane bere me inspektimin. Por ky “raport” u hodh poshte nga termetet, edhe sidomos nga ai i 26 nentorit ku teatri nuk pesoi asgje!

Naten, me gaz, me polici, pa ligj po hapnin sheshin e ndertimit per kullat nga pas qe teatri i prishte pune BANDES se KULLAVE te PASTRIMIT te PARAVE te PISTA.

“Europa Nostra” i ka dërguar një letër Ministres së Kulturës së BE-së, Nina Obuljen – Koržinek që të dënohet në mbledhjen e radhës së Këshillit të Ministrave të BE-së shembja e Teatrit Kombëtar Shqiptar.

Sipas “Europa Nostra”, shembja u bë duke shfrytëzuar gjendjen e emergjencës në kushtet e pandemisë pa u negociuar me artistët e shoqërinë civile dhe meriton një dënim të fortë nga ndërkombëtarët.

Letra është shpërndarë ne rrjetet sociale nga Aleanca për Mbrojtjen e Teatrit.

LETRA E PLOTË
Hagë, 18 maj 2020
Në vëmendjen personale urgjente të
Zonja Nina Obuljen – Koržinek
Ministre i Kulturës

Ushtruese e Detyrës së Kryetarit të Këshillit të Ministrave të BE-së
Re: Dënim i fortë i shembjes brutale të Teatrit Kombëtar Shqiptar në Tiranë
E nderuar zonja Ministre,

E nderuar zonja Kryetare e Këshillit të Ministrave të BE-së,

Në prag të mbledhjes së nesërme (përmes video konferencës) të Këshillit të Ministrave të BE-së, në të cilën Ministrat e Kulturës të BE-së pritet të miratojnë konkluzionet e Këshillit mbi “Nxitjen e bashkëpunimit evropian në lidhje me trashëgimininë kulturore në rrezik”, ju bëjmë thirrje që të transmetoni tek të gjithë anëtarët e Këshillit të BE-së dënimin tonë më të fortë për shembjen brutale të Teatrit Kombëtar në Tiranë që u zhvillua dje.

Siç mund ta dini, një aleancë e madhe e përbërë nga artistë, intelektualë, ekspertë të trashëgimisë dhe aktivistë të shoqërisë civile kanë luftuar – për disa vjet tani – për ruajtjen (me rinovim të nevojshëm) të Teatrit Kombëtar në Tiranë. Europa Nostra ka shprehur mbështetjen e tyre për këto përpjekje qysh në vitin 2018, gjatë Vitit Europian të Trashëgimisë Kulturore dhe ka përcjellë shqetësimet tona për prishjen e planifikuar të këtij Teatri tek autoritetet më të larta të Shqipërisë. Kohët e fundit, Teatri Kombëtar në Tiranë është përfshirë në listën e vitit 2020 të 7 vendndodhjeve më të rrezikuara në Europë. Kjo u bë publike në 24 Mars 2020 bashkërisht nga Europa Nostra dhe nga partneri ynë i paçmuar Instituti Europian i Bankës së Investimeve. Komisioni Europian – përmes Komisionerit të BE Mariya Gabriel, ka shprehur gjithashtu mbështetjen e tij për mbrojtjen e të gjitha vendeve të përfshira në Listën tonë, përfshirë Teatrin Kombëtar në Tiranë.

Pas përshkallëzimit të rrezikshëm të situatës së javës së kaluar të shkaktuar nga transferimi i përgjegjësisë për Teatrin në Bashkinë e Tiranës dhe një vendim për prishjen e Teatrit – marrë pas dyerve të mbyllura – nga Këshilli Bashkiak i Tiranës, Europa Nostra bëri një deklaratë publike duke kundërshtuar çdo përpjekje për prishjen e një ndërtese emblematike të vendosur në ansamblin historik të mbrojtur në qendër të Tiranës, dhe të mbështetur nga ekspertë dhe aktivistë të shoqërisë civile. Komisionerja e BE, Mariya Gabriel, të nesërmen u kërkoi autoriteteve shqiptare që të angazhohen në një dialog konstruktiv me shoqërinë civile dhe ekspertë të trashëgimisë kulturore përpara se të marrin ndonjë vendim të pakthyeshëm. Për më tepër, Presidenti i Republikës kishte parashtruar një kërkesë në Gjykatën Kushtetuese të Shqipërisë për të shqyrtuar ligjshmërinë e vendimit të Këshillit Bashkiak për prishjen e Teatrit.

Në vend që të merrnin kohë për të shqyrtuar ligjshmërinë e vendimit të tyre, dhe të hapnin dialogun me shoqërinë civile dhe ekspertët, autoritetet shqiptare vendosën të shfrytëzojnë ditën e fundit të masave të veçanta të urgjencës shëndetësore të ndërmarra si përgjigje për pandeminë COVID19, për të shkatërruar Teatri. Në orët e para të mëngjesit të së dielës, 17 maj, ata dërguan një numër të madh policësh për të rrethuar Teatrin dhe për të arrestuar rreth 30 artistë dhe aktivistë të shoqërisë civile që kanë mbrojtur teatrin 24/24 orë në ditë për dy vitet e fundit. Ata gjithashtu kanë dërguar buldozerë për të prishur brutalisht teatrin: jo vetëm që ata fshinë dhe shndërruan në rrënoja një bazë të rëndësishme të historisë së hershme të Tiranës si kryeqytet i Shqipërisë, por edhe të gjitha objektet dhe arkivat që formonin një pjesë të kujtesës së këtij institucion i rëndësishëm kulturor.

Europa Nostra, Zëri Europian i Shoqërisë Civile i përkushtuar ndaj Trashëgimisë Kulturore, dëshiron të përcjellë te Ministrat e Kulturës të BE-së shprehjen e dënimit tonë të fortë për këtë akt brutal. Ne besojmë se 17 maji ishte një ditë e trishtuar për trashëgiminë kulturore në Shqipëri dhe në Europë në tërësi. Dhe ishte gjithashtu një ditë e trishtuar për demokracinë dhe respektimin e shtetit të së drejtës dhe të drejtave të njeriut në Shqipëri dhe në Europë në tërësi.

Ne i kërkojmë Ministrat e BE-së të ritheksojnë që mbrojtja e trashëgimisë kulturore dhe e kujtesës sonë kulturore dhe historike përfaqëson një nga vlerat themelore të BE-së dhe të shprehë solidaritetin e tyre me të gjithë qytetarët në Shqipëri, të cilët janë të përkushtuar për ruajtjen e identitetit kulturor të vendit të tyre, i cili bën pjesë në historinë dhe kulturën e përbashkët dhe të larmishme të Evropës.

Ne gjithashtu kërkojmë nga Ministrat e Kulturës të BE të insistojnë në rëndësinë e kulturës dhe trashëgimisë kulturore brenda procesit të vazhdueshëm të zgjerimit të Bashkimit Evropian.

Europa Nostra qëndron në dispozicion të Këshillit të Ministrave të BE-së, dhe të të gjitha institucioneve të BE-së për të nxitur bashkëpunimin europian për mbrojtjen e trashëgimisë sonë kulturore, si një katalizator i fuqishëm për të ardhmen e Evropës, për të cituar Manifestin tonë të Ditës së Evropës të miratuar më 9 maj 2020.

Me respekt dhe përzemërsi i juaji,
Presidenti Ekzekutiv Dr Hermann Parzinger

Kopje për:
Zonja Mariya Gabriel, Komisioneri e BE-së për Inovacionin, Kërkimin, Kulturën, Edukimin, Rininë dhe Sportin

Z. Oliver Varhelyi, Komisioneri i BE për Fqinjësinë dhe Zgjerimin

Z. Josep Borrell, Zëvendës President i KE & Përfaqësues i Lartë për Çështjet e Jashtme dhe Politikën e Sigurisë

Kryetari i PD, Lulzim Basha ka folur për mediat pas takimit me ambasadorët e BE, çfarë u diskutua në takimin midis tyre, zhvilluar sot në selinë e PD.

Basha tha ndër të tjera se, ne do të bëjmë gjithçka që kemi në dorë për zgjedhje të lira dhe të ndershme dhe për t’i dhënë fund kësaj krize që ka shkaktuar një kryeministër që edhe në kohën e pandemisë ka gjetur vend për të vjedhur.

Pjesë nga deklarata e kryetarit Basha

Në vend që të ecej në drejtim të 15 kushteve për hapjen e negociatave, që janë dhe hapat për të dalë nga kriza në vend, Shqipëria po bën hapa mbrapa. Për shkak të Edi Ramës, kriza po thellohet, veprimet e javëve të fundit po e thellojnë edhe më shumë krizën politike, po elargojnë edhe më shumë Shqipërinë nga Europa.

Opozita mbetet e përkushtuar për ecjen e Shqipërisë në rrugën e integrimit dhe në plotësimin e 15 kushteve, sepse kjo është mënyra e vetme për t’u shërbyer njerëzve, ndaj sot kam kërkuar nga ambasadorët e vendeve anëtare të BE-së, ndihmën e vendeve anëtare që Shqipëria të mund të plotësojë kushtet për integrimin, që të mundë të hapë negociatat, të mund të ketë ndihmën e nevojshme politike dhe financiare që ka sot nevojë më shumë se kurrë për të përballuar situatën krejtësisht në krizë politike, ekonomike, sociale dhe ka edhe më të nevojshme për shkak të pasojave shkatërruese të COVID-19.

Çështja e dytë është çështja e ekonomisë, ku Shqipëria për shkak të vendimeve të Edi Ramës për t’i çuar paratë edhe në kohë pandemie te një grusht oligarkësh me afera korruptive dhe jo tek njerëzit në nevojë, si rezultat shumica dërrmuese e shqiptarëve gjenden në kushte pamundësie ekstreme.

50% e popullsisë para pandemisë ishte në kushte varfërie, tani kjo përqindje ka shkuar thuajse në 7 në dhjetë familje shqiptare, e shohin veten në zgrip. Në fundin e majit nuk do të ketë asnjë mbështetje simbolike. Në tërësi situate e familjeve është shumë e vështirë që nga nevojat bazë, biznesi që po mbyllet, bizneset e mëdha prodhuese po vijnë në vështirësi të mëdha, bujqësia është ën situatë të ëvshtirë.

Në këtë kuadër duke i falenderuar për ndihmën që i kanë rezervuar Shqipërisë në kuadrin e solidaritetit për të gjitha vendet e Ballkanit perëndimore, kam kërkuar që pranë qeverive të tyre të bëjnë apel të shikojnë mundësinë e rritjes së mbështetjes ekonomike për vendin.

Këto qenë dy shqetësimet kryesore që kamë ndarë me ta. E para që ky Kryeministër e kjo qeveri, jo vetëm nuk po e ndihmojnë, por e pengojnë integrimin, ku I kam siguruara që unë personalisish dhe I gjithë koalicioni opozitar do të bëjë gjithçka për të ecur përpara me procesin e integrimit dhe së dyti, katastrofa ekonomike që ndohet vendi dhe që së bashku me BE të farkëtojmë një plan jo për të dalë nga kjo situatë, por një plan afatmesëm dhe afatgjatë masash për të mbështetur njerëzit, familjet shqiptare, veçanërisht për krizën ekonomike, punësimin që po kthehet në një plagë që ishte e madhe edhe para pandemisë.

Avokatja e Popullit Erinda Ballanca ka gjetur një sërë shkeljesh ligjore nga ana e institucioneve shtetërore në çështjen e shembjes së Teatrit Kombëtar.

E ftuar në televizionin Ora News, Zonja Ballanca tha se ‘shembja është një çështje, e cila do të ngrejë shumë problematika, dhe kërkon një diskutim të thellë.’

Avokatja e Popullit theksoi se vendimi për prishjen e ndërtesave të teatrit është bërë në shkelje të ligjit pasi është bërë pa u marrë leja për projektin e ri:

“Asgjë nuk ishte normale, asgjë nuk ishte ashtu sikurse duhet të zbatohej ligji. Është e qartë se asnjë ndërtim nuk prishet pa u marrë leja për projektin e ri.

Parimisht leja për prishjen merret nga një institucion përkatës me projektin e ri. Këshilli Bashkiak, mori një miratim në cilësinë e pronarit pa një leje.

Ende nuk ka një fond dhe një projekt të miratuar për Teatrin e ri. Për çfarë arsyeja duhet të na japin një rrënojë në qendër të qytetit. Pse duhet që kjo bashki dhe qeveri, kur thoshte se nuk ka fonde për qytetarët, tani na dalin se paskan para për ndërtimin e një Teatri të ri”.

Edhe gjatë procesit të shembjes, Ballanca theksoi se policia ka vënë në rrezik jetën e qytetarëve duke nisur shembjen e ndërtesave kur brenda kishte ende njerëz:

“Do të jetë gjykata ajo që do të vendosë në fund. Është shkelja e të drejtave të njeriut, përderisa kërcënohen të drejtat kulturore dhe përderisa janë kërcënuar jetët e personave që kanë qenë brenda Teatrit”.

Avokatja e Popullit dënoi dhe dhunën e ushtruar nga policia tek qytetarët që protestuan kundër shembjes së teatrit gjatë së dielës 17 maj.

Një përballje në studion televizive të T7, të Berat Buzhalës, e të ftuarit Rron Gjinovci, me kryeministrin Edi Rama, lidhur me ngjarjen e Teatrit Kombëtar është bërë virale.

Njerëzit po e ndajnë momentin, kur ai e vendos Ramën në një pozicion shumë të vështirë, duke i thënë, se: S’kam ça mësoj prej teje, përveçse me qënë diktator dhe arrogant.

Po ashtu, Gjinovci, duke parë dhunën talebane siç e cilëson ai, dhe duke njohur planin për kullat e oligarkëve në sheshin e Teatrit, i thotë kryeministrit, se vetëm ndërhyrje estetike nuk mund ta emërtojë më atë çfarë ndodhi dy ditë më parë në Tiranë.